Wednesday, September 21, 2011

හිටපු රෙජිස්ට්රාපර්ලා, මහාධිකරණ විනිසුරුලා නීතිය දන්නෙ නෑ


වධහිංසාවට පාත්‍රවු සමරසිංහ මහතා


හිටපු රෙජිස්ට්‍ත්‍රාත්ලා, මහාධිකරණ විනිසුරුලා නීතිය දන්නෙ නෑ

මේ පඩත්තර කියමන, කළුතර මහාධිකරණයේ වත්මන් රෙජිස්ත්‍රාත්වරයාගෙනි.

මහාධිකරණයේ පවතින අපරාධ නඩුවක සාක්ෂි සටහන්වල සහතික පිටපත් ලබා ගැනීම සහා මුල් පැමිණිලිකරු විසින් ඉදිරිපත් කරන ලද “ඉල්ලීම” නොහොත් උසාවි බසෙන් “මෝෂම” බාර ගැනීම ප්‍රතික්ෂේප කරමින් ඉහත ප්‍රකාශය කර ඇත.

ඒ 2011. 09. 19 වන දින - 352/04 දරන මහාධිකරණයේ පවතින නඩුවට අදාළවය.

මෙම නඩුවේ මුල් පැමිණිලිකරු කේ. ඒ. සමරසිංහ මහතාය.

බදුරලිය පොලිසියේ පොලිස් නිලධාරින් තිදෙනෙකුට එරෙහිව, සමරසිංහ මහතාට වධහිංසා පැමිණවීම අදාළව මෙම නඩුව පවරා ඇත්තේ නීතිපතිවරයා විසින්ය.

මුල් පැමිණිලිකරු වන සමරසිංහ මහතා, එනම් අගතියට පත් තැනැත්තාගේ අයිතිවාසිකම් වෙනුවෙන් පෙනී සිටින්නේ නීතිඥ ජානක අමරසිංහ මහතාය.

2009. 12. 16 වන දින සිට මෙම නඩුව විභාගයට ගෙන තිබේ. එතැන් පටන් නඩුවට අදාළ සටහන් වල සහතික පිටපත් ලබා ගැනීමට “ඉල්ලීම” නොහොත් “මෝෂම” ඉදිරිපත් කළේ - සමරසිංහ මහතාය.

මේ අවස්ථාවේ ඒ සමරසිංහ මහතාගේ “ඉල්ලීම” නොහොත් “මෝෂම” ඉදිරිපත් කළ අමිතා ප්‍රියන්ති මෙනෙවිය රෙජිස්ට්‍රාර්වරයාට පවසා ඇත්තේ, “සාක්ෂි සටහන් මීට කලින් ලබා ගත්තේ 1 වන සාක්ෂිකරුගේ ලිපියකින්” කියායි. එසේ පවසා ඇත්තේ, නීතිඥයෙක් මාර්ගයෙන් ඉල්ලීමක් කරන ලෙසට පවසමින් රෙජිස්ට්‍රාර්වරයා, සමරසිංහ මහතාගේ ඉල්ලීම ප්‍රතික්ෂේප කිරීම නිසාය.

එයට පිළිතුරු වශයෙන් මේ රෙජිස්ට්‍රාර්වරයා “තමුන්ට පඩත්තරකම් වලින් වැඩක් නෑ, නීතිඥවරයාගේ ලිපිය ගෙනාවොත් දෙන්නම්, නැත්තං දෙන්නේ නෑ” යනුවෙන් ප්‍රකාශකර ඇත.

කළුතර මහාධිකරණයේ රෙජිස්ට්‍රාර්වරයා ප්‍රකාශ කරන්නේ, “කලින් අය එ‍හෙම දුන්නා නම්, එය ඒ අයගේ වැරැද්දක්, නීතිය නොදන්නා කමක්”  යනුවෙනි. රෙජිස්ට්‍රාර්වරයා “අපේ අය” යනුවෙන් සදහන් කරන්නේ, මීට පෙර කළුතර මහාධිකරණයේ සිටි රෙජිස්ට්‍රාර්වරුන් හා මහාධිකරණ විනිසුරුවරුන්ය.

මේ “පඩත්තරයා” ට නොතේරෙන දෙයක් සඳහන් කිරීමට කැමැත්තෙමි.

“නීතිඥවරයා” ට අධිකරණය ඉදිරියේ පෙනී සිටීමට බලය ලැබෙන්නේ තම සේවාදායකයාගෙන් බව.

සේවාදායකයාට නැති බලයක් නීතිඥවරයාට ලැබෙන්නේ කෙසේද? යන බව.

අප ඉල්ලා සිටින්නේ, මහජනතාව අපහාසයට ලක්වන අයුරින් හැසිරෙමින් කටයුතු කරන මෙම කළුතර මහාධිකරණයේ රෙජිස්ට්‍රාර්වරයාට එරෙහිව නීතිමය හා විනයානුකූල පියවර ගන්නා ලෙසයි.

Monday, September 12, 2011

තීන්දුවට අනුව එල්ලා මරයිද ?


තීන්දුවට අනුව එල්ලා මරයිද ?




තීන්දුවට අනුව එල්ලා මරයිද ?
තීන්දුව මරයිද ?

