වංචාකරු එදා නියෝජ්‍ය ඇමති, අද සංවිධායක එදත් අදත් පොලීසිය නිහඬයි.

රාජපක්ෂ රෙජිමයේ නියෝජ්‍ය ඇමති පදවියකින් පිදුම් ලබා සිටි පුත්තලමේ බී.ඇන්ටනී වික්ටර් පෙරේරා ට එරෙහිව එල්ල වී තිබෙන දුෂණ හා වංචා චෝදනා හමුවේ පොලීසිය ගොලූ වී ඇත. බිහිරන් වී ඇත. අන්ධයින් වී ඇත.

මෙම දුෂණ සිදුකර ඇත්තේ 2014 වසරේදී ය. යහපාලනය තුළවත් යුක්තිය ඉටුවේය යන අපෙක්ෂාවෙන් හේ බලා සිටියේය. එහෙත් අද මේ වංචාකාරයා පදවි දෙකකින් පිදුම් ලබා තිබේ. එ් සිරිසේන ජනාධිපති ගෙනි.

පී.කේ. චමින්ද 44 හැවිරිදි අයෙකි. පානදුරයේ පදිංචි කරුවෙකි. ඔහු 2017.03.03
පොලිස්පති ඇමතූ ලිපිය හා ලිඛිත පැමිණිල්ල සියල්ල පැහැදිළි කරණු ඇත. 

‘‘පූජිත ජයසුන්දර මහතා, 
පොලිස්පති, 
පොලිස් මූලස්ථානය, කොළඹ 01.

රුපියල් ලක්ෂ තුනක වංචාව අධිකරණයට වාර්තා නොකර 

වංචාකරුව අරක්ෂා කිරීම.

මෙම වංචාව පිළිබඳව මා විසින් 2017.01.26 දාතමින් ඔබ වෙත කරන ලද පැමිණිල්ලට දැනට මාස 03 ක් ගතව ඇත. නමුත් අඩුම වශයෙන් එකී පැමිණිල්ල බාරගත් බවට හෝ ලැබුණ බවට හෝ දැණුම් දීමක් නොමැත.

සිද්ධියට වසර 3 කට වැඩි කාලයක් ගතව ඇත. හලාවත පොලීසියට කළ පැමිණිල්ලේ අංකය හා දිනය, 281/8/CIB(1)  2015.11.16 වේ.

මෙයට හේතුව, මෙම වංචාකරු බී. වික්ටර් ඇන්ටනී පෙරේරා දැනට, ශ‍්‍රී ලංකා නිදහස් පක්ෂයේ පුත්තලම දිස්ත‍්‍රික්කයේ, පුත්තලම ආසනයේ සංවිධායක සහ පුත්තලම දිස්ත‍්‍රික්කයේ සංවර්ධන ව්‍යාපෘති අධ්‍යක්ෂක ද වීමය. ඔහුට රජයේ දීමනා හා වාහන ලබා දී ඇත.

මොහු මෙම වංචාව සිදු කළේ පසුගිය මහින්ද රාජපක්ෂ ජනාධිපති යටතේ පොල් සංවර්ධන හා ජනතා වතු සංවර්ධන නියෝජ්‍ය ඇමති වශයෙන් සිටියදී ය.

මෙම පසුබිම තුළ මොහුට විරුද්ධව නීතිමය පියවර ගැනිමට හැකියාව පොලීසිය ට නොමැති ද?

මේ සමග මාගේ මුල් පැමිණිල්ලේ පිටපතක් ඔබගේ පහසුව පිණිස යළි ඉදිරිපත් කරමි. කඩිනමින් නීතිමය පියවර ගන්නා ලෙසට ඉල්ලමි.

මෙයට,
අ.ක/පී.කේ. චමින්ද

ස්වර්ගයට යන්න තියෙන පාරේ මිනිසුන්ට යන්න දෙන්න බැරිලූ

රාජපක්ෂ රෙජිමය විසින් අගවිනිසුරු ලෙසට වැඩ කරන්න පත්කළේ කුප‍්‍රකට මොහාන් පීරිස්ව. එම වකවානුවේ මොහු සිය පදවිය දඩමිමා කරගෙන, පදනම් විරහිත, ද්වේෂසහගත ‘‘පැමිණිල්ලක්’’ මත, විනිසුරුවරයෙකුට ඉල්ලා අස්වන්න යයි බලකර සිටින ලදි. එය අසාර්ථක වු පසුව එම විනුසුරුවරයාගේ වැටුප් වර්ධක නවතා, උසස්වීම් ලබා නොදි විශ‍්‍රාම යෑමට සැලැස්විය.

