Wednesday, December 27, 2017

හොරුන් තක්කඩියන් රකින අධ්‍යාපනය 01 ශ‍්‍රී මහා බෝ සමිදු පිහිටෙන්..



පාසල්වලට ළමුන් ඇතුලත් කර ගැනීමේදී සිදුකරන දුෂණ වංචා තක්කඩිකම් අනන්තය, අප‍්‍රමාණය. එ් අතර ලිංගික අල්ලස ඉදිරියෙන්ම පවතී.

මෙම දුෂණ තරඟයෙන් පැරදී, තම දරුවාට පාසල් අහිමිවූ දෙමාපියන් අතලොස්සක් නීතියේ පිහිට පතති.

රාජපක්ෂ රෙජිමය යටතේ, එසේ තම දරුවාට පාසල අහිමි වූ දෙමාපියන් තිදෙනෙකු ගේ කතාව පිළිවෙගින් ගෙනහැර දක්වන්නේ, දුෂණයට වගකිවයුතු අධ්‍යාපන ලේකම්, ජාතික පාසල් අධ්‍යක්ෂ, අදාල විදුහල්පතිවරු හා ළමුන් තෝරන මණ්ඩලවල සාමාජිකයින්ට  ඕනෑම නීච ක‍්‍රියාවක් කර, ද`ඩුවම් නොලබා , මේ ධර්මද්වීපය තුල දඬුවම් නොලබා සිටිය හැකිබව පෙන්වා දීමටය.

තවද, රාජපක්ෂ රෙජිමය තුල මේ සිදුවීම්වලට සමාන දේ අදත් සිදුවන්නේය. එදා එම වැරදි කල නිලධාරී රොත්ත අදත් රනිල් - අකිල යුවල යටතේ සුවසේ සිටින බවද කිවයුතුයි.

ශිෂ්‍යත්ව කඩඉම් ලකුණු ප‍්‍රකාශයට පත්කර එ් අනුව ළමුන් ඇතුලත් කර ගන්නා බව අධ්‍යාපන අමාත්‍යංශය කියා සිටී.

මේ බොරුව – පිළීගන්නා බහුතරයක් දෙමාපියන් තම දරුවාට ෙදාස් තබා, හරියට බාරය ඔප්පු කරන්නට බැරිවුවා යයි හිත හදාගෙන, තව තවත් දෙවියන්ගේ නාමයෙන් කපුවන්ට ෙදාල පිදේනි දී නිහඬ වෙති.

තවත් සමහරු, සෑම වර්ගයකම අල්ලස හා දුෂණය කෙරෙහි දැඩි විශ්වාසයෙන් ක‍්‍රියා මාර්ග සොයති. සොයා ගනිති.

අනුරාධපුරයේ, ධර්මපාල මාවතේ නගර සභා නිවාස වල කණ්ඩමබි ගේ පුතා, 2014 පහේ ශිෂ්‍යත්වයට වාඩි වී ලබාගත් ළකණූ ප‍්‍රමාණය 163 කි.

එ් වසරේ අනුරාධපුර මධ්‍ය මහා විදුහලට කඩඉම් ලකුණු 173 ක් විය. එහෙත් කණ්ඩම්බි මහතා පසුබට නොවී, ඉල්ලූම්පත‍්‍රය ඉදිරිපත් කරන ලදි. ඉල්ලූම්පත‍්‍රය බාරගන්නා විදුහල්පති, එ් වසරේ පුරප්පාඩු නැතිවුවත්, ඊළඟ වසර වලදී, චාන්ස් එකක් දියහැකි බවට, ඇගවීම් ද ලැබින.

එ් අනුව, ඔහු කල් බලමින් සිටියේය. 2016 දි ඒ පදනම මත, 07 වසරට ඇතුලත් කරගැනීමට ඔහු ඉල්ලා සිටියේය. එ් වසරේදී 163ක් ශිෂ්‍යත්වයේ ළකුණු ලබාගත් ඔහුගේ පුතා වෙනුවට පිළිවලින් ළකුණු 142ක් හා 132 ක් ලබාගත් සිසුන් දෙදෙනෙකු හත වසරට ඇතුලත් කරගත් බවට විශ්වාසදායී තොරතුරු කණ්ඩම්බි මයාට ලැබිණ. 

ඔහුගේ පුතා ඇතුලත් කරගැනීමට නොහැකිවීම නිසා, කණ්ඩම්බි මහතා තමාගේ මූලික අයිතිවාසිකම් අනුරාධපුර මහා විදුහලේ විදුහල්පති හා අධ්‍යාපන අමාත්‍යංශයේ ලේකම් විසින් උල්ලංඝණය කර ඇති බවට ප‍්‍රකාශ කරන ලෙසට ඉල්ලා – පැමිණිල්ලක් ශ‍්‍රී ලංකා මානව හිමිකම් කොමිෂමට ඉදිරිපත් කරන ලදි. 

එ් අනුව විමර්ශණයක් ආරම්භ කල මානව හිමිකම් කොමිෂම, විදුහල්පති හා ලේකම් ව කැඳවා ප‍්‍රශ්ණ කරන ලදි.

විදුහල්පතිවරයාගේ පිළිතුර – සරල විය. පුරප්පාඩු ඇතත් නැතත්, සුදුසුකම් තිබුනත් නැතත් අධ්‍යාපන අමාත්‍යංශයේ ලේකම් නියෝග කරනවානම්, මම ළමයි ව  ගන්නවා කියාය.

නීතිය සදාචාරය බල්ලාට ගියත්, මට කමක් නැහැ, ශ‍්‍රී මහා බෝධි සමිඳුන්ගේ පිහිට කෙසේ වෙතත්, මොන නීති විරෝධී වැඩක් කලත්, අධ්‍යාපන ලේකම් ගේ පිහිට තමයි මට තියෙන්නේ, මේක තමයි ඇත්ත.

මෙම විමර්ශණයේදී, දුෂිත ලෙෂ, අධ්‍යාපන ලේකම් ගේ නියෝග මත ඇතුලත්කර ගත් ළමුන් පස් දෙනෙකු පිළිබඳව තොරතුරු විදුහල්පති කොමිෂමට අනාවරණය කර සිටියේය.

මෙම පරීක්ෂණයට, අධ්‍යාපන ලේකම් පැමිණියේ නැත. එ් වෙනුවට ඔහු නිලධාරිණියක් එවා තිබිණ. ඇය කිසා සිටියේ චක‍්‍රලේඛණ වලට හෙණ ගැහුව්වත්, ”විශේෂ” අවස්ථා (එනම්, පෙර සඳහන් අල්ලෂ, දුෂණ වැනි අවස්ථා* යටතේ අධ්‍යාපන ලේකම්, ළමුන් පාසල් වලට ඇතුලත් කර ගැනීමට නියෝග දෙන බවයි. 

එම විශේෂ අවස්ථා මොනවාද කියා ලේකම් ගෙන් අසාගෙන, ඇවිත් කොමිෂමට පැමිණ දැනුම් දනෙ බව කියා පිටව ගියද, එයින් පසුව පැත්ත පලාතකට එ් නිලධාරිණිය පැමිණ නැත.

හේතුව - ලිංගික අල්ලස, මුදල්, වෙනත් ..........., එ්වා කෙසේ කියන්නද – කොමිෂමට මේ සියලූ කරුණු ගැන සැලකිල්ල ලක්කල කොමිෂම, කණ්ඩම්බි ගේ දරුවා – අනුරාධපුර මහා විද්‍යාලයට ඇතුලත් කර ගන්නා ලෙසට නිර්දේශ කළේය.

Sunday, December 24, 2017

ස්ත‍්‍රී දුෂණ චෝදනා වලින් පොලිස් කාරයාව නිදෝස කොට නිදහස් කරයි

.

පසුගිය දින නිමවු, මාතර මහාධිකරණයේ පැවැති ස්ත‍්‍රී දුෂ ණ නඩු විභාගයේදී, එහි විත්තිකරු වූ, කඹූරුපිටිය පොලිසියේ සේවය කළ පොලිස් කොස්තාපල් ගාමිනී වීරවික‍්‍රම සියලූම චෝදනා වලින්, නිෙදාස්කොට නිදහස් කරනු ලැබීය.

පැමිණිල්ලක් විභාග කිරීම සඳහා  ගොස් සිටි අවස්ථාවේ, කාත් කවුරුත් නැතිව, තනිව සිටි පැමිණිලිකාරියව දුෂණය කළ බවට යන චෝදනාව මොහුට නගා තිබින.

2008 මාර්තු 14 වන දින, තමා විසින් කරන ලද පැමිණිල්ල විභාග කිරීමට පැමිණි මෙම පොලිස් නිලධාරියා, මරණ තර්ජණ කර තමාව ¥ෂණය කල බව ‘‘ඇය’’ කියා සිටියාය.

සිද්ධිය වන විට ඇගේ වයස අවුරුදු 42 කි. නඩුව විභාගය අවසන් වන විට ඇගේ වයස අවුරුදු 50 කි. 

මැය මානසික ආබායකින් පෙළෙන තැනැත්තියක් වන අතර, එ් සදඟා ප‍්‍රතිකාර ලබා ගන්නා කෙනෙකි. නමුත් ‘‘පැමිණිල්ල’’  එ් පිළිබඳව විශේෂ ඉල්ලීම් නොකර, සාමාන්‍ය සාක්ෂිකාරියක ලෙසට, සාක්ෂි දීමට සලස්වා තිබිණ.

හරස් ප‍්‍රශ්ණ වලට භාජනය කිරීමේදී ඇය කිහිප අවස්ථාවක සිහි මූර්ජිත වී තිබේ.

ස්ත‍්‍රී ¥ෂණ නඩුවක දි ‘‘ක‍්‍රියාව කළ බව හා එම ක‍්‍රියාව සිදු කරන ලද්දේ ඇයගේ කැමැත්ත නොමැතිව බව’’ සාක්ෂිවලින් තහවුරු විය යුතු බව පෙන්වා දෙන, මහාධීකරණ විනිසුරු දමිත් තොටවත්ත, වින්දිත තැනැත්තියගේ (ඇගේ* සාක්ෂියත්,  තහවුරු කිරීමට පැමිණිල්ල ඉදිරිපත් කල, ඇගේ නෑනාගේ සාක්ෂියත් පරස්පර බව පෙන්වා දෙයි.

මෙම නඩුවේ සාක්ෂි වශයෙන් කැඳවන ලද්දේ, වින්දිත ‘‘ඇගේ’’ සාක්ෂිය හා ඇගේ නෑනාගේ සාක්ෂි පමණි.

ඇය විසින් සිද්ධියට, දින 04කට පසුව පැමිණිලි කිරීම හා ඇය විසින් හරස් ප‍්‍රශ්ණ වලට ලබා දුන් පරස්පර පිළිතුරු ගැන, අවධානය යොමු කරන විනිසුරු, ඇය විසින් මෙම සිද්ධියට පෙර, නොයෙකුත් ආරවුල් සම්බන්ධයෙන් පැමිණිලි 08ක් 09ක් දමා සිටි, පොලිසිය සම්බන්ධයෙන් හොඳ පළ පුරුද්දක් තිබූ තැනැත්තියක් ලෙසට පිළිගනී. 

මෙහිදී, ඇය අවු: 22 වන විට, ලේ නෑයකු සමග සම්බන්ධකම් පවත්වා දරුවකු ලැබී ඇති බව හා පසුව වෙනත් විවාහයකින් ද දරුවකු ලැබී ඇති බව, පසුව එම පුරුෂයාද අතහැර දමන ලද තැනැත්තියක් බව, සමාජය ගැන හොඳින් දැනුම් තේරුම් ඇති, පොලිස් ස්ථානය සුපුරුදු තැනැත්තියක් බව හා ඉතා බයාදු කුලෑටි අසරණතාවයක් ව්‍යාජ ලෙස පෙන්වීමට උත්සාහ ගන්නා බව පෙනී යන බවද, විනිසුරු වැඩි දුරටත් සිය තීන්දුවේ සඳහන් කරයි.

ඇයගේ මානසික රෝගී ත්තවය ගැන, පැමිණිල්ල මෙහෙය වූ රජයේ නීතිඥවරයා, අධිකරණයට වාර්ථා කලද, සාක්ෂිවලින් හෙළි වූ කරුණු පදනම්ව, විනිසුරු, ඇයට මානසික එ්කාග‍්‍රතාවයක් තිබුනු බවට තීන්දු කරයි. 

ඇය විසින්, සිදු වූ ‘‘ක‍්‍රියාව’’ විස්තරාත්මකව පැවසීමට මැළිවීම, එ් පිළිබඳව විමසනවිට ස්ථාවරයන් වෙනස් කිරීම පිළිබඳ අවධානය යොමු කරන විනිසුරු, බලයක් යොදා ලිංගික සංසර්ගයේ යෙදුනාය කියා උපකල්පනය කළත්, පුරුෂයන් දෙදෙනෙකුගෙන් වෙන් වෙන් වශයෙන් දරුවන් ලැබී ඇති අවුරුදු 42 පමණ නැමැත්තියකට ලිංගික සංසර්ගයක් තුළින්, ඇය පවසන තරම් පීඩාවක් ඇතිවූවාය සිතීම අපහසු බවද සිය තීන්දුවේදී ප‍්‍රකාශ කර සිටී.

මේ කරුණු සහ සාක්ෂිවල පරස්පරතාවයන් සැලකිල්ලට ගෙන, වෙනත් සාක්ෂි නොකැඳුවාම විත්තිකරු, ගාමිනී වීරවික‍්‍රම ව නිෙදාස් කර නිදහස් කිරීමට - අධිකරණය පියවර ගන්නා ලදි.

