අල්ලා හු අක්බාර් කියමින් බංලදේශයේ මහාචාර්වරයෙකු පෙති ගසා මරයි.

එරට ඉස්ලාමීය අන්තවාදීන් විසින්, පසුගිය දින මෙසේ මන්නා පිහි වලින් ෙගල කපා, ඉන් අනතුරුව කොටා මරා දමා ඇත්තේ, එරට රාජ්ශශි සරසවියේ කරිම් සිද්දික් නම් ඉංග‍්‍රිසි මහාචාර්ය වරයාවය. 58 වැනි වියේ පසුවන ඔහු කර ඇති වරද, සරසවියේ සංස්කෘතික උළෙලක් සංවිධානය කිරිමට මුලික වීමය. ISIS සංවිධානය මෙම ඝාතණයේ වගකිම බාරගෙන තිබේ. මීට එරට බ්ලොග් කරුවන් ඝාතනය කරන ලද ආකාරයටම මෙම ඝාතණය කර ඇත්තේ යතුරු පැදියකින් පැමිණය. 
බංගලදේශ ආණ්ඩුව මෙම ඝාතන පිටුපස ඇති බවට චොදනා එල්ලවි තිබේ. 

WAYO සංගිතේ බලන්න ගිය කරුණයා පොලිස් පහරින් රෝහලේ

මව

පානදුර නගර සභා පිටියේ පැවැති සංගීත සංදර්ශණය නරඹමින් සිටි මෙම තෑණයාට පානදුර දකූණ පොලීසියේ නිලධාරින් පස්දෙනෙකු වට කරගෙන පහර දි ඇත්තේ අද(24/04/2016) අලූයම 3.00ට පමණය. මෙම පහර දීම නිසා රෝගාතුරව තරැණයාව පානදුර මුලික රෝහලට ඇතුල් කර තිබේ. 
සිද්ධිය ඇසින් දුටු මව, මානව හිමිකම් කොමිසමට  හා පොලිස්පතිට ලිඛිතව පැමිණිලි කරමින් කියා සිටින්නේ, පානදුර සුපර් ෆැෂන් අනුග‍්‍රහයෙන් පැවැත්වු මෙම සංගීත සංදර්ශණය නැරඹිමට තමාත් පුතාත් අසල්වැසියන් කිහිප දෙනෙකුත් පැමිණි සිටි බවයි. තම පිරිස රැඳි සිටි තැනට ඔබ්බෙන් පස්දෙනෙක් බිමතින් නටමින් සිටි බවත්, ඔවුන් අතරින එක් අයෙක් තම පුතාව තල්ලූ කරමින් ඔවුන් අසලටම පැමිණි බවත්ය. 
මෙසේ තමන්ව තල්ලූ කරන්නේ ඇයි යන ප‍්‍රශණය සමග ඔවුන් ගෙන් අසනවාත් සමග, එම පිරිස පුතාව වට කරගෙන පහර දුන් බවත්, එසේ පහර දෙමින් අසල නවතා තිබු පොලිස් ජිප් රථයට ලඟට ඇදෙගන  ගොස් එයට දැමු බවය. පොලිසියට ගෙනවිත් කූඩුවට දමා, පුව දෙවෙනි ලොකු මහතා කියන අය ආවාට පස්සේ කොළ කැබැල්ලකට අත්සන් ාගන එලියට දැමු බව ඇය වැඩි දුරටත් කියා සිටිි.
සිය ගණනක් බලා සිටියදි පොලීසිය මෙම අමානුෂික පහර දීම සිදු කර ඇත. 

     

500ල000ට අධික කොමියුනිස්ට් වරුන් ඝාතනය, ඇත්ත සොයා යුක්තිය ඉටු කිරිමට ඉන්දුනිසියාව සුදානම් වෙයි.

