ස්ථානාධිපති කැ.. තම්බියා කියා බැන මූණට කෙළ ගහලා !!

වීඩියෝව නැරබීමට ලින්ක් එක මත ක්ලික් කරන්න - https://www.youtube.com/watch?v=roVYsh0A-0g

කුඩු, නීති විරෝධී මත්පැන් සහ අනෙකුත් විවිධාකාර මත්ද්‍රව්‍ය ගෙන්වීම, බෙදාහැරීම අලෙවිය මෙන්ම නිෂ්පාදනය මර්ධනය කළ යුතුය. ඒ සියල්ල කළ යුත්තේ මාධ්‍ය සංදර්ශන හා ජනතාව රැවටීමේ අරමුණින් තොරව නීතියට එකඟවය.

ක`ඵතර මහ හීනටියන්ගල, මුස්ලිම් ප‍්‍රජාව බහුල ප‍්‍රදේශයකි. මෙම ප‍්‍රදේශයේ කුඩු ජාවාරම මෙන්ම අනෙකුත් මත්ද්‍රව්‍යය ගෙන්වීම, බෙදාහැරීම හා අළෙවිය සිදුවන්නේ සංවිධානාත්මකවය. එයට පොලීසියේ සුරාබදු දෙපාර්තමේන්තුවේ අනුග‍්‍රහය ලැබෙන බවද ප‍්‍රකාශ වේ.

මේ අතර ජනාධිපති නියෝගයෙන් පොලීසිය හා සුරාබදු නිලධාරීන් අඛණ්ඩව වැටලීම්ද කරයි. මාධ්‍යය වාර්තා වලට අනුව නම්  ඒවායේ අඩුවක් නැත.

රිස්වාන් පවුල, එම ප‍්‍රදේශයේ බහුලව පවතින විශේෂයෙන් පාසල් ළමුන් අතර, ප‍්‍රචලිත ‘‘මාවා” නමින් ප‍්‍රකට බුලත් විට අලෙවි කරයි. එය පොලීසියට නොරහසකි. ඔවුන් හා ක`ඵතර පොලීසි අතර පවතින්නේ කිට්ටු සම්බන්ධයකි.

වත්මන් මත්ද්‍රව්‍ය විරෝධී මර්ධන වැඩසටහන යටතේ 2020.01.23 දින එම නිවසට සිවිල් පිට ගිය පොලිස් නිලධාරීන් දෙන්නෙක් රිස්වාන්ගෙන් ‘‘බඩු’’ ඉල්ලා ඇත. ඉල්ලීමට ලැබුනු ප‍්‍රතිචාරය අයහපත් එකක් විය. රිස්වාන් ව අල්ලා මාංචු දැමීමට පියවර ගත් පොලිස් නිලධාරීන් ට නිවැසියන්ගේ හා අසල්වැසියන් ගේ විරෝධය එල්ල විය.

ඔවුන්ට දැමූ මාංචු ගලවන්නට සිදුවූයේ යතුර සමග ක`ඵතර දකුණ පොලීසියෙන් තිදෙනෙක්ව ගෙන්වා ගැනීමෙන් පසුවය. මෙම දර්ශන රූප ගතකරන්නට නිවැසියන් මෙන්ම අසල්වැසියන් පියවර ගෙන තිබින.

ක`ඵතර දකුණ පොලීසියේ නිලධාරින් 10 කට වැඩි ප‍්‍රමාණයක් එදින රාත‍්‍රී 11.00 පමණ, නිවස වටලා රිස්වාන් අත්අඩංගුවට ගත්තේය. නිවසේ තිබූ පුවක් කිලෝ 25 ක් දුම්කොළ ග‍්‍රෑම් 250 පැකට් 17 ක් හා ‘‘හිරාපාන” නම් ආනයන කරන ලද සුවිශේෂ රස කාරක ටින් 170 ක් හා ඔවුන් සතුව තිබූ රුපියල් දාහත්දාක් ද අත්අඩංගුවට ගනු ලැබීය.

නීතියට අනුව එම අත්අඩංගුවට ගැනීම ගැන හා අත්අඩංගුවට ගත් භාණ්ඩවල ලේඛන කිසිවක් සටහන් නොකර පොලීසියට ගෙන යන ලදි. පොලීසියේ දුෂණ මර්දන කාමරයට ගෙන ගොස් රිස්වාන් ව, නිරුවත් කර අතින් පයින් පහර දෙන ලදි.

රාත‍්‍රී 12.00 ට පමණ පහර දුන්න බව වෛද්‍යවරයාට පැවසුවහොත් බෝම්බයක් දමා සිරගත කරන බවට තර්ජනය කර, නාගොඩ මහා රෝහලට ගෙන යන ලදි. එහිදී පොලීසියේ ඉල්ලීමට පරීක්ෂාවකින් තොරව අධිකරණ වෛද්‍ය පෝරමය පුරවා අත්සන් කරදීමට වෛද්‍යවරයා පියවර ගනු ලැබීය.

පසුදින ඔහුව, ක`ඵතර මහේස්ත‍්‍රාත් අධිකරණයට ඉදිරිපත් කරන ලදි. බලපත‍්‍ර රහිතව පුවක්, දුම්කොළ, හා ‘‘හිරාපාන” ග‍්‍රෑම් 400 ක් ළඟ තබාගත් බවට චෝදනා කරමින්ය.  ඒ අනුව ශරීර ඇපයක් මත ඔහුව මුදාහරිනු ලැබීමට ගරු අධිකරණය පියවර ගත්තේය.

රිසිවාන් මෙ ගැන මානව හිමිකම් කොමිෂමට, පොලිස්පතිට, පැමිණිලි කරනු ලැබීය.

මේ ආකාරයට ශ‍්‍රී ලංකාවෙන් මත්ද්‍රව්‍ය තුරන් කරන්නට මෙ කපයේ නම් බැරිවේ.

රිස්වාන්ගේ පැමිණිල්ලේ මෙසේ සඟන් වේ.

01. සභාපතිනිය                
    මානව හිමිකම් කොමිෂන් සභාව     
    අංක 14
    ආර්.ඒ. ද මැල් මාවත
    කොළඹ 04

02. පොලිස්පති               
     පොලිස් මූලස්ථානය       
     කොළඹ 01


නීති විරෝධී ලෙසට, අත්අඩංගුවට ගෙන, වධ හිංසා පමුණුවා,
අවමන්සහගත සැළකිලිවලට භාජනය කර, බොරු නඩු දැමීම ගැන,
නීතිමය පියවර ගන්නා ලෙසට කරනු ලබන ඉල්ලීම.

රිස්වාන්, අවු: 45 යි, උපන්දිනය: 1974.07.29, විවාහක, දරුවන් 03 යි, රැකියාව:- රියදුරු   ලිපිනය:-මහ හීනටියන්ගල, ක`ඵතර. 
2020.01.25 වන දින දීය.

2020.01.23 වන දින, දවල් 11.00 ට විතර පොලීසියේ දෙදෙනෙක් ආවා. ඔවුන් සිවිල් පිට සිටියේ. ඒ දෙන්නා අපෙන් බඩු ඉල්ලූවා. මම කිවවා අපිට බලපත‍්‍ර තියෙනවා කියලා.

එවිට ඔවුන් මට මාංචු දැම්මා. ගෙනියන්න හැදුවා. මම විරුද්ධ වුනා. එවිට ඒ දෙන්නා මාංචු ගලවන්න කියා පොලිසියට කෝල් කරලා කිව්වා.

ඉන්පසුව තුන් දෙනෙක් සිවිල් පිට ආවා. ඔවුන් මාංචු ගැලෙව්වා.

එදින රාත‍්‍රී 10.00 ට විතර, සිවිල් පිට 10 ක් විතර ජීප් එකේ ආවා. අපරාධ අංශයේ ස්ථානාධිපති හිටියා.

ඔවුන් ගෙදර තිබූ පුවක් කිලෝ 25 ක්, දුම්කොළ ග‍්‍රෑම් 250 පැකට් 17 ක්, රු: 17,000/- කට වැඩිය තිබූ සල්ලි පෙට්ටිය, ‘‘හිරාපාන ටින්” 170 ක් ගෙන ගියා. මාව අත්අඩංගුවට ගත්තා.

ඉන්පසු ක`ඵතර දකුණ පොලීසියට ගෙන ගියා. එහි මූලස්ථාන පොලිස් පරීක්ෂක වෙත ඉදිරිපත් කළා. පොලීසියේ රථ වාහන අංශය පිටුපස, දකුණු අත පැත්තේ දුෂණ විමර්ශන අංශයට (කාමරයට) ගෙන ගියා. දොර වහලා, වට කරගෙන පහර දුන්නා.