අවුරුදු අටක් පුරා ”යුක්තිය” උදෙසා පැමිණීලිකරු හා විත්තිකරු යන දෙපාර්ශවය අධීකරණය හමුවේ ගෙන ගිය අරගලයෙන්, ස්ත‍්‍රී ¥ෂණ චෝදනාවකින්, විත්තිකාර පොලිස් කොස්තාපල් නිෙදාස්ව නිදහස් විය.

නඩුව ඉවර උනත් ඇගේ කතාව ඉවර නැත. 

තරුණ වියේදී ඇය ඥතියකු සමග ප්‍රේම සම්බන්ධයක් පවත්වාගෙන යන ලදි. එහි ප‍්‍රතිඵලයෙන් දරුවකු ලැබින. එම පසුබිම යටතේ, ඇය ගමෙන් පිටව කලක් ජීවත් විය. නැවත ගමට පැමිණෙන විට ඇයට උරුමව තිබූ ගේ ෙදාර ඉඩකඩම් වල භුක්තිය ඇගේම අසල්වැසි ඥතීන් විසින් අත්පත් කරගෙනය. ඇයට සිදුවුනේ ඉඩම් ආරවුල් වලට මැදි වන්නටය. නිතර පොලිසියට යාමට සිදුවිය. 

එ් අතර ඇය විවාහ විය. එහි ප‍්‍රතිඵලයෙන්ද දරුවකු ලැබින. 

ටික කලකින් සැමියාද අතහැර යන ලදි. නැවත ඇය තනි විය. අසල්වැසි ඥතීන් අතර ආරවුල්  නතර නොවීය.

2008.03.10 දින කඹූරුපිටය පොලිසියට ඇය ගියේ, පෙර දින රාත‍්‍රියේ සිය නිවසට ගල් ගැසීම ගැන පැමිණිල්ල කිරීමටය.

2008.03.14 දින, පො.කො. ගාමිණී වීරවික‍්‍රම පැමිණීයේ පැමිණිල්ල විභාග කිරීමටය. එ් අවස්තාවේ සිදුවීම ගැන ඇය කියන්නේ, ඇගේ ප‍්‍රකාශය සටහන් කරගත්, පො.කො.ගාමිණී වීරවික‍්‍රම, වහලේ හිල් බලන්නට ඇයව කාමරයට එක්ක ගිය බව,  එහිදී කාමරයේ ෙදාර වැසූ පො.කො. ගාමිණී වීරවික‍්‍රම ඇයව ඇඳට තල්ලූකොට මරණ බවට තර්ජණය කොට,   දුෂණය කල බව හා එ් අවස්ථාවේ ඇයට සිහිය නැති වූ බව. 

ඇය මානසික ආතතියකින් පෙළෙන බව, එ සඳහා දීර්ඝ කාලයක සිට ප‍්‍රතිකාර ගන්නා බව, සිද්ධියෙන් පසුව, ඇයගේ දේපල වලට එල්ලවන බලහත්කාරකම් උග‍්‍ර වූ බව සත්‍යයකි. 

ඇගේ දියණිය ඇයට පක්ෂ නැත. පුතාව හදා ගැනීමට නොහැකිව, සසුනට පූජා කරන්නට සිදුවිය. එහෙත්, පුතාට පන්සල් සූදුව දරා ගන්නට බැරිව නැවත ඇ ලඟට පැමිණීමට සිදුවිය. ජීවත් වීමට, ඉන්නට හිඳින්නට තැනක් නැතිවිය.

තම රෝගය ගැන ඈ දැනුවත්ය. එහෙත් අඛණ්ඩව ප‍්‍රතිකාර ගැනීමට, ආර්ථිකය හරස් විය. 

ඈ වෙනුවෙන් නඩුවේදී, නීතිඥ සහයක් පුද්ගලිකව ලබා ගැනීමට ද ආර්ථිකය හරස් විය.

ඇයට උසාවියට එන්නට වූයේ තනිවය. උදේ උසාවියට පැමිණ ඇය හවස හතර පසු වනතුරු උසාවියේ රැුඳී සිටින්නේ, වතුර පමණක් බීලාය. එහි හැමොම විත්තිකරු දෙස බැලූවේ අනුකම්පාවෙනි.

සටහන:-
මැගේ කතාව, කාන්තා අයිතිය පිළිබඳ ප‍්‍රශ්ණයක් ද ? 
කතා කිීරීමට නුසුදුසු, දේශයට අහිතකර කාරණයක ද ?




Tuesday, December 19, 2017

ෆයිල් වහන්න බලන් ඉන්න පොලිස් කොමිෂම



වසර නවයක් පුරා පොලිසියේ සහයෙන් උසාවිය මගහරින ලද පුද්ගලයෙකු පිළිබඳව, බලධාරීන්ට කරන ලද පැමිණිල්ලකට, වසරකට පසුව පොලිස් කොමිෂමෙන් ලැබුන අගනා පිළිතුරකට යවන ලද පිළිතුර පහත දක්වමු.

මීට පෙර අවස්ථා ගණනාවකදී පෙන්වා දුන් පරිදි, බොහෝ රාජ්‍ය ආයතන, කොමිෂම් මෙන්ම පොලිස් කොමිෂම මහජන මුදල් කාබාසිනියා කරන සූදු කල්ලියකි. 

දිනූෂා ගේ සැමියා, සජිත් ශාන්ත, ආබාධිත දරුවා ද අතහැර ගොස්, ඉන් අනතුරුව වසර නවයක් පුරා, නඩත්තු නොගෙවා, උසාවිය මග හරින ලදි.

එසේ මග හරින විට, පළමු පියවර වශයෙන් අධිකරණය, ඇප මුදල් රාජසන්තක කළේය.

අඛණ්ඩව වරෙන්තු නිකුත් කළේය. එහෙත් පොලිසිය වරෙන්තු ක‍්‍රියාත්මක කළේ නැහැ. 

දිනූෂා මේ කාරණය, ලිඛිතව බලධාරීන්ට දැනුම් දෙන ලදි. ඉන් අනතුරුව 2017 ඔක්තොම්බර් මස අත්අඩංගුවට ගෙන, රක්ෂිත බණ්ධනාගාර ගත කරනු ලැබීය. 

එයින් අනතුරුව, එනම් වසර නවයයි මාස දෙකකට පසුව, පොලිස් කොමිෂමෙන් ලිපියක් දිනූෂාට ලැබින. එයට පිළිතුරු වශයෙන් දිනූෂා, පොලිස් කොමිෂමට යවන ලද ලිපිය පහත දක්වමු.

යහපාලනය රටේ ඇති කරන්නට, මේ රටේ සියලූම රාජ්‍ය ආයතනවල ඉහළ සිට පහළට, සේවය කරන්නන්ට වැටුප් දීමනා ගෙවන රටේ පුරවැසියන් ගේ හඬ අවදි කළ යුතුය. 

එ් සඳහා බලගැන්විය යුතුය. දිනූෂා ගේ ලිපිය - ආදර්ශයකි. 

එස්.දිනූෂා සුරංගි ද සිල්වා මිය,
102/ඊ, බණ්ඩියාවත්ත, දෙදියවල,
වස්කඩුව.
2017.12.18

ශ‍්‍රීමාලි අතාවුද ආරච්චි මිය,
අධ්‍යක්ෂ (මහජන පැමිණිල විමර්ශන 11*,
බස්නාහිර පලාත (ගම්පහ/ක`ඵතර*,
ජාතික පොලිස් කොමිෂන් සභාව,
අංක 09 ගොඩනැගිල්ල,
ඊඵෂක්‍්‍ය පරිශ‍්‍රය,
බෞද්ධාලෝක මාවත,
කොළඹ 07.

මහත්මියනි,

නඩු අංක 47827 (නඩත්තු* - ක`ඵතර මහේස්ත‍්‍රාත් අධිකරණය

ඔබගේ භඡුක්‍රැුඡුක්‍ෂෘරැුඋඡුරැු533රැු2016 හා 2017.12.12 දාතමින් යුතු ලිපිය හා බැඳේ.

මා විසින් 2016.10.10 දාතමින් ඉදිරිපත් කරන ලද පැමිණිල්ලට, අවුරුද්දකුත් මාස දෙකකට පසුව, එ්වා ඇති පිළිතුරෙන්, ඔබ කොමිෂම යළි යළිත් උත්සාහ ගෙන ඇත්තේ පොලිසියේ ¥ෂණ අක‍්‍රමිකතාවන් වසන් කර, මහජනතාව මුලා කිරීමටය. 

මාගේ පැමිණිල්ලෙන් පෙන්වාදුන් වරෙන්තුකරුව, අත්අඩංගුවට ගන්නේ වසර නවයකට පසුවය. 

ඔහු අත්අඩංගුවට නොගත් හේතුව මාගේ පැමිණිල්ලෙන් දක්වා තිබේ.

වසර නවයකට පසුව අත්අඩංගුවට ගැනීම සාධාරණය කිරීම ගැන මාගේ බලවත් අප‍්‍රසාදය පළ කරමි.

කළ යුත්තේ ගොනුව වසා දමා, අත පිස දැමීම නොව, වසර 9ක් පුරා අත්අඩංගුවට නොගැනීමට හේතු විමර්හණය කර, අදාල දුෂිත පොලිස් කාරයින්ට එරෙහිව නීතිය ක‍්‍රීයාත්මක කිරීම හා මෙවන් ෂිදුත අවම කිරීමට පියවර ගැනීමය.

මෙයට,
විශ්වාසී,


එස්.දිනූෂා සුරංගි ද සිල්වා.

පිටපත:
ලේකම්/සභාපති
ජාතික පොලිස් කොමිෂන් සභාව.


ජනපති සිරිසේන සෞඛ්‍ය ඇමති කාලයේ දුන් පත්වීමක් උසාවිය අහෝසි කරයි.



සෞඛ්‍ය අමාත්‍යංශයේ, වත්මන් ජීව ඉංජිනේරු වෛද්‍ය සේවා අධ්‍යක්ෂවරයාගේ පත්වීම අහෝසි කළ ශ්‍රේෂ්ඨාධිකරණය, එම තනතුර සඳහා ජනප‍්‍රිය කරුණාතිලක මහතාව පත්කරන ලෙසට නියෝග කළේය.

රාජපක්ෂ රෙජිමය තුළ, සෞඛ්‍ය අමාත්‍යවරයා ලෙස කටයුතු කළ මෛත‍්‍රීපාල සිරිසේන, වත්මන් සෞඛ්‍ය අමාත්‍ය රාජිත සේනාරත්න ප‍්‍රමුඛ විසිහත් දෙනෙකු වගඋත්තරකරුවන් කරමින්, ශ්‍රේෂ්ඨාධිකරණයේ පවරන ලද, මූලික අයිතිවාසිකම් පෙත්සමේ තීන්දුව ප‍්‍රකාශයට පත්කරමින්, ඉහත නියෝගය ලබාදෙන ලදි. 

මෙම නඩුව, ජනප‍්‍රිය කරුණාතිලක පවරනු ලැබුවේ 2004 වසරේදීය. 2017.11.27 තීන්දුව ප‍්‍රකාශයට පත්කරන ලදි.

ජනප‍්‍රිය කරුණාතිලක මහතා කියා සිටියේ තමාට හිමිවිය යුතු තනතුරු නොදී, වත්මන් අධ්‍යක්ෂධූරය දරන එස්.එස්.අයි.හේරත් ට ලබා දුන්නේ, වැඩිදුර ළකුණු 20ක් නීතිවිරෝධී ලෙස ලබා දෙමින්ය.

ළකුණු 49 පමණක් හිමිවිය යුතු වත්මන් අධ්‍යාක්ෂවරයාට, අදාල නැති ළකුණු 20ක් ලබා දී ඇති බවත්, එ් මගින් තනතුර අහිමිකල ජනප‍්‍රිය කරුණාතිලකට ළකුණූ 67ක් හිමිව සිටි බවත්, ශ්‍රේෂ්ඨාධිකරණය සිය තීන්දුවෙන් ප‍්‍රකාශයට පත්කර තිබින.

මෙම තීන්දුවෙන් වත්මන් අධ්‍යක්ෂ එස්.එස්.අයි.හේරත් ට තනතුර අහිමි වේ. එමෙන්ම අසාධාරණයට ලක්වූ ජනප‍්‍රිය කරුණාතිලකට සුදුසුකම් මත පත්වීම හිමිවේ. 

රටේ සෞඛ්‍ය සේවය - ඉහළම ස්ථාවරයේ මෙවන්   දුෂණ සිදුවනවානම්, පහළ ශ්‍රේණිවල අන්ත අප‍්‍රමාණ  දුණ ගැන කවර කථාද? 

මේ අකාරයට, අදාල නැති ළකුණු 20 ක් ලබාදී, තනතුරු ලබාදීමට, එවක සෞඛ්‍ය ඇමති මෛත‍්‍රීපාල සිරිසේන ඇතුලූ බලධාරීන් ක‍්‍රියා කළේ - කුමන පදනමක් මතද යන්න පැහැදිළි කල යුතුය.නියමිත සුදුසුකම් නොමැති අයට තනතුුරු ලබාදීම සේම, තනතුරු ලබා ගැනීමද - පහත්, නිවට, නීච ක‍්‍රියාවකි.

තනතුරු දෙන්නා මෙන්ම ලබන්නාද එකසේ දුෂණයට අක‍්‍රමිකතාවට වරදකරුවන්ය.

