2020 මැයි 11 වන දින, කිරුලපන පොලිසිය විසින්, සොකරම් වලට සැක පිට අත්අඩංගුවට ගන්නා ලද තරුණයෙකුට, ඔහුගේ මව ඉදිරියේ අමානුෂික ලෙස පහර දීමට පටන් ගෙන තිබේ. එයට විරෝධය පළකළ මවට බැණ තර්ජණය කර තල්ලූ කර දැමීම නිසා ඇය බිම ඇද වැටී ඇත. මෙම සිද්ධිය බලාගෙන සිිටි අසල්වැසියන්, කිරුලපන පොලිසිය ඉදිරියට ගොස් විරෝධය පළකර තිබේ. විරෝධය පළ කරන ලද පිරිස අතර, දෙදෙනෙකුව අත්අඩංගුවට ගෙන, එක් අයෙකුගේ ජංගම දුරකථනයේ සටහන්ව තිබූ ඡුායා රූප/වීඩියෝව මකා දමා ඇත. ඉන් අනතුරුව - එම තරුණයින් දෙන්නාව අලූත්කඬේ අධිකරණයට ඉදිරිපත් කර ඇත. අධිකරණය ඔවුන්ව ශරීර ඇප මත මුදාහැර තිබේ.
මෙම අවස්ථාවේ වධහිංසාවට ලක්වූ තරුණයාගේ පියා, ඔබ 1996 හදිසි ඇමතුම් අංකයට කතාකර, පිහිට පතා තිබේ. ඇමතුම ලබාගත් තැනැත්තා/තැනැත්තිය, සොරුන් වෙනුවෙන් පෙනී සිටීමට නොහැකි බවට ප‍්‍රකාශ කර තිබේ.
සිද්ධිය වූ ස්ථානය - කිරුලපන, ‘කිරුල පුර’ හෙවත් ‘කිරුල ව්‍යාපාරය’ හෙවත් කූඹි කැලේ වත්ත.(කිරුලපන පොලිසිය පිටුපස).
අත්අඩංගුවට ගෙන, වධහිංසාවට ලක්වූ තරුණයා, එම තරුණයාගේ මව, විරෝධය පළ කරන ලද පිරිස අතුරින්, අත්අඩංගුවට ගත් තරුණයින් දෙදෙනා, නඩු අංකය, මානව හිමිකම් කොමිෂමේ හදිසි ඇමතුම් අංකය වු 1996ට අමතන ලද දුරකථන අංකය හා අමතන ලද තැනැත්තා ගේ නම ඇතුලු සියලු විස්තර අප මානව හිමිකම් කොමිසම් සභාවට ලිඛිතව දැනුම් තිබේ.
No comments:
Post a Comment