රක්ෂණයින් ගේ ගසා කෑමට ගොදුරුවන අසරණයෝ.

AVIVA NDB රක්ෂණයෝ දැන් පෙනී සිටින්නේ AIA රක්ෂණයෝ නමින්ය. වාරිකයක් රු:- 2120/- බැගින් වාරික 42ක්, එනම් රු: 89040/- ගෙවා තිබියදි සුව කළ නොහැකි රෝගයකින් යු. තිලකරත්තන ඔත්පල විය.

රක්ෂණය කරන විට දුන්න පොරොන්දු පරිදි ‘‘රක්ෂණ මුදල’’ ලබාදෙන ලෙසට ඉල්ලු විට ‘‘දෙවරක් සිතන්න’’ යයි AIA රක්ෂණ සමාගමේ අධ්‍යක්ෂ - මෙහෙයුම් කැලූම් සේනානායක යු. තිලකරත්නට  කියයි.

ශ‍්‍රි ලංකාවේ රක්ෂණයෝ අසරණයින් ගසා කන සැටි වටහා ගන්න තිලකරත්න මහතා AIA රක්ෂණ සමාගමේ අධ්‍යක්ෂ - මෙහෙයුම් කැලූම් සේනානායකට යැවු ලිපිය පහත දක්වමු. සිද්ධිය අදාල පළමු ලිපියට Link එක;

රක්ෂණයෝ අසරණයින් ගසා කති. - ජීවනාලෝකය - පවුලක්ම අදුරට දමයි. 

යූ. තිලකරත්න.

බටේගම

මැදගම

2014.01.17

කැලූම් සේනානායක මයා

අධ්‍යක්ෂ -  මෙහෙයුම්

AIA  ඉන්ෂුවරන්ස් ලංකා PLC

ප‍්‍රධාන කාර්යාලය

තැ.පෙ. 2088

75, කුමාරන් රත්නම් පාර

කොළඹ 02

ජීවනාලෝක රක්ෂණය

IL 201002460212 (12460212)

ඔබගේ 2013.12.20 දාතමින් මා වෙත එවන ලද ”දෙවරක් නොව කිහිප වරක් සිතන්න” හිසින් යුතු ලිපිය හා බැඳේ.

(1) මාව රක්ෂණය කරනු ලැබුවේ AVIVA NDB  නම්න් වන රක්ෂණ සමාගමයි.  එම රක්ෂණ ඔප්පුවේ අංකය IL 201002460212 විය.

නමුත් ඔබගේ ලිපිය එවා ඇත්තේ AIA  රක්ෂණ සමාගම නමින්ය. තවද ඔප්පු අංකය 12460212 ලෙස සඳහන් වේ.

මේ පිළිබඳව පැහැදිලි කිරීමක් අවශ්‍ය වේ.

(2) ඔබගේ ලිපියේ සඳහන් පරිදි මට දෙවරක් සිතන්නට දෙයක් නැත.

මා නැවත සුව කළ නොහැකි ස්නායු ආබාධයකින් ඔත්පල වී ඇත.

ඒ බව මා, විස්තරාත්මකව 2013.12.09 දාතමින්, මා රක්ෂණය වූ ”සාමාන්‍යාධිකාරී (මෙහෙයුම් ජීවන රක්ෂණ), අවීවා එන්.ඞී.බී. රක්ෂණ සමාගම, 75, කුමාරන් රත්නම් මාවත, කොළඹ 02. ලිපිනයට ලියාපදිංචි තැපෑලෙන් දැනුම් දුන්නා.

එමෙන්ම 2013.12.24 දාතමින් හිමිකම් කළමනාකාර, ජීවිත AIA ඉන්ෂුවරන්ස් ලංකා වෙත එවනු ලැබුවා. එම ලිපි ලැබෙන්නට ඇතැයි සිතමි.

කෙසේ වෙතත්, එම ලිපි වල ජායා පිටපත්, ඔබගේ දැන ගැනීම සඳහා අමුනා ඇත.