යහපාලනය ගැන, තමා දුෂිතයෙකු නොවන බව, පුලපුලා කියන ජනාධිපති සිරිසේන, එ් බව ඔප්පු කළ යුතුයි. 

සුදුස්සන් සිටියදී, නීතියට පිටතින් ගොස් අදාළ නැති ළකුණු එකතු කර, වැඩි ළකුණු ගත් අයට තනතුර දුන් බවට, එදා මොහු හා සෞඛ්‍ය බලධාරීන්, ප‍්‍රශ්ණ කරන්නන්ට පවසන්නට ඇත. දැන් මොකද කියන්නේ ?? 

Friday, December 15, 2017

තෙවරප්පෙරුම ගේ, පොලිසියේ බලපෑම් වලට යට නොවී, හත් අවුරුද්දක් නඩු කියා දිනයි.



මතුගම පොලිසියේ හිටපු මූලස්ථාන පොලිස් පරීක්ෂක, ප‍්‍රධාන පොලිස් පරීක්ෂක කුමාරප්පෙරුම ආරච්චිගේ උදය කුමාර උත්තරිතර නීතිය වන ආණ්ඩුක‍්‍රම ව්‍යවස්ථාව උල්ලංගණය කර ඇති බවට ශ්‍රේෂ්ඨාධිකරණය තීන්දු කර තිබේ.

2010 ඔක්තොම්බර් 15 වන දින, මතුගම පොලිසියේ හිටපු මූලස්ථාන පොලිස් පරීක්ෂක කුමාරප්පෙරුම ආරච්චිගේ උයද කුමාර, පියදාසව ව අත්අඩංගුවට ගෙන, අතින් පයින් හා පොලූවලින් පහර දී බරපතල තුවාල සිදු කරනු ලැබීය. අධිකරණ වෛද්‍ය වාර්තාව මගින් එ් බව තහවුරු කර තිබේ.

මෙම වධහිංසා පැමිණවීමට එරෙහිව පියදාස, ශ්‍රේෂ්ඨාධිකරණය හමුවේ මූලික අයිතිවාසිකම් පෙත්සමක් ගොනු කළේය. එම පෙත්සම මගින් පියදාස කියා සිටියේ නීති විරෝධීව අත්අඩංගුවට ගැනීම, රඳවා තබා ගැනීම හා වධ හිංසා පැමිණවීම මගින්, ආණ්ඩුක‍්‍රම ව්‍යවස්ථාවෙන් ස්ථාපිත කර තිබෙන මූලික අයිතිවාසිකම්, උදය කුමාර උල්ලංඝණය කර ඇති බවයි.

මෙයට සමගාමීව, ශ‍්‍රී ලංකා පොලිසියට ආවේණික වූ ක‍්‍රියාදාමය - අකුරටම පිළිපදිමින්, පියදාසට එරෙහිව නඩුවක් කුමාරප්පෙරුම ආරච්චිගේ උදය කුමාර, මතුගම මහේස්ත‍්‍රාත් අධිකරණයේ පවරන ලදි.

පියදාස, මූලික අයිතිවාසිකම් නඩුවක්, මතුගම ප‍්‍ර.පො.ප. උදය කුමාර ට එරෙහිව පවරා ඇති බව දැනගත්, පාර්ලිමේන්තු මංත‍්‍රී තෙවරප්පෙරුම, වහාම පියදාස හමුවට ගොස්, උදය කුමාර තම හිතවතකු බවත්, ඡුන්දයට ප‍්‍රයෝජනවත් අයෙකු බවත් ප‍්‍රකාශයක් කර, මූලික අයිතිවාසිකම් නඩුව ඉල්ලා අස්කර ගන්නා ලෙසට දැඩි බලපෑමක් එල්ල කරනු ලැබීය. 

පියදාස බලපෑම් වලට යටත් නොවී, වසර හතක් පුරා, මූලික අයිතිවාසිකම් නඩුව පවත්වාගෙන යෑමට ක‍්‍රියා කළේය. එහි ප‍්‍රථිඵලය 2017.12. 06 දින ලැබින. 

පෙර සඳහන් කල පරිදි ශ්‍රේෂ්ඨාධිකරණය පියදාස ගේ ඉල්ලීම පිළිගෙන පියදාසට වන්දි වශයෙන් රුපියල් විසිදහසක් ගෙවන ලෙසට උදය කුමාරට නියම කළෙය. එයට අමතරව, රජයට රුපියල් පහලොස් දහසක් වන්දි වශයෙන්ද, රුපියල් දසදහසක් නඩු ගාස්තු ගෙවන ලෙසට නියම කළේය.

රජය වෙනුවෙන් මෙම වන්දිය හා නඩු ගාස්තුව ගෙවීමේ වගකීම බාර වන්නේ පොලිස්පති වරයාටය. පොලිස්පති එම මුදල ගෙවන්නේ රටවැසියන් ගේ බදු මුදලින්ය. මෙය සෑම රටවැසියෙකුගේම අවධානයට යොමුවිය යුතු කරුණකි.

සෑම දේශපාලකයෙකුම පක්ෂ පාට කූමක් වුවත් අවසානයේ දි  චන්දදායකයා අතහැර දුෂිත පොලිස්කාරයින් සමග අත් වැල් බැ`දගන්නා බව සහතිකය. මෙයද රටවැසියන්ගේ අවධානයට යොමු විය යුතුය.  

මෙම මූලික අයිතිවාසිකම් නඩුවේදී, පියදාස වෙනුවෙන් නීතිඥ ශාන්ත ජයවර්ධන සමග චාමර නානායක්කාරවසම් පෙනී සිටි අතර, ප‍්‍ර.පො.ප.උදය කුමාර වෙනුවෙන් උපුල් කුමාරප්පෙරුම සමග ලහිරු ගලප්පත්ති යන නීතිඥවරු පෙනී සිටින ලදි.

ශ්‍රේෂ්ඨාධීකරණයේ විනිසුරු, ජනාධිපති නීතිඥ බුවනෙක අලූවිහාරේ, ශ්‍රේෂ්ඨාධිකරණ විනිසුරු අනිල් ගුණරත්න හා කේ.ටී.චිත‍්‍රසිරි ගේ එකඟතාවය ඇතිව, තීන්දුව ප‍්‍රකාශයට පත්කරන ලදි.
පියදාසගේ කථාවට සවන් දෙන්න.









Wednesday, December 13, 2017

අමතක කිරිමට ඉඩ නොදිමට, යුක්තිය උදෙසා අරගලයට - ජනතාව බලගැන්වීම.




2017.12.10 දින පැවති, හැට නව වන ජගත් මානව හිමිකම් දින සමරු වැඩසටහනට, රාජ්‍ය තන්ත‍්‍රයේ විවිධාකාර වූ අක‍්‍රමිකතාවයන්ට, පීඩාවන්ට පාත‍්‍රව යුක්තිය උදෙසා අඛණ්ඩව අරගල කරන වින්දිතයන් සමග ඔවුන්ට දිරි දෙන මානව හිමිකම් ආරක්ෂකයන්, සංවිධාන ක‍්‍රියාකාරීන්, හතලිස් හය දෙනෙකු එක්විය. මෙම වැඩසටහනේ ප‍්‍රධාන අමුත්තන් වූයේ වින්දිතයන්ය. 

දේශිය හෝ ජාත්‍යන්තර වශයෙන් අවධානයට ලක් නොවු මෙම වින්දිතයන්, මේ වන විට මානව හිමිකම් ක‍්‍රියාකාරීන් බවට පත්ව ඇත. ඔවුන් හා මානව හිමිකම් ක‍්‍රියාකාරීන්, නීතිය මත පාලනය ස්ථාපනය කර  ගැනීමට, අවශ්‍ය නීති රෙගුලාසි පිළිඳව දැණුම ලබාගෙන නිපවහන් නීතිඥයන් බවට ක‍්‍රියාකිරීම සඳහා පන්නරය ලබා ගැනීමට අවස්ථාව සැලසීම මෙම වැඩසටහනේ ඉලක්කය විය.
ඡයාරුප:-














Friday, December 8, 2017

ඇමති සාගලගේ ‘යහපාලන’ රෙද්ද මාකෙලිය පොලිසිය ගලවයිි.



ජගත් මුණසිංහ 43 හැවිරිදි තිදරු පියෙකි. බිරිඳ හා එක්ව තේ ද`ඵ කඩා ජීවත් වෙති.

ප‍්‍රදේශයේ මහා පරිමාණ කසිප්පු ජාවාරම්කරුවකු මෙන්ම, පිරිමි ළමයෙකු ලිංගික අපයෝජනය කිරීමේ චෝදනාවට ලක්වූ ”ලොකූ” ගේ අවශ්‍යතාවයට අත්අඩංගුවට ගෙන වධ දී බොරු නඩු දමන ලද්දේ, මෙම ලොකූට එරෙහිව පැමිණිල්ලක් දැමීමෙන් කරන ලද අපරාධයටය.

ප‍්‍රදේශයේ අපාරාධකරුවන් හා එක්ව ප‍්‍රසිද්ධියේ පාටි දමන මෙම පොලිස් නිලධාරීන්, අපරාධකරුවන් ආරක්ෂා කරන්නේ, අපරාධකරුවන්ට එරෙහිව, පැමිණිලි කරන්නන් අල්ලා වධ දී බොරු නඩු දමමින්ය.

එම ක‍්‍රියාව මාකෙලියට පමණක් සීමා වූවක් නොවේ.

අපරාධ අවම කිරීමට භාවනා කළ යුතු බව, පොලිසියක් ගානේ බුදු මැදුරු ඉදිකල යුතු බව පිලිගෙන, එ් අනුව, ක‍්‍රියාකරන සාගල ඇමති ගේ අනුදැනුමෙන් තොරව මෙවන් ක‍්‍රියාවන් සිදුවිය නොහැක. 

10 වෙනිදාට යෙදෙන ජගත් මානව හිමිකම් දිනය සමරන යහපාලනය අළෙවි කරන්නන් හට මෙය අගතියක් නොවනු ඇත. 

ජගත් මුණසිංහ විසින්  මානව හිමිකම් කොමිෂන් සභාවට, පොලිස්පතිට, නීතිය හා සාමය සහ දක්ෂින සංවර්ධණ අමාත්‍යංශයේ ලේකම්ට, නීතිපති හා ජාතික පොලිස් කොමිෂන් සභාවට කරන ලද පැමිණිල්ල පහත දක්වමු.

"ප‍්‍රදේශයේ අපරාධ කරුවකු සමග එක්ව අත්අඩංගුවට ගෙන, වධ දී, බොරු නඩු පැවරීම."
2017.12.07 දිනදීය. 
‘‘ 2017.12.01 දින දහවල් එකට පමණ, අසල්වැසියෙකු වූ, නිශ්ශංක (ලොකූ) නැමැති අපරාධවලට සම්බන්ධ පුද්ගලයකු පහර දීමට තැත් කිරීම සම්බන්ධයෙන්, මා, 119 ට දැනුම් දුන්නා. එසේ දැනුම් දුන්නේ චතුරංග නැමැති අයගේ දුරකථනයෙන්. මාගෙන් විස්තර අසා, මා ඉන්නා තැනට යෑමට තිබෙන අපහසුව නිසා, පැය 02 කින් පමණ, සමන්තිලක මුදලාලි ගේ කඬේ ලඟට ඇවිත් ඉන්න යයි දැනුම් දුන්නා. 

මා එ් අනුව, සමන්තිලක මුදලාලි ගේ කිඬේ ලඟට ගොස් සිටියා. 

සවස 3.30 ට පමණ, නිශ්ශංක (ලොකූ) නැමැති අය සමග පොලිස් නිලධාරීන් තුන්දෙනෙක් ආවා. සිවිල් පිට පැමිණි ඔවුන්, මාකෙලිඇල්ල පොලිසියට අයත් අය. සැරයන් ජයතිස්ස, පො.කො. නිලංග හා පො.කො.කුමාර යන අයවලූන් වේ.

මා ළඟට පැමිණි විගස, නිශ්ශංක මේ ඉන්නේ බඩු කියා, මාගේ ෂර්ට් එකේ කොලරය කරකවා අල්ලා ගත්තා. සැරයන් ජයතිස්ස මාගේ අත් පිටුපසට ගෙන මාංචු දැම්මා.

ඉන්පසු මට සැරයන් ජයතිස්ස, පො.කො.නිලංග හා පො.කො.කුමාර යන අය, අසල වැටෙන් ඇද කඩාගත් ලාඩප්පා පොලූවලින් පිටට, අත්වලට, කකුල්වලට ගැහුව්වා. වටකරගෙන අතින් ඔලූවට, මුහුණට ගැහුව්වා. කන්දෙකට ගැහුව්වා. ඔලූව කඬේ ලෑලි බිත්තියේ ඇන්නා.

එසේ පහරදී, සැරයන් ජයතිස්ස මා ළඟ ඉද්දී, පො.කො.නිලංග හා කුමාර, නිශ්ශංක (ලොකූ) සමග ඔහුගේ නිවසට ගියා.

ඔවුන් නිවසට ගොස්, නිශ්ශංක (ලොකූ) යන අයගේ පියා වන ගුණරත්න ව එතැනට අල්ලාගෙන ආවා.

ඉන්පසු යතුරු පැදිවල තියාගෙන මාකෙලිඇල්ල පොලිසියට ගෙන ආවා.

පොලිසිය ඇතුලට ගෙන යන විට, පොලිසියේ ස්ථානාධීපති, කලූපාට පොල්ලක් ගෙන, පිටට ගැහුව්වා. පොල්ල කැඩුනා. ඉන්පසු සැරයන් ජයතිස්ස, පො.කො. නිංග හා කුමාර මට අතින් පයින් ගැහුව්වා.