1960  මැද භාගයේදි ඉන්දුනිසියානු හමුදාව හා මුස්ලිම් අන්තවාදින් එක්ව එරට කොමියුනිස්ට් පාක්ෂිකයින් හා හිතවාදීන් සොයාමින් කපා කොටා මරා දමන ලදි. සමුහ මිනි වළවල් සිරුරු වල දම ලදි. ඉන්දුනිසියාව   සුඛර්නො ගේ නායකත්වයෙන් නොබැඳි රාජ්‍යයක් වශයෙන් පෙරට එන ලදි. එරට තුල ශක්තිමත් හා විශාල සමජිකයන් පිරිසක් සිටි කොමියුනිස්ට් පක්ෂය සුඛර්නො පාලනයට සහය දැක්විය.  
1980 මැද භාගයෙදි හමුදා කුමන්ත‍්‍ර්‍යණය දියත්විය. එමගින් ඇමෙරිකානු හිතවාදිවෙයකුවු සුහර්තො බලය ට  පත්විය. සුහර්තො ගේ මෙහයවිමෙන් හමුදාව හා මුස්ලිම් අන්තාවාදින් එක්ව කොමියුනිස්ට් පාක්ෂිකයින් ව හා හිතවතුන් ව සොයමින් අල්ලා සමුහ වශයෙන් කපා කොටා මරා දමන ලදි. මරා දැමු ගණණ ලක්ෂ පහ ඉක්මවිය. ලෞකික රාජයක් ලෙස පැවති ඉන්දුනිසියාව මුස්ලිම් අන්තවාදය රුකුල් දෙන රටක් බවට පත්කරන ලදි. මෙම සමුල ඝාතනය හා නොබැඳි නායෙකුවු සුකර්නො බලයෙන් පහ කිරිම ඇමෙරිකානු කුමණන්ත‍්‍රනයක් ඵළ දැරිමකි.
මෙම සමුලඝාතණය වසන් කිරිමට රජය කෙතෙරම් උත්සහ ගත්ත ද, මරණයෙන් බේරුන හා සිරගතවු අය, සත්‍ය සෙවීම හා යුක්තිය ඉටු කර ගැනිමේ අරගලය අතහැරියේ නැත.එම  අරගලය ජය ගන්නට දරන උත්සහයක් ලෙසට, මෙම මිනිස් සංහාරය ගැන සංවාද ඇති කිරිමට ආණ්ඩුව ඉඩ තිබේ.

Suhartho

ෙකාමියුනිස්ට් හරම් 

ඔලූවට හෝස බටයෙන් ගසා කැ...යා, දණගහපන්කිව්වා. කූඩුවට දැම්මා.බොරු චොදනාවක් දාලා උසාවි දැම්මා

.

  ,
මීට පෙර දාපු බොරු නඩුවට නිවැරදිකරු කිව්වාට තමයි මේ නඩුවත් දැම්මේ. 
හතලිස් හැවිරිදි දයානන්ද කිරි ගොවියෙක්. මාර්තු 27 පාදුක්ක පොලිසියේ කොස්තාපල් සොයිසා හා ජගත් පැමිණ මොහුගෙන් ‘‘බඩු’’ ඉල්ලා ඇත. 

ටික වේලාවකින් උප පොලිස් පරීක්ෂකවරු දෙදෙනෙක් ද එතැනට පැමිණ ඇත. ඉන් අයෙක් උප පොලිස් පරීක්ෂක එ්කනායක. ඔවුන් කාරණය සඳහන් නොකර මොහුව පොලිසියට ගෙනගොස් ස්ථානාධිපතිට ඉදිරිපත් කලවිට, උඹද දයානන්ද කියා අසා, හෝස් බටයක් අරන් ඔලූවට ගසා කැ..යා දණගහපන් කියා  දණගස්සවා ඇත. 

එයින් අනතුරුව කූඩුවට දමා, බොරු චෝදනා මත උසාවියට ඉදිරිපත් කර තිබේ.

පොලිසියේ සිටින කාලය තුල උ.පො.ප. සම්පත් තමාට අසභ්‍ය වචන කියා බැණ වදිමින්, මිරිහාන පොලිසියට කියා ඔ 56රැු බෝම්බ දමා හිරේ දාන බවට තර්ජණය කර තිබේ.

