තම යතුරු පැදිය නිති විරෝධිව පොලිසියට රැුගෙන ගොස් චැසි අංකය හා එන්ජින් අංකය ග‍්‍රයින්ඩරයකින් කපා දමා දින හතක් පොලිසියේ තබාගෙන සිටින බවට පොලිස්පති, මානව හිමිකම් කොමිෂණ් සභාව, ජාතික පොලිස් කොමිෂන් සභාව හා පානදුර. ජේ්‍යෂ්ඨ පොලිස් අධිකාරී වෙත ලිඛිතව පැමිණිලි කරන 34 හැවරිදි, සිව් දරු පියෙක් වන උපුල් මහතා, මිල්ලනිය පොලිසිය බාර සහකාර පොලිස් අධිකාරි වරයාට කරන්නට දෙයක් නැතැයි පැවසු බවද කියා සිටි.
ඔහු ගේ ලිඛිත පැමිණිල්ල පහත දැක්වේ.
උපුල් ප‍්‍රියදර්ශණ, අවු: 34යි, විවාහක, දරුවන් 04යි, රැුකියාව: කුලී වැඩ, පරගස්තොට. 2017.07.31 දිනදී මෙසේ ප‍්‍රකාශ කර සිටිමි. 2017 ජූලි 23 වන දින රාත‍්‍රී 7.30 ට පමණ මා බිරිඳ සමග යතුරු පැදියෙන්, තේප්පුව හංදියට කෑම ගෙන එ්මට ගියා. එසේ යන අතර, ලියනගොඩ පාලම අසලදී යතුරු පැදිය නවත්වන ලදි. එසේ නවත්වන ලද්දේ මිල්ලනිය පොලිසියේ ස්ථානාධිපති එන්.පී.ලිහිනියකුල ය. එතැන බංඩාර, දීප ශාන්ත, කසුන් යන නිලධාරීන් සමග තවත් කිහිප දෙනෙක් හිටියා. මගෙන් බලපත‍්‍ර, ඉන්ෂුවරන්ස් ඉල්ලා සිටියා. මා කියා සිටියා, නිවස තියෙන්නේ මීටර් 200ක් දුරින්, අරගෙන එන්නම් කියා. මට ගේන්න කිව්වා. මම නිවසට ගොස් එම ලියකියවිලි අරගෙන එනකොට, එතැන සිටි මාගේ බිරිඳව පන්නා දමා, යතුරු පැදිය පොලිසියට රැුගෙන ගොස් තිබුනා. මා හා බිරිඳ පොලිසියට ගොස් ලියකියවිලි පෙන්නා යතුරු පැදිය ඉල්ලා සිටියා. එ්වායේ අඩුපාඩු පෙන්නා හරිගස්සගෙන එන ලෙස දැනුම් දුන්නා. එම අඩුපාඩු සියල්ල හරිගස්සාගෙන 2017 ජූලි 27 දින පොලිසියට ගියවිට, විවිධ බොරු කියමින් මග අරින්න පටන් ගත්තා. අප දිගින් දිගටම කරුණු කියනකොට, පොලිසියේ රථවාහන අංශයේ දයාපාල නිලධාරියා චැසි අංක හා එන්ජින් අංක වෙනස් කිව්වා. එය විය නොහැකි බව කී විට, බලන්න ගියා. මා හා බිරිඳ සමග නිලධාරී දයාපාල, දෙවෙනි මහත්තයා කියන ප‍්‍රියන්ත, නිලධාරී දීප ශාන්ත යන අයද පරීක්ෂා කිරීමට ගියා. එවිට අප සියලූම දෙනා දුටුවා, චැසි අංකයේ හා එන්ජින් අංකය ග‍්‍රයින්ඩරයකින් කපා දමා ඇති බව. පසුව පොලිසියෙන්ම දැන ගත්තා ස්ථනාධිපතිගේ නියෝගයට කසුන් හා බංඩාර යන නිලධාරීන් දෙන්නා, කැටගොඩ පාසල අසල ටිංකරින් සුසන්ත යන අයගේ ගරාජයේදී ග‍්‍රයින්ඩරයකින් කපා වෙනස් කර ඇති බව. මා මෙය 2017.07.28 දින පානදුර සහකාර පොලිස් අධිකාරී 11 හමුවී පැමිණිලි කලා. එය යතුරු ලියන කර අත්සන් ගත්තා. මට මෙයට මැදිහත්වන්න බැරි බව ඔහු කියා පොලිස්පතිට දන්වන ලෙසට උපදෙස් දුන්නා. මාගේ යතුරු පැදිය තවමත් තියෙන්නේ මිල්ලනිය පොලිසියේ මා අතින් සිදුවූ එකම වරද වන්නේ, අදාල ලේඛණ රැුගෙන නොපැමිණීමත්, මට යතුරු පැදිය පැදවීමට බලපත‍්‍රයක් නොතිබීමත්ය. එම වරදවලට මාගේ යතුරු පැදිය පොලිසිය තබාගෙන, චැසි අංක, එන්ජින් අංක මකා දමා විනාශ කර දැමීම, අපරාධයකි. පොලිසිය සිදුකර ඇති මෙම අපරාධයට වගකිවයුතු ස්ථානාධීපති එන්.පී.ලිහිනියක ඇතුලූ නිලධාරින්ට එරෙහිව නීතිමය පියවර ගන්නා ලෙසට හා නොපමාව මාගේ යතුරු පැදිය මුදාහැරීමට පියවර ගන්නා ලෙසට හා විශේෂ විමර්ශණ එ්කකය මගින් විධිමත් පරීක්ෂණයක් පවත්වන ලෙසටය. ඉහත කරුණු සත්‍යය හා නිවරැුදි බව ප‍්‍රකාශ කරමි.
අ.ක./ උපුල් ප‍්‍රියදර්ශණ
No comments:
Post a Comment