ස්ථානාධිපති අමරසිංහ එ් අතර පැමිණ, මට අතින් පහරදී, පුරුෂ ලිංගය අල්ලා මිරිකා, කරකවා, මිරිස් කුඩු දානවා කියා තර්ජණය කලා.

ඔවුන් මට මේ සියල්ල කළේ උඹ චන්ඩියෙක්ද කියා අසමින්.

මට පහර දෙන අතර, ගුණරත්න නැමැති අයටද ගැහුව්වා. 

පැයක් විතර තියාගෙන ඉඳලා, යතුරු පැදිවලින් බදුරලිය පොලිසියට ගෙන ආවා. එසේ ගෙන ආවේ සැරයන් ජයතිස්ස, පො.කො. නිලංග හා කුමාර යන අය.

බදුරලිය පොලිසියට ගෙන ආ පසු මාංචු ගලවා, කූඩුවට දැම්මා. ? එළි වෙනකම් කූඩුවේ සිටියා. 

පසුදින (2017.12.02 )උදේ 10.30 ට පමණ, මාගේ බිරිඳ වන කුරුඳුකාරගේ නිලන්ති දේවිකා ශ‍්‍රියා කල්‍යානි පොලිසියට පැමිණියා.

ඊට පස්සේ, ඇප දුන්නා. ඇපයට අත්සන් කලේ මාගේ බිරිඳ විසින්. 2017.12.08 දින උසාවියට එන ලෙසට දැනුම් දුන්නා. චෝදනා දන්නේ නැහැ.

පොලිසියෙන් පිටවූ පසුව, මාව කෙළින්ම බදුරලිය රජයේ රෝහලට ගියා. බදුරලිය රෝහලට මට පොලිසියෙන් ගහපු බව කිව්වා. 

රාත‍්‍රි 10ට පමණ බදුරලිය රෝහල ගිලන් රථයෙන් මාව නාගොඩ මහා රොහලට මාරු කරනු ලැබුවා. එහිදි ද මා පොලිසියෙන් ගහපු බව වෛද්‍යවරුන්ට ප‍්‍රකාශ කළා. 5බි වාට්ටුවේ නවත්වා ප‍්‍රතිකාර කළා. වාට්ටුවේ ඉන්න විට රෝහල් පොලිසියෙන් පැමිණ විස්තර ලබා ගත්තා. ලියා ගත් දේ කියවා තේරුම් කළේ නැහැ. අත්සන ගත්තා. අධිකරණ වෛද්‍ය නිලධාරි පරික්ෂා කළා. 2017.12. 04 ටිකට් කැපුවා.

2017.12.04 රෝහලින් පිටවූ පසුව, සවස 3.00 ට පමණ, මතුගම සහකාර පොලිස් අධිකාරී කාර්යාලයට ගොස් පැමිණිල්ලක් කලා. මා කියන දේ යතුරු ලියනය කලා. නමුත් නැවත කියවා පැහැදළි කළේ නැහැ. අත්සන් ගත්තා. සහකාර පොලිස් අධිකාරී ක‍්‍රියා කළේ අපරාධය කල පොලිස් නිලධාරීන් ආරක්ෂා කරන්න. 

දවස් තුනක් බලාගෙන හිටියා කැඳවනවා කියපු නිසා. නමුත් කැඳවූයේ නැති නිසා, 2017.12.07 (අද* ජ්‍යෙෂ්ඨ පොලිස් අධිකාරී හමුවන්නට ආවා. එහිදී, මතුගම පොලිස් ස.පො.අධිකාරී එනකම් ඉන්න කිව්වා. පැය 2 1/2 ක් පමණ ඉන්නකොට, මතුගම ස.පො.අධිකාරී පැමිණියා. 

නමුත්, ජ්‍යෙෂ්ඨ පොලිස් අධීකාරී හෝ මතුගම ස.පො.අධිකාරී ව හමුවන්නට මට ඉඩ දුන්නේ නැහැ.

හීන්කෙන්ද නැමැති ආරක්ෂක සහායක පැමිණ,  ඕන වුනොත් ආයේ එන්න, පරීක්ෂණ කරගෙන යනවා කියා, මට යන්න කිව්වා. 

මේ සියල්ලෙන්ම පැහැදිලි වූයේ, මට අමානුෂික ලෙසට පහර දුන්න, බොරු නඩු දැමූ, මා කෙලිඇල්ල පොලිස් මුරපොලේ ස්ථානාධිපති අමරසිංහ, සැරයන් ජයතිස්ස, පො.කො.නිලංග හා කුමාර ආරක්ෂා කිරීමට ක‍්‍රියා කරන බවය.

මෙ ආකාරයට මේ සියලූම නිලධාරීන් ක‍්‍රියා කරන්නේ, බදුරලිය පොලිස් වසමේ, මෝල්කාව, යාලමැඩිය ප‍්‍රදේශයේ, මහා පරිමාණ නීති විරෝධී මත්පැන් ජාවාරම් කරන, පිරිමි ළමයෙකු ලිංගික අපයෝජනයට ලක් කිරීමේ, මහාධිකරණ නඩුවේ චුදිත වන - නිශ්ශංක (ලොකූ* සමග පොලිසිය පවත්වාගෙන යන සහසම්බන්ධය බව වගකීමෙන් ප‍්‍රකාශ කරමි.’’

ඔහු ඉල්ලා සිටින්නේ, මාකෙලි ඇල්ල පොලිස් මුරපොලේ, පොලිස් අපරාධ කරුවන් සිව් දෙනා වන, 1. ස්ථානාධිපති අමරසිංහ, 2. සැරයන් ජයතිස්ස, 3. පො.කො.නිලංග 4. පො.කො. කුමාර
 යන නිලධාරීන්ට එරෙහිව නීතිය ක‍්‍රීයාත්මක කරනා ලෙසටය.

එමෙන්ම මෙය මුලික අයිතින් උල්ලංඝණය කිරිමක් බව පෙන්වා දෙයි.


Thursday, December 7, 2017

පොලිස් කොමිෂම යහපාලනයේ රෙදි ගලවයි.


කඹුරුපිටිය පොලිසිය, නීතිය හා සාමය බාර ඇමති සාගල රත්නායකගේ බල ප‍්‍රදේශයට අයත් එකකි.

පතිනායක පවුලට අයත් ඉඩමකට කඹුරුපිටිය පොලීසියේ ස්ථානාධිපති ඇතුලූ වී, බලහත්කාරකම් කිරීම ගැන පැමිණිල්ලක් පොලිස්පතිට කර, එහි පිටපතක් පොලිස් කොමිෂමට යොමු කිරීමට පතිනායක මහතා පියවර ගත්තේ, 2017.08.23 වන දින දීය.

එම පැමිණිල්ල විමර්ශනය කළ බවත්, පොලීසියට, අන් අයගේ ඉඩම්වල බෝඞ් ගැසීමට හැකි බවත්, බෙදුම් නඩුවක් තිබෙන නිසා මැදිහත්වීමට නොහැකි බව ප‍්‍රකාශ කරන පොලිස් කොමිෂම යලිත් වරක් තමන් ‘‘යහපාලනය’’ යටතේ විගඩමක් බවට පත්ව තිබෙන බව ඔප්පු කර ඇත.

පතිනායක මහතා 2017.12.06 දාතමින් පොලිස් කොමිෂම අමතන ලද ලිපිය සියලූ කරුණු පැහැදිළි කරයි.

පී.එම්. තිලකා කල්‍යාණි මිය
පළාත් අධ්‍යක්ෂ (දකුණු පළාත)
ජාතික පොලිස් කොමිෂන් සභාව
දිස්ත‍්‍රික් ලේකම් කාර්යාල සංකීර්ණය
පළමුවන මහල
ගාල්ල

මහත්මියණි

කඹුරුපිටිය ස්ථානාධිපතිවරයාගෙන් සිදුවී ඇති අසාධාරණය සම්බන්ධව

උක්ත කාරණය අදාලව ඔබගේ NPC/PCID/SOU/MT45/17 හා 2017.11.23 දාතමින් යුත් ලිපිය හා බැඳේ.

මාගේ පැමිණිල්ල අදාලව ඔබ, පිළිතුර ප‍්‍රතික්ෂේප කරන බව ප‍්‍රථමයෙන් ප‍්‍රකාශ කර සිටිමි.

(1* ඔබ විමර්ශනයක් කළ බව සඳහන්ව ඇතත්, එය කා සමග කරන ලද විමර්ශනයක් ද කියා, මා දන්නේ නැත.

මා දන්නා පරිදි විමර්ශනයක් කිරීමේදී, පැමිණිලිකරුගෙන් පැහැදිළි කර ගැනීමක් කරගත යුතුය. 

(2* ඔබගේ ඊනියා පිළිතුර පැහැදිළි කරන්නේ, ඔබ පොලීසිය සුද්ධ කිරීමට පොලිස් නීති විරෝධී කි‍්‍රියා ආරක්ෂා කිරීමට කරන ලද්දක් බවය.

(3* ඉඩම් නඩුව ඇත්තේ පොලිස් ස්ථානාධිපති සමග නොවේ. පොලිස් ස්ථානාධිපති සමග ඉඩම් නඩුවක් තිබුණත්, පොලිස් බලතල යොදාගෙන ඉඩම් මංකොල්ලා කෑමට නොහැකි බව නොදන්නවා විය හැක.

(4* මෙම ඉඩම අදාල ඉඩම් නඩුව, ”බෙදුම් නඩුවකි” එහි පාර්ශවකරුවන් මාගේ ඥතීන්ය. එ් නිසා ස්ථානාධපතිට, ඉඩමට අයිතිවාසිකම් කිව නොහැකිය.

(5* මෙම ස්ථානාධිපතිවරයා ක‍්‍රියා කරන්නේ නීතියට අනුව නොවන බවද, වෙනත් ”බලවතුන්ගේ” අවශ්‍යතාවය මත බව වගකීමේන ප‍්‍රකාශ කරමි.

(6)”පොලීසිවල නාම පුවරුව” පුද්ගලික ඉඩම්වල අනවසරයෙන් ප‍්‍රදර්ශනය කිරීමට තිබෙන්නේ කුමන නීතියක්, කුමන රෙගුලාසියක් යටතේද, යනන් නොපමාව මා වෙත දැණුම් දෙන්න.

(7)වත්මන් යහපාලන ආණ්ඩුවේ නීතිය හා සාමය සහ දක්ෂිණ සංවර්ධන ගරු අමාත්‍ය සාගල රත්නායක මහතා නියෝජනය කරන, මාතර දිස්ත‍්‍රික්කයට අයත් කඹුරුපිටිය ආසනයේ, කඹුරුපිටිය පොලීසියේ පොලිස් ස්ථානාධිපතිගේ ”නීති විරෝධී” ක‍්‍රියාවන්, සිද්ධියට අදාල නැති ”නඩුවක්” බව හුවා දක්වා, යහපාලනයේ ප‍්‍රධාන අංගයක් වන නීතියට සියල්ල යටත් බව වන ප‍්‍රධාන කරුණ, ඔබ කොමිෂම හෑල්ලූවට ලක් කිරීම ගැන මාගේ අප‍්‍රසාදය පළ කරමි.

මා පෙර සඳහන් කරන ලද පරිදි ඔබගේ පිළිතුර ප‍්‍රතික්ෂේප කරන අතර, නොපමාව මෙම ස්ථානාධිපතිට එරෙහිව විනය පියවර ගෙන නාම පුවරුව ඉවත් කරන ලෙසට නියෝග කරන ලෙස ඉල්ලමි.    

මෙයට,
අ.ක/ එම්.ඩබ්. පතිනායක 

පිටපත:- ජ.පො.කො




Sunday, November 26, 2017

සියල්ල දෙවියන්ගේ කැමැත්තට සිදු විය. KG හා මාවා විකුණන මිනිහා වෙනුවට ගෑනි දඟ ගෙට.


කේරළ ගංජා හා ”මාවා” නමින් හඳුන්වන මත් ද්‍රව්‍යය විකිණීම ”වෘතිය” කරගත් මොහොමඞ් රෝෂාන් මොහොමඞ් ලාෆීර් හා ෆාතිමා රිජාසා මොහොමඞ් කාහීර් අමු සැමි යුවලගේ කථාව සියල්ල සිදුවන්නේ දෙවියන්ගේ කැමැත්තට බව ඔප්පු කරන්නකි.

දර්ගා නගරය අද සුප‍්‍රකටය. එ්ත් රට්ටු නොදන්නා ”ප‍්‍රකට” කරුණක් ද වේ. එ් ගංජා, බාබුල්, මාවා හා හොර හරක් ජාවාරම් වලට බව. පොලීසිය හොඳින් දන්නා මේ කාරණා, කළමනාකරණය කරගෙන පවත්වාගෙන යෑම, එලොවටත්, මෙලොවටත් හොඳය.

හැත්තෑ පස් හැවිරිදි සවාහිරා ප‍්‍රකාශ කරන පරිදි, තම දියණිය, තිදරු මවක් වන තිස් හතර හැවිරිදි ෆාතිමා රිජාසා 2017.07.28 දින සිට, ක`ඵතර රිමාන්ඞ් බන්ධනාගාරයේ පසුවෙති. මාස 04 කට ආසන්නය. ඇයව, අලූත්ගම පොලිසිය අත්අඩංගුවට ගන්නේ, කේරළ ගංජා හා ”මාවා” නම් මත්වන බුලත්විටි විකුණන රෝෂාන් වෙනුවටය.