මේ ආකාරයට මොහුට විරුද්ධ පොලීසිය කටයුතු කරන්නේ, ඔහු යටතේ සේවය කරන සේවකයින් දෙදෙනෙකුව අත්අඩංගුවට ගෙන පොලිස් වධදීම පිළිබඳව මැදිහත්ව එම වින්දිතයින් දෙදෙනාට යුක්තිය ඉටු කරවා දීමට කටයුතු කිරීම නිසාය.

දයානන්ද - අධිකරණයේදී බොරු චෝදනා සියල්ලම ට නිවැරදිකරු බව කියා ඇත. බොරු චෝදනාවලට නිවැරදිකරු කීම තරම් පාපයක් ශ‍්‍රී ලංකා පොලිසියට නැත.

වධදීම හා බොරු චෝදනා දැමීම මගින් පොලිස් කාරයින් මානසික තෘප්තියක් ලබන අතර, අතිරේඛ ආදායමක් ලබා, රාජ්‍ය ආදායම තර කරයි.
දයානන්ද මානව හිමිකම් කොමිසම හා පොලිස් කොමිසමට කරන ලද පැමිණිල්ලෙන් කරුණු පැහැදිලි වනු ඇත.

‘‘ 2016.04.06 දිනදීය. 

1. 2016.03.27 වන දින උදේ මම මිල්ලෑව, කිඳෙල්පිටිය, නාකන්දල පිහිටි මාගේ සත්ව ගොවිපලට කිරි ගැනීම සඳහා ගියා.
මම එතැන සිටින විට, යතුරු පැදියකින් සිවිල් පිට, පාදුක්ක පොලිසියේ පො.කො.සොයිසා හා පො.කො.ජගත් පැමිණියා.
ඔවුන් මා සමග තොරතුරු විමසමින් සිටින විට, යතුරු පැදියකින් තවත් දෙන්නෙක් ආවා. එයින් එක් අයෙක් උ.පො.ප.එ්කනායක. අනෙක් අය දුටුවොත් අඳුරන්න පු`ඵවන්. ඔහු උප පොලිස් පරික්ෂකවරයෙක්. ඔවුන් සිටියේද සිවිල් පිට.
ඔවුන් මාව රඳවා ගත්තා. ඔවුන්ද මගෙන් බඩු ඉල්ලූවා. මම කිව්වා මම ”බඩු” ගැන දන්නේ නැහැ කිව්වා.
එ් සමග මම දුරකතනයෙන් බිරිඳට කතාකර, පොලිසියෙන් ඇවිත් සිටින බව කියා, ඇයට එන්න කිව්වා. ඇය ද එතැනට පැමිණියා.
එ් අවස්ථාවේ මා අසල බිරිඳ හා චමින්ද ලසන්ත ද සිටියා.
උ.පො.ප.එ්කනායක මට හා ලසන්තට කිව්වා යන්න ලැහැස්තිවෙන්න කියා. 

