මිනිහාව බලන්න ගිය ගෑනිව අල්ලා කුඩු දමා රිමාන්ඞ් කරවයි.

 

ඇගේ වයස අවු: 20 යි, බැඳලා මාස කිහිපයයි. සැමියාට අවු: 24 යි.ඔහු මාදැල් ධීවරයෙක්.

කොරෝනා ඇඳිරි නීතිය කඩ කරමින්, යතුරුපැදියකින් ගමන් කරමින් සිටි සැමියාව හා යතුරුපැදි හිමිකරුවාව අත්අඩංගුවට පත්විය. ඒ පානදුර කොට්ඨාශ අපරාධ විමර්ශන අංශයේ නිලධාරීන් පිරිසකගේ සෝදිසි මෙහෙයුමකදී ය.

සැමියාගේ පුවලේ උදවිය මත්ද්‍රව්‍යය ජාවාරමට සම්බන්ධ නිසා, අත්අඩංගුවට පත්වන අවස්ථාවේ ඔවුන් ළඟ "කුඩු” නොතිබුනද, එම නිලධාරින්, සැමියා සමග මිතුරාවද, නිවසට රැගෙන විත්, සෝදිසි කරනු ලැබීය.ඒ  අවස්ථාවේදී ද ‘‘කුඩු” හමුවී නැත.

සැමියාව හා මිතුරාව පොලීසියට ගෙන යන බව පැවසූ නිලධාරීන්, නිවැසියන්ට ද එන්න යයි දැන්වීය.ඒ අනුව, බිරිඳ හා මිතුරාගේ ඥතීන්, පානදුර පොලිස් අධිකාරී කාර්යාලයට යන ලදි.

එහිදී, බිරිඳව රඳවාගෙන, අත්අඩංගුවට ගෙන තිබූ මිතුරා සමග අන් අයව මුදාහරිනු ලැබය. පසුදින සැමියාව හා බිරිඳව අධිකරණයට ඉදරිපත් කළේ, ගොතන ලද කථාවක්ද සමගය.

ඔවුන් සතුව පිළිවෙලින් ”කුඩු” මි.ග‍්‍රෑම් 2300 ක් හා 2330 ක් තිබූ බවටද, චෝදනා කරමින්ය.

නමුත් අධිකරණයට ඇල්ලූ බව කියන ‘‘කුඩු” ඉදිරිපත් කළ බවට එම ‘‘කුඩු” රස පරීක්ෂක ට යැවූ බවට හෝ  සටහනක්, නඩු වාර්තාවේ නැත. 

මේ සිය`ඵම කරුණු ඇතුළත්ව, රජයේ වගකිව යුත්තන්ව දැනුවත් කරන බිරිඳ ගේ මව බොරු නඩු දමා මාස ගනන් නිර්දෝෂී පුද්ගලයින්ව රිමාන්ඞ් කරවා තැබීමෙන්, කුඩු මර්දනය කළනොහැක බව අවධාරණය කරයි.

ඇය, වගකිව යුත්තන්ට කර තිබෙන ලිඛිත පැමිණිල්ලේ උද්ධෘතයන් කිහිපයක් පහත දක්වමු.

එමගින්, පොලීසිය කුඩු මර්දනය මුවාවෙන් අධිකරණය පාවිච්චි කරන අයුරුද, පොලීසිය මාධ්‍යය උපයෝගී කරගෙන ජනතාව රවටන්න ගන්නා උත්සාහයද, ආණ්ඩුවට ලණු දෙන අයුරුද පැහැදිළි වේ.

‘‘ පොලිස්පති ,    පොලිස් මූලස්ථානය  , කොළඹ 01

  අත්අඩංගුවට ගෙන, ව්‍යාජ චෝදනා නගා බන්ධනාගාර ගත කිරීම.

********පෙරේරා, අවු: 40 යි, *****5020 -  විවාහක, දරුවන් 02 යි, රැකියාව: *** සේවිකා, ලිපිනය: ***** වාද්දුව. දු.අ. *****2

2020.08.20 වන දින දීය.

(1) වීරසිංහ ******* සිල්වා, අවු: 22 යි දියණිය.