මොහොමඞ් රෝෂාන් සිය ජාවාරම් අඛණ්ඩව සිදුකරගෙන යයි. ඔහු ආගමානුකූලව වෙනත් කසාදයක් කරගෙන ඇත. මොහු විටින් විට නිවසට පැමිණ තමාට තර්ජනය කරයි. ඉන්න ගේ ඉඩම ඇතුලු වටිනා සියල්ල සල්ලි දෙන ලෙසට ඉල්ලා සිටී. ෆාතිමා රිජාසා ගෙන් දික්කසාද වීමට යයි. දරුවන් තිදෙනාට කන්න බොන්න දෙන්ේ නැත.

ඇය පොලීසියට පැමිණිලි කළද, පලක් නැති බව කියා සිටී.

දෙවියන්ගේ කැමැත්තට ඉඩ නොදීමට තීරනය කළ ඈ, අසල්වැසියන්ගේ ආධාර උපකාර මත, නීතිමය පියවර ගැනීමට ඉදිරිපත්ව තිබේ. 

එහෙත් එ් සඳහා ඉඩත් නැත. නීතිය අපරාධකරුවා සමගය.

චීවරධාරී මෘගයෙකුට පොලිස් රැකවරණ



වස්කඩුවේ ධම්මාරාම නැමති චීවරධාරියා, රාත‍්‍රී 9.30 ට පමණ, පොලූ මුගුරු අරන් නිවසකට පැන, එහි සිටි මානසික රෝගියෙකුට, පහරදීමට එරෙහිව නීතිය ක‍්‍රියාත්මක නොකරන්නේ, අගමැති හා පොලීසිය බාර ඇමතිගේ උපදෙස් මතද?

ඉදිරි පළාත් සභා මැතිවරණයට එක්සත් ජාතික පක්ෂයෙන් තරඟ වැදීමට අපේක්ෂා කරන්නේ මෙම චීවරධාරියාගේ සොහොයුරෙක් බව ප‍්‍රකශ වේ.

නීතිය මත පාලනය බිඳ වැටීම හා රටේ චීවරධාරීන්ගේ තත්ත්වය ද මෙම සිද්ධියෙන් මනාව පැහැදිළි වේ. 

මොහුගේ සොහොයුරිය නන්දාවතී:(අවු: 57), විසින්, පොලිස්පති ඇතුලූ බලධාරීන්ට කරන ලද ලිඛිත පැමිණිල්ල සියලූ කරුණු පැහැදිළි කරයි.
   
රංචු ගැසී, සංවිධානාත්මකව, ගෙට පැන, මරා දැමීමේ චේතනාවෙන් පහර දුන්න චීවරධාරියෙකුට එරෙහිව නීතිය ක‍්‍රියාත්මක කර ගැනීම සඳහා කරන ඉල්ලීම. 2017.11.25 වන දින දීය.

2017.11.23 වන දින, රාත‍්‍රී 11.30 ට පමණ, පනාපිටිය පාරේ, කවුඩුදුවද නාගරුක්කාරාමයේ, පදිංචි වස්කඩුවේ ධම්මාරාම යන චීවරධාරී පුද්ගලයා තවත් පස් දෙනෙක් සමග පැමිණ, මාගේ මල්ලී වන ගාමිණී පිටිගල ආරච්චි, (අවු: 47 යි )ට, ගාමිණී, ගාමිණී යනුවෙන් ෙදාරට ගසමින් කථා කළා. 

මාගේ මල්ලී ෙදාර ඇර, එන්න හාමුදුරුවනේ, ඇවිත් වාඩිවෙන්න යැයි, වඳිමින් වස්කඩුවේ ධම්මාරාම චීවරධාරියාට ආරාධනය කළා.

එම චීවරධාරියා, ”යකෝ මම වාඩිවෙන්න නෙවෙයි ආවේ” කියමින්, ඔහු අත තිබූ යකඩ පොල්ලකින් ගහගෙන ගහගෙන ගියා. මල්ලීව ඇදගෙන ඇවිත්, මල්ලීගේ සරමද කඩා දැමුවා. වටවී සිටි අය පහරදීමට උදව් කළා. එක් අයෙක් මල් පෝච්චියක් ඔසවාගෙන වැටී සිටි මල්ලීගේ ඔලූවට පහරදීමට බලා සිටියා. 

මා පහරදීම වැළැක්වීමට උත්සාහ ගන්නා විට, මෙම චීවරධාරියා එම පොල්ලෙන් මට පහර දුන්නා. මල්ලී සිහි නැති වූ විට, මෙම චීවරධාරියා, පිරිස සමග ඔවුන් පැමිණි ත‍්‍රී රෝද රථ දෙකෙන් යන්න ගියා.

ඔවුන් ගිය පසු, මම අපහසුවෙන් ඇඳ රෙද්දක් අන්දවාගෙන මල්ලීව මොරොන්තුඩුව පොලිසියට ගෙන ගියා. මොරොන්තුඩුව පොලීසියෙන් විස්තර අසා, ස්ථානාධිපති එනකම් පැමිණිල්ල බාරගන්න බෑ කියා රෝහල්ගත වෙන්න යැයි උපදෙස් දුන්නා.

මා මල්ලීව ගෝනවදු රජයේ රෝහලට ගෙන ගියා. රෝහලේදී මාගෙන් විමසුවා ටිකට් එකක් දුන්නද කියා. මා නැහැ කිව්වා. එවිට රෝහලේ වෛද්‍යවරයා විස්තර අසා ලියාගෙන ප‍්‍රතිකාර කළා.

මාගේ මල්ලී වසර 20 ක පමණ සිට මානසික රෝගයකට ප‍්‍රතිකාර ගන්නා කෙනෙක්. එම නිසා මොහුව රෝහලේ නතර කරවීම අපහසුයි. එම තත්ත්වය තුළ, ඔහුව අධිකරණ වෛද්‍ය නිලධාරීවරයා වෙත යොමු කරන්න බැරි වුණා. 

මෙම චීවරධාරියා පහර දුන්නේ මානසික රෝගියෙකුට. පහර දුන්නේ මල්ලීව මරා දැමීමට. මෙම අපරාධය සිදුකළ චීවරධාරියා වන වස්කඩුවේ ධම්මාරාම පොලීසිය සමග කිට්ටු සම්බන්ධකම් පවත්වති. තවද මොහු සාමවිනිසුරුවරයෙක් ද වේ.

මොහුගේ මල්ලී කෙනෙකු වන සමරසේකර නැමැත්තා, එක්සත් ජාතික පක්ෂයේ ප‍්‍රාදේශීය සංවිධායක වේ. 
මෙම පසුබිම යටතේ, මෙම අපරාධකාරයන් ව, පොලීසිය ආරක්ෂා කරති. 

2017.11.25 දින මා, යුක්තිට ඉටු කර ගැනීම සඳහා පානදුර පොලිස් අධිකාරී කාර්යාලයට පැමිණියා. එම කාර්යාලයේදී විස්තර ඇසූ කාන්තා පොලිස් නිලධාරණියක්, දුරකතනයෙන් මොරොන්තුඩුව පොලීසියට කථා කර, නැවත පොලීසියට යන ලෙසට උපදෙස් දුන්නා.

නමුත් එහි ගොස් පලක් නොවන බව මා දන්නවා. 

මා ඉල්ලා සිටින්නේ, මාගේ නිවසට, රංචු ගැසී, සංවිධානාත්මකව පැමිණි, පනාපිටිය පාරේ, කවුඩුවදු නාගරුක්කාරාමයේ, පදිංචි වස්කඩුවේ ධම්මාරාම යන චීවරධාරී පුද්ගලයාට එරෙහිව නිතිමය පියවර ගන්නා ලෙසටය.’’

මෙයට,

අ.ක/ නන්දාවතී

පිටපත්:  
01. ලේකම්
    ජාතික පොලිස් කොමිෂන් සභාව                           
    අංක 09 ගොඩනැගිල්ල
     BMICHපරිශ‍්‍රය
    බෞද්ධාලෝක මාවත
    කොළඹ 07

02. ලේකම්
     නීතිය හා සාමය සහ දක්ෂිණ සංවර්ධන අමාත්‍යාංශය
     13 මහල, 11
අදියර
     සෙත්සිරිපාය
     බත්තරමුල්ල






යූ.ඇන්.පී. ප‍්‍රාදේශීය සභා නියෝජිතයෙකු මිනීමැරම් චෝදනාව වෙනස් කර ගන්නට යයි.


මෙම උත්සාහයේ යෙදී සිටින්නේ රත්නපුර මහාධිකරණයේ දැනට පවතින මිනීමැරම් නඩුවක පළමු චූදිත වන ලලිත් බෝතුංග ආරච්චි නැමැත්තාය.

මොහුගෙන් මැරුම් කෑමට ලක්වූයේ ර/ගිලීමලේ සමනල විද්‍යාලයේ එවකට විදුහල්පතිව සිටි, එල්.ජී.පෙරේරා මහතාය.

ටියුෂන් ගුරුවරයෙකු වූ ලලිත් බෝතුංග ආරච්චි නැමැති එවක, යූ.එන්.පී. ප‍්‍රාදේශීය සභා නියෝජිතවරයාගේ බලපෑම්වලට අවනත නොවී, තම පාසලේ සිසු දරුවන්ට උපරිම ලෙස ඉගැන්වීම් කටයුතුවල නිරතවීම ඔහු මරා දැමීමට හේතුව බව ප‍්‍රකාශ වේ.

එල්.ජී.පෙරේරා මහතාගේ බිරිඳ ”චෝදනාව’’ වෙනස් කරවීමට රජයේ නීතිඥවරයා මෙන්ම, විත්තිකරුගේ නීතිඥවරු ගන්නා උත්සාහයට විරුද්ධත්වය පළකර සිටී.

වත්මන් අධිකරණ ඇමතිනී තලතා අතුකොරල ගේ සමීප ආධාරකරුවෙකු ලෙසට පෙනී සිටින, ලලිත් බෝතුංග ආරච්චිගේ උත්සාහය වන්නේ, මිනීමැරුම් චෝදනාව වෙනස්කරවාගෙන කෙටියෙන් නඩුව අවසන් කර ගැනීමටය.

එනම් ”නාමික දඬුවමක්” ලබාගෙන එළඹෙන ප‍්‍රාදේශීය සභා මැතිවරණයට ඉදිරිපත්වීමටය.

මෙම කාරණය අදාල, එල්.ජී.පෙරේරා මහතාගේ අයිතීන් වෙනුවෙන් පෙනී සිටින ඔහුගේ බිරිඳවන ලියනගේ මහත්මිය විසින් නීතිපති අමතන ලද, ලිපිය මගින් පවතින තත්ත්වය පැහැදිළිවනු ඇත. එම ලිපිය පහත දක්වමු.

"HCR 66/13 මහාධිකරණය රත්නපුරය. 
දැනට රත්නපුර මහාධිකරණයේ, විභාග වෙමින් පවතින ඉහත නඩුවේ, මරණකරු එල්.ජී.පෙරේරා මහතාගේ බිරිඳ වශයෙන් පහත සඳහන් කරුණු ඔබ අවධානය සඳහා ඉදිරිපත් කරමි.

01. ර/ගිලිමලේ සමනල මහා විද්‍යාලයේ විදුහල්පති වශයෙන් කටයුතු කරන සමයේදී, 2009.01.04 දින, විද්‍යාල භූමියට පැමිණි, චූදිතයින් දෙදෙනා, පොලූ, කඩුරැුගෙනවිත්, පහර දෙන ලදි. 

එම පහරදීමේ ප‍්‍රතිඵලයෙන් එ් අවස්ථාවේදීම ඔහු මිය යන ලදි.

2. මෙම අපරාධය පිළීබඳව රත්නපුර මහේස්ත‍්‍රාත් අධිකරණයේ අංක බී.ආර්.16/09 යටතේ පැවැති ලඝු නොවන නඩු විභාගයෙන් අනතුරුව, ඔබ විසින්, අපරාධ සැකකරුවන් වූ,
   1. ලලිත් බෝතුංග ආරච්චි
   2. ගාලූකා ගමගේ අජිත් බණ්ඩාර

එරෙහිව, ද.නි.සං 296 වගන්තිය යටතේ මිනී මැරීමේ චෝදනා නගා තිබේ.

3. 2015.06.15 දින නඩුවාරයේදී, රජයේ අධිනීතිඥ ෂෙහාන් ද සිල්වා මහතා, අධිචෝදනා පත‍්‍රයේ සඳහන් අධිචෝදනා සංශෝධනය කිරීම මගින් නඩුව කෙටි ක‍්‍රමයකින් අවසන් කර ගැනීමට හැකියාවක් ඇද්ද යන්න සලකා බැලීම සඳහා, දින ඉල්ලා සිටින ලදි.

4. මේ ඉල්ලීම, මාගේ වැටහීමට අනුව, ද.නි.සං.296 වගන්තිය, මිනීමැරුම් චෝදනාව, වෙනස් කරවා, ගැනීමට කරන ලද උත්සාහයකි.

ගරු නීතිපතිතුමනි,
5. 1. පළමු විත්තිකරු ලලිත් බෝතුංග ආරච්චි, 6 සිට 11 ශ්‍රේණි දක්වා, ගණිතය විෂය ”උගන්වන ටියුෂන් පංති පවත්වන ගුරුවරයෙක්.

    11. මෙම කාලවකවානුව තුල, රත්නපුර ප‍්‍රාදේශීය සභාවේ, එක්සත් ජාතික පක්ෂ නියෝජතියා වශයෙන්, ක‍්‍රියාකාරී දේශපාලනයේ නියැලූනු අයෙකි.