නමුත්, මොහාන් පීරිස්ගේ බලපෑම, බල කිරීම නිර්භයව ප‍්‍රතික්ෂේප කළ විනිසුරුවරයා, තමාට චෝදනාවක් එල්ලවී ඇතිනම්, එ් පිළිබඳව විධිමත් පරීක්ෂණයක් පවත්වන ලෙසට ඉල්ලා සිටියද, එයට ඉඩ නොදි, සම්බන්දකම් උපයෝගි කරගෙන වධදෙන්නට පටන් ගති. 

මොහාන් පීරිස් මෙම විනිසුරුවරයාට ඉල්ලා අස්වන ලෙසට බල කර සිටිමට දඩ මිමා කරගත්තේ, ”පොලිස් නිලධාරියකු” ලෙසට සඳහන් කළ නිර්නාමික ව, අල්ලස් හෝ ¥ෂණ විමර්හණ කොමිෂමට ඉදිරිපත් කර තිබු, පදනම් විරහිත ද්වේෂසහගත ”පෙත්සම” ක් පදනම් කරගෙනය.

අල්ලස් හෝ ¥ෂණ විමර්හණ කොමිෂම වසර පහක් ගතව ඇතත් මෙම නිර්නාමික පදනම් රහිත, ද්වේෂසහගත පෙත්සම, පිළිබඳව පියවර ගැනීමක් සිදුකර නොමැත. මෙම විනිසුරුවරයා, එක්කෝ නඩු පවරන්න, නැතිනම් නිෙදාස් කරන්න යන ඉල්ලීම කලද, කොමිෂම මෙතෙක් පියවර ගෙන නොමැත.

එ් මොහාන් පීරිස් ගේ අවශ්‍යතාවය ඉටුකරන්න එවක කොමිසමේ සභාපති ධුරය දරු හිටපුු ශ්‍රේෂ්ඨාධිකරන විනිසුරුවරයා ද ක‍්‍රියා කළේය. අවාසනාවට, එම පිරිස ඉවත් කර වසර දෙකක් ගතව ඇතත්, කොමිෂමේ වත්මන් ප‍්‍රධානීන්නද මේ පදනම් විරහිත ද්වේෂසහගත ”පෙත්සම’’ ගැන පියවරක් ගන්නේ නැත.

මොහාන් පීරිස් මෙම විනිසුරුවරයාට එරෙහිව ක‍්‍රියාත්මක වූයේ, කතෝලික සභාව විසින් පවරන ලද නඩුවකදී, බලපෑම් වලට යටත් නොවී, නීතියට අනුව නඩු තීන්දුවක් ලබාදීම නිසාය. කතෝලික සභාවට අයත් මොරටුව ප‍්‍රදේශයේ සුසාන භූමියකට යන පාර, අසල නිවැසියන් විසින් භාවිතා කිරීම වළක්වන ලෙසට ඉල්ලමින්, කතෝලික සභාවේ කොළඹ බිෂොප් වරයා මොරටුව දිසා අධිකරණයේ මෙම නඩුව පවරා තිබින.

නිවැසියන් කියා සිටියේ කාලයක් මු`ඵල්ලේ බාධාවකින් තොරව, නිවාසවලට යෑමට අදාල පාර භාවිතා කල බවත්, එ් සඳහා වෙනත් පාරක් නොමැති බවත්ය.

නීතියට අනුව, පාරේ අයිතිය නිවැසියන්ට හිමි බව, නඩුවේදී තීරණය විය. නිවැසියන්ට පාර අහිමි කරමින්, පල්ලියට පක්ෂපාතී තීන්දුවක්, මොහාන් පීරිස් ”අගවිනිසුරු” සිටියදීත් ලබා ගන්නට, බොහෝ භක්තිකයින්ගේ කෝපයට කනස්සල්ලට හේතු වන්නට ඇත.