කිසිම කාරණයක් කිව්වේ නැහැ. ස්ථානාධිපති කිව්වා කියා, මගේ ගේ ලගට එක්ක ගෙන ගියා. ලසන්තව පො.කො.සොයිසා, ඔහු අත තිබූ කිරි කෑන් එකද සමග යතුරු පැදියෙන් ගෙන ගියා. මම වෙනම මාගේ යතුරු පැදියෙන් බිරිඳ සමග නිවස ලඟට පැමිණියා.
බිරිඳ ඔවුන්ට කිව්වා ලක්ෂ ගානක හරක් ඉන්නවා, මම විතරයි තනිවම, එ්වාට වගකියන්න සූදානම් වෙන්න කියා. එ් සමග ඇය මානව හිමිකම් කොමිෂමට කතා කිරීමට උත්සාහ ගත්තා. නමුත් එය සාර්ථක වූයේ නැහැ.
එ් අතර, ලසන්තට උඹට නඩුවක් දාලා තියෙන්නේ කියා, මාව පමණක් පොලිසියට ගෙන ගියා. 
මාව ගෙනගියේ යතුරු පැදියේ. එ් ගෙන ගියේ උප පොලිස් පරීක්ෂක. ඔහුගේ නම දන්නේ නැහැ. දුටුවොත් අඳුරන්න පු`ඵවන්.
දිග හෝස් බටය අරන් මගේ ඔලූවට වේගයෙන් ගැහුව්වා. ඔලූව මැදට. එ් පාර වැදුනා. මාව හිරි වැටුනා. ඊට පස්සේ මට කිව්වා ”කැරියා, දණ ගහපන්” කියා. මම දණ ගැහුව්වා. විනාඩි 5ක් විතර ඉන්න කොට, නැගටපන් කියා, උ.පො.ප.එ්කනායකට කතාකරලා කිව්වා. මූට ගහලා නඩුවක් දාපන් කිව්වා. 
උ.පො.ප.එ්කනායක මාව ගෙනගොස් කූඩුවට දැම්මා. මම කූඩුවේ ඉන්නකොට, රාත‍්‍රී 10ට විතර උ.පො.ප.සම්පත් කූඩුව ලඟට ආවා. මට ෙදාර ලඟට කතා කලා. උඹේ පැත්තක් වැඩියි කිව්වා. උඹේ චන්ඩිකම් වලට ම මබය නැහැ,  ඕන කොමිෂමකට පලයන් කිව්වා. උඹව මම ආයෙත් ගන්නවා කිව්වා. 
පසුදා උදේ 9ට විතර, මාව ෙදාර ඇර, පො.කො.කෙනෙක් පැමිණ එළියට අරන් පිටිපස්සේ කාමරයකට ගෙන ගියා. මාගෙන් මොකද කියන්නේ කියා ඇසුවා. මම කිව්වා කියන්න දෙයක් නැහැ කියා. මම ඇහුව්වා මාව ගෙන ආවේ මොකටද කියා. 
ඔහු මට කිව්වා අපිට කරන්න දෙයක් නැහැ, ලොකු මහත්වරු කියනදේ තමයි අපිට කරන්න තියෙන්නේ කියා.
ඔහු මට කිව්වා ලොකු මහත්වරු කියපු විදිහට, මම ලියලා තියෙනවා අරක්කු බෝතල් 2ක් දාලා. මේකට අත්සන් කරපන් කිව්වා. 
මම බෑ කිව්වා. ගුටි කන්න වෙයි කිව්වා. මම බයේ අත්සන් කලා.
එ් සමග එතැනට පො.කො.ජගත්, පො.කො.මහේෂ් ආවා. ප‍්‍රකාශ ලියාගත් පො.කො.වරයා කිව්වා චමින්ද උඹේ ගෝලයානේ, මේ ගොල්ලන්ට විරුද්ධව දාලා තියෙන පැමිණිල්ල අයින් කරලා දීපන් කියා. මම බලන්නම් කිව්වා. නැවත මාව කූඩුවට ගිහින් දැම්මා. 
දහවල් 2.00 ට පමණ හෝමාගම මහේස්ත‍්‍රාත් අධිකරණයට ගෙන ගියා. මා වෙනුවෙන් නීතිඥ ගම්ලත් මහත්මිය පෙනී සිටියා. එ් මහත්මිය අධිකරණයට සියලූ විස්තර කියා සිටියා. මම චෝදනාවලට නිවැරදිකරු බව ප‍්‍රකාශ කලා. ශරීර ඇප මත මුදාහැරියා.මීළඟ නඩුව 2016.04.29 දින වේ.