    111. මාගේ සැමියා ගේ පාසැලේ සිසුන්, මොහු විසින් , පාසල ඉදිරිපිට පවත්වාගෙන යන ලද   ” ටියුෂන්” පංතියට, නොඑවීම මත, වෛර බැඳගෙන සිටින ලදි.

    1ඩ. 2008.12.28 දින අප නිවසට, හතර දෙනෙකු සමග පැමිණි 1 වන විත්තිකරු හා 2 වන විත්තිකරු, පාසැලේ විදුහල්පති කමෙන් ඉවත් නොවුනහොත් මරණ බවට තර්ජණය කර, යන ලදි.

ඩ. මෙම මරණීය තර්ජණය කිරීම රත්නපුර පොලිසියට හා කලාප අධ්‍යාපන කාර්යාලයට පැමිණිලි කරන ලදි. 

ඩ1. මෙම පැමිණිල්ල පිලිබඳව 2008.12.31 දින දෙපාර්ශවය කැඳවන ලදි. නමුත් පළමු විත්තිකරු පංතිය තිබෙන නිසා පැමිණීමට නොහැකි බව දන්වන ලදි. එ් අනුව 2009.01.01 දින කැඳවන ලදි.

ඩ11ග එ් අනුව මෙම මරණීය තර්ජණය කිරීම පිළිබඳව රත්නපුර පොලිසිය, 2009.01.01 දින දෙපාර්ශවය කැඳවා, කටඋත්තර ලබා ගන්නා ලදි.

ඩ111. 2009.01.05 දින නව වසරට පාසැල් වාරය ආරම්භ කිරීමට පෙර දින, එනම් 2009.01.04 දින පාසැලේ සූදානම් කර තිබූ ශ‍්‍රමදනයට සහභාගී වෙනිම් සිටියදී, මෙම මරා දැමීම සිදුකරනු ලැබීය.

ගරු නීතිපති තුමනි,

06. මෙම පසුබිම යටතේ, පළමු විත්තිකරු සිය දේශපාලන හා දාමරික බලය උපයෝගී කරගෙන, සංවිධානය වී සිදු කරන ලද මේ මිනීමැරුම ”කෙටියෙන් වසන්” කිරීමට ඉඩ ලබා නොදෙන ලෙසට ඉල්ලා සිටිමි.

07. මාගේ දැනීමේ හැටියට ”කෙටියෙන් අවසන්” කිරීම යන්නෙන් අදහස් කරන්නේ, ”මිනීමැරීමේ” චෝදනා වෙනුවට වෙනත් චෝදනාවක් ආදේශ කරවා ගෙන, එම ආදේශ කරන ලද චෝදනාවට වැරදිකරු බව අධීකරණයේ පිළීගැනීමට අවස්ථා උදාකර ගැනීමය.

එමගින්, ඔහුට ”නාමික” දඩුවමක් අධිකරණයෙන් ලබා ගැනීමට හැකිවනු ඇත.

8. එ් ”නාමික” දඩුවම ඔහුට මොනයම් හෝ ආකාරයකට බල නොපානු ඇත.

9. ඉදිරි මැතිවරණයේදී, යලිත් ඔහු එක්සත් ජාතික පක්ෂ, ප‍්‍රාදේශීය සභා නියෝජිත වශයෙන් අපරාධ කර නිදහස් විය හැකි බවට පූර්වාදර්ශය කරවනු ඇත.

10. මෙම මහා අපරාධය සම්බන්ධයෙන් තම ජීවිත පරදුවට තබා, සාක්ෂි දුන් සියල්ලටම බලවත් තර්ජණයක් වනු ඇත.

11. මාගේ හා පවුලේ උදවියට මොහුගෙන් තර්ජණ එල්ලවනු ඇත.

එම තත්වයන් කෙසේවෙතත්, මෙම නඩු චෝදනා වෙනස් නොකර, නඩුව විභාග කොට, යුක්තිය ඉටු කරන ලෙසට ඉල්ලා සිටමි.

මෙයට,

එච්.ජී.අයි.ලියනගේ.
(මරණකරුගේ බිරිඳ.)



























Friday, November 24, 2017

පො.ප.පූජිතගේ ”භාවනාව” ප‍්‍ර.පො.ප.සුජිත් අධෝමාර්ගයට ඇතු`ඵ කරයි.



අමරසිංහ සිල් පද පහ අකුරටම පිළිපදින්නෙක්. දකුණේ සිංහලේ ඇති බෞද්ධයෙක්. මොහු ගිය මස රාත‍්‍රී 9.00ට පමණ, තම ත‍්‍රී රෝද රථයට තෙල් ගසාගෙන, ගෙදර යමින් සිටියදී, මග රැුක සිටි ඌරගස්මංහංදියේ පොලිසියේ කට්ටිය, ඔහුව නවත්වා, නම ගම අසා, ලයිසන් ඉන්ෂුවරන්ස් අරගෙන පරීක්ෂාවට ලක් කරන ලදි.

කිසිම වරදක් සොයා ගැනීමට නොහැකි වූ තැන, රියදුරු බලපත‍්‍රය පරණ යයි චෝදනා කරන ලදි. පරණ වුනත් වලංගු නේද යයි අමරසිංහ පොලිස් කාරයින්ගෙන් අසා ඇත.

එවිට මේ පොලිස් කාරයෝ පොලිසි කුඩුවට යනවාද ගෙදර යනවාද කියා අසා ඇත. තමාට අවශ්‍ය ගෙදර යන්න බව පැවසූ විට, එහෙනම් ‘‘මොනවා හරි කරන්න’’ යයි කියා ඇත.

අමරසිංහට මෙය ප්‍රෙහෙලිකාවක් විය. ඔහු ”සර්ලා මොනවා හරි කරලා මට ගෙදර යන්න ඉඩදෙන්න” යයි පොලිස් කාරයින්ගෙන් නොවදිමින් ඉල්ලා තිබේ.

”පකයා” යන ගෞරව නාමයෙන්, අමරසිංහ ඇමතූ පොලිස් කාරයෝ, ඔහුව පොලිසියට ගෙන ගොස්, කූඩුවේ දමා, ”බීමතින් රිය පැදවීම” යන චෝදනාව මත උසාවි දමන බවට සඳහන් කර, තාවකාලික රියදුරු බලපත‍්‍රය නිකුත් කරන ලදි.

මෙම සිදුවීමට දෙමළ ජාතිකයෙකුට හෝ මුස්ලිම ජාතිකයෙකුට හෝ මුහුණ පාන්නට සිදුවූවානම් එය       ”ජාතිවාදී” ප‍්‍රශ්ණයක් වනු ඇත. වෙනම රටක් ඉල්ලා සිටීම සර්ව සාධාරණ බව ඔප්පු කිරීමට යොදා ගනු ඇත. 

අවාසනාවකට මෙම පාදඩ, නීච ක‍්‍රියාවට මුහුණ දෙන්නට සිදුවූයේ දකුණේ සිංහලේ බෞද්ධයෙකුටය. පස් පවින් වැළකී සිටින්නෙකුටය.

පොලිස්පති පූජිතගේ ”භාවනාව”, ස්ථානාධිපති ප‍්‍ර.පො.ප.සුජිත් විසින්, අධෝමාර්ගයට ප‍්‍රවිශ්ඨ කරවා, පගාව නොදෙනවුන්ට කරන දේ නවත්වන්න ”භාවනාවට” බැරි බව ඔප්පුකර සිටියේය. 

ඌරගස්මංහංදය පොලිසියේ ස්ථානාධිපති ප‍්‍ර.පො.ප.සුජිත්, අමරසිංහ මයාගේ රියදුරු බලපත‍්‍රය ලබා නොදී රඳවා තබාගෙන සිටී.

කියවන්න - අමරසිංහ මහතා, බලධාරින්ට යවන ලද ලිපිය. 

පගාව නොදුන්න නිසා, රියදුරු බලපත‍්‍රය රඳවාගෙන, පීඩාවට පත් කිරීම, වධහිංසාවට පත් කිරීම, ව්‍යාජ චෝදනා නැගීම මගින් රටේ නිතිය උල්ලංඝණය කිරිම.

‘‘ 2017.10.18 වන දින රාත‍්‍රී 9.00 ට පමණ, මා ඇල්පිටිය,  අලූත්ගම පාර, 06 කණූව, පිරවුම් හලේ සිට නිවස බලා එන අතර, හිපන්කන්ද ගමට යන පාරේ, තුන්මං හංදිය අසලදී , මාව, පොලිසියෙන් නැවැත්වූවා. 
ඔවුන් මා පැදවූ, මාගේ ීඡු ශ’ – 6707 ත‍්‍රී රෝද රථයේ ”ලයිසන්, ඉන්ෂූවරන්ස්” ඉල්ලූවා.

මා මාගේ රියදුරු බලපත‍්‍රය, රථයේ ලයිසන් හා ඉන්ෂූවරන්ස්, එහි සිටි චන්ද්‍රතිලක නැමති නිලධාරියාගේ අතට පත් කලා. එය පරීක්ෂා කළ ඔහු, මගේ රියදුරු බලපත‍්‍රය ‘‘පරණ’’ යයි කිව්වා. මා ඔහුට ”පරණ” නැති බව කිව්වා. ඉන්පසු ඔහු මගේ රැකියාව මොකක්ද කියා ඇහුව්වා. මා විස්තර කලා. එවිට ඔහු ලයිසන් එක ‘‘පරණ’’ නැති වුනත් ’’බීලා’’ ඉන්නේ යයි චෝදනා කලා. 

මා කිසි දිනක ‘‘බීලා’’ නැති බව ප‍්‍රකාශ කලා. 

පසුව මෙම චන්ද්‍රතිලක නිලධාරියා, ගෙදර යන්න  ඕනි නම්, අර මහත්තයා එක්ක කතා කරගන්න යයි කියා අසල සිටි ‘‘සිල්වා 2105’’ නැමැති නිලධාරියා ලඟට යැව්වා.

සිල්වා 2105, මට කිව්වා දැන් මොකද කරන්නේ, ‘‘බීලා’’ නේ ඉන්නේ කිව්වා. 

මා ඔහුට ද, කිසි දිනක මා මත්පැන් පානය නොකරන බව කිව්වා. 

එවිට ඔහු මා අසලටම පැමිණ, ඉව කර බලා, හොඳටම බීලා, ගදේ බැහැ කියා පවසා සිටියා.

එවිට, ඔහු පොලිසියේ ‘‘කූඩුවට’’ යනවාද, ගෙදර යනවාද කියා අසා සිටියා. මා කිව්වා මට ගෙදර යන්න  ඕනි කියා. 

එහෙනම් මොනවා හරි කරන්න යයි ‘‘සිල්වා 2105’’ නිලධාරියා කියා සිටියා. 

මා ඔහුට ‘‘මහත්තයා මොනවා හරි කරන්න’’ යයි කියා ඉල්ලා සිටියා.

ඔහු එවිට, තර්ජණාත්මකව, උඹට සිංහල තේරෙන්නේ නැද්ද, ගෙදර යන්න ‘‘ ඕනි නම් මොනවා හරි කරපන්’’ යයි කියා සිටියා. 

එවිට ‘‘සර්ලා මොනවා හරි කරලා’’ මට ගෙදර යන්න දෙන්න යයි මා ඉල්ලා සිටියා. 

සිල්වා 2105 නිලධාරියා ‘‘නැගපන් පකයා ජීප් එකට’’ යයි මට කිව්වා. 

මම ජීප් එකට නැග්ගා. මා ජීප් රථයට නැග, ‘‘සර් මගේ ත‍්‍රී විල් එකට මොකද කරන්නේ යයි සිල්වා 2105 නිලධාරියා ගෙන්’’ ඇහුව්වා.

ත‍්‍රීවිල් එක ‘‘අපි ගේනවා යකෝ’’ යයි ඔහු කිව්වා.

ටික වේලාවක් ජීප් රථය තුල ඉන්න කොට, සිල්වා 2105 නිලධාරියා මට ‘‘ජීප් එකෙන් බැහැලා, ත‍්‍රී විල් එකට නැගපන්’’ කිව්වා.

මා සමග ත‍්‍රීවිල් එකට, චන්ද්‍රතිලක නිලධාරියා ද නැග්ගා. 

මාව පොලිසියට ගෙනගොස්, ඇතුලූ කාමරයකට ගෙන ගියා. එහිදී සිල්වා 2105 හා චන්ද්‍රතිලක යන නිලධාරින් උඹ බීලා ඉන්නේ, ගෙ`ද් බෑ, යයි කියමින් මට බැණ වැදුනා. එ් වෙලාවේ එතන කුමාරදාස 28274 හා කේ.පී.කුමාර 34273 යන නිලධාරින්ද සිටියා. 

එ් අවස්ථාවේ, අත්අඩංගුවට ගත් බෙලිගස්වේල්ල, ඌරගස්මංහංදිය හි පදිංචි - ප‍්‍රදීප් කුමාර සමරක්කොඩි නැමැති පුද්ගලයා සිල්වා 2105 නිලධාරියා අසල හිටියා. ටික වේලාවකින් සිල්වා 2105 මට එතනට කතා කලා. එ් අවස්ථාවේ මා දුටුවා පුම්බන ලද බැලූමක් මේසය උඩ තිබුනා. එ් අවස්ථාවේ 2105 සිල්වා මට ඔහු අත තිබූ බැලූමක් පුම්බන්න දුන්නා.