අපරාධ අංශයේ ස්ථානාධිපති කාමරයට දාලා යන්න ගියා. ඔහු මගේ මූණට කෙල ගසා, කැ .... තම්බියා කියා බැන වැදුනා.

මට මාංචු දමා නිරුවත් කර, අතින් පයින් ගැහැව්වා. පිස්තෝලය කට ඇතුළට දැම්මා. මරණ බවට තර්ජනය කළා. පැය 3 ක් වතර තියාගෙන ගැහැව්වා. පහරදුන්න සිය`ඵ දෙනා දැක්කොත් අඳුරන්න පු`ඵවන්.

ඉන්පසු බෝම්බයක් ගෙනවිත්, සරමට තියා ගැටගසා, එය මා ළඟ තිබී ලබාගන්නා ආකාරයට, බිය වද්දා ෆෝන් එකෙන් වීඩියෝ කළා.

ඉන්පසු ගහපු බව කිව්වොත්, බෝම්බයට දාලා යවන බව කියා තර්ජනය කර, නාගොඩ රෝහලට ගෙන ගියා. එවිට මධ්‍යම රාත‍්‍රී 1.00 ට පමණ ඇති.

මම බයට, ගැහැව්ව බව දොස්තර මහත්තයාට කිව්වේ නැහැ. ඉන්පසු කූඩුවට දැම්මා.

පසුදින, එනම් 2020.01.24 වන දින, දවල් 12.00 ට පමණ, පුවක් ග‍්‍රෑම් 400 ක් එක්ක ක`ඵතර මහේස්ත‍්‍රාත් උසාවියට දැම්මා. මම නිවැරදිකරු කිව්වා.

රුපියල් ලක්ෂ 2 ක ශරීර ඇප මත මුදාහැරියා. නඩු අංකය: 07715, මීළඟ නඩු දිනය: 2020.03.20

මට පහරදීම නිසා මාගේ කණ පැලී ඇත. තැලූම් තුවාල ඇත. (වෛද්‍යය වාර්තාවේ එම කරුණු සනාථ කර ඇත.)

මා ඉල්ලා සිටින්නේ, නීති විරෝධී ලෙසට, අත්අඩංගුවට ගෙන, වධ හිංසා පමුණුවා, අවමන්සහගත සැළකිලිවලට භාජනය කර, බොරු නඩු දැමීම ගැන, ක`ඵතර දකුණ පොලීසියේ මූලස්ථාන පොලිස් පරීක්ෂක ඇතු`ඵ අදාළ නිළධාරීන්ට එරෙහිව නීතිමය පියවර ගන්නා ලෙසටය.

මෙයට,

රිස්වාන්

මන්ද මානසික දැරියක පැහැරගෙන ගොස් දූෂණය කරලා,

මෙම අපරාධයට දැනට අවුරුද්දකුත් මාසයකි.

අම්බලන්තොට රෝහලට ගොස් බෙහෙත් අරගෙන නිවෙස බලා එමින් සිටි මෙම දැරියව, රවටා මිද්දෙනිය ප‍්‍රදේශයේ ලැගුම්හලකට ගොස් දූෂණය කර ඇත.

දුෂණය කළ පුද්ගලයා අම්බලන්තොට පොලීසියේ ස්ථානාධිපති හා කිට්ටු සම්බන්ධයක් තිබෙන ප‍්‍රකට වැලි ජාවාරම්කරුවන්ගේ ටිපර් රියදුරක් බවට ප්‍රකාශ වේ. විවාහකයෙකි. මෙම පැහැර ගැනීමට හවුල් කරගෙන ඇත්තේ අම්බලන්තොට පොලීසිය අසල පදිංචි කුඩු කාරයෙක් බවට තොරතුරු වාර්තිවේ.

මෙම අපරාධය පිළිබඳව පැමිණිල්ල බාර ගැනීම පවා ප‍්‍රතික්ෂේප කර ඇති අම්බලන්තොට පොලීසියේ ළමා හා කාන්තා කාර්යාංශය, පසුව පේ‍්‍රම සම්බන්ධයක් වශයෙන් පැමිණිල්ල සටහන් කර ගැනීමට තරම්, නීච වී ඇත. අපරාධකරුගේ ග‍්‍රහණය යටතේ පොලීසිය පවතින බවට තවත් නිදසුනකි, දින හතරක් යන තෙක් දැරියව වෛද්‍ය පරීක්ෂණයට භාජනය නොකිරීම.

ඇය දූෂණය කර ඇති බවට වෛද්‍ය පරීක්ෂණය මගින් නිගමනය කර තිබියදීත්, අධිකරණයට ඉදිරිපත් කිරීමට පියවර නොගත් පොලිස් ස්ථානාධිපති දිගින් දිගටම උත්සාහ ගෙන ඇත්දැතේ දැරියට යම් මුදලක් අරන්දී සමථ කරවීමටය.

වසරකුත් මාසයක් ගතව ඇතත් මෙම අපරාධය ගරු අධිකරණයට වාර්තා කර නැත.

2020 ජනවාරි 23 දාතමින් පොලිස්පති හා මානව හිමිකම් කොමිෂමට මව කරන ලද ලිඛිත පැමිණිල්ලේ මෙසේ ස`දහන්ව තිබේ.

යුක්තිය පසිඳලීමේ සමාජ යාන්ත‍්‍රනය කඩා වැටී ඇති රටක, ස්වාධීන කොමිෂන් ගැන ඔලූවෙන් හිටගෙන කථා කරන බුද්ධිමතුන්, වෘත්තිකයන්, නම්බුකාරයන්, අණ පනත් ගැන සම්මන්ත‍්‍රන පවත්වන සිවිල් සමාජකාරයන් ඉන්නා රටක, මන්ද බුද්ධික දැරියක් පැහරගෙන ගොස් දූෂණය කිරීමේ පැමිණිල්ල පේ‍්‍රම සම්බන්ධයක් බවට හැරවීමට පොලීසිය ක‍්‍රියා කිරීම ගැන පුදුම විය යුතු නැත.

 01. සභාපතිනිය
    මානව හිමිකම් කොමිෂන් සභාව
    14, ආර්.එ්.ද. මැල් මාවත
    කොළඹ 04

02. පොලිස්පති
     පෙලිස් මූලස්ථානය
     කොළඹ 01

2020.01.22

මන්ද මානසික දැරියක් දූෂණය කළ ස්ත‍්‍රී දූෂකයාට හා ආධාරකරුවන් ට
නිදැල්ලේ සිටීමට ඉඩ හැරීම.

සැමියා ශ‍්‍රී ලංකා යුද්ධ හමුදාවේ ලාන්ස් කෝප‍්‍රල්වරයෙකි.

(අ)වාසනා මාගේ දියණිය වේ. සාමාන්‍ය වයස: අවු: 19 යි. උපන්දිනය: 2000.09.09 මානසික වයස: අවුරුදු 6 කි. වෛද්‍ය නිගමනය වේ.

මාගේ දියණිය, 2018.12.11 දින, අම්බලන්තොට රෝහලට ගොස්, නිවස බලා එමින් සිටියදී, උදේ 9.30 ට පමණ,

(1) ඒ.කේ. සුභාෂ් අනුරුද්ධ
(2) මධුෂාන් හෙවත් සුද්දා
(3) රියදුරු හඳුනාගෙන නැත
යන තිදෙනා, කලූපාට මෝටර් රථයකින් පැමිණ, නිවස ළඟින් බස්සන්නම් යයි කියා, නංවාගෙන ඇත.

ඉන්පසු ඇයව, මිද්දෙනිය -නෙත්ප‍්‍රියා- යන, ගෙස්ට්හවුස් එකට රැගෙන ගොස් තිබේ. එහිදී ඒ.කේ. සුභාෂ් අනුරුද්ධ නැමැත්තා විසින් ඇයව දෙවරක් දූෂණය කරනු ලැබීය.

ඉන්පසු ඇයව රැඑගෙන විත් ඇඹිලිපිටිය බස් නැවතුම්පලට ගෙනවිත් බස්සවා ගොස් තිබේ. එහිදී මෙම ඒ.කේ. සුභාෂ් අනුරුද්ධ, දියණියව හම්බන්තොට බස් රථයකට නංවා මාමඩල හංදියේ සිට සිය නිවස බලා ඒමට ය.

ඉන්පසු ත‍්‍රී රෝද ගාස්තුව සමග රු: 280/- ක් ඇයගේ බෑගයට දමා තිබින.

දියණිය, දවල් 2.35 ට පමණ අඬාගෙන ගෙදර ආවා.

