ආගම ඇදහීම හෝ නොඇදහිම මුලික මානව හිමිකමකි. ලොව බහුතර ආණ්ඩු මෙන් ලංකා ආණ්ඩුවද රටේ සිදුවන බොහෝ මානව හිමිකම් උල්ලන්ගනයන් වලදී නිහඩය. කිසිත් සිදු නොවූ ආකාරයට හැසිරෙයි. මෙය ආගමික නිදහස උල්ලංගනය වූ අවස්ථා සම්බන්දයෙන්ද පොදුය.
මේ තත්වය ඉතා බයානක ප්‍රතිපල උදා කරයි. ජාතික සමගියට බදාවකි. සුළුතරය අදහන ආගමකට කෙනෙහෙලිකම් කිරීම ඉතා නින්දා සහගතය. බොහෝකල් ගත වී හෝ මේවායේ අහිතකර ප්‍රතිපල වලට එම රටේ ජනයාට මුහුණදීමට සිදු වේ.
ලංකාවේ අද වන විට බහුතරය වන සිංහල බෝවුද්දයින්ගේ මැදිහත් වීමෙන් හතු පිපෙන්නාක් මෙන් තැනින් තැන බුදුපිළිම ඉදිකෙරේ. මෙහි බයානක කම නම් සුරුවම් අසලත් කිසිදු සිතා බැලීමකින් තොරව බුදු පිළිම ඉදි කිරීමට ඇතැමුන් ක්‍රියා කිරීමයි.
මේ අද මාද්‍ය වාර්තා කල ආගමකට සහ ආගම් ලබ්දියකින්ට ගැරහිය හැකි ඉතාම නින්දාසහගත අවස්ථාවකට නිදසුනකි.
අනුරාධපුර දේවානම් පියතිස්ස මාවතේ පිහිටි හින්දු කෝවිලකට 14 දා රාත‍්‍රී කිසියම් සාහසික කණ්ඩායමක් විසින් ගිනි තබා ඇතැයි ලංකා ඊ නිව්ස් වෙත වාර්තා වේ. 1983 සිට පවත්වාගෙන යන මෙම හින්දු කෝවිල දෙමළ ජනයා සේම සිංහල ජනයාද පුද පූජා පැවැත්වීමට පැමිණෙන ස්ථානයකි. මෙම කෝවිලෙහි තබා ඇති ගණ දෙවියන්ගේ ප‍්‍රතිමාවට ටයර් එකක් දමා ගිනි තබා ඇති අයුරු සේයාරුවෙන් දැක්වේ.
අන්‍යයන්ට ගරු කිරීම මනුස්සකමයි. මේ මනුස්සකම ආගම ඇදහීමට මෙන්ම ආගම නොහදා සිටීම සම්බන්දයෙන්ද බාවිතයට ගත යුතයි. සියලු නීති මගින් කල යුත්තේද එයයි. එනිසා නීති හදන නීති රකින ඒ ගැන සොයා බලන ආණ්ඩුව මේ අවස්ථාවේදීවත් තමන් සිටින මර නින්දෙන් අවදි විය යුතුය.
හර්ෂි සි. පෙරේරා
No comments:
Post a Comment