මෙම නඩු තීන්දුව අසන්නතම හේතුව වුවද, මෙම විනිසුරුවරයා විසින්, පොලිසිය විසින් සිදුකරන ලද මිනිස් ඝාතන වලදී, බොරු නඩු දැමීම් වලදී, නීතිය අනුව තීන්දු දීම නිසා, පොලිසියද ආණ්ඩුවද රජයද අපහසුතාවයට පත්වී ම ස්වාභාවික විය.

නිවටයෙකු වු මොහාන් පීරිස් ගේ බසට අවනත වන්නට තරම් මෙම විනිසුරු නිවට නොවීය. 
මොහාන් පීරිස් කළේ, මෙම විනිසුරුවරයාගේ වැටුප් වර්ධක නතර කරවීමය. උසස්වීම් නොලැබීමට වගබල ගැනීමය. මෙම තත්වය පිළිබඳව මෙම විනිසුරු මේ වන විට මූලික අයිතිවාසිකම් නඩුවක්ද ගොනු කර තිබේ.

මෙම කාරණය පිලිබඳව ආසියානු මානව හිමිකම් කොමිෂම ද, අධිකරණ සේවා කොමිෂමේ ලේකම් වරයාට ලිපියක් මගින් කරුණූ දක්වා තිබේ.

පදනම් විරහිත හා ද්වේෂසහගතව, මෙම විනිසුරුවරයාගේ වැටුප් වර්ධක නැවැත්වීම, ඔහුට උසස්වීම් ලබාගැනීමට තිබූ අවස්ථාව අහිමිකිරීම, නීතියේ ආධිපත්‍යයට හා විනිසුරුවරයාගේ ස්වාධීනත්වයට එරෙහි ක‍්‍රියාවක් බවත්, එම නිසා එය නිවැරදි කරන ලෙසටත් ආසියානු මානව හිමිකම් කොමිෂම රජයෙන් ඉල්ලා තිබේ.

පොලීසිවලට කප්පන් නොදුන්න නිසා බොරු නඩු දැම්මා. සුදු හඳුන් මංකොල්ල කෑවා.

මාතලේ හා රත්තොට පොලීසිය ඉහළ නිලධාරීන්ගේ පූර්ණ සහය හා ආවරණය යටතේ, උසාවිය දඩමීමා කරගෙන කරන ලද මංකොල්ල කෑම් පිළිබඳව ශ‍්‍රී රාජ් ගනේෂ්වර වික‍්‍රමසූරිය මහතා විසින් සියලූ බලධාරීන්ට ලියන ලද ලිපිය පහත දක්වමු.





01. සභාපතිනිය              
     මානව හිමිකම් කොමිෂන් සභාව        
     අංක 165
     කිංසි පාර
     කොළඹ 08

02. ලේකම්
     ජාතික පොලිස් කොමිෂන් සභාව                           
     අංක 09 ගොඩනැගිල්ල
      ඊඵෂක්‍්‍ය පරිශ‍්‍රය
    බෞද්ධාලෝක මාවත
    කොළඹ 07

03. පොලිස්පති                  
     පොලිස් මූලස්ථානය         
     කොළඹ 01


ව්‍යාජ චෝදනා නගා නඩු පවරා සිදුකරන පළි ගැනීම්.

ශ‍්‍රී රාජ් ගනේෂ්වර වික‍්‍රමසූරිය, අවු: 49 යි, ජා.හැ.අ. 672490537 ඪල විවාහක, දරුවන් 02 යි. රැුකියාව: ආයුර්වේද බෙහෙත් විකිණීම. ලිපිනය: 227/1, පල්ලේවේරගම, කයිකාවල, මාතලේ.
දු.අ. 077 5757178

2017.03.02 වන දින දීය.

මාතලේ සහ රත්තොට පොලීසිය විසින් ද්වේශ සහගතව, උසාවිය දඩමීමා කරගෙන සිදුකරණු ලබන මූලික අයිතිවාසිකම් කඩ කිරීම් පිළිබඳව පහත කරුණු ඉදිරි පත් කරමි.

01.
2003.09.08 දින, මාතලේ පොලීසිය විසින් අංක 58424 යටතේ, මා හට ව්‍යාජ චෝදන නගා නඩුවක් පවරණු ලැබීය. 