ඇය ගෙදර එන විට, කොණ්ඩය අවුල්වී තිබින. කම්මුල් රතු වී තිබූ අතර, යටි තොල්වල දත් පාරවල් තිබුනා. දියණියව පරීක්ෂා කළ විට ඇයව බලහත්කාරයෙන් දූෂණය කර ඇති බව මා දැනගත්තා.

එදින, මට අම්බලන්තොට පොලීසියට යෑමට හැකියාවක් තිබුනේ නෑ. පසුදින 2018.12.12 උදේ 8.30 ට මා මාගේ නැගණිය සමග දියණියව පොලීසියට ගෙන ගියා. මා සිද්ධිය ප‍්‍රකාශ කළද, පැමිණිල්ල බාර ගත්තේ නෑ. ස්ථානාධිපති නෑ යයි කියමින් ප.ව. 2.30 දක්වාම පොලීසියේ තබා ගත්තා.

මේ ආකාරයට පැමිණිල්ල බාර නොගත්තේ කාන්තා හා ළමා කාර්යාංශයේ දීපිකා යන කාන්තා පොලිස් නිලධාරිණිය සහ ජොතිමුනී යන පොලිස් සාජන්වරයාය.

පසුදින එනම් 2018.12.13 වන දින උදේ යළිත් අප පොලීසියට ගියා.  එදිනද මා විසින් පැමිණිලි කරන විට දීපිකා යන නිලධාරිණිය රිසව් එකට ගොස් සී.ආර්. පොතක් ගෙන මා කියන දේ ලියා ගන්නා ලදි.

කියවා තේරුම් කර නොදී අත්සන් ගත්තා. ඉන්පසු මාව ඉවත් කර, දියණියව තනියෙන් තියාගෙන ඇගෙන් ප‍්‍රකාශ ගත්තා. දියණිය එම ප‍්‍රකාශයට අත්සන් කළ බව මට කිව්වා.

නැවත අපිට පසුදින, 2019.12.14 වන දින එන ලෙසට දැනුම් දුන්නා. ඒ අනුව එදින උදේ පොලීසියට ගියා. එදින නැවත වරක් දියණිය ව තනියෙන් තියාගෙන ප‍්‍රකාශයක් ගත්තා. ඉන්පසු මාව හා දියණියව එකට තබාගෙන දියණියට කරදර කළ ආකාරය විස්තර කරන්න කිව්වා. දීපිකා හා නිලන්ති යන නිලධාරිණියන් දෙන්නා සී.ආර්. පොතක් අරගෙන එහි සිටහන් කළා.

ඉන්පසු අපව ස්ථානාධිපති වෙත යොමු කළා. ඔහුගෙන් මම ඇහුවා දියණියව රෝහල්ගත කරන්න  ඕන නේද කියා. එවිට ඔහු ප‍්‍රකාශ කළා දැන්ම වැඩක් නෑ, සැකකරුව ගෙනන්ලා තමයි තීරණය කරන්නේ කියා.

අපි 2019.12.15 දින පොලීසියට ගියද, ස්ථානාධිපති හා කාන්තා පොලිස් ඒකය කිසිදු පියවරක් ගත්තේ නෑ.

2018.12.16 වන දින පොලීසියට ගිය විට, සැකකරුව අත්අඩංගුවට ගන්න යන්න කැබ් එක දෙන්න බෑ, කැබ් එක තියෙන්නේ අපරාධකාරයෝ අල්ලන්න යන්න කිව්වා. වීල් එක කැඩිලා කිව්වා. එවිට අපි කුලියට වෑන් එකක් ගෙන ආවා.

පොලිස් නිලධාරීන් 4 කු සමග ගොස් සැකකරුව අරගෙන පොලීසියට ආවා.

2018.12.17 වන දින පොලීසියට ගොස් අප දියණයව රෝහල්ගත කිරීමට රැඑගෙන යෑමට උත්සාහ කළ විට, දියණිය ව පොලීසිය හම්බන්තොට රෝහලට ගෙන ගියා.

එහිදී අධිකරණ වෛද්‍ය නිලධාරී පරීක්ෂා කළා. දියණියව දෙවරක් දූෂණය කර ඇති බව එහිදීද තහවුරු වුනා.

එහෙත් පොලීසිය කිසිදු පියවරක් ග්තතේ නෑ. දින 04 ක් කූඩුවේ තබා ගත්තා. දිගින් දිගටම ස්ථානාධිපති උත්සාහ ගත්තේ මුදල් දී සමථ වූ බවට ප‍්‍රකාශයක් ගන්න.

මෙදින දියණියගෙන් කූඨ ලෙස සමථ වූ බවට ප‍්‍රකාශයකට අත්සන ගැනීමට උත්සාහ ගන්නා ලදි.

මාගේ මන්ද මානසික දියණියව දූෂණය කළ, දූෂකයාව බේරාගන්න අම්බලන්තොට පොලීසියේ ස්ථානාධිපති, කාන්තා හා ළමා කාර්යාංශයේ නිලධාරිණියන් ඉතා පහත් ආකාරයට ක‍්‍රියා කරන ලදි.

මෙම ස්ත‍්‍රී දූෂකයාව බේරා ගැනීම ගැන මා, ස්වාධීන ජාතික පොලිස් කොමිෂමට පැමිණිලි කළෙමි.

එම කොමිෂම පොලීසියටත් වඩා දූෂිතය. මන්ද ඔවුන් කළේ දූෂිතයා ආරක්ෂා කිරීමය.

මෙම අම්බලන්තොට පොලීසියේ ස්ථානාධිපතිවරයා, පැමිණිල්ලේ උද්ධෘත නීතිපති ට යවා, ඔහු මගින්ද යුක්තිය ඉටු කරවා ගැනීම වළක්වාලන ලදි. ස්ථානාධිපතිවරයා සියලූ ලේඛණ කූඨ ලෙස වෙනස් කළේ මාගේ දියණිය අපරාධකරුවා සමග පේ‍්‍රම සම්බන්ධයක් පවත්වාගෙන ගිය බව හා ඇගේ කැමැත්තෙන් -දූෂණය- කරගත්ත බව හුවා දැක්වීමෙනි.

මාගේ මන්ද මානසික දියණියව දූෂණය කිරීම නිසා, බරපතල ලෙස මානසික රෝගී තත්ත්වයට පත්විය.

එය අධිකරණ වෛද්‍ය නිලධාරීවරයා හා මානසික වෛද්‍යවරුන් සනාථ කර ඇත.

ඒ සියලූ වාර්තා අම්බලන්තොට උසස් පොලිස් නිලධාරීන්, නීතිපති හා ස්වාධීන ජාතික පොලිස් කොමිෂම එකතුව යට ගසා, අපරාධකරුවාට නිදැල්ලේ සිටීමට ඉඩහරිනු ලැබීය.

මෙය කරන ලද්දේ මෙම ඒ.කේ. සුභාෂ් අනුරුද්ධ යන පුද්ගලයා ප‍්‍රදේශයේ වැලි ජාවාරම්කරුවන් සමග හා වත්මන් විපක්ෂ නායක සජිත් පේ‍්‍රමදාසගේ සමීපතමයෙකු වීමය.

මේ සියලූ විස්තර මා සතුව තිබේ.

මා ඉල්ලා සිටින්නේ, වෛද්‍ය වාර්තා ගෙන්වා පරීක්ෂා කර,  මෙම අපරාධය ගැන යළිත් පරීක්ෂණ ආරම්භ කරන ලෙසටත්, යුක්තිය ඉටු කරන ලෙසටය.

මෙයට,

මව ------ ලංකා

රත්නපුර පොලීසිය, තරුණයෙකු පැහරගෙන ගොස් දස වධ දෙයි.

දැව ජාවාරම්කරුවෙකුගේ නිවස බිඳ, CCTV කැමරා පද්දතියේ දෘඩ තැටිය සමග රුපියල් දාහත් ලක්ෂයකට වැඩි මුදලක් හා රන් භාණ්ඩ සොරකම් කළ බවට සැකපිට, තරුණයකු පැහැරගත් රත්නපුර පොලීසිය ඔහුට දස වධ දෙනු ලැබීය.

2019.12.27දින සිදුවූ මෙම පැහැර ගැනීම හා දස වධ දීම ගැන පොලිස්පතිට හා මානව හිමිකම් කොමිෂමට පැමිණිලි කළද, මේ දක්වා කිසිදු නීතිමය පියවරක් ගෙන නොමැත.