2. ඉන් අනතුරුව, 2016.04.03 ඉරිදා, උදේ 9.30 ට මා රාජකාරිකරන හයිලෙවල් පාරේ,ගලගෙදර හංදියේදී, මාව පාදුක්ක පොලිසියේ උ.පො.ප.සම්පත් විසින් නතර කලා. ඔහු මගෙන් යතුර පැදියේ ආදායම් වාර්තාව, රක්ෂණ සහතිකය හා ජංගම දුරකථනය ලබා ගත්තා. ඔහු එ් සියල්ලම සාක්කුවේ දාගෙන මට බයිසිකලය ගනින් කියා, මාව අඬගහගෙන මීපේ හංදියේ, වාහන පරීක්ෂා කරන තැනට ගෙන ගියා. එතැනදී මාගේ ජංගම දුරකථනයට කෝල් එකක් ආවා. මම එ්වාට පිළිතුරු දෙන්න ඉල්ලූවා. නමුත් දුරකථනය මට දුන්නේ නැහැ.
මම ඔහුට කිව්වා මම දැන් යන්නේ වෛද්‍ය කාර්යාලයට හදිසි වැඩකට, මට එයට කෝල් එකක් ගන්න දෙන්න කියා ඉල්ලා සිටියා. 
එවිට ඔහු කෝල් එක අරන් දුන්නා ශබ්දය වැඩි කරලා. මම ඔහුට විස්තරය කිව්වා. පොලිසියෙන් අල්ලන් ඉන්න බව කිව්වා. එය ලබාගත් මලිත් නැමැති නිලධාරියා එතැනට ආවා. මම ඔහුට විස්තර කියා ගෙදරට දන්වන්න කියා එම නිලධාරියාට කිව්වා. 

මාව පොලිසියට ගෙනයන විට ගේට්ටුව ලඟ බිරිඳ හිටියා. එයා කෑ ගැහුව්වා. පර්ස් එක, දුරකථනය මට දුන්නා ඇයට දෙන්න කියා. 
එතැනින් මාව පාදුක්ක පොලිසියට ගෙන ගියා. මාව පොලිසියට ගෙනගොස් කූඩුවට දැම්මා. 
මාව බිරිඳට බලන්න ඉඩදුන්නේ නැහැ. මාව කූඩුවට දාන අවස්ථාවේ චමින්ද ලසන්ත කූඩුවේ සිටියා. 
එදිනම මාගේ බිරිඳ, හොරණ එ්.එස්.පී.කාර්යාලයට පැමිණිලි කරන්න ගියද, පැමිණිල්ල බාරගෙන නැහැ. ඊට පස්සේ බිරිඳ නීතිඥ රංජිත් ආරච්චිගේ මයාව, පොලිසියට එවා තිබුනා. එ් මහතා සමග කතා කලා. 
එදින රාත‍්‍රියේ, උ.පො.ප.සම්පත් මාව එළියට අරන් කාමරයකට ගෙන ගොස් විනාඩි 45 ක් පමණ තියාගෙන, සිට මාව යලිත් කඩුවට දැම්මා. එ් අතර මට මෙහි සඳහන් කරන්න බැරි තරමේ කුණුහරප කියමින් බනිමින්, ඔ56 ක්, බෝම්බයක් දානවා, මිරිහාන පෙලාසිය මගින් මාව හිරේ දාන බවට දිව්රා ප‍්‍රකාශ කලා. උඹට පුලූවන්නම් මෙතනට නඩු කාරයාව ගෙනාවත්, මම කරන දේ දන්නවා, නිවැරදි කාරයා කියූ නඩුවට වැරදි කාරයා කියපන් කිව්වා.
පසුවදා උදේ, 2016.04.05 දින උදේ 9.00 ට පමණ මගෙන් ඔවුන් ලියපු ප‍්‍රකාශයකට අත්සන් ගත්තා. 
එදින දහවල් 12.30 ට පමණ අවිස්සාවේල්ල උසාවියට ගෙන ගියා. එහිදී මා වෙනුවෙන් නීතිඥ විජයානන්ද පත්මසිරි මයා අධිකරණයට කරුණු වාර්තා කලා. මා නිවැරදිකරු බව ප‍්‍රකාශ කලා. මට රුපියල් 5000/= මුදල් ඇප හා රුපියල් ලක්ෂයක් වටිනා ශරීර ඇපයක් මත මුදා හැරියා. මීලඟ නඩුව 2016.07.14 දින වේ. නඩු අංකය 98502 වේ. 

