ඉන්ද්‍රානිගේ කතාව : පොලිස් වධහිංසාව සහ බොරු නඩු දැමිම

ඇය නමින් ඉන්ද්‍රානි මල්ලිකාය. ඉදිගස්තුඩුව ගමේ අය බෝහො දෙනෙක් ඇයව හදුනන්නේ නොනා ලෙසය. ඇයට වයස අවුරුදු 38කි. දරු දෙදෙනෙකුගේ මවකි.

වැලිපැන්න පොලිසියේ සිවිල් ඇදුමින් සිටි නිළධාරින් 2010.10.11 දින සවස 5.30 ට පමණ ඇයව අත්අඩංගුවට ගත්හ. ඒ ඇය පන්සලේ කඨින පිංකමට සහ සිය මව බැලිමට පාරේ යමින් සිටියදිය. වැලිපැන්න පොලිසියේ උප පොලිස් පරීක්ෂක වර්ණකුලසුරිය ඇයව කොන්ඩෙන් අල්ලා ගෙන ලාඩප්පා පොල්ලකින් ඔලුවට ගසා ඇත. ඇය එය වැලැක්විමට අත ඇල්ලුවිට අතද තුවාල විය. පසුව ඇයව පොලිසියට රැගෙන ගොස් කුඩුවෙි සිටි පුද්ගලයාව එළියට ගෙන ඇයව ඇතුලට දමා ඇත.

ඇයව අත්අඩංගුවට ගැනිමට සමිබන්ධ වු වැලිපැන්න පොලිසියේ පොලිස් නිළධාරින්ගේ නමි හා අංක පහත පරිදිය.

1. උප පොලිස් පරික්ෂක වර්ණකුලසුරිය
2. පො කො පේමසිරි 33383
3.කාන්තා සි ආ කුමුදිනි 4101
4. පො කො ප්‍රියන්ත 1851
5. පො කො රාජපක්ෂ 82092

පසු දින දහවල් 12ට පමණ මතුගම මහේස්ත්‍රාත් අධිකරණයට ඉදිරිපත් කරන ලදි. ඇය වෙනුවෙන් පෙනි සිටි නීතිඥයාට පොලීසිය කතා කිරිමට පවා ඉඩදුන්නේ නැත. මහේස්ත්‍රාත්වරයා බන්ධනාගාරය මගින් ප්‍රතිකාර ලබා දිමට නියෝග කර ඇයව දවස් 11කට රිමාණ්ඩි කරන ලදි.

ඇය සිටියේ කලුතර බන්ධනාගාරයේ 01 වාටිටුවෙිය. එහි නිදා ගැනිමෙි ඉඩ පහසුකමි ඉතාම සිමාසහිත විය. නිදා ගැනිමෙිදි හැරෙන්නට කරන්නට බැරිය. බන්ධනාගාර නිළධාරිනියන් රිමාණ්ඩි කාන්තාවන් ගෙන් වැඩ ගනිති. ඔවුන්ට සුලබව ලැඛෙන වැඩ රාජකාරිය වන්නේ ටොයිලටි සේදිමය. ඇගේ අතේ තුවාලය නිසා ඇයට වැඩ කිරිමට පවසා නැත. අනිත් පහසුකමි හොදය. නෑමට ප්‍රමාණවත් වතුර ලැඛෙි. කෑම පොලිම පැන්නයි කියා නිළධාරින් ගහන්නේ හෝ බනින්නේ නැත. 2010.10.23 දින ඇය ඇප මත නිදහස් වුවාය.

බන්ධනාගාරයේදි එක් නිළධාරිනියක් කිවේ පොලිසිය සමග හරි අල්ලන්න යන්න එපා කියාය. ඇය සිය ඇදුමි සහ කරාබු දෙක ගන්නට ගිය විට තවත් නිළධාරිනියක් පවසා ඇත්තේ ප්‍රවෙිශමෙන් ඉන්නා ලෙසත් නැතිනමි පොලිසීය කුඩු පැකටි එකක් හෝ දමා නැවත මෙහාට එවන බවයි. ඇය වැඩිදුරටත් ඉන්ද්‍රානිට කියා ඇත්තේ බන්ධනාගාරයේ වැඩිපුර සිටින්නේ එහෙම අය බවයි.

ඉන්ද්‍රානි මල්ලිකාට පෙර වැරදි ඇත. ඇය කසිප්පු විකිණිමේද නිරතව සිට ඇත. ඇයට කසිප්පු බිස්නස් කරන අවධියේදි පොලිසියට මුදල් දෙන්නටත් නඩු දෙන්නටත් සිදුවිය. ඇය කසිප්පු විකිණිමෙි නිරත වුයේ 2008 වර්ෂයට පෙරය. ඉට පසුව ඇය මෙම නිති විරෝධි මත්පැන් අලෙවිය නතර කළාය.

2009.12.15 දින කසිප්පු පෙරිමට උපයෝගි කර ගන්නා ගෝඩා ඩ්‍රැමිස් 5888 ලග තබා ගැනිම යන ව්‍යාජ වොදනා නගමින් පොලිසිය ඉන්ද්‍රානිට විරුද්ධව නඩු පවරන ලදි. නඩු අංකය 48862/09 වේ. නඩුව තවදුරටත් ඉදිරියට පවත්වා ගෙන යානොහැකි බවත් චුදිත වරදකරු කිරිමෙි හැකියාවක් නොමැති බවත් පවසා අධිකරණය ඇයව නිදොස් කොට නිදහස් කරන ලදි. 2010 වසරේදි අංක 245/10 යනුවෙන් පොලිසි තවත් බොරු නඩුවක් පවරන ලදි. එම නඩුව තව දුරටත් විභාග වන අතර ඇයට ඇප ලැබිණි. ඒ රුපියල් 100000ක් වටිනා ශරීර ඇපයක් සහ රුපියල් 1000ක මුදල් ඇපයක් වශයෙනි.

හර්ෂි සි. පෙරේරා විසින් ලංකා ගාඩියන් වෙබ් අඩවියට ලියු ලිපියකි.