මෙම නඩුව වසර 13 කට ආසන්න කාලයක් පවත්වාගෙන යමින් ශාරීරික, මානසික සහ ආර්ථික පීඩාවන්ට පත්කරණු ලැබීය.

එක් නඩු වාරයකට ඉදිරිපත් වීමට නොහැකි වී මෝසමක් මගින් අධිකරණයට ඉදිරිපත් වූ දින විවෘත අධිකරණයේ ඇප තබන ලෙසට නියෝග කරමින් මා දින 03 කට රක්ෂිත බන්ධනාගාර ගත කරණු ලැබීය.

වසර 13 කට පසුව මෙම නඩුවෙන් මා, අපරාධ නඩු විධි විධාන සංශෝධන පනතේ 188 (2* වගන්තිය ප‍්‍රකාරව මුදාහරිණු ලැබීය.

මට නගා තිබූ ව්‍යාජ චෝදනාව වන්නේ, රු: 18,000/- ක චෙක්පත් වංචාවක් කිරීම සම්බන්ධවයි.

මෙම නඩුව සිවිල් ආරවුලක් අදාල එකක් බව සඳහන් කරමි.

02.
2011.04.28 දින රත්තොට පොලීසිය විසින් අංක 97772 යටතේ, මා හට ව්‍යාජ චෝදනා නගා නඩුවක් පවරණු ලැබීය.

නගා තිබූ චෝදනාව වූයේ රු: 286/ ක් වටිනා කි.ග‍්‍රෑ. 1.430 ක් බර සුදු හඳුන් දැව කැබැල්ලක් ප‍්‍රවාහනය කිරීම, මෙම නඩුව වසර 05 ක් පැවති අතර, 2016.06.17 වන දින ලංකා දණ්ඩ නීති සංග‍්‍රහයේ 88 වන වගන්තිය අනුව නඩුව පවත්වාගෙන නොයන බව ප‍්‍රකාශ කර මා නිදහස් කරන ලදි.

03.
2011.07. 27 දින මාතලේ පොලීසිය විසින් අංක 13889 යටතේ  මා හට ව්‍යාජ චෝදනා නගා නඩුවක් පවරණු ලැබීය.

එම නඩුව පවරන ලද්දේ නීත්‍යානුකූලව මා සන්තකයේ තිබූ රුපියල් ලක්ෂ තිස් පහකට වැඩි වටිනාකමකින් යුත් සුදු හඳුන් ඝණ මීටර් 02 ක් අත්අඩංගුවට ගෙන එකී සුදු හඳුන් අධිකරණයට ඉදිරිපත් නොකර වයාජ චෝදනාවක් නගාය.

චෝදනාවේ ස`දහන් වන්නේ සුදු හඳුන් ගසක් කපා එහි දැව කොටස් සන්තකයේ තබාගෙන ය.

‘බී’ වාර්තාවේ සඳහන් වන්නේ සඳුන් දැව කඳන් 06 ක් ළඟ තබා ගැනීමය. චෝදනාවේ හෝ බී වාර්තාවේ අත්අඩංගුවට ගත් සුදු හඳුන් ප‍්‍රමාණය සඳහන් කර නැත.

වසර 05 කට පසුව 2016.03.09 දින, චූදිතට එරෙහි චෝදනා ඉදිරියට පවත්වාගෙන යාම සිදු නොකර බව දැණුම් දීම මත මා මුදාහරිණු ලැබීය.

04.
2014.01.21 දින, අංක B/ැු1322/ැු14 යටතේ මට බොරු නඩුවක් පවරන ලදි.

‘බී’ වාර්තාවෙන් කියා සිටින්නේ රු: 28,400/- ක් වටිනා ටයර් දෙකක් ලබාගෙන අගරු චෙක්පතක් දී වංචා කළ බවය.

වසර 1 1/2 කට පසුව, චෝදනාව සිවිල් ආරවුලකට අදාල යැයි පවසමින් මා මුදා හරින ලෙසට අධිකරණයෙන් කළ ඉලල්ම මත මාව මුදා හරිණු ලැබීය.

05.
මේ ආකරයටම මා හට විරුද්ධව මා හට විරුද්ධ මුදල් වංචා කළ බවට වන ව්‍යාජ චෝදනාවක් මැදිරිගිරිය පොලීසිය විසින් මට එරෙහිව පවරා තිබේ.