විසි තුන් හැවිරිදි මෙම තරුණයා, උසස්පෙළ සමත්ව, ආරක්ෂක නියාමකයෙකු වශයෙන් රැුකියාව කරනු ලබන්නෙකි. තම පවුලේ එකම ජීවනෝපාය මාර්ගය වන පොල් රොටී, ලූණු මිරිස් අලෙවි කරන කඩයේද පවුලේ සාමාජිකයන් සමග එක්ව වැඩ කරයි.

දරිද්‍රතාවයෙන් පෙළෙන මේ පවුලේ වැඩිමලා වන මෙම තරුණයාව පැහැරගෙන ගොස් වධ දුන්න පොලිස්කාරයින් පවුලේ සැම ඉදිරිපිට දීම, අතට අතදී, අසල සුපිරි හෝටලයකට රැගෙන ගොස් සාදය් පැවැත්වීමට තරම් දැව ජාවාරම්කරු සමත්ව ඇත.

විලි ලැජ්ජා නැති  දූෂිත පොලිස්කාරයෝද සතුටින් එයට එක්විය.

මෙම තරුණයා මානව හිමිකම් ආරක්ෂා කිරීමට පත්ව තිබෙන ස්වාධින මානව හිමිකම් කොමිෂමට හා පොලිස්පතිට ලිඛිතව පැමිණිලි කර තිබෙන පැමිණිල්ලේ සියලූ විස්තර අන්තරගතය.

එම පැමිණිල්ල පහත දැක්වේ.
01. සභාපතිනිය
    මානව හිමිකම් කොමිෂන් සභාව
    14 ආර්. ඒ. ද මැල් මාවත
    කොළඹ 4

02. පොලිස්පති
     පොලිස් මූලස්ථානය
     කොළඹ

03. ආරක්ෂක ලේකම්
     අරක්ෂක අමාත්‍යාංයශය
     කොළඹ

රත්නපුර පොලිසිය, පැහැරගෙන ගොස් වධහිංසා පමුණුවා රඳවා තබාගෙන සිට, ව්‍යාජ නඩු පවරන බවට තර්ජනය කර  මුදා හැරීම.

  2019 12 27 වන දින මා තුඹගොඩ සාංඝික පන්සලේ පැවති, මගේ බාල මල්ලිට වෙස් තැබීමේ මංගල්‍යයට සහභාගි වෙමින් සිටියා. දවල් 1.40 පමණ මගේ ලොකු මල්ලි මට කිව්වා යාළුවෙක් කතා කරලා ඔහුගේ 07734***** දුරකථන අංකයට කතා කරන්න කිව්වා කියලා. ඒ මම එම අංකයට කතා කළා එවිට නමක් කියා තමා  ගලගම බව කිව්වා.  හම්බ වෙන්න  ඕන කිව්ව කාරණය දන්වන්න පන්සලේ ගේට්ටුව ඉස්සරහ ඉන්නේ පොඞ්ඩකට එන්න කිව්වා. මම ගියාම ගේට්ටුව අසල රැුවුල වවා ගත් අයෙක් හිටියා. ඔහු මට කතා කර යාළුවා උඩ ඉන්නවා කියා, මාව රාස්ගල පාරේ එක්න ගෙන ගියා. එහි පොලිස් ජිප් රථය නවතා තිබුණා. මට එම පුද්ගලයා නැගහංයයි  කිව්වා මම එයට නැග්ගා. මාව රැුගෙන ගිය අය ඇතුළු තුන්දෙනෙක් ජීප් රථයට නැග්ගා. ඉස්සරහ රියදුරු සමග තවත් අයෙක් හිටියා. වාහනේ ඇතුලෙදි මගේ ළඟ තිබූ දුරකථන හතරම ඔවුන් අරගත්තා. ජීප් රථය රස්සගල පාරේ, වේවැල්වත්ත පැත්තට ගියා. ඒ අතරතුර උඹව ගත්තේ මොකක්ද කියලා දන්නවාද කියා මගෙන් ඇහුවා. මම දන්නේ නෑ කිව්වා. උඹ දන්නව නේද උඹලාගෙ ගෙදර ඉස්සරහා ගේ හොරු කඩලා තියෙන බව හා බල්ලා උඹලෑ ගෙදර ගිහිල්ලා තියෙනවානේද  උඹ දන්නේ නැද්ද කියලා ඇහුවා. උඹ තමයි කරලා තියෙන්නේ ඒකට තමයි උඹව ගත්තේ කියලා කිව්වා. ඒ සමඟම මගේ ඔවුන් ගත්තු දුරකථන වලට කෝල් එන්න පටන් ගත්තා. මම කිව්වා අම්මල තමයි කෝල් ගන්නෙ ඒ නිසා කතා කරලා කියන්න අත්අඩංගුවට අරගෙන තියෙන බව, ඔවුන් බය වෙයි කියලා කිව්වා. එවිට ඔවුන් කිව්වා ගෙවල් වලට කියන්න  ඕනි නම් මෙහෙම ගන්නෙ නෑ - උඹ මරලා දානවා- කවුරුත් දන්නෙ නෑ කියා.  කිව්වාම උඹ එන්නේ දේශපාලනය මාර්ගයෙන්, ගමේ පොලිසිය මාර්ගයෙන් යයි කිව්වා. ජීප් රථයේ ඉන් අනතුරුව විවිධ දේ කියමින් අසමින් අත් ඉස්සරහට තබා දමා තිබුණු මාංචු ගලවා අත්දෙක පිටුපසට කර දැම්මා. ඉන්පසු මාව ජීප්එකේ බිම දණගස්සවා, ඔලූව පයින් පාගලා බිමට තද කරලා, අත් දෙක උඩට ඇද ගෙන තියාගෙන හපමින් මට අතින් පයින් පහර දුන්නා. පැය දෙකක් පමණ ගියාට ඉන්පසු ජීප් රථය නවත්වා මගේ ඇස් බැඳ තිබූ රෙදි කෑල්ල ගැලෙව්වා. මාංචු ගැලෙව්වා. එවිට හිටියේ ඇල්ලේපොල හෝටලයක් ළඟ. මාවද ජිප් රථයෙන් බස්සවා බත් කන්න අරගෙන ගියා. මම කිව්වා මට කන්න බෑ කියා. මම හිටියේ දැඩි වේදනාවෙන්. මට එවිට රෝල්ස් එකක් අරන් දුන්නා. ඒකත්  කන්න බැරි වුණා. අත් දෙක වෙවුලන්න පටන් ගත්තා. බත් කා ඉවරවෙලා උඹව තියන්නේ නෑ. කොළඹ අරගෙන යනවා කිව්වා. මේ අතර ඉස්සරහ හිටිය නිලධාරියාට කෝල් එකක් ආවා. ඒ කොල් එකට උත්තර දුන්නා. කිව්ව අයියා අපි ළඟ ඉන්නවා නදිර මල්ලිට හා තාත්තාට රත්නපුර පොලිසියට ළගට ඇවිත් කෝල් කරන්න යයි කිව්වා. පොලිසියට ගෙන ගොස් නීතිය බලගැන්වීමේ බෝඞ් එක ගහලා තිබූ කාමරේටම ගෙන ගියා. එහිදී මට දැඩිව තර්ජනය කළා. රාත‍්‍රී 8.00ට පමණ තාත්තා අම්මා හා මම බ`දින්න ඉන්න ගෑණු ළමයා පොලිසියට ආවා තාත්තට අම්මට හා හා බඳින්න යන ළමයට මාව බලන්න ඉඩ දුන්නා. කෑමත් ගෙනත් දුන්නා. රාත්රිටයේ මාව කූඩුවට දැම්මා. පසුදා උදේ එළියට අරන් මගෙන් ප්රිකාශයක් අරගෙන ඇගිලි සලකුණු ගත්තා. තාත්තා ගෙන් හා මල්ලි ගෙන් ප්රාකාශ ගත්තා. ඉන්පසු පොලිස් ඇප මත මුදා හැරියා. මම පවුලේ අය සමඟ කඬේට එන විට විට රත්නපුර පොලිසියේ මාව අත්අඩංගුවට ගත් අය ඇතුළු නිලධාරි පිරිසක් කඬේ වටකරගෙන සෝදිසි කරමින් හිටියා. එම පොලිස් පිරිස හිටියේ සුදු පාට වෑන් එකකින්. ඒ අසල ගේ සොරු කැඩුවයි කියන ගෙදර හිමිකරු වන වසන්ත රංජිත් නැමැති ව්යාේපාරිකයා සිය ප්රාරඩෝ රථයෙන් එතැනට පැමිණ හිටියා. ඔහු  එහි සිටි සිවිල් නිලධාරියකු සමඟ කතාබහ කරමින් අතට අත දෙමින් සාමිච්චි යෙදි ඉන්නවා මා දුටුවා. උඹලා ගංජා විකුණනවා හෙට අනිද්දා ඔප්පු කරලා පෙන්නන්නම් කිව්වා. පොලිස් නිලධාරීන් වසන්ත රංජිත් නමැති ව්යාාපාරිකයා සමග අසල පිහිටි කේබැබ් නැමති සංචාරක  හෝටලයට ගොස් දහවල් ආහාරය ගෙන තිබුනා. එහි සිටි එක නිලධාරියෙක් මගේ අම්මට කතා කරලා කිව්වා උඹලට නිකන් ඉන්න දෙන්න නෑ ගංජා දමා හරි ඇතුලට දානව කියලා. මාව අත් අඩංගුවෙන් මා නිදහස්ව පැමිණීමෙන් පසුව සවස 5.30 ට පමණ මට කලන්තය හැදුනා.  එවිට 1996 ට කතා කර මාව බළන්ගොඩ මූලික රෝහලට ගෙන ගියා. දින හතරක් නේවාසික ව ප්රනතිකාර ලබා දුන්නා. රෝහල් පොලිසියෙන් පැමිණ මගින් ප්ර කාශයක් ගත්තා. 2020 ජනවාරි 02 බලංගොඩ සහ සහකාර පොලිස් අධිකාරී වෙත ගොස් පැමිණිලි කළා. රත්නපුර පොලිසියේ නිලධාරින් පැහැරගෙන ගොස් පැය දෙකකට වැඩි කාලයක් අමානුෂික ලෙස වධ හිංසා පමුණුවා ඉන්පසු රත්නපුර පොලිසියට නීති විරෝධීව රඳවා තබාගෙන මුදාහැරියේ මහා පරිමාණ ව්‍යාපාරිකයෙකුගේ අවශ්‍යතාව සංසිඳවීම සඳහා බව ප‍්‍රකාශ කරමින්. මා පසුව දැන ගත්තා මා පන්සලේදී අතුරුදහන්වීම් ගැන තාත්තා බලංගොඩ පොලිසියට ගොස් පැමිණිල්ලක් දාන්න උත්සාහ ගත්තු  බවත්, නමුත් එම පැමිණිල්ල භාර ගෙන තිබුණේ නැති බවත්. ඒ අතර මගේ පුංචි අම්මා කෙනෙක් 119 ට කතා කරලා පැමිණිල්ලක් කරලා. තිබුණා. ඉහත දැක්වූ ව්‍යාපාරිකයාගේ නිවෙස ඉදිරිපිට කටු මැටි ගැසු ගෙයක අපි පදිංචි වෙලා ඉන්නේ. මෙම ව්‍යාපාරිකයාගේ නිවස හොරුන් විසින් බිඳ එම නිවසේ තිබූ ලක්ෂ 7කට වැඩි මුදල් ලක්ෂ දහයකට ආසන්න රන් භාණ්ඩ පමණක් නොව සී.සී.ටී.වී. කැමරාවල පද්ධතිය ද රැුගෙන ගොස් ඇති බව පොලිසිය අප සමග කියා සිටියා. මාව පොලිසිය පැහැරගෙන ගොස් මෙම මේ ආකාරයට සොරකමට ආදේශ කරන්න ඔවුන්ට තිබු අවශ්‍යතාවය මා නොදනිමි. මට සිදුකළ අපරාධය පිළිිබ`ද මෙසේ පැමිණිලි කිරිම නිසා මා අත්අඩංගුවට ගෙන පළිගැනිමට ඉඩ නොතබන ලෙසට, මගේ මතු ආරක්ෂාව සලසන ලෙසට සහ රත්නපුර පොලිසියේ අදාල නිලධාරීන්ට එරෙහිව නීතිය ක‍්‍රියාත්මක කරන ලෙසට ඉල්ලා සිටිමි.
මෙයට,
------------ලීලාරත්න,

