2013 අප්‍රේල් 21 මීගලෑව පොලිසියේ 32 හැවිරිදි සම්පත් සුරංගව පොලිසියට කැඳවා අත්අඩංගුවට ගෙන ව්‍යාජ චොදනා නගා අධිකරණය මගින් දින 14කට රිනාමඞ් භාරයට පත්කළේ පළිගැනීමටය. එච්.ආර්.සී/2695/11 යටතේ මීගලෑව පොලිසියේ සේවය කරන චමල්, සුනිල්,පුෂ්පකුමාර, නිහාල් හා පියදාස යන පොලිස් නිලධාරීන්ට එරෙහිව ගොනුකල පැමණිල්ල විමර්ශණයේදී, එකී පොලිස් නිලධාරීන් සිව් දෙනාට සම්පත් සුරංගට රු:40,000/=ක් ගෙවීමට සිදුවීමය.
2013.04.20 වන දින රාත‍්‍රියේ මීගලෑව, නගරයේ පිහිටි මහවැලි වයින් ස්ටෝර්ස් එක සහ මීගලෑව ගම්මාන 01හි පිහිටි - මාතර වෙළඳ සැල සොරුන් කඩා තිබේ. පසු දින සම්පත් සුරංගව පොලසියට කැඳවා අත්අඩංගුවට ගෙන කුඩුවට දැම්මේ එම සොරකමට ඔහු සැක බව ප‍්‍රකාශ කරමින්ය.
එදින ඔහු කූඩුවේ ඉන්නකොට, රාත‍්‍රී 8.30 පමණ, පොලිස් ස්ථානාධිපති දුරකථනයෙන් යමෙකුට කතාකර, ”සර්” සැකයට එකෙක් ගත්තා, ඒකා මානව හිමිකම් ගිහිල්ලා අපෙන් එසල්ලි ගත්ත එකෙක්, මොකද කරන්නේ” කියා අසා තිබේ.
අධිකරණ නිමය පරිද 22වන දින රාත‍්‍රී 7.30 ට පමණ, වාරියපොල රක්ෂිත බන්ධණාගාරයට ගෙනයෑමෙන් පසුව, ඔහුට ආණමඩුව ප‍්‍රදේශයේ පදිංචිකරුවෙකුවන ජේලර්වරයෙකු පහර දෙනු ලැබීය. එය පොලිසියේ අවශ්‍යතාවයකටය.
ඔහුට නඩුපැවරීමෙන් අනතුරුව, ඒ බව පුවත්පත්වලටද පොලිසිය ප‍්‍රකාශය නිකුත්කර තිබින. එම පුවත්පත් වාර්තාවල ඔහුගේ නමද සඳහන්කර තිබින.
ගතවූ වසර කිහිපය තුලම, වසරකට මීගලෑව නගරයේ වෙළඳසැල් දෙකක් පමණ සොරුන් කඩා තිබේ. ඒ සැම දිනකම පොලිස් නිලධාරීන් දෙදෙනෙකු නගරයේ මුර සංචාරයේ යෙදී ඇත.
මේ දක්වා එකම සොරෙක්වත් අල්ලා නැත. ඒ සැම අවස්ථාවකම මීගලෑව පොලිසිය කර ඇත්තේ, අසරණයෙකු අල්ලා වධහිංසාව පමුණුවා, කලකට රක්ෂිත බන්ධණාගාරගත කරවීම බව ඔහු කියා සිටි.
මේ බසම්බන්ධයෙන් ඔහුගෙ මව සහ සම්පත් සුරංග මානව හිමිකම් කොමිෂන් සභාවට, පොලිස්පතිට සහ නීතිපතිට ලිඛිතව පැමිණිලි කර තිබේ.
No comments:
Post a Comment