එහි අංකය B 1201/ැු13 වේ. සිවිල් ආරවුලක් අපරාධයක් බවට අධිකරණයට පෙන්වා අධිකරණය භාවිතා කරමින් මා පීඩාවට පත් කිරීමකි.

06.
2012 වසර මා හට රුපියල් එක් ලක්ෂ හැට හත් දහස් තුන්සිය පහළොවක් (රු: 164,315/-)වටිනා, වසා ඇති ගිනුමක චෙක්පතක් දී කරන ලද වංචාව මවිසින් MCR42/ැු12; C 2 181/ැු206 යටතේ රත්තොට පොලීසියට කරන ලද පැමිණිල්ල අද දින දක්වාම යටපත් කරගෙන සිටී.

මෙම පැමිණිල්ල ට අදාලව වංචා නඩුවක් පැවරීමට තමන්ට නොහැකි බව රත්තොට පොලීසිය කියා සිටී. එසේ කියමින් මේ දක්වාම කිසිදු පියවරක් ගෙන නොමැත. 

07.
2010.11.09 වන දින, මාතලේ කයිකාවල, පල්ලේගම, වේරගම, 227/1 පිහිටි මාගේ නිවසට පිරිසක් විසින් ගිනි තබන ලදි. අලාභය රුපියල් ලක්ෂ හතරකි. මේ ගිනි තැබීම පිළිබඳව මා එදිනම එනම්, 2010.11.09 වන දින 2010රැු127 – CIBතේ පැමිණිලි කළෙමි. 

එයට මාසයකට පෙර මා හා ඉඩම් ආරවුලකට සම්බන්ධ ‘සමන්ත බේක් හවුස් ලොකු පුතා’ නැමති අය හා තවත් පිරිසක් සමග මා වෙත පැමිණ ඉඩමෙන් පිටවන ලෙස නියම කරන ලදි. එම තර්ජනය පිළිබඳ මා එ් අවස්ථාවේදීම රත්තොට පොලීසියට පැමිණිලි කළ ද එය බාරගත්තේ නැත. 

මෙම සියලූ කරුණු වලින් මනාව පැහැදිලි වන්නේ මෙම පොලිස් ස්ථාන දෙකේ ස්ථානාධිපතිවරුන්  හට මා විසින් කප්පම් නොදීම නිසා පළිගැනීමට,
1. බොරු නඩු දැමීමට හා
2. මාගේ පැමිණිලි බාර නොගැනීමට 
ක‍්‍රියා කළ බවයි. 

මා ඉල්ලා සිටින්නේ මා ඉහත සඳහන් කළ කරුණු පිළිබඳව විධිමත් පරීක්ෂණයක් පවත්වන ලෙසත් අදාල පොලිස් නිලධාරීන්ට එරෙහිව නීතිමය පියවර ගන්නා ලෙසත්ය.

මෙයට,

ශ‍්‍රී රාජ් ගනේෂ්වර වික‍්‍රමසූරිය

පොලීසියේ සිදුකරන සාක්ෂි වසන් කිරීම් වලින් ආරක්ෂා කරදෙන්න.

අපරාධ වින්දිතයන් හා සාක්ෂිකරුවන් ආරක්ෂා කිරීම සඳහා වූ ජාතික අධිකාරියේ සභාපතිගෙන් මෙම ඉල්ලීම කරන්නේ, නවදගල පදිංචිකාරියක් වූ රම්‍යලතා මහත්මියයි.

අප රටේ මහජන මුදලින් නඩත්තු කරන තවත් එක් අධිකාරියකි, අපරාධ වින්දිතයන් හා සාක්ෂිකරුවන් ආරක්ෂා කිරීම සඳහා වූ ජතික අධිකාරිය.

රම්‍යලතා මහත්මියට ඇසට දමන්නට දෙන ලද බෙහෙත වෙනුවට කණට දැමීම සඳහා වූ බෙහෙතක් නිකුත් කළ ඌරගස්මංහන්දිය ගුණවර්ධන ෆාමසියේ අයිතිකරු බේරාගැනීමට ක‍්‍රියා කරන ඌරගස්මංහන්දිය පොලිසිය ස්ථානාධිපති ප‍්‍රධාන පොලිස් පරීක්ෂක සුජිත් ප‍්‍රසන්නට එරෙහිව කරන ලද පැමිණිල්ලක මූලික කරගෙන ඉහත ඉල්ලීම කර තිබේ.