අගුලාන ද්විත්ව ඝාතනයේ සැකකරුවන් වූ පොලිස් කාරයින් සිව් දෙනාට මරණීය දණ්ඩනය නියම කරනු ලැබීමේ පුවත - බොහෝ දෙනාගේ සතුටට සොම්නසට හේතුවූ බවක් දෘශ්‍යමාන විය.
එහෙත් මේ දුවම පිළිබදව මතුකරන්නට කරුණු කිහිපයක් අපට තිබේ. මෙම දුවම අවසාන තීරණයද ? මෙම විතතිකරුවන් සිව්දෙනාට තීන්දුවට එරෙහිව අභියාචනා කල නොහැකිද ?
එසේ කල හැකිනම් මේ තීන්දුව වෙනස්වීමට ඉඩක් නැද්ද ?
අභියාචනා කලහොත් - අඹේපිටිය විනිසුරු ඝාතනය මෙන්ම කඩිනමින් අභීයාචනය අසා තීන්දු ලබාදෙයිද ?
බිදුනු වැව මිනිස් ඝාතනය, බොහෝ දෙනාට අමතක බවක් පෙනේ.
මෙම නඩුවේ විත්තිකරුවන්ට මරණිය දණ්ඩනය නියම විය.බොහෝ දෙනා සතුටු විය. ඒ ගැන කතා කළේය.
ඔවුන් සියලු දෙනාම ඉහළ අධිකරණයෙන් නිදොස් කොට නිදහස් කළේය.
දැන් පවතින රාජපක්ෂ පාලනය තුල ඉතා කුරිරු මිනිස් ඝාතන සිදුකල බවට ඔප්පුවී, සියලු අධිකරණ වලින් මරණීය දණ්ඩනය සනාථව සිටි අය - ජනාධිපති නිදහස යටතේ සතුටින් සොම්නසින් නිවෙස් බලා යන්නට හැකිවුනා නේද ?
මරණීය දණ්ඩනය නියමව, එම නියමය සියලු අධිකරණ වලින් සනාථ වී, ජනාධිපති නිදහස අහිමිවී - එල්ලා මරා දමන තුරු බලා සිටින අයගේ සංඛ්‍යාව 266 කට ආසන්න බව කීදෙනෙක් දන්නවාද ? මෙයින් පැහැදිලිවන්නේ මරණීය දණ්ඩනය - එනම් එල්ලා මරා දැමීම නීති පොතේ තිබුනත් - පෝරකය ක්‍රියාත්මක වන්නේ නැති බව නොවේද ?
ශිෂ්ඨ සම්පන්න - යුක්තිධර්මය අගයන සමාජයන් - මරණීය දණ්ඩනය පිළීගන්නේ නැත. එය මිලේච්ජ ක්‍රියාවකි. නඩු අසන්නේ, නඩු පවරන්නේ මිනිසුන් නිසාය.
අප වැනි රටක පවතින යුක්තිය පසදලීමේ ක්‍රියාදාමය තුල කුමන හේතුවක් නිසාවත් මිනිස් ජීවිතයක් නැති කරන්නට, කුමන තත්වයක තරාතිරමක වුව තවත් මිනිසුන් පිරිසකට බලය දිය හැකිද ?
අගුලාන ද්විත්ව ඝාතනය කලේ පොලිස් කාරයින්ය. අත්අඩංගුවට ගෙන, පොලිසියට ගෙනගොස් වධදී, සැලසුම් සහගතව මරාදැමීම සිදුකරන ලදි. මෙය රාජ්‍ය බලය යොදා සිදුකරන ලද්දකි.මෙය පොලිසිය සිදුකල පළමු මිනීමැරීම නොවේ. මෙය මේ පොලිස්කාරයින්ට එල්ලුම් ගස් යැව්වායි කියා නතර වන්නේද නැත.තමන් බේරෙන්නට, අහුනොවන්නට මිනීමරන්නට වග බලා ගන්නවා ඇත.
මේ ද්විත්ව ඝාතනය ගැන පොලිස්පති පාඩමක් උගත්තේද ? ඒ ගැන තමා යටතේ සිටින පොලිස් නිලධාරීන්ට මෙවන් දේ නොකරන ලෙසට - අවම වශයෙන් පොලිසියේ නීතිය ක්‍රියාත්මක කරන ලෙසට ප්‍රකාශයක් කලේද නැත.
පොලිසිය බාර ඇමතිවරයා මේ පොලිස් නිලධාරීන්ගේ නීත විරෝධී ක්‍රියාවන් නැවැත්වීමට පියවර ගන්නා ලෙසට - නීතිය පිලිපදින ලෙසට නියමයන් කලේද නැත.
පොලිස් දෙපාර්තමේන්තුව බාර ලේකම්වරයා කළේ කුමක්ද ?
සටහන
ඉහත දැක්වූ කරුණු - සමහරවිට එකිනෙක නොගැලපෙන සේ දිස්වන්නට පුලුවන.
මතුපිටින් පෙනෙන්නට දකන්නට තිබෙන දේ - ඇහෙනදේට වඩා ගැඹුරු දෙයක් පවතිනවා නේද ?
කතාකරන්න - සිරවී සිටින කොටුවෙන් ඔබ්බට ගොස්