මා ඉල්ලා සිටින්නේ,
ඉහත සඳහන් ආකාරයට නීති විරෝධීව අත්අඩංගුවට ගැනීම, රඳවා තබා ගැනීම, බොරු නඩු දැමීම ගැන - නීතිමය පියවර ගන්නා ලෙසට හා මේ ආකාරයට පොලිසිය සිදුකරන අපරාධ වලක්වාලන ලෙසට ය.’’

පොලිසිය පගා ගන්නේ පඩි අඩු හින්දා SDIG පුජිත කියයි.

පොලිස්පති ධුරයට තරඟ වැදි සිටින ජේෂ්ඨ නියෝජ්‍ය පොලිස්පති පුජිත ජයසුන්දර පසුගියදා ඩෙලිමිර් පුවත් පත සමග සම්මුඛ සාකච්ඡාවක් පවත්වමින් සියලූම පොලිස් නිලධාරින් දුෂිතයින් නොවන බවත්, දුෂිතයින් ටික දෙනෙක් නිසා පොලිසියටම චොදනා එල්ලවි ඇති බවත් කියා තිබේ. 
රථ වාහන පොලිසිය පගාගන්නා බව පිළි ගන්නා ඔහු එයට හේතුව පඩි අඩු කම බව කියයි.
පගා ගහන්නේ රථ වාහන පොලිසිය පමණක් නොවන බව මේ රටේ ජනයා දනිති. පොලිස් දුෂණ, අක‍්‍රමිකතා, නිති විරෝධි ක‍්‍රියා ගැන පත්තරය ද ප‍්‍රශණ කොකරයි. එ් ගැන මොහු ද කථා නොකරයි. ඉංජිනේරු සිසුන්ට එල්ල කල ප‍හරදීම් සාධාරිණි කරණය කරයි. ප‍්‍රරජා පොලිසිය ඇති කරන්න වැඩ සටහන් කරලා තියෙනවාලූ.  

අයමපාලනයකට අරඅඳින පාදුක්ක පොලිසිය.

අප්‍රිෙයල් 03 රෑ  7ට පමණ පාදුක්ක පොලිසියේ උ.පො.ප.සම්පත හා තවත් නිලධාරියෙක් යතුරු පැදියකින් පැමිණ, මානව හිමිකම් එකේ දාපු නඩු අයින් කරපන්. අරක්කු නඩුවට වැරදිකරු බව පිලිගනින් යයි කියමින්, අත්අඩංගුවට ගෙන යතුරු පැදියේ මැද තබාගෙන පාදුක්ක පොලිසියට ගනෙවිත්, දින 3ක් රඳවා තබාගෙන කසිප්පු බෝතල් 8ක් ලඟ තබාගත් බවට බොරු චෝදනාවක් ලියා අවිස්සාවේල්ල උසාවියට ඉදිරිපත් කරනු ලැබූ ලසන්ත කුමාර, අධිකරණසේදි චොදනා වලට නිවරැදි කරු බව කිව්ෙව්, නොකළ වැරදි වලට වැරදිකරු කියන්න ට තරම් නිවටයෙකු නොවන බව පෙන්වා දෙමින්ය. 
මාර්තු 02 වන දින, මෙම උප පොලිස් පරීක්ෂක සම්පත්, නීති විරෝධීව අත්අඩංගුවට ගෙන, වධ දී, බොරු චෝදනා මත උසාවියට ඉදිරිපත් කල අවස්ථාවේ, එම චෝදනාවලට නිවැරදිකරු බව ප‍්‍රකාශ කිරීම, මෙසේ දෙවන වරටද, ලසන්ත කුමාරව අත්අඩංගුවට ගෙන වධදි, බොරු නඩු දැම්මේ පළිගැනීමට බිය වැද්දීමට ය. 
පාදුක්ක පොලිසියේ ස්ථානාධිපති හා උ.පො.ප.සම්පත් ඇතුලූ නිලධාරීන් උත්සාහ ගන්නේ, යහපලනය වෙනුවට පවතින යමපාලනය තහවුරු කිරිමටය. 
මේ ශ‍්‍රී ලංකා පොලිසියේ  ඉහලයන්ගේ අනුග‍්‍රහය ඇතිව, පොලිසිය බාර ඇමතිගේ අනු දැනුම යටතේ, හා ජාතික පොලිස් කොමිෂමේ බෙලහීනකම උපයෝගී කරගෙන අනුගමනය කරන පොදු පිළිවෙතයි මේ.
මෙය වහාම නැවැත්වීමට යහපාලන ආණ්ඩුව පියවර ගත යුතුයි.
එසේ නැතිව ගොඩ නැගිය හැකි සංහිඳියාවක් නොමැති බව අවධාරණය කරමු.
පහත දැක්වෙන්නේ, ලසන්ත කුමාර මුහුණ දුන්න, සිද්ධීන් දෙක පිළිබඳව මානව හිමිකම් කොමිෂමට, ජාතික පොලිස් කොමිෂමට හා පොලිස්පති අමතා ඉදිරිපත් කරන ලද පැමිණිලි දෙකයි. 
රටේ මානව හිමිකම් තත්වය ගැන එක්සත් ජාතීන් මොනවා කිව්වත් යථාර්තය මෙම සිද්ධීන්ගෙන් පැහැදිලි වනු ඇත. 

