හරක් හොරකමකට ගුටිකන්න වුනු පුංචිහේවාට, මානව හිමිකම් කොමිෂම රු: 10,000/= ක වන්දියක් පිරිනමයි. Video attached




පුංචිහේවාගේ සුජිත් පෙරේරා, වෘත්තියෙන් මී ගවයින් බලා කියා ගන්නෙකි. 
2014 දී රත‍්‍රියේදී මොහුගේ නිවසට පැමිණෙන එවකට මිරිහාන පොලිසියේ රාජකාරි කල මුබාරක් නැමැති නිලධාරියා ප‍්‍රමු කණ්ඩායම මොහුව අත්අඩංගුවට ගෙන බොරු කියා මිරිහාන පොලීසිය ට ගෙන යන ලබයි. එහිදී මොහුට දස වධ දෙනු ලබයි. 

මොහුට වධ දෙන්නේ, හරක් හොරකම් කල අය කව් ද කියා හෙළි කරන ලෙසට ඉල්ලමින්ය. 

එ් අතර, හරක් නැතිවූ බවට පැමිණිලිකර තිබෙන පුද්ගලයෙකුට රුපියල් ලක්ෂ දෙකක් දෙන ලෙසටද පුංචිහේවාට කියයි. 

මෙම සිද්ධිය එම කාලවකවානුවේ සිරස ප‍්‍රවෘත්ති ඔස්සේ කිහිප වරක්ම, හෙළිකරන ලදි. මානව හිමිකම් කොමිෂමට පුංචිහේවා ඇතුලූ පිරිස යන අවස්ථාවන්ද පෙන්වා සිටින ලදි.

මානව හිමිකම් කොමිෂමේ විමරශණ නිලධාරී, මුල් අවස්ථාවේ උත්සාහ ගත්තේ, පුංචිහේවා අධෛර්යට පත් කර, වධකයා බේරා ගැනීමටය. නමුත් එය ව්‍යාර්ථ විය.

වර්ථමාන කොමිෂන් සභාව 2014 දී වූ මේ සිද්ධිය පිළිබඳව අධ්‍යයනය කර, නිකුත් කර තිබෙන නිර්දේශයන්, පොලිස් වධහිංසා පැමිණවීම ආයතනික වූවක් බව තහවුරු කරයි. පොලිස්පති වගකිව යුතු බව කියයි. 

මෙම තරුණයා සමාජයේ කොන්වූ ජන කොටසට අයත් වූවෙකි. කිසි දිනෙක පාසල් ගොස් නැත. හරක් බලා ගැනීම හා අසල්වැසියන්ට බැලමෙහෙවරකම් කර දිවි ගැටගහ ගනී. දැනට 26 වැනි වියේ පසුවෙති. තවමත් අවිවාහකය. විටින් විට පොලිසිය මොහුට අඩත්තෙට්ටම් කරයි. 

ඔහු ලබා තිබෙන පන්නරය නිසා, එ් සෑම අවස්ථාවකම පොලීසිය අභියෝග කිරීමට පසුබට නොවෙති.

මානව හිමිකම් කොමිෂන් සභාවේ නිර්දේශයට අනුව, පොලිස්පතිට ගෙවන්න නියම කර තිබෙන රු: 10,000/= වන්දිය,  ඔහු විඳි වධෙවිදනාවලට කිසිසේත්ම සාපේක්ෂ නැත. එහෙත්, එම මුදලට 
සාපේක්ෂ වටිනා කමක් ඇත. 

එම මුදල කල්නොයවා රටවැසියන්ගේ බදු මුදලින්, ගෙවීමට තරම් පොලිස්පති ශීලාචාර වනු ඇතැයිද යන්න බලා සිටිමු.

"ධම්මෝ රක්ඛති ධර්මචාරී" - හොඳ පැටිකිරියක් ඇති පොලිස්  සුනඛයින්ට සීමා නොවනු ඇතැයි සිතමු.    



Share on Google Plus

About janasansadaya

This is a short description in the author block about the author. You edit it by entering text in the "Biographical Info" field in the user admin panel.
    Blogger Comment
    Facebook Comment

0 ලිපිය පිලිබඳ අදහස් :

Post a Comment