රට තුළ නීතිය මත පාලනයක් (නීතියේ ආධිපත්‍ය) ඇති කිරීමට නම් පොලීසිය නීතියට යටත් කළ යුතුය. 
පුද්ගලයන් අත්අඩංගුවට ගැනීම නීතියට විය යුතු බවට වන ජනාධිපති ගෝඨාභය ගේ නියෝග අද දින දක්වාම පොලීසිය ක‍්‍රියාවට නංවන්නේ නැත.

ජනාධිපති නියෝග වැලිපැන්න පොලීසියට බලපාන්නේ නෑද්ද? එසේ නැතිනම් ගනන්ගනේ නැද්ද?

 සියලුම අත්අඩංගුවට ගැනීම් නීතියට අනුකූලව සිදු විය යුතු බවට ජනාධිපති ගෝඨාභය විසින් වැඩබලන පොලිස්පතිවරයාට ලබාදුන් නියෝගය, ඔහු මේවන විටවත් සියළුම පොලිස් ස්ථානවලට ලබාදී තිබේද? යන්න සැකසහිතය. ජනාධිපතිවරයා මොන නියෝග දුන්නා අපි වැඩ කරන්නේ අපිට පුරුදු විදියට අපිට ඕන විදිහට යන පොලිස් ප්‍රතිපත්තිය වෙනස් වී නැති බවට කදිම උදාහරණයකි මෙය.

31 හැවිරිදි සංජීව දෙදරු පියෙකි.  ඔවුහු "ඩිමෝ බට්ටා" වෑන් රථයක් උපයෝගි කරගෙන වැලිපැන්න ප්‍රදේශයේ මාළු වෙලදාම් කරයි. 17 වැනිදා වැලිපැන්න පොලීසිය ඔහුව අත්අඩංගුවට ගන්නේ සම්පූර්ණයෙන්ම නීතියට පටහැනිවය.  ඉන්පසු පොලිස් ස්ථානයට ගෙනයන ඔහුව සම්පූර්ණයෙන්ම නීතියට පටහැනිව එම පොලිස් ස්ථානයේ ඉහළ මාලයේ පවතින බැරැක්කය වෙත ගෙනගොස් බිම වාඩි කරවා අත් පිටුපසට කොට මාංචු දමන්නේ එහි තිබූ ඇඳට තබා ය. පයින් ගසමින් කුණුහරප කියමින් ඔහුට බැණ වදිමින් පැය පහකට ආසන්න කාලයක් රඳවාගෙන සිට, ඔහුගේ ඥාතින්ගේ බලපෑම හමුවේ එයින් මුදවා කූඩුවට දමා බොරු නඩු දෙකක් ගොනුකර අධිකරණය පාවිච්චකර රිමාන්ඩ් භාරයට පත් කරවීමට ගත් උත්සාහය වළක්වා ගැනීමට හැකි වී තිබේ. මෙම නීති විරෝධී ක්‍රියාව සම්බන්ධයෙන් සංජීව මානව හිමිකම් කොමිසමට, පොලිස්පතිට හා නීතිපතිට කරන ලද පැමිණිල්ල පහත දක්වමු.  මෙම පැමිණිල්ල පිළිබඳව ජනාධිපති ලේකම්වරයාගේ අවදානය යොමු විය යුතුය.  මන්ද ජනාධිපති උපදෙස් අනුව  වැඩබලන පොලිස්පතිවරයාට නීතියානුකූලව අත්අඩංගුවට ගන්නා ලෙසට නියෝග කළේ ඔහු වීම නිසාය.  නියෝග නිකුත් කරා පමණක් නොව නියෝග ක්‍රියාත්මක වෙනවාද යන්න බලා නිසි පියවර ගැනීම ජනාධිපති ලේකම්වරයාගේ වගකීම්කි.  නැතිනම් පෙර දවස් වල මෙන් "නියෝග" පුවත්පත් නිවේදන වලට පමණක් සීමා වනු ඇත.  රැවටෙන්නේ ජනතාව නොව නියෝග නිකුත්කර ඔබ සැම ය. 

ලි.ප.තැ

සභාපති

මානව හිමිකම් කොමිසම් සභාව

14. ආර් ඒ ඩි ද මැල් මාවත

කොළඹ 04.

පොලිස්පති

පොලිස් මුලස්ථානය

කොළඹ

නීතිපති

නීතිපති දෙපාර්තුමේනතුව

උපරිමාධිකරන සංකිර්ණය

කොළඹ

නීති විරෝධි ලෙස අත්අඩංගුවට ගෙන රඳවා තබාගෙන

 වධ දි බොරුනඩු දැමිම.

සංජීව,  අවුරුදු 31යි.

