නිදි යහනට වැදී රෙද්ද ඉස්සුවාට බැන වැදීම, රාජකාරියට බාධා කිරීමක්ලූ .......... !

බණ භාවනා ආදේශ කරගෙන සිටින ශ‍්‍රී ලංකා පොලීසිය තම නීති විරෝධී ක‍්‍රියාවන් වසා ගැනීමට, ජනයා පීඩාවට පත් කිරීමට යොදා ගන්නේ උසාවියයි.

විසි හැවිරිදි එක් දරු මවක් වන, නදීෂි නිදා සිටි කාමරයට ඇතුලූ වූ පොලිස් කාරයෙක් ඇය පොරවාගෙන සිටි රෙද්ද ඉවත් කිරීම රාජකාරිය කරගෙන ඇත. 

නදීෂි, පොලිස්පති, මානව හිමිකම් කොමිෂන් සභාවට හා පොලිස් කොමිෂමට කර තිබෙන ලිඛිත පැමිණිල්ල පහත දක්වන්නේ, ශ‍්‍රී ලංකා පොලීසිය මේ වන විට, පත්ව ඇති තත්ත්වය පැහැදිළිව තේරුම් ගැනීමටය.

‘‘ නිදාසිටින විට රෙදි ඉවත් කර, කුණුහරුපයෙන් බැන වැදී බොරු චෝදනා දැමීම.

නදීෂි........, අවු: 20 යි, විවාහක, දරුවන් 01 යි, පානදුර.  2018.02.06 වන දින දීය. 
2018.02.01 වන දින දහවල් 11.00 ට පමණ මා, කාමරයේ නිදාගෙන සිටියදී, පොරවගෙන සිටි රෙද්ද අයින් කරනවා දැනී ඇහැරුණා. මා දුටුවා මා ඉදිරිපිට පානදුර දකුණ පොලිසියේ යුනිට් එකේ පො.කො. බංඩාර නැමති නිලධාරියා, හිටගෙන ඉන්නවා. මට කේන්ති ගියා. මා ඔහුට තනියම නිදාගෙන ඉන්න ගෑනු කෙනෙකුගේ පොරවන රෙද්ද ඉවත් කිරිම ගැන ෙදාස් කිව්වා.

එවිට ඔහු මට, ”කටවහපන් හුත්ති” කියමින් බැන වදිමින් එළියට ගියා. ඉන්පසුව, ඔහු පැමිණි අන් අය හා එක්ව වත්තෙන් පිට සෝදිසි කර යන්න ගියා. එ් අවස්ථාවේ ගෙදර හිටියේ මාගේ පියා හා දෙවෙනි අක්කා පමණි. ටික වේලාවකින් පානදුරයට ගොස් සිටි අම්මා, අක්කලා දෙන්නා හා මාගේ දරුවා ගෙදර පැමිණියා. ඔවුන් පැමිණ පැය 1/2 කින් විතර, පානදුර දකුණ පොලීසියේ යුනිට් එකේ පො.කො. බංඩාර නැමති නිලධාරියා හා තවත් තුන් දෙනෙක් පැමිණියා. ඔවුන් හිටියේ සිවිල් පිට. පැමිණියේ ත‍්‍රීරෝද රථයකින්.

බංඩාර නැමති නිලධාරියා එ් අවස්ථාවේ අපේ ඇඳුම් ගැන ෙදාස් කියා, අම්මාට කිව්වා ලෑස්ති වෙන්න අරක්කු අහුවුණා කියලා. අම්මා ලෑස්ති වෙලා ත‍්‍රීවිල් එකට නැග්ගා. අම්මාව මැදිකරගෙන දෙන්නෙක් දෙපැත්තෙන් නැග්ගා. අනෙක් අය රියදුරු අසුනේ කෙළවරක වාඩිවෙලා ගියා.  
උදේ අම්මාව බලන්න තාත්තා පොලීසියට ගිය විට, මාව එක්කගෙන එන්න යැයි කියා තිබුණා. 
එ් අනුව, මම රෝහිනී කුමාරි අක්කා සමග පොලීසියට පැමිණියා. පොලීසියට ගිය විට, යුනිට් එකේ ස්ථානාධිපති මාව අත්අඩංගුවට ගෙන රඳවා තබා ගත්තා. යුනිට් එකේ සිවිල් ඇඳුමින් සිටි කාන්තාවක්, මාගෙන් කටඋත්තරයක් ගත්තා. මා විස්තරය කිව්වා. මගෙන් අත්සන් ගත්තා. ඊට පස්සෙ එ් කාන්තාව මාව ත‍්‍රීරෝද රථයකින් උසාවියට ගෙන ආවා. එම ත‍්‍රීරෝද රථයට අම්මාව ද නංවා ගත්තා. මාව අම්මාගේ ඔඩොක්කුවේ තිබ්බා. කාන්තාව ඊළඟට වාඩිවී, අනික් කෙළවරින් සැරයන් හේරත් නැමති නිලධාරියා නැග්ගා. උසාවිය තුළට මාව හා අම්මාව ගෙනිච්චා.

සැරයන් හේරත් නිලධාරියා අම්මාට, කසිප්පු බෝතල් 20 ක් දාලා තිබුණා. බෝතල් ඉදිරිපත් කළේ නෑ. මට විරුද්ධව රාජකාරියට බාධා කිරීම, අඩම්තේට්ටම් කිරීම යන චෝදනා කළා. අප නිවැරදිකරු බව ප‍්‍රකාශ කළා. ඇප මත මුදාහරිණු ලැබුවා.

මා තනිව, කාමරයේ නිදා සිටියදී, ඇඳ ළ`ගට ඇවිත් පෙරවා සිටි රෙද්ද ඉවත් කර, මාව හිංසාවට පත්කිරීම, අසභ්‍ය වචනයෙන් බැන වැදීම, ඉන්පසු බොරු චෝදනා නගා අධිකරණයට ඉදිරිපත් කිරීම පිළිබඳව පානදුර දකුණ පොලීසියේ පො.කො. බංඩාර නිලධාරියාට එරෙහිව නීතිමය පියවර ගන්නා ලෙසට ඉල්ලා සිටිමි. මෙයට, නදීෂි ........’’