පොලිස් බල්ලා හා පොලිස් බල්ලෝ.


පැටිකිරියක් ඇති පොලිස් බල්ලා ගේ පස්සෙන් යන පැටිකිරියක් නැති පොලිස් කාරයෝ කාව හරි කුදලාගෙන ඇවිති වධ දි රිමාන්ඞ් කරවීම අද පෙලිසීයේ රාජකාරියයි.

ජයසුමන රණවිරු වෙකි. දෙදරු පියෙකි. නිවාඩුවට ගෙදර පැමිණි ඔහුට සැනසිමේ ඉන්නට නොහැකි විය. එ් පොලිස් බල්ලා වත්ත උඩින් යෑම නිසාය. සිද්ධිය පිළිබඳව ඔහු මානව හිමිකම් කොමිෂන් සභාව, පොලිස්පති හා පානදුර ජේ්‍යෂ්ඨ පොලිස් අධිකාරී වෙත කරන ලද ලිඛිත පැමිණිල්ලේ මෙසේ සඳහන් වේ.

‘‘2015.05.18 දින, පෙ:ව:9.50 ට බණ්ඩාරගම පොලිසියේ කොස්තාපල් ස`දරුවන් ඇතු`ඵ නිළධාරීන් තිදෙනෙක් පැමිණියා. දෙදෙනෙක් සිවිල් ඇඳුමින් සිටි අතර නිල ඇඳුමින් සිටිය නිලධාරියා සමග බල්ලෙකු ද සිටියා. බල්ලා මාගේ ගෙවත්තට ඇතුලූ වී, ගෙවත්ත හරහා උඩහට ගියා. 

පසුව එකී නිලධාරීන් වත්තට බල්ලා පැමිණි බව පවසා, මාගෙන් ප‍්‍රශ්ණ කරන්නට වුනා. මට උදේ 10ට පොලිසියට එන්න කිව්වා. එ් අනුව මා එදිනම උදේ 10.00 ට බණ්ඩාරගම පොලිසියට ගියා. උදේ 10 සිට සවස 7.00 දක්වා ඔවුන් මාව පොලිසියේ රඳවා තබා ගනිමින්, රස්තියාදු කර, අපරාධ අංශයේ පොලිස් පරීක්ෂක අර්ජුන නැමැති නිලධාරියා පැමිණෙන තෙක් ඉන්නා ලෙස පවසමින් රස්තියාදු කරනු ලැබුවා. නමුත් එකී නිලධාරියා පැමිණියේ නැහැ. සවස 7.00 පමණ මට ගෙදර යන්න කියා, පසුදින (19 දින* උදේ 10.00 ට නැවත පොලිසියට පැමිණෙන්න කිව්වා. 

එ් අනුව මා පසු දින (19 දින* උදේ 10.00 ට පොලිසියට ගියා. මාගෙන් කිසිඳු කටඋත්තරයක් නොගෙන පෙර දින සේම රඳවාගෙන සිට රාත‍්‍රී 8.00 ට පමණ කුඩුවට දැම්මා. පසුදින (20 දින* උදේ 10.00 ට පමණ මාව නැවත කූඩුවෙන් එළියට ගත්තා. මාව අපරාධ අංශයට ගෙන ගොස් සැරයන් කොඩිතුවක්කු විසින් කටඋත්තරයක් ගනු ලැබුවා. පසුව මාව පො.ප.අරජුන නැමැති පොලිස් පරීක්ෂකවරයා වෙත යොමු කලා. ඔහු කිව්වා ”උඹව මේකෙන් නිදහස් කරලා නෑ,  ඕනා උනොත් නැවත ගන්නවා” කියා, ගෙදර යන්න කිව්වා.

එසේ සිටියදී, 2015.05.21 දින, දහවල් 1.00 ට පමණ, පො.ප.අර්ජුන ඇතු`ඵ නිලධාරින් 05කු සිවිල් ඇඳුමින් යතුරු පැදි තුනකින් පැමිණියා. ඔවුන් පස් දෙනා නීති විරෝධී ලෙස කටයුතු කරමින් මාගේ නිවසට ඇතු`ඵ වී සම්පූර්ණයෙන්ම නිවසේ බඩු මුට්ටු ඇද දමා පරීක්ෂා කරනු ලැබුවා.