ඇය, මෙම ජාතික අධ්කාරියට යවන ලද ලිපිය පහත දක්වමු. එමගින් රටේ නීතියේ ආධිපත්‍ය බිඳ වැටී තිබෙන තරම හා පෙලීසියේදුෂිත තත්ත්වය මොනවට පැහැදිළිවනු ඇත.

කොට්ටහච්චිගේ රම්‍යලතා 
නවදගල 
2017.02.16

සභාපති
අපරාධයක වින්දිතයන් හා සාක්ෂිකරුවන් 
ආරක්ෂා කිරීම සඳහා වූ ජාතික අධිකාරිය
අංක 428/11, පළමු මහල
ඩෙන්සිල් කොබ්බෑකඩුව මාවත
බත්තරමුල්ල


මහත්මයාණෙනි

ඌරගස්මංහංදිය ”ගුණවර්ධන ෆාමසිය” මගින් 
වැරදි බෙහෙතක් නිකුත් කිරීම නිසා අර්ධ අන්ධභාවයට පත්වීම

උක්ත කාරණයට අදාලව මා විසින් අධිකරණ අමාත්‍යාංශයේ, ලේකම් වෙත යොමු කළ 2016.11.07 දාතමින් යුතු ලිපිය ඔබගේ අවධානය හා අවශ්‍ය කටයුතු සඳහා ඔබ වෙත යොමු කර එහි පිටපත මා වෙත එවා තිබේ. එ් 2017.01.23 දිනය.

එ් අනුව, මෙම කරුණු ඔබ වෙත ඉදිරිපත් කරමි.

1. මා පළමුවෙන්ම වින්දිතයකු බවට පත්කරන ලද්දේ ඌරගස්මංහන්දිය ගුණවර්ධන ෆාමසියේ අයිතිකරු විසිනි.

2. එ් පිළිබඳ පැමිණිල්ල මා ඌරගස්මංහන්දිය පොලීසියට කළෙමි. එ් යුක්තිය ඉටු කර ගැනීම සඳහාය.

3. නමුත් ඌරගස්මංහන්දිය පොලීසියේ ස්ථානාධිපති ප‍්‍ර.පො.ප. සුජිත් ප‍්‍රියන්ත ක‍්‍රියා කළේ වැරදි බෙහෙත් නිකුත් කර මා අර්ධ අන්ධභාවයට පත් කළ ෆාමසියේ අයිතිකරු ශාන්ත ගුණවර්ධන නැමැත්තා බේරා ගැනීමට පියවර ගැනීම ය.

4. අපරාධයක් සිදුකළ පුද්ගලයකු බේරා ගැනීම සඳහා ක‍්‍රියාකරමින් අපරාධයක් වසන් කිරීමට පියවර ගන්නා ලද ඌරගස්මංහන්දිය පොලිස් ස්ථානයේ ස්ථානාධිපතිට එරෙහිව නීතිමය හා විනය පියවර ගෙන, වැරදි ආකාරයට අධිකරණයට ගොනු කළ වාර්තාව සංශෝධනය කරන ලෙසට ඉල්ලමින් පොලිස්පතිට පැමිණිලි කළෙමි.

5. පොලිස්පති එකී පැමිණිල්ල ගාල්ල නියෝජ්‍ය පොලිස්පති, ඩබ්.කේ ජයලත් මයා වෙත යොමුකරන ලද බව මට දන්වන ලදි.

6. ගාල්ල නියෝජ්‍ය පොලිස්පති, ඩබ්.කේ. ජයලත් මයා කළේ ඇල්පිටිය පොලිස් අධිකාරී කාර්යාලයේ සා.පො.අ. පුස්සැල්ල වෙත යොමු කිරීමය.

7. ඔහු මා ගෙන්වා ප‍්‍රකාශ සටහන් කරන ලදි. ඉන් අනතුරුව මා ලිංගික අතවරයට ලක් කළේය.