මම ‘‘සිල්වා 2105’’ නිලධාරියාට කිව්වා, මාව වෛද්‍යවරයකු ලඟට ගෙනියන්න කියා. එවිට         ”පකයා” ෙදාස්තරට වඩා මේක ෂුවර් කියමින් ඔහු මට බැන වැදුනා.

ඉන්පසු ඔහු, 28274 කුමාරදාස  හා 59691 චන්ද්‍රතිලක යන නිලධාරීන් ලඟට මට යන්න කිව්වා. 

2017.10.25 දින උසාවියේදී ලයිසන් නැහැ කියලා පිලිගනින් යයි ඔවුන් කිව්වා. මම එවිට, ලයිසන් නැහැ කියන්න බෑනේ, ලයිසන් එක තියෙනවා නේද කියා ඔවුන්ට කිව්වා.

එවිට කුමාරදාස 28274 මා අත තිබූ රියදුරු බලපත‍්‍රය උදුරා ගෙන මට කුණුහරප කියමින් ගොඩින් බේරා ගන්න තිබුනු එකනේ, දැන් කූඩුවට පලයන් කියා, ඔවුන් පොතකට ලියන ලද ප‍්‍රකාශයකට මගෙන් අත්සන් ගත්තා. කියවන්න දුන්නේ හෝ කියවා තේරුම් කර දුන්නේ නැහැ. 

මට තාවකාලික බලපත‍්‍රයක් ලබාදී, මාව කූඩුවට දැම්මා.

පැයක් පමණ ඉන්නකොට, පොලිසියේ නිලධාරියෙක්, මොකද කූඩුවේ තියාගෙන ඉන්නේ කියා අසා, රිසව් එකෙන්, මගේ දුරකථනය අරගෙන, මාගේ අයියා ගේ පුතාට කතාකරලා ගෙන්නා ගත්තා. 

මගේ අයියාගේ පුතා, නදුන් රෝහිත පැමිණ ‘‘ඇපයට’’ අත්සන් කර මාව එළියට ගත්තා.

එවට වේලාව, පසු දින (2017.10.19* අලූයම 12.30 - 1.00  ට පමණ ඇත.
මා මාගේ ඥති පුත‍්‍රයා වන නදුන් රෝහිත සමග, ඇල්පිටිය දිසා රෝහලට ගියා.

මා රෝහලට ගියේ, මට කූඩුව තුල ක්ලාන්තය හැදුනු නිසාත්, තද හිසේ රුදාව හා පපුව හිරවීමට පටන් ගත්ත නිසාය.

මාව රොහලේ දී පරික්ෂාවට ලක් කලා. සියලූම පරීක්ෂා වලින් පසුව, එදිනම සවස 6.00 ට පමණ රෝහලින් පිට කළා.

වෛද්‍ය පරීක්ෂණ වලින්, මා මත්පැන් පානය කර නැති බව පමණක් නොව, කිසි දිනක මත්පැන් හෝ දුම්පානය හෝ නොකරන බව තහවුරු වුනා. (වාර්තාව අමුණා ඇත*.

එයින් පසුව,

මට නියම කල පරිදි 2017.10.25 දින, ඇල්පිටිය මහේස්ත‍්‍රාත් අධිකරණයේ පෙනී සිටියා. 

නීතිඥ අවන් රුවන්පුර හා නීතිඥ නිලන්ති හේවගේ දෙදෙනා මා වෙනුවෙන් පෙනී සිටීමට ඉදිරිපත් කරනු ලැබුවා.

එදින මට විරුද්ධව නඩුවක් පවරා තිබුනේ නැහැ.

මාගේ නීතිඥයින්, එ් පිළිබඳ අධිකරණයට පැමිණ සිටි පොලිස් නිලධාරීන් ගෙන් විමසුවා. එම පොලිස් නිලධාරියා ප‍්‍රකාශ කලා, අද දින ගෙනාවේ නෑ, ලබන සතියේ ඉදිරිපත් කරනවා කියා. 

එ් අනුව, 2017.11.01 දින, මා අධිකරණයේ පෙනී සිටියා. 

නමුත් එදින ද නඩුව පවරා තිබුනේ නැහැ. 

අධිකරණයට පැමිණ සිටි, ඌරගස්මංහංදිය පොලිසියේ නිලධාරියා, නඩුවක් දාන්නේ නැහැ, සවස පොලිසියට ඇවිත් රියදුරු බලපත‍්‍රය ලබාගන්න යයි මට කියා සිටියා.

එ් අනුව, 2017.11.01 දින, සවස 4.00 ට පමණ ඌරගස්මංහංදිය පොලිසියට ගොස්, උසාවියේදී මට එන්න කියපු, රථවාහන අංශයේ, සැරයන් සුනිල් ව හමුවුනා.

ඔහු මට ස්ථානාධීපති ප‍්‍ර.පො.ප. කේ.එච්.සුජිත් ප‍්‍රියන්ත එනතෙක් ඉන්න යයි කිව්වා.

සවස 6.00 වනතුරු මා පොලිසියේ සිටියා. නමුත් ස්ථානාධිපති ප‍්‍ර.පො.ප. කේ.එච්.සුජිත් ප‍්‍රියන්ත පැමිණීයේ නැහැ.

ඊට පසුව, 2017.11.02 හා 201711.03 සවස ගියා. නමුත් හමුවුනේ නැහැ. 

2017.11.05 දින උදේ 9.30 ට ඔහුව මුණගැසුනා. රියදුරු බලපත‍්‍රය ලබා දීම ප‍්‍රතික්ෂේප කර, තාවකාලික බලපත‍්‍රය 2017.11.19 දින දක්වා දීරඝ කර දුන්නා. 

2017.11.19 දින මා උදේ 9.30 ට පොලිසියට ගොස් ස්ථානාධිපති ප‍්‍ර.පො.ප. කේ.එච්.සුජිත් ප‍්‍රියන්ත හමුවූ විට, රියදුරු බලපත‍්‍ර ලබාදීම ප‍්‍රතික්ෂේප කොට, 2017.12.02 දින දක්වා දීර්ඝ කර දෙනු ලැබීය.

2017.10.21 දින මා, ඇල්පිටිය සහකාර පොලිස් අධිකාරී හමුවී මේ ගැන පැමිණිලි කලා. ඔහු ප‍්‍රකාශයක් ගත්තා. ප‍්‍රකාශය ගැනීමේදී එය ලියාගත් තරු දෙකක් සහිතව නිල ඇඳුමින් සිටි  නිලධාරියකු (දුටුවොත් අඳුනාගත හැක*, මා බිය වද්දන්න උත්සාහ ගත්තා. මාගේ පැමිණිල්ල ලියන්න පෙර තව හිතන්න යයි කියා සිටියා. මෙයින් මා අධෛර්යයට පත් වුනා. එහෙත් මා ප‍්‍රකාශය ලබා දුන්නා. මට විරුද්ධව නඩු දාන බව ඔහු කියා සිටියා.

2017.10.31 දින, දහවල් 11 ට පමණ 2105 සිල්වා නිලධාරියා, අබේරත්න නැමැති නිලධාරියා සමග මාගේ නිවසට පැමිණ, මාගේ කකුල් දෙක අල්ලා වැන්දා. අපෙන් වරදක් වුනා, සමාවෙන්න, රස්සාව බේරා දෙන්න යයි වඳිමින් ඉල්ලා සිටියා. උසාවි යන්න සල්ලි දෙන්නාම්, වරදකරු කියා උසාවියේදී පිළිගන්න, අපි දඩය ගෙවන්න සල්ලි දෙන්නම් යයි කිව්වා. මා එය ප‍්‍රතික්ෂේප කලා.

එදින සවස 28274 කුමාරදාස හා 2105සිල්වා  නිලධාරින් නැවත් පැමිණියා. නමුත් ඔවුන්ව හමුවීම මා ප‍්‍රතික්ෂේප කලා. 

මේ ආකාරයට කිහිප විටක්ම මා මුණගැසීමට ඔවුන් උත්සාහ දරා තිබුනා.

මා ස්ථානාධීපති ප‍්‍රධාන පොලිස් පරීක්ෂක සුජිත් ප‍්‍රසන්න හමුවී නඩු පවරන එක ඉවත් කරන ලෙසට ඉල්ලා සිටි අවස්ථාවේ ”බැලූම පුම්බලා තියෙන්නේ කරන්න දෙයක් නැහැ’’ යයි මට කියා සිටියා. 

එලෙසින්ම, දින කිහිපයක් ඇල්පිටිය පොලිසියේ නිලධාරීන් අංක 41 එ්, හිපන්කන්ද ග‍්‍රාම නිලධාරිණිය හමුවී මාගේ චරිතය පිළිබඳව විමසීම් කර තිබේ. එලෙසින්ම ගම්වැසියන්ගෙන්ද මා පිළිබඳ තොරතුරු විමසා තිබේ.

1. අල්ලස් නොදුන් නිසා, අත්අඩංගුවට ගෙන, අවමන් සහගත සැලකිලිවලට භාජණය කොට, පොලිස් කූඩුවේ දමා, අමූලික බොරු චෝදනාවක් නගා, පොලිස් ඇප මත මුදාහැර, උසාවි පැමිණීමට නියෝග කිරීම,

2. නියමිත දින උසාවියට ගොස් ඉදිරිපත් වූ විට, නඩුව නොදමා, වෙනත් දිනයක උසාවි එන ලෙසට නියම කිරීම.

3. අත්අඩංගුවට ගත් රියදුරු බලපත‍්‍රය 2017.10.18 දින සිට 2017.12.02  දින දක්වා, රඳවා තබාගෙන සිටීම,

යන- මේ නීති විරෝධී, අශීලාචාර ක‍්‍රියාවන් මගින් ඌරගස්මංහංදිය පොලිසියේ,
   1. ස්ථානාධිපති ප‍්‍ර. පො. ප. කේ.එච්.සුජිත් ප‍්‍රියන්ත 
   2. පොලිස් නිලධාරී 2105 සිල්වා
   3. පොලිස් නිලධාරී 59691 චන්ද්‍රතිලක
   4. පොලිස් නිලධාරී 28274 කුමාරදාස 
   5. පොලිස් නිලධාරී 34273 කේ.පී.කුමාර 
   6. ඇල්පිටිය සහකාර පොලිස් අධිකාරී 
   7. ඇල්පිටිය පොලිස් අධිකාරී කාර්යාලයේ ඉහත කී තරු දෙකක් සහිතව නිල ඇඳුමින් සිටි 
 නිලධාරියා(දුටුවොත් අඳුනාගත හැක*,

මාගේ මූලික මිනිස් අයිතිවාසිකම් උල්ලංගණය කරන ලද බව අවධාරයෙන් ප‍්‍රකාශ කරමි. 

තවද, ඌරගස්මංහංදිය පොලිසියේ ස්ථානාධිපති ප‍්‍ර. පො. ප. සුජිත් ප‍්‍රියන්ත, ඇල්පිටිය සහකාර පොලිස් අධිකාරී සහා ඇල්පිටිය පොලිස් අධිකාරී කාර්යාලයේ තරු දෙකක් සහිතව නිල ඇඳුමින් සිටි (දුටුවොත් අඳුනාගත හැක* නිලධාරියා,

යන නිලධාරින් මෙම නීති විරෝධි ක‍්‍රියාව ට එරෙහිව පියවර නොගැනීම මගින් ඔවුන්ද මෙම අල්ලස් ගැනීමට සම්බන්ධ බව ප‍්‍රකාශ කරමි. 
   

මා ඉල්ලා සිටින්නේ, මෙම නීති විරෝධී ක‍්‍රීයාව සිදුකල, එම නීති විරෝධී ක‍්‍රියාවන් වසන් කිරීම හා ඔවුන් ආරක්ෂා කිරීමට පියවර ගත් ඉහත නම ්සඳහන් සියලූම නිලධාරීන්ට එරෙහිව නීතිමය පියවර ගන්නා ලෙසටය.

මට ආරක්ෂාව සලසන ලෙසයට. ව්‍යාජ නඩු දැමිම් වළක්වන ලෙසටය. 

බුදුන් ඉදිරියේ තබාගෙන භාවනා කරන මෙම නිලධාරින් බුදන්ට නිගා දෙන බව වැඩි දුරටත් ප‍්‍රකාශ කරන්නේ පස් පවින් වැළිීි සිටින්නෙකු වශයෙනි. 

මෙයට,

හේවාහකුරු ආරියසිංහ

පිටපත්:-

01.  ලේකම්, නීතිය හා සාමය සහ දක්ෂින සංවර්ධන අමාත්‍යංශය.

02.  සභාපති/ ලේකම්, ජාතික පොලිස් කොමිසම් සභාව

Tuesday, November 7, 2017

බණ කියවමින්, භාවනා කරමින්, සිංහල බෞද්ධයින්ට දස වධ දෙයි.



ජනාධිපති සිරිසේන, අගමැති රනිල් මානව හිමිකම් රකින බවට ජාත්‍යන්තරයට පච කෙලී.
පොලිස්පතියා, බණ කියවමින්, භාවනා කරවමින් මිනිසුන්ට දස වධ දෙයි.

පුෂ්ප කුමාර දකුණේ, සිංහල බෞද්ධයෙකි. දරු තිදෙනෙකුගේ පියෙකි. පසුගිය 27 දින පොලූ වලින්, පහර දී අත්අඩංගුවට ගෙන, මීටියාගොඩ පොලිසියට ගෙනගොස්, 29 දින දක්වා රඳවාගෙන වධ දී, වැඩ බලන මහේස්ත‍්‍රාත්වරිය හමුවට පත්කර, රිමාන්ඞ් භාරයට පත්කර ඇත්තේ හෙරොයින් ග‍්‍රෑම් 1 1/2 ලඟ තබාගත් බවට ව්‍යාජ චෝදනා නගාය.

