මට පහර දුන්නේ, තරුණයෙකුට අමානුෂික ලෙස පහර දීම ගැන ප‍්‍රශ්ණ කල නිසා

කොස්ගොඩ පොලිසියේ නිලධාරින් පිරිසක්, තරුණ ව්‍යාපාරිකයෙකුට පහරදී, රිමාන්ඞ් භාරයට පත් කළේ, තම නිවස ඉදිරිපිට තරුණයෙකුට පහර දීම ගැන ප‍්‍රශ්ණ කල නිසාලූ.

අප්‍රේල් මස 04 සිදුවූ මෙම පහරදීම හා නඩු පැවරීම ගැන ඔහු විසින් පොලිස්පති හා මානව හිමිකම් කොමිෂමට කරන ලද ලිඛිත පැමිණීල්ල පහත දැක්වේ.

මධුවන්ත, අවු: 26 යි, ජා.හැ.අ:- ................. , විවාහක, දරුවන් 01 යි, රැුකියාව : ව්‍යාපාරික.

ලිපිනය :  ඉදුරුව. දු.අ. –

2020.05.12 දිනදීය.

2020 අප්‍රේල් 20 වන දින, ප:ව: 5.00 ට පමණ, මා සහ මාගේ අයියා චාමර, නිවස ඉදිරිපිට සිටියා. ඒ අවස්ථාවේ, කොස්ගොඩ පොලිසියේ 8කු පමණ, සිවිල් ඇ`දුමින්, තරුණයින් දෙදෙනෙකු රැුගෙන ආවා. ඒ අවස්ථාවේ එම තරුණයින් දෙදෙනාට පොලිසියෙන් පහර දෙමින් සිටියා. මා ඒ ගැන විමසිලිමත් වුනා. ඒ සමගම එතැන සිටිය අසේල, ලක්සිත හා මෙන්ඩිස් යන පොලිස් නිලධාරීන් මට ඔවුන් අත තිබූ පොලූවලින් පහර දුන්නා. මාගේ අයියාට ද පහර දුන්නා. මා, මට පහරදීම වළක්වාලීමට පියවර ගත්තා. ඒ අවස්ථාවේ පොලිසියෙන් 35කු පමණ එතැනට පැමිණියා. ඔවුන් මාගේ නිවසේ තිබූ cctv කැමරා පද්ධතිය පොඩිකර , එහි සියලූම උපාංග ගලවා ගත්තා. නිවස තුලට 15 දෙනෙකු පමණ බලහත්කාරයෙන් අතුලූ වී, එහි භාණ්ඩ වලටද හානි කර, මාව හා අයියාව පොලිසියට රැගෙන ගියා. 

පසුදින බලපිටිය මහේස්ත‍්‍රාත්වරයාට ඉදිරිපත් කරනු ලැබුවා. එසේ ඉදිරිපත් කරනු ලැබුවේ මා හා අයියා රාජකාරියට බාධා කලා යන ව්‍යාජ චෝදනා යටතේය. මාව හා අයියාව රක්ෂිත බන්ධනාගාරගත කලා. 2020 අපේ‍්‍රල් 23 වන දින ඇප මත මුදා හරිනු ලැබුවා.

මීළඟ නඩු දිනය - 2020 ඔක්තොම්බර් 07 වේ. මාගේ නීතිඥයින්, පහරදීම හා භාණ්ඩ විනාශ කර දැමීම ගැන ගරු අධිකරණයට වාර්තා කරනු ලැබුවා. බන්ධනාගාරයට, මට පහරදීම ගැන ප‍්‍රකාශ කලා. නමුත් ප‍්‍රතිකාර ලබා දුන්නේ නැහැ. 

මේ පිිළිබදව 2020 මැයි 04 වන දින, දකුණු පළාත් භාර නියෝජ්‍ය පොලිස්පති කාර්යාලයේ පැමිණිලි කරනු ලැබුවා. නමුත් මේ දක්වාම නිසි පියවරක් ගනු ලැබුවේ නැහැ. 

1. මාගේ නිවසට සිදුකල අලාභය ගැන - ස්ථාන පරීක්ෂණයක් නොපමාව කරන ලෙසට,

2. මට පහරදීම පිළිබඳව ව්‍යාජ චෝදනා නගා නඩු දැමීම පිළිබඳව,

3. ඔවුන් විසින් විනාශකර රැුගෙන යන ලද cctv කැමරා ගණන 03 කි. එම පද්ධතියට අයත් රෙකෝඩරය, සැම්සුන් ජංගම දුරකථය (අංක 0771073..., පියෝ ටීවී රවුටරය, නැවත ලබා දීමට හෝ ගරු අධිකරණයට ඉදිරිපත් කරනා ලෙසට,

4. කොස්ගොඩ පොලිසියේ - උ.පො.ප.අසේල, පො.කො.ලක්ෂිත, පො.කො.මෙන්ඩිස් ඇතුලූ,  අපරාධය සිදුකල පොලිස් නිලධාරීන්ට එරෙහිව නීතිමය පියවර ගන්නා ලෙසට - ඉල්ලා සිටිමි.

මෙම ක‍්‍රියාව මූලික අයිතිවාසිකම් උල්ලංඝණය කිරීමකි.

විශේෂ කරුණු 

කොස්ගොඩ පොලිසියේ ඉහත නම් සදහන් කල නිලධාරීන් විසින්, මීට පෙර අවස්ථා ගණනාවක් මාව පීඩාවට පත් කර තිබේ. දැනට මාස 8කට පමණ පෙර, මාගේ අවන්හලට ගිණි තබන  ලදි. මෙම ගිණි තැබීම කරවන ලද්දේ, හිටපු පොලිස් නිලධාරියකු වන එච්.මහින්ද සරත් කුමාර නැමැත්තාය. ඔහු පොලිසිය හා සම්බන්ධතා පවත්වති. මෙම බරපතල අපරාධය ගැන කොස්ගොඩ පොලිසිය නිසි පරීක්ෂණ නොකිරීම නිසා, අදටත් පීඩා විදිිමින් සිටිමි.  මෙම සිද්ධිය ගැන මා විපරම් 

කිරීම නිසා, පොලිසිය පසුවන්නේ, මා සමග දැඩි අමනාපයෙනි. 2020 අපේ‍්‍රල් 04 දින සිද්ධියේ පසුබිම මෙය බව මා විශ්වාස කරමි. මා ඉල්ලා සිටින්නේ, මාහට යුත්කිය ඉටු කරනා ලෙසටය.

මෙයට,

මධුවන්ත.