ජාතික හැඳුනුම්පත් අංකය --------

විවාහක දරුවන් 02යි. රැකියාව රියදුරු හා කුඩා ව්‍යාපාරික

ලිපිනය:- -----, වැලිපැන්න

දුරකථන අංකය:-  076 -----

 2020 ජනවාරි 19 දිනදීය

 2020 ජනවාරි 17 වන දින උදේ 7 ට පමණ මා මාගේ ඩිමෝ බට්ටා වාහනය  අතරමග කැඩීම නිසා අලුත්වැඩියා කර ගැනීමට අලුත්ගම, මතුගම පාරේ, ගබඩා හංදියේ, ගරාජයට ගෙන ගොස් නවත්වාගෙන හිටියා. එවිට වැලිපැන්න පොලිසියේ ජීප් රථයෙන් තුන් දෙනෙක් ආවා. රියැදුරු වශයෙන් හිටියේ පොලිස් පරීක්ෂක විතාන. ඔහු මට කතා කර කිව්වා ඕ.අයි.සී ට කතා කරන්න ඕනෑ කියා- කියනවා කියා. මාව අත්අඩංගුවට ගෙන වැලිපැන්න පොලිසියට ගෙන ගියා. ඔහු මාව ජීප් රථයට නංවනවා සමග මගේ ජංගම දුරකථනය උදුරාගත්තා. උඹ බලන්න කාටවත් දෙන්නේ නෑ යයි කියා තර්ජනය කලා. වැලිපැන්න පොලිසයට ගෙනගිය පසුව, එහි උඩ තට්ටුවට ගෙන ගියා. එහි තිබූ යකඩ ඇ‍‍ඳ අසල මාව බිම වාඩිකර අත් පිටුපස කර ඇඳට තබා මාංචු දැම්මා. ටික වේලාවකින් සිවිල් පිට පැමිණි ස්ථානාධිපති ගමගේ මගෙන් ඇහුවා උඹේ සුදු පාට තොප්පිය කො කියා. මම දාන්නේ කලුපාට තොපියක් බව කිව්වා. එවිට ඔහු මගේ පසුම්බිය ඇද අරගෙන එහි තිබූ රුපියල් 14,000.00 ගැන ප්‍රශ්න කළා. මම ඔහුට කිව්වා මා දැන් කරන්නේ මාලු බිස්නස් එක. මේ මාළු ගන්න තියෙන සල්ලි කියලා. ඒ සමගම වගේ තවත් නිලධාරීන් දෙදෙනෙක් එතැනට ආවා. ඒ දෙදෙනා  මගෙන් මට කරන්නෙ මොකද යන්නේ එන්නේ කොහෙද වශයෙන් ප්‍රශ්න ඇහුවා. ඊට පසු මල්වතුකන්ද පැත්තට ගියාද කියා ඇහුවා. මම කිව්වා අවුරුදු ගණනාවකින් ඒ පැත්තට ගිහිල්ල නෑ කියලා. දවල් 12ට විතර කළු උස නිලධාරියෙක් සිවිල් පිට මා අසලට පැමිණ කුණුහරප කියමින් බැණ වැදී මට පයින් පහරක් දී රෑට අඹරනවා කියා තර්ජනය කළා. ඔහු මට දැක්කොත් හඳුනාගන්න පුළුවන්. දවල් දෙකට පමණ මාව මාංචු ගලවා පහල තට්ටුවේ ස්ථානාධිපති ළඟට ගෙන ගියා. ඔහුගේ නම ගමගේ. ඔහු එවිට සිටියේ නිල ඇඳුමෙන්. එතන මගේ අක්කලා වන උපේක්ෂා, ප්‍රියන්ති, තේජා හා අම්මා කමලාවතී හිටියා. අක්කලා ස්ථානාධිපතිගේ මාව අත්අඩංගුවට ගත් බවට ලදු පතක් දෙන්නැයි කියා ඉල්ලුවා. දුන්නේ නෑ. ඔවුන් කියා සිටියා ආපසු උඩු මහලට ගෙනියන්න එපා කියා. උඩුමහලට ගෙනියන්නේ ගහන්න බවටද ඔවුන් කියා සිටියා. ස්ථානාධිපති කිව්වා ගහන්න තියන්නේ නෑ කියා. මම කිව්වා මට උඩදි ගැහුව කියා. එවිට ඔහු කිව්වා ඒ ගැන මම බලාගන්නම් කියා. ඉන්පසු මාව කූඩුවට දැම්මා. සවස පහට පමණ දමිත් නැමැති නිලධාරියා පැමිණියා. දැක්කොත් අඳුරන්න පුළුවන්. ඔහු මගෙන් ඇහුවා මල්වතු කන්ද ගෙයක් කඩලා තියෙනවා, උඹ නොවුනත් උඹ තමයි ඒකට දාන්නෙ කියලා. රාත්‍රි 7.00 ට පමණ දමිත් නිලධාරියා තවත් නිලධාරී තුන්දෙනෙක් එක්ක මට මාංචු දමලා ඉත්තෑපාන රජයේ රෝහලට ගෙන ගියා. ගෙනියන අතර දමිත් නිලධාරියා කිව්වා උඹ අඩුගානේ දවස් 8 කට වත් රිමාණ්ඩ් කරවනා කියා. රෝහලේදී මාව පරීක්ෂා කර වාර්තාවක් ලබා දුන්නා. පසුදා උදේ - 2020 ජනවාරි 18 කූඩුවෙන් අරන් මගින් ප්‍රකාශයක් ගත්තා. ඇඟිලි සලකුණු ගත්තා. මට කියවන්න දුන්නේ නෑ තේරුම්කර දුන්නෙත් නෑ. නැවත කූඩුවට දැම්මා දවල් 2.30 ට පමණ මාව මතුගම උසාවි ට ගෙන ගියා. උසාවියට යන අතර උසාවියට ඉදිරිපත් කරන සාජන් වරයා කිව්වා උඹට නඩු දෙකක් දාලා තියෙනවා, මීගම කඩයක් කඩලා රුපියල් 10,000.00ක් සොරකම් කරා කියලා හා මල්වතුකන්දේ ගෙයක් කඩා බඩු සොරකම් කළා කියලා. ඔහු කිව්වා කරන්න දෙයක් නෑ උඹ අහිංසක බව මම දන්නවා, ගිහිල්ලා අරුන්ට විරුද්ධව පොල් ගහපං කියලා. උසාවියේදී මට ශරීර ඇප දෙකක් මත මුදාහැරියා. හැම මාසෙකම අවසාන සෙනසුරාදා මතුගම පොලිසියේ අත්සන් කරන ලෙසටත් නියම කළා. ඊළඟ නඩු දිනය 2020 ජනවාරි 28. මීට පෙරද වැලිපැන්න පොලිසිය මට විරුද්ධව සොරකම් සම්බන්ධයෙන් බොරු නඩුවක් දැම්මා. ඒ නඩුව මට දැම්මේ සොරකම් කරපු පුද්ගලයා පොලිසියේ නිලධාරියෙක්ගේ ඥාතියෙක් හින්දා. ඒ නඩුවෙන් නිදොස් කොට නිදහස් කරා. ඒ ගැන මම පැමිණිල්ලක් පොලිස්පතිට දැම්මා. ඒකට පිළිතුරු වශයෙන් මතුගම සහකාර පොලිස් අධිකාරිවරයා මට දැනුම්දුන්නා පොලිසිය කිසිම අගතියක් මට සිදු කර නැති බව. මේ ආකාරයට කිසිදු සොරකමක් නොකරන ලද මට විරුද්ධව බොරු පැමිණිලි දමා පීඩාවට පත් කරන්න පොලිසිය කටයුතු කරන්නේ ඇත්ත අපරාධකාරයා ව බේරන්න බව මා අවධාරණය ප්‍රකාශ කර සිටිනවා. පොලිසිය ජනාධිපති වරයා විසින් කර තිබෙන නියෝග පවා ඉෂ්ඨ කරන්නේ නෑ. අත්අඩංගුවට ගත්තහම දිය යුතු ලදු පත වත් මට වැලිපැන්න පොලිසිය ස්ථානාධිපතිවරයා ඉල්ලා සිටිය ද නිකුත් කළේ නෑ. ඉල්ලා සිටින්නේ උසාවියේ නඩුවක් තියෙනවා කියා මේ පිළිබඳ පරීක්ෂණ නොකර නොසිට නීති විරෝධී ක්‍රියා කර, මාගේ මුලික අයිතිවාසිකම් උල්ලංඝණට කළ පොලිස් නිලධාරීන් ආරක්ෂා කරන්නේ නැතුව යුක්තිය ඉටු කරන ලෙසය.