(3) මට කිසිදු රැුකියාවක් කළ නොහැකි බව වෛද්‍ය සහතික මගින් තහවුරු කර තිබේ.

(4) මා රක්ෂණය කරන විට ඔබගේ නියෝජිතයන් මට ප‍්‍රකාශ කළේ,

(අ) හදිසියේ මා මිය ගියහොත්, මාගේ පවුලේ අයට රුපියල් ලක්ෂ හතක් ලැබෙන බවද,

(ආ) ඔත්පල වුවහොත්, ඔප්පුවේ සම්පූර්ණ වටිනාකම, රු: 381,600/- ලැබෙන බවද,

(ඈ) රෝහල්ගත වීමකදී, දිනකට රු: 800/-  බැගින් ගෙවන බවත්ය.

(5) ඒ අනුව, එකී ප‍්‍රකාශනයන් විශ්වාස කළ මා, මසකට 2120/- බැගින් ගෙවන, වසර 15 කදී, කල් ඉකුත්වන ජීවනාලෝක රක්ෂණය ලබා ගතිමි.

(6) 2010.06.01 දින සිට, මාසිකව නියමිත, 2120/-  ගෙව්වෙමි.

(7) 2013.07.29 දින අන්තිම වාරිකය ගෙව්වෙමි.

එනම් මා වාරික 42 ක් ගෙවා තිබේ. මු`ඵ මුදල රු: 89040/- කි.

(8) එසේ තිබිය දී 2013 අගෝස්තු මස හිටි හැටියේම, මාගේ පාද පණ නැතිවෙන්නට විය. මා එ් පිළිබඳව වෙදකම් කළද සුව නොවීය. අසාධ්‍ය වීම නිසා මා රත්නපුර මහ රෝහලට ඇතුළත් කරනු ලැබීය.

(9) මෙම තත්ත්වය තුළ මට 2013 අගෝස්තු මාසයේ වාරිකය ගෙවීමට නොහැකි විය.

එතැන් පටන් මට රැුකියාවක් කර ගත නොහැකි තත්ත්වයට පත්වීම නිසා කිසිදු ආදායමක් නොමැති විය.

(10) මේ අවස්ථාවේදීම, ඔබගේ රක්ෂණ නියෝජිතවරිය වන අයි.බී. චන්ද්‍රලතා මහත්මියට දැනුම් දුන්නෙමි.

(11) මෙම තත්ත්වය තුළ මා, රෝහල්ගත වීමේ ප‍්‍රතිලාභය හා  සම්පූර්ණ ඔත්පල වීම නිසා, නියත රක්ෂණ ප‍්‍රතිලාභ ඉල්ලා සිටියෙමි.

(12) මේ වන විට, දින 08 ක් රෝහල්ගතව සිටි මා හට, දින 07 කට රෝහල්ගත වීමේ ප‍්‍රතිලාභය ගෙවන ලදි. (රු: 5600/- මුදලක්)

(13) මට හිමි, ස්නායු රෝගයකින් පසු කලෙක ඔත්පල වීම නිසා රක්ෂණ ප‍්‍රතිලාභය නොගෙවා, මට ඔබ උපදෙස් දුන්නේ රක්ෂණය ‘‘පවාරණය” කරන ලෙසටය.

(14) මේ උපසේ සම්පූර්ණයෙන්ම වැරදිය. එය මා ප‍්‍රතික්ෂේප කරමි.

මා නැවත ඉල්ලා සිටින්නේ,

පොරොන්දු වූ පරිදි, මට හිමි, මු`ඵ ඔප්පුවේ වටිනාකම වන රු: 3,81,600/- 

(රුපියල් තුන් ලක්ෂ අසූ එක් දහස් හයසියය) නොපමාව ගෙවීමට පියවර ගන්නා ලෙසටයි.

කඩිනමින් පිළිතුරක් එවන ලෙස ඉල්ලමි.

මෙයට

යූ. තිලකරත්න