23 හැවිරිදි ඔහුගේ බිරිඳ වන ඉමේෂා, ප‍්‍රකාශ කරන පරිදි, තම සැමියාව අත්අඩංගුවට ගත්තේ පැමිණිලි කිහිපයකට හා වරෙන්තුවකට බව පවසමිනි. 

ඔහුගේ නීතිඥවරයාට පොලිසිය පවසා ඇත්තේ, එම කරුණමය. 

ඔහුට පහර දී ඇති අන්දම හා ඔහුව බැරැක්කයේ ඇඳකට තබා මාංචු දමා තිබූ අයුරු නීතිඥවරයාද දැක තිබේ.

29 ඉරිදා, වැඩ බලන මහේස්ත‍්‍රාත්වරිය වෙත ඉදිරිපත් කර ඇත්තේ, අධිකරණ වෛද්‍ය සහතික නැතිවය. 

නීතිඥවරයා පහරදීම ගැන පවසා ඔහුට තිබූ තුවාලද, වැ.බ.මහේස්ත‍්‍රාත්වරියට පෙන්වා ඇත.

එහෙත් ඇය පුෂ්ප කුමාරව අධිකරණ වෛද්‍යවරයා හමුවට ඉදිරිපත් කිරීමට නියෝග නොකර, රෝහල්ගත කරන ලෙසට  බන්ධනාගාරයට නියම කර තිබේ.

සතියක් ඉකුත් වී ඇතත්, පුෂ්ප කුමාරව රෝහල්ගත කිරීමට හෝ අධිකරණ වෛද්‍ය නිලධාරීවරයෙකු හමුවට පත් කිරීම හෝ බන්ධනාගාරය පියවර ගෙන නොතිබිණ.

මේ සියලූ කරුණු වලින් පෙනී යන්නේ, පොලිසිය අත්අඩංගුවට ගන්නා පුද්ගලයින්ට වධ දීම, බොරු නඩු දැමීම නවත්වා නැති බවයි. 

මෙය අප‍්‍රකාශිත ...ප‍්‍රතිපත්තිය නොවේනම්, විශේෂයෙන් පොලිසිය බාර අමති රනිල් හා ඇමති සාගල රත්නායක මේ තත්වය මැඩ පැවැත්වීමට පියවර නොගැනීම ගැන වගකිව යුතුය. 

පොලිස්දුෂණ, අක‍්‍රමිකතා හා අපරාධ සම්බන්ධයෙන් පැමිණිලි වලට නිසි පියවර ගැනීමට පත්කර ඇති ජාතික පොලිස් කොමිසම සුදු අලියෙකි.

පුෂ්ප කුමාරගේ බිරිඳ ඉමේෂා, බලධාරීන්ට කර තිබෙන පැමිණිල්ලේ මෙසේ සටහන් වේ.


පොලිස්පති,
පොලිස් මූලස්ථානය,
කොළඹ.

නීති විරෝධීව අත්අඩංගුවට ගෙන, රඳවා තබාගෙන, වධ දී, බොරු නඩු දැමීම.

 ඉමේෂා මධුෂානි, අවු: 23යි, ජා.හැ.අ.947363921ඩ, විවාහක, දරුවන් 03යි, 
 මීටියාගොඩ.

2017.11.06 දිනදීය.

පැටි අරඹගේ අනුර පුෂ්ප කුමාර, අවු: 26යි, රැුකියාව: කුරුඳු තැලීම - මාගේ සැමියා වේ.

2017.10.27 වන දින, සවස 5.30 පමණ, මීටියාගොඩ, නමාමියාව ශාන්ත මහතාගේ නිවසේදී, මීටියාගොඩ පොලිසියේ තුන්දෙනෙක් විසින් පහර දී අත්අඩංගුවට ගෙන ඇත.

එසේ අත්අඩංගුවට ගෙන ඇත්තේ අපරාධ අංශයේ ජනක, රංජි හා නිලන්ත යන නිලධාරීන්ය. ඔහුට පහර දී ඇත්තේ පොලූවලින් ය. බාගෙට මරලා තමයි ගෙනියන්නේ කියමින් පහර දී ඇත.

ඔහුව යතුරු පැදියක මැද තියාගෙන ගෙනියනවා මා දුටුවා. ඔහුගේ බෙල්ල කඩා වැටී තිබුනා. මා මීටියාගොඩ පොලිසියට ගොස් සැමියාව බලන විට, කූඩුවේ බිමට වැටී සිටියා. මුහුණෙන් ලේ ගලමින් තිබුනා. කූඩුවේ ෙදාරට තබා එක් කකුලකට මාංචු දමා තිබුනා. සැමියා කතා කළේ නෑ. ඔහුගේ සාක්කුවේ තිබුන සල්ලි ගෑණිට දීපන් කියා, සිවිල් පිට හිටිය නිලධාරියෙක් කිව්වා. නමුත් සැමියාට අත උස්සන්න බැරිවුනා. එවිට එක් නිලධාරියෙක්, සිවිල් පිට හිටිය, කූඩුව අස්සෙන් අත දමා, සාක්කුවේ තිබූ සල්ලි මට අරන් දුන්නා. රුපියල් එක්දහස් එකසියයක් තිබුනා. 

පසුදින උදේ 8.00 ට විතර (2017.10.28* මා සැමියා බලන්න යනකොට, කූඩුවේ නැගිටගන්න බැරිව සිටියා. ? මට හොඳටම ගැහැව්වා කියා කිව්වා. 

නැවත දහවල් 10.30 පමණ, මා නීතිඥ මහේන්ද්‍ර ජිනත්ප‍්‍රිය සමග පොලිසියට ගියා. එ් අවස්ථාවේ සැමියා කූඩුවේ සිටියේ නැහැ. 

නීතිඥ මහේන්ද්‍ර ජිනත්ප‍්‍රිය මයා, සැමියා කොහේද කියා විමසුවාම, එහි සිටි නිලධාරී 6805 විසින් ප‍්‍රකාශ කලා, ප‍්‍රශ්ණ කරන්න පිටුපස්සට ගෙනහිල්ලා කියා. 

නීතිඥ මහේන්ද්‍ර ජිනත්ප‍්‍රිය මයා, අත්අඩංගුවට ගැනීමට කාරණය ඇහුව්වාම, පැමිණිලි කිහිපයක් හා වරෙන්තුවක් තියෙන බව කිව්වා. එවිට නීතිඥ මහතා ඇහුව්වා, සැමියා ළ`ග හෙරොයින් තිබිලා අහුවුනා ද කියා. එවිට, එම නිලධාරියා නැහැ යයි කියා පැවසුවා. 

සැමියාව, පිටුපසට ගෙන ගිය බව ප‍්‍රකාශ කල නිසා, මමත් නීතිඥ මහතාත් පොලිසිය පිටුපසට ගියා. 

අපරාධ අංශයට අල්ලපු කාමරයේ, සැමියාව ඇඳකට දමා මාංචු දමා තිබුනා. එක් අතක් හා එක් කකුලක් මාංචු දමා තිබුනා මා දුටුවා.

නීතිඥ මහතා, එහි සිවිල් පිට සිටි නිලධාරීන් ගෙන් සැමියා ගෙනා කාරණය ඇහුව්වා. එවිට එහි සිටි නිලධාරියෙක් බය වෙන්න එපා, මෙයා චූන් එකේ ඉන්නවා, පේන්නේ නැද්ද, ෆෑන් එකත් දාලා තියෙන්නේ කියා පැවසුවා. එම කාමරයේ තිබුනේ එක ඇඳයි. තව පුටු තිබුනා.

මා සවස, 3.00 පමණ සැමියා බලන්න ආවා. එවිට සැමියා කූඩුවේ සිටියා. ඔහුගේ එක් කකුලක් ෙදාරට තබා මාංචු දමා තිබුනා. බිම නිදාගෙන හිටියේ.

රාත‍්‍රී 8.00 පමණ, බලන්න ගියා. එවිටද, කූඩුවේ සිටියා. ඔහුට නැගිට ගන්න බැරිව හිටියේ. ඔහු කන්න බෑ කිව්වා. බීම එකක් ඉල්ලූවා. බීම බෝතලයක් ගිහින් දුන්නා. එහි මූඩිය අරින්නවත් ඔහුට බැරිවුනා. එ් තරමටම ගහලා තිබුනා.

පසුදා (29 දා)   උදේ 8.00 ට විතර, මා සැමියා බලන්න පොලිසියට ගියා. ඔහු කූඩුවේ හිටියේ නෑ. මාගේ හැදුනුම්පත ඉල්ලාගෙන ටිකක් වාඩි වෙලා ඉන්න කිව්වා. ප‍්‍රකාශයක් අරගන්නවා කිව්වා. 
මම වාඩිවෙලා ඉන්න කොට, අපරාධ අංශයේ ජනක නිලධාරියා ඇවිත් සැමියාගේ හැදුනුම්පත ඉල්ලූවා. මම කිව්වා මීට අවුරුද්දකුත් මාස තුනකට පෙර, පොලිසියෙන් සැමියා ගේ හැඳුනුම්පත අරගෙන දුන්නේ නෑ කියා. එවිට අංකය ඇහුව්වා. මම දන්නේ නැති බව ප‍්‍රකාශ කලා. ගෙදර ගිහිල්ලා හොයාගෙන එන්න කිව්වා. මම කිව්වා ගෙදරත් නැහැ කියා. 

සවස 2.30 පමණ, නැවත පොලිසියට ගියා. එවිට 6805 දරන නිලධාරියා මට සවස 3.00 ට නඩුකාර බංගලාවට ගෙනියනවා කිව්වා. මම නීතිඥ ආර්.පී.ලංකාදේව මහතාට කතාකර එ් බව කියා සිටියා.

නීතිඥ ආර්.පී.ලංකාදේව මහතා, මට කිව්වා, නීතිඥ ලක්ෂ්මි හේමන්තා මහත්මියගේ නිවසට එන්න කියා. 

මම නීතිඥ මහතාට කතාකරනවා ඇසී, 6805 නිලධාරියා මට අපරාදේ ලෝයර්ලා අල්ලලා සල්ලි නාස්ති කරන්න එපා, අපි දැන් මෙයාට එළියට යන්න බැරි වෙන්නම අඹරලා තියෙන්නේ යයි කිව්වා. 

සවස 3.30 පමණ, සැමියාව, නීතිඥ ලක්ෂ්මි හේමන්තා මියගේ නිවසට ගෙන ගියා. මමත් එහි ගියා. නීතිඥ ආර්.පී.ලංකාදේව මහතා ද පැමිණියා. 

නීතිඥ ආර්.පී.ලංකාදේව මහතා, සැමියාව රැුගෙන ඇවිත් සිටිය 6805 නිලධාරියාගෙන් ඇහුව්වා, චෝදනා මොනවාද කියා.

එවිට 6805 නිලධාරියා කිව්වා. පැමිණිලි පහක් තියෙනවා, වරෙන්තුවක් හා කුඩු නඩුවක් තියෙනවා කිව්වා. 

එවිට  නීතිඥ මහතා කිව්වා, මෙයාගේ අතේ (සැමියාගේ අතේ)කුඩු තිබුනේ නෑ නේද කියා. ඔහු 6805 නිලධාරියා, නිශ්ශබ්දව සිටියා. 

එවිට මා අල්පෙනෙත්තක්වත් අහුවෙලා නෙවෙයි නේද ගෙනාවේ කියා, 6805 නිලධාරියාට කිව්වා. ඔහු කියා සිටියා මිනිහාට කලදේම තමයි කරන්නේ කියා මට තර්ජනය කලා.

නීතිඥ ආර්.පී.ලංකාදේව මහතා, වැඩ බලන මහේස්ත‍්‍රාත් තුමියට නීතිඥ ලක්ෂ්මි හේමන්තා මියට, ප‍්‍රකාශ කලා සැමියාට පොලිසියෙන් ගහපු බව. සැමියාව වැඩ බලන මහේස්ත‍්‍රාත් තුමිය පරීක්ෂා කලා. බන්ධණාගාරයට නියම කලා රෝහල් ගත කරන්න කියා. 

ගාල්ල බන්ධනාගාරයට සැමියාව ගෙන ගියා. බන්ධණාගාර රෝහලට සැමියාව ඇතුලත් කලා. 

නමුත් කරාපිටිය මහා රෝහලට ගෙන ගියේ නැහැ.

අධිකරණ වෛද්‍ය නිලධාරීවරයාට ඉදරිපත් කළේ ද නැත.

තවමත් ඔහු වේදනාවෙන් පෙළෙනවා. 

මා ඉල්ලා සිටින්නේ,

1. නීති විරෝධීව අත්අඩංගුවට ගෙන, නීති විරෝධීව රඳවා තබාගෙන, කෲර වධහිංසා, අවමන් සහගත සැලකිලි හා දඬුවම් වලට භාජනය කිරීම,

2. බොරු චෝදනා නැගීම පිළිබඳව, මීටියාගෙඩ පොලිසියේ අපරාධ අංශයේ ජනක, රංජි, නිලන්ත යන නිලධාරීන්ට හා අංක 6805 දරන නිලධාරියාට එරෙහිව, නීතිමය පියවර ගන්නා ලෙසටයි.

ඉහත සියලූම කරුණු සත්‍ය හා නිවැරදි බව ප‍්‍රකාශ කරමි.

මෙයට,

අ.ක/
කොනකලගල තුන්දෝකාර ඉමේෂා මධුෂානි.