මෙයට,

------------ සංජීව

අත්අඩංගුවට ගැනීමේදී සුපරික්ෂාකාරීව හා දැඩිව නීතියට අනුකූලව ක්රිායා කරන්න. - January 14, 2020

anuary 14, 2020

අත්අඩංගුවට ගැනීම දඬුවමෙන් කොටසක් නොවන අතර, අත්අඩංගුවට පත්වීම පුද්ගල කීර්ති නාමයට හා සමාජ තත්ත්වයට දැඩි බලපෑමක් එල්ල කරන හෙයින් ඒ සම්බන්ධව කටයුතු කිරීමේදී ඉතා සුපරික්ෂාකාරීව හා දැඩිව නීතියට අනුකූලව ක්‍රියාකරන ලෙසට පොලිස්පතිවරයා දැනුවත් කරන ලෙස ජනාධිපති ගෝඨාභය රාජපක්ෂ මැතිතුමා ජනාධිපති ලේකම් ආචාර්ය පී.බී. ජයසුන්දර මහතා වෙත උපදෙස් ලබා දී ඇත.

කිසියම් පුද්ගලයෙක් අත්අඩංගුවට ගැනීම සිදුවිය යුත්තේ අදාළ වගකීම ඉටු කරන නිලධාරීන්ගේ වෘත්තීය තීන්දුව මත බවත්, එම රාජකාරිය ස්වාධීනව හා කිසිදු බිය ගැන්වීමකින් හෝ අනුග්‍රහයකින් තොරව සිදු වන බවට සහතික කරගන්නා ලෙසටත් ජනාධිපතිතුමා විසින් දැනුම් දී ඇත.

පාර්ලිමේන්තු මන්ත්‍රීවරු වැනි මහජන නියෝජිතයන් සහ වෛද්‍යවරු වැනි වෘත්තිකයන් සම්බන්ධයෙන් ඉහතකී රාජකාරිය ඉටුකිරීමේදී පොලිස් නිලධාරීන් විසින් අත්අඩංගුවට පත්වන පුද්ගලයාට නිසි‍‍‍ ගෞරවය ලබාදියයුතුය.

එමෙන්ම මෙම උපදෙස් සියලු ශ්‍රීලාංකීය පුරවැසියන් සම්බන්ධයෙන් කිසිදු වෙනසකින් තොරවඅදාළ වන බවත්, කිසිදු තත්ත්වයක්‍  යටතේ හෝ බාහිර අරමුණු වෙනුවෙන් ක්‍රියාවට නැංවීම නොකළ යුතුබවත්, කිසිදු අනවශ්‍ය බලපෑමකට යටත් නොවන ලෙසටත් දැනුම් දී ඇත.

දූර දර්ශීව නිසි ලෙස රාජකාරී ඉටුකරන ලෙසට හා අවශ්‍ය අවස්ථාවන් හි දී නීතිපති උපදෙස් පරිදි ක්‍රියා කරන ලෙසටද ජනාධිපති ලේකම්තුමා විසින් වැඩබලන පොලිස්පති සී.ඩී. වික්‍රමරත්න මහතාට උපදෙස් දී ඇත.

හඬ පට වලින් ගැලවෙන්නේ කාගේ සඵ පටද? රංජන් ගොඩ - සරත් විජේසූරියත් ගොඩ !! දුමින්ද? ගොඩ යා යුතුයි ........ !!!

රංජන් රාමානායක ගේ හඬ පට, පොලීසියට යන්නට පෙර, විවිධ පාර්ශවයන් වෙත ගොස් තිබින. එම හඬ පටවලින් කියවෙන දේ ගැන විවිධ දේ ප‍්‍රකාශ කරති.

එ් සෑම ප‍්‍රකාශයකින්ම ප‍්‍රකාශ කරන්නේ තම තමන්ගේ ස්වරූපය හෙළි කර ගැනීමය.

රංජන් රාමානායකට එරෙහිව ශ්‍රේෂ්ඨාධිකරණයේ, අධිකරණයට අපහාස කිරීමේ නඩුව ඇසෙමින් පවතී. මහාචාර්ය සරත් විජේසූරිය ට එරෙහිවද අධිකරණයට අපහාස කිරීමේ නඩුවක් පවතී.

මෙ වන විට මහාධිකරණයේ විනිසුරුවරියක් හා මහේස්ත‍්‍රාත්වරුන් දෙදෙනෙක් රංජන් සමග පවත්වන සංවාද ජනතාවට අසන්නට සලස්වා ඇත. එ් සංවාද කිසිවක්, විනිසුරුවරිය විසින් හෝ විනිසුරුවරයා විසින් මේ දක්වාම ප‍්‍රතික්ෂේප කර නැත.

ඉදිරියේදී කුමක් වේදැයි නිශ්චිත නැත. එහෙත් දැනට එම ”සංවාද” පිළිගැනීමට ලක්ව හමාරය.

රංජන් රාමානායක හා සරත් විජේසූරියට නගා ඇති චෝදනා ”අධිකරණයට අපහාස කිරීම” දැන් එ් අනුව යුකති සහගත වී හමාරය.

ඔවුන් ජනතා අධිකරණයන් නිෙදාස් කොට නිදහස් ව ඇත? එ් නඩු දැන් අසා පලක් නැත. නඩු දාපු අයම අධිකරණය ඉදිරියට ගොස් එ්වා ඉල්ලා අස්කර ගත යුතුය.

එපමණක්ද නොවේ දුමින්ද සිල්වාව ද ශ්‍රේෂ්ඨාධිකරණය විසින් නිෙදාස් කොට නිදහස් කළ යුතුව ඇත. දුමින්ද සිල්වා කවරෙකු වුවත්, විනුසරුවරියගේ ප‍්‍රකාශයට අනුව ඔහුගේ මූලික අයිතිවාසිකම් උල්ලංඝණය වි ඇති බව පැහැදිළිය.

ශ්‍රේෂ්ඨාධිකරණය මේ විනිසුරුවරියගේ ප‍්‍රකාශයද, නඩුවේ තීන්දුව අදාළ විනිසුරුවරුන් ගේ ප‍්‍රකාශයන්ද, සාක්ෂිද යළි විමර්ශනය කළ යුතුව තිබේ. පවතින්නාවූ වාතාවරණය යටතේ රංජන් රාමානායක ගංගොඩවිල අධිකරණය ඉදිරිපිටදී කියා සිටියේ දුරකථන සංවාද පටිගත කර තබා ගැනීම. ඉහළයන්ගේ ”සදාචාරයට” පටහැනි බවයි.

නමුත් තමන් එ් සියල්ලම කළේ තමන්ගේ ආරක්ෂාවට බවද ඔහු කියා සිටින ලදි.

රංජන් - රනිල් වික‍්‍රමසිංහ ගේ යථා ස්වරූපයද, හෙළි කළේ සජිත් ගේ තත්ත්වයද හෙළි කරමින්ය. රනිල්ව මිනීමරුවෙකු ද කරමින්ය. එ් හිරුනිකා ලවාය.

රංජන් රාමානායක ගේ හඬපට ඇතුළත් ”හාඞ් ඩිස්ක්” එක ත‍්‍රීරෝද රථ රියදුරෙකුට හමුවූ බවට වන ප‍්‍රකාශයද ප‍්‍රබන්ධයකි. ”ඞීල්” එකේ කොටසකි.

සරත් එන් සිල්වා අධිකරණයේ ‘‘ඊනියා ස්වාධිනත්වය’’ ප‍්‍රසිද්ධියට පත් කළා. දැන් වෙන්නේ ඉතිරිය. 
ගැලවි ගැලවි යන්නේ යුක්තියේ දෙවඟන ගේ ස`ථපට.  

රු: 730,000/- කට කෙළපු වාහන සේල් කාරයාගෙන් ASP 50,000/- ක වට්ටමක්.

වීඩියෝව නැරඹීමට - https://www.youtube.com/watch?v=6rycj9rVYbE

පානදුරේ පවත්වාගෙන ගිය, අයිඩියල් මෝටර්ස් සමාගමේ හවුල්කාර සමාගමක් ලෙසට පෙනීසිටි සන්රේ ලකා ටේ‍්‍රඩරස් නමින් පවත්වාගෙන ගිය වාහන සේල එකේ හිමිකරුවන් වාහන ලබාදෙන බවට පොරොන්දුවි රුපියල් ලක්ෂ ගණන් ලබාගෙන පැන ගොස් ඇත.

ප‍්‍රශ්නය මේ මහා පරිමාණ මුදල් වංචාව පිළිබඳව පැමිණිලි කරන්ට ගිය, පුද්ගලයන්ව, පොලීසිය දැඩි පීඩාවට පත් කිරීමය. අසරණ කිරිමය.