ඔවුන් මාගේ බැංකු පොත, අ`ඵතින් මිළට ගත් ඇඳ හා මෙට්ටයේ රිසිට් ද, කුඩා දරුවාට මිළට ගත් කුඩා බයිසිකලයේ රිසිට් පතද, බිරිඳගේ උකස් කරන ලද කරාබු කුට්ටමේ උකස් පත‍්‍රිකාවද ඔවුන් රැුගෙන ගියා.

අනතුරුව පො.ප.අර්ජුන මාව ඔවුන් පැමිණි යතුරු පැදියක දමාගෙන බණ්ඩාරගම පොලිසියට ගෙන ගියා. මාව පොලිසියට පිටින් බැරැුක්කයට ගෙන ගියා. පො.ප.අර්ජන කිව්වා මූව පොලිෂ් කරන්න කියා. මොවුන් මාව මෙසේ අත්අඩංගුවට ගත්තේ වැල්මල්ල ප‍්‍රදේශයේ නිවසක සිදුවූ සොකරමක් සම්බන්ධයෙන් බව මා දැනගත්තා. මාව පොලිෂ් කරන්න කිව්වේ පහර දෙන්නට යන අරුත යයි මට සිතුනා. මා පවසා සිටියා ”මට ගැහුව්වා නෙවෙයි, මරලා දැම්මත් මම මේ අපරාධය කලේ නැහැ” කියා. පසුව මාව අපරාධ අංශයට ගෙන ගියා. මගේ ඇගිලි සලකුණු ලබා ගත්තා. පසුව සැරයන් කොඩිතුවක්කු එදිනද කටඋත්තරයක් ලබා ගත්තා. 

පසුව මාව වෙනත් නිලධාරියකු විසින් ජීප් රථයකින් හොරණ මහේස්ත‍්‍රාත් අධිකරණයට ගෙන ගියා. එහිදී විනිසුරුවරයා සිටියේ වෙනත් කාමරයක. මාව එම කාමරයට ගෙන ගොස් ඉදිරිපත් කලා. මා වෙනුවෙන් නීතිඥවරයෙකු ඉදිරිපත් වුනා. මාව මාව එහි ගෙන යන විට සවස 4.00 පමණ වේ.

විනිසුරුවරයා පොලිස් නිලධාරියාගෙන් ඇසුවා, මේ හදිසියේ මෙයාව ගෙනාවේ ඇයි කියා. පොලිස් නිලධාරියා මොනවදෝ කිව්වා. පසුව විනිසුරුවරයා ඇසුවා බල්ලා කොච්චර දුරක් ගිහිල්ලාද වත්තට ආවේ කිය . ඔහු කිව්වා දන්නේ නැහැ කියා. එවිට විනිසුරුවරයා මගෙන් ඇසුවා බල්ලා කොච්චර දුරක් ගියාද කියා. මා කීවා මගේ වත්තට ඇතුල් වී වත්තෙන්ම උඩහට ගියා කියා. මා වෙනුවෙන් ඉදිරිපත් වූ නීතිඥවරයා මා වෙනුවෙන් කරුණු ඉදිරිපත් කලා. විනිසුරුවරයා ඇසුවා පෙර වැරදි තියෙනවාද කියා. මා කීවා මගේ අවුරුදු 35ටම මේ උසාවියකට ආවා කියා. එවිට මගේ ඇගිලි සලකුණු ගත්තාද ඇසුවා. මා ඔව් කිව්වා. 

එවිට විනිසුරුවරයා , ඇගිලි සලකුණු පිලිබඳ වාර්තාව පැමිණී පසු, උසාවියෙන් දැනුම දීමක් ආවොත් පමණක් නැවත පැමිණෙන් කියා මාව ඇප තැබීමක් හෝ නොමැතිව මුදා හැරියා.’’ 

තමන් ගේ නොහැකියාව වසා ගන්න දැන් පොලිසිය පාවිච්චි කරන්නේ සුනඛයා වය. 

Share on Google Plus

About janasansadaya

This is a short description in the author block about the author. You edit it by entering text in the "Biographical Info" field in the user admin panel.
    Blogger Comment
    Facebook Comment

1 ලිපිය පිලිබඳ අදහස් :

  1. ලක්ෂ ගණනින් මෙවන් පොලිස් බලු වැඩ සිදුවේ...නමුත් ඒ බල්ලන්ට දඩුවම් නැත.

    ReplyDelete