එක්සත් ජාතීන්ගේ අලූත්ම වාර්තාවට අනුව, ලෝක ජනගහනයෙන් හතරෙන් එකක් දරිද්‍රතාවයෙන් පෙළෙති.
දුප්පතුන් හා පොහොසතුන් අතර පරතරය වැඩි වී තිබේ. ඇමෙරිකා එක්සත් ජනපදයේ මහා ධනපතියන්
85 ගේ ධනය හා ලෝකයේ දුප්පත් රටවල බිලියන 3.5 ක ධනය සමාන වන බවයි.
දරිද්‍රතාවයෙන් පෙළෙන බිලියන 2.2 ජනයාට ජීවත්වීමේ මූලික අවශ්‍යතාවය වන කෑම බීම, ඉඳුම් හිටුම්, සෞඛ්‍යය අහිමිව තිබේ. දරද්‍රතාවය එන්න එන්නම වැඩි වන බව පෙන්වා දෙන එක්සත් ජාතීන් - මෙය වැඩියෙන් බලපා ඇත්තේ දකුණු ආසියානු රටවල බවටද පෙන්වා දෙයි. මෙය රටවල ජනගහනයෙන් සියයට 71ක්, එනම් මිලියන 800ක් දරිද්‍රතාවයෙන් පෙළෙති.
මෙම වාර්තාවට අනුව බිලියන 1.2 ක් ජීවත්වන්නේ දිනකට ඩොලර් 1.2ක්, එනම් රුපියල් 150ක්, වැනි සුළු මුදලකින්ය. එමෙන්ම ලෝක ජනගහනයෙන් සියයට 12ක් සාගින්නෙන් පෙළෙති.
එම වාර්තාවට අනුව සංවර්ධනය වන රටවල ළමුන් 100කගෙන් 7කු, අවුරුදු 5ට වඩා ජීවත්වන්නේ නැත. 68කු ලබන්නේ ප්‍රාථමික අධ්‍යාපනය පමණි. 17කු පාසල් යන්නේම නැත. 35කු ශරීර වර්ධනය වන්නේ නැත.
මේ ආකාරයට දුප්පත් හා පොහොසත්තු අතර පරතරය වැඩිවීම තුළ සමාජ අස්ථාවරභාවය වර්ධනය වන අතර, තිරසාර සංවර්ධනයට බාධාවක් වනු ඇති බවද එම වාර්තාව වැඩි දුරටත් පෙන්වා දෙයි.
No comments:
Post a Comment