8. මා එ් පිළිබඳ ව පොලිස්පති වෙත පැමිණිල්ල නැවත කරන ලදි.

9. එහි ප‍්‍රතිඵලයක් වශයෙන් නියෝජ්‍ය පොලිස්පති ගාල්ල මා ගෙන්වා ප‍්‍රකාශ සටහන් කරගෙන චෝදනාව සංශෝධනය කරන බවට පොරොන්දු විය.

10. මේ අනුව මාගේ පැමිණිලි සම්බන්ධයෙන්, ඇල්පිටිය සා.පො.අ. පුස්සැල්ල හා ගාල්ල නියෝජ්‍ය පොලිස්පති, ඩබ්.කේ. ජයලත් මා ගෙන්වා ප‍්‍රකාශ සටහන් කරගෙන ඇත. 

11. මෙම අපරාධය කළ ගුණවර්ධන ෆාමසියේ අයිතිකරු බේරා ගැනීමට, අපරාධය යට ගැසීමට,

(1) ඌරගස්මංහන්දිය රෝහලේ වෛද්‍ය සිරිසේන

(2) ඌරගස්මංහන්දිය පොලීසියේ ස්ථානාධිපති ප‍්‍ර.පො.ප. සුජිත්
              ප‍්‍රියන්ත  

(2) ඇල්පිටිය සහකාර පොලිස් අධිකාරී ඞී.එම්.එස්. පුස්සැල්ල 

(3) ගාල්ල නියෝජ්‍ය පොලිස්පති නියෝජ්‍ය පොලිස්පති, ඩබ්.කේ 
              ජයලත් ක‍්‍රියා කරමින් යළි යළිත් වින්දිතයකු බවට පත් කරන 
              ලදි.

        (4) නිසි නීතිමය පියවර ගැනීමට හා විධිමත් පරීක්ෂණයක් කිරීමට 
              අසමත්ව ඇති පොලිස්පති වරයා ද මා වින්දිතයෙකු බවට 
               පත්කර ඇත.

ඔබට මා ප‍්‍රකාශකර සිටින්නේ,  

මා හට වරුදි බෙහෙතක් නිකුත් කළ ඌරගස්මංහන්දිය ගුණවර්ධන ෆාමසියේ අයිතිකරු ගෙන්
මට කිසිදු තර්ජනයක් නැත. බලපෑමක් නැති බවද, 

තර්ජන, බලපෑම් හා නීතිය ක‍්‍රියාත්මක නොකරන; ඌරගස්මංහන්දිය පොලීසියේ ස්ථානාධිපති ප‍්‍ර.පො.ප. සුජිත් ප‍්‍රියන්ත, ඇල්පිටිය සහකාර පොලිස් අධිකාරී ඞී.එම්.එස්. පුස්සැල්ල හා ගාල්ල නියෝජ්‍ය පොලිස්පති නියෝජ්‍ය පොලිස්පති, ඩබ්.කේ. ජයලත් යන අය ‘‘නීතිය’’ ක‍්‍රියාත්මක කිරීම පැහැර හරිමින් යළි යළිත් මා වින්දිතයකු බවට පත් කරමින් සිටින බවය.

එම නිසා, මා ඉල්ලා සිටින්නේ, නොපමාව, පොලීසියේ නීති විරෝධී ක‍්‍රියාවලින් සාක්ෂි වසන් කිරීම් වලින් ආරක්ෂා කර දෙන ලෙසටය.

අධිකරණයට නිසි පරිදි වාර්තා ඉදිරිපත් කර චෝදනා ඉදිරිපත් කරන ලෙසටය.

මෙම කාරණයට ඔබ අධිකාරිය මැදිහත්ව යුක්තිය ඉටුකර දීමට පියවර ගත හැකිද යන්න දන්වන ලෙසට ඉල්ලමි.

පිළිතුරු අගය කරමි,

මෙයට,

කොට්ටහච්චිගේ රම්‍යලතා 

පිටපත,
මංජුලා රත්නායක මිය
සහකාර ලේකම් (නීති)
අධිකරණ අමාත්‍යංශය            
උපරිමාධිකරණ සංකීර්ණය
කොළඹ 12   
MOJ/L7/(B)/4/3/2016 –  2017.01.23     දින ලිපිය හා බැෙ``ද්.