හැත්තෑ දෙහැවිරිදි ලලිත් කලමුල්ල තම අවසාන කාලය ගත කරන්නට හැටන් නැෂනල් බැංකුවේ තැම්පත් කර තිබූ මුදල් යොදා කුඩා බස් රථයක් ම්ලයට ගෙන, කුලී පදනම යටතේ සමාගමකට දීමට කර තිබූ සැලසුම මෙම වංචාකාරයින් නිසා බොඳව ගොස් රෝගියකු බවට පත් කර තිබේ.

තමා මුහුණ දුන්න කටුක අත්දැකීම පිළිබඳව පානදුර ජේ්‍යෂ්ඨ පොලිස් අධිකාරීට ලියන ලිපිය පහත දක්වමු.

ඔහුගේ ඉල්ලීම ඉටු කරනු ඇතැයි බලාපොරොත්තු වෙමු.

ලි.ප.තැ.

ජ්‍යෙෂ්ඨ පොලිස් අධිකාරී

පොලිස් අධිකාරී කාර්යාලය

පානදුර

රුපියල් හත්ලක්ෂ තිස්දාහක මුදල් වංචාව

නඩු වාර්තාව ලබාගැනීම ස`දහා තොරතුරු ලබාදෙන ලෙසට කරනු ලබන ඉල්ලීම.

ලලිත් කලමුල්ල, අවු: 72 යි. ජා.හැ.අ.------ , විවාහක, දරුවන් 02 යි, ලිපිනය: නො: ---/4්ල  වෑකඩ, පානදුර. දු.අ. ----------

2020.01.06 වන දින දීය.

01. 2019 අගෝස්තු 30 වන දින මා, බස් රථයක් මිළයට ගැනීම ස`දහා පානදුර, වෑකඩ, හොරණ පාර, අංක 179 දරන ස්ථානයේ සන්රේ ලංකා ටේ‍්‍රඩර්ස් නම් ආයතනය/සමාගම විසින් පවත්වාගෙන යන ලද සේල් එකට ගියෙමි.

02. සන්රේ ලංකා ටේ‍්‍රඩර්ස් හි ප‍්‍රධාන ආයතනය, කොළඹ 02, අංක 299 හි පිහිටි අයිඩියල් මෝටර්ස් පුද්ගලික සමාගම හවුල්කාර සමාගමක් වේ.

03. 2019 අගෝස්තු 30 දින, එම ස්ථානයේ තිබූ, ලියාපදිංචි නොකළ ආසන 30, මහේන්ද්‍ර වර්ගයේ බස් රථය මිළයට ගැනීමට මා තීරණය කළෙමි.

04. එම සේල් එකේ සිටි, ජාතික ජාතික හැඳුනුම්පත් අංක: 892972822V හිමි එම්. සංජීව නැමැත්තා එම බස් රථය, මා හට පැවරීම සඳහා අත්තිකාරම් වශයෙන් (රු:100,000/-) ලබාගන්නා ලදි.

05. එකී මුදල ලබාගත් බවට ඔහුගේ අත් අකුරින් ලියන ලද කුවිතාන්සියක් මට නිකුත් කරනු ලැබීය. එම කුවිතාන්සියේ මුල් පිටපත්, 2019.10.07 දින පානදුර පොලිස් අධිකාරී කාර්යාලයේ දී, පො.සැ. ඞී.පී. පුංචිහේවා (58802) විසින් මාගෙන් ලබාගන්නා ලදි.

06. ඉන්පසු 2019.09.10 දින රුපියල් පන්ලක්ෂ පනස් දාහක් ලබාගෙන, ලදුපතක් ලබාදෙන ලදි. එම ලදුපත ද පොලිස් අධිකාරී කාර්යාලයේ දී, පො.සැ. ඞී.පී. පුංචිහේවා (58802) විසින් මාගෙන් ලබාගන්නා ලදි.

07. ඉන්පසු 2019.09.16 වන දින රුපියල් අසූ දාහක් මාගෙන් ලබාගන්නා ලදි.

එ් සඳහා වෙනම ලදුපත්ක නොදුන් අතර, 2019.09.10 දින ලදුපතක් දිනය යොදා එම මුදල සටහන් කරන ලදි.

08. සන්රේ ලංකා හෝල්ඩින්ස් නමින් අංක 0409 හා 2019.09.10 දාතමින් යුතු ලදුපත (රුපියල් පන්ලක්ෂ අසූදාහක් වටිනා - රු: 580,000/-0 ද 5 ෙඡ්දයේ සඳහන් කළ පරිදි 2019.10.07 පානදුර පොලිස් අධිකාරී කාර්යාලයේ පො.සැ. 58802, සී.පී. පුංචිහේවා විසින් බාරගන්නා ලදි.

09. එදින, එනම් 2019.10.07 දින, මා පානදුර පොලිස් අධිකාරී කාර්යාලයේ පැමිණිලි කරන අවස්ථාවේ, සන්රේ ලංකා හෝල්ඩින්ස් හි අයිතිකරු ජයන්ත නැමැත්තා පානදුර මහේස්ත‍්‍රාත් අධිකරණයේ නීතිඥ විජේපාල නැමැත්තා ද සිටියා.

10. මා, පෙර සඳහන් කළ, මට සිදුකළ රුපියල් හත්ලක්ෂ තිස්දාහක මුදල් වංචාව පිළිබඳව 2019.10.07 පානදුර පොලිස් අධිකාරී කාර්යාලයේ පැමිණිල්ල සිදුකරන විට, සහකාර පොලිස් අධිකාරී වීරක්කොඩි ඉදරිපිට මට තර්ජනය කරන ලදි.

11. එපමණක් නොව, මා එ් අවස්ථාවේ සහකාර පොලිස් අධිකාරීගෙන් ඔහුගේ නම ඇසූ විට, මගේ නම මොකටද අහන්නේ යැයි තර්ජනාත්මකව අසා සිටින ලදි.

12. මා එ් අවස්ථාවේ මුදල් වංචාකරුවාගේ ඉදිරිපිටදී, සහකාර පොලිස් අධිකාරී වීරක්කොඩි හා වංචාකරුගේ නීතිඥ විජේපාල ඉදිරිපිට අසරණ විය.

13. මාගේ පැමිණිල්ල ලියා ගැනීමෙන් අනතුරුව නඩුදාන බව කියා සිටින ලදි.

14. ඊට පසුව කිහිප දිනක්ම, පානදුර පොලිස් අධිකාරී කාර්යාලයට ගොස්, අදාළ නිලධාරීන්ගෙන් වමසා සිටියද, නඩුව අදාළ තොරතුරු ලබාදෙන ලදි.

15. මේ අතර, මෙම සේල් එක වසා දමන ලදි. එහි සිටි හංසක නැමැත්තා මාගේ දුරකතනයට කථා කර මුං, මට සල්ලි දුන්නේ නෑ, ඔයාගේ වැඬේ වර්චස්, ඔයාගේ සල්ලි වලින්ම රු: 50,000/- ක් එ්.එස්.පී. ට දීලා යයි කියන ලදි.

16. මෙම හංසක නැමැත්තා, 2019.10.07 වන දින, සන්රේ ලංකා හෝල්ඩින්ස් හි අයිතිකරු ජයන්ත, නීතිඥ විජේපාල යන අය සමග, පොලිස් අධිකාරී කාර්යාලයට පැමිණ සිටි බවද ප‍්‍රකාශ කරමි.

මා ඉල්ලා සිටින්නේ,

(1) මාගේ රුපියල් හත් ලක්ෂ තිස්දාහක මුදල වංචා කළ, සන්රේ ලංකා හෝල්ඩින්ස් හි ජයන්ත හා සංජීව යන අයට විරුද්ධව නඩු පවරා ඇති නම්, නඩු අංකය හා නඩු පැවරූ දිනය හා ඉදරි දිනය දැනුම් දෙන ලෙසටය.

මෙයට,

අ.ක/ලලිත් කලමුල්ල,

පිටපත්:

පොලිස්පති

පොලිස් මූලස්ථානය

කොළඹ 01

සැ.යු. 72 හැවිරිදි මා, ජීවත්වීමේ මගක් හැටියට, ලීසිං ක‍්‍රමයට වාහනයක් ගැනීමේ අපේක්ෂාවෙන් රු: 730,000/- මුදල ගෙවන ලද්දේ, හැටන් නැෂනල් බැංකුවේ ස්ථාවර තැම්පතු මුදල ය.

දැනට මා ජීවත් වන්නේ අන් අයගේ ආධා රඋපකාර වලින්ය.