(2) සුද*******අවු: 24, බෑනා.

දියණිය, ඇඟලුම් සේවිකාවක් වන අතර, බෑනා ධීවර රැකියාවක යෙදේ.

බෑනා, 2020.04.29 වන දින, ඇඳිරි නීතිය පවතිත්දී, බෑනා හා උඩුවරගේ *****8යන අය, දහවල් 11.30 ට පමණ, වාද්දුව සොහොන් පිටිය අසලදී, අත්අඩංගුවට පත්ව තිබේ.

එසේ අත්අඩංගුවට ගන්නා ලද්දේ පානදුර කොට්ඨාශ අපරාධ විමර්ශන අංශයේ නිලධාරීන් විසින්ය.

ඒ අවස්ථාවේදී, ඔවුන්ව, පරීක්ෂා කර, සැක කටයුතු කිසිවක් නොතිබූ හෙයින්, බෑනාව සහ මිතුරාව, මහ ගෙදරට ගොස් තිබේ.

බෑනා හා දියණිය පදිංචිව සිටින්නේ, බෑනාගේ දෙමාපියන් සමග වාද්දුව, ***********තේය.

එම නිලධාරීන්, එම නිවස සෝදිසි කර ඇත. කිසිදු නීති විරෝධී දෙයක් හමුවී නැත.

ඉන්පසුව, බෑනාව හා මිතුරාව පොලීසියට ගෙන යන බව පවසා, එම නිලධාරීන් ඔවුන්ව රැගෙන යන ලදි.

මාගේ දියණිය, ****, බෑනාගේ අක්කා, *****8, නිදු*****නැන්දනිය, ******** ත‍්‍රී රෝද රථයකින්, වාද්වාදුව පොලීසියට යන ලදි.

වාද්දුව පොලීසිය, ඔවුන් විසින් අත්අඩංගුවට ගැනීමක් කර නැති බව පවසා ඇත. ඊළඟට එම පිරිස, වලාන  දුෂණ මර්දන ඒකයට ගොස් ඇත. එහිදී ලැබී ඇත්තේ එම පිළිතුරයි. 

ඉන්පසු, පානදුර, වැල්ලබඩ පොලීස් අධිකාරී කාර්යාලයට පැමිණ ඇත. එහි පැරණි ගොඩනැගිල්ලේ ඔවුන් දෙදෙනා සිට ඇත.

බෑනා සමග අත්අඩංගුවට ගන්නා ලද, ******, එම ස්ථානයේදී මුදාහරිනු ලැබීය.

ඒ වෙනුවට, බෑනාව බලන්න ගිය, මාගේ දියණියව අත්අඩංගුවට ගන්නා ලදි.

මාගේ දයණියව හා බෑනාව, රාත‍්‍රියේදී වාද්දුව පොලීසියට බාර දෙන ලදි. වාද්දුව පොලීසිය විසින්, පසුදින, 2020.04.30 දින, පානදුර මහේස්ත‍්‍රාත් අධිකරණයට ඉදරිපත් කරනු ලැබීය.

දියණියට විරුද්ධව, හෙරොයින් මි.ග‍්‍රෑම් 2300 ක් සන්තකයේ තබා ගැනීම යන අමූලික චෝදනාව යටතේ 73429/20 නඩුවද, බෑනාට විරුද්ධව, හෙරොයින් මි.ග‍්‍රෑම් 2230 ක් සන්තකයේ තබා ගැනීම යටතේ 73427/20 නඩුවද පවරා තිබේ.

මාගේ දියණියට හා බෑනාට මේ ආකාරයට ව්‍යාජ චෝදනා නගා ඇත්තේ, මත්ද්‍රව්‍යය ජාවාරම්කරුවනගේ අවශ්‍යතාවයට බව අවධාරණයෙන් ප‍්‍රකාශ කරමි.

මත්ද්‍රව්‍ය භාවිතා කරන, ජාවාරම් කරන පිරිස සමග එක්ව සිදුකරන ලද මෙම අපරාධය පිළිබඳව විධිමත් පරීක්ෂණ කරන මෙන් ඉල්ලා සිටිමි.

මෙයට,


****** පෙරේරා



 


Post a Comment

0 Comments