1. 2016.03.10 දින පළමු පැමිණිල්ල:- 
‘‘ අත්අඩංගුවට ගෙන, වධ දී, බොරු නඩු දැමීම.
2016 මාර්තු 02 වන දින උදේ 10.00 ට පමණ, මිල්ලෑව රාජ්‍ය වතු යායේ, මී හරක් 23 කු කවන්න දිගේලි කර, එම සතුන් බලාගෙන හිටියා. 
එසේ සිටින විට, හතර දෙනෙක් මා අසලට ආවා. ඔවුන් පොලිස් නිලධාරීන්. එක් අයෙක් පමණක් නිල ඇඳුමින් සිටියා. ඔවුන්ගේ නම්, උ.පො.ප. සම්පත්, කොස්තාපල්වරුන් වන පසිඳු, විශ්ව හා සිල්වාය. ඔවුන් දුටුවොත් අඳුරන්න පු`ඵවන්. ඔවුන් සියලූම දෙනා පාදුක්ක පොලීසියට අයත් අය.
එස්.අයි. සම්පත් නිල ඇඳුමින් සිටියා. මට කිව්වා දීපන් අරක්කු කියා. මම කිව්වා අරක්කු විකුණන්නේ නෑ කියලා. 
මට එච්චරයි කියන්න හම්බ වුනේ, එස්.අයි. සම්පත් මිට මොළවා මගේ මුහුණට හතර පස් වතාවක් ගසා, පිස්තෝලය ඇදලා අරන් පිස්තෝලයේ මිටෙන් කටට ගැහැව්වා. ලේ දැම්මා. ඊට පස්සෙ බිම දමා දෙන්නෙක් අත්දෙක උඩ නැග පාගා, එක් අයෙක් පපුව උඩට නැග්ගා. ඊට පසුව පොලූවලින් ගහන්න පටන් ගත්තා. මට කල්පනාව නැති වෙනකම් ගැහැව්වා. නැගිට ගන්න බැරිවුණා. ඊට පස්සෙ මාව අත් දෙකෙන් ඇගෙන හරක් මඩුව ළඟට ගෙනත් දැම්මා.  
මඩුවේ ඇතුලේ ඉඳන් බත් පිඟාන අතේ අරගෙන මා සමග වැඩ කරන සිරිඥන එළියට ආවා. එස්.අයි. සම්පත් සිරිඥන ළඟට ගොස් ඔහුට ගහන්න පටන් ගත්තා. වැටුණු සිරිඥනට එස්.අයි. සම්පත් පයින් ගැහුවා. 
ඊට පස්සෙ මගේ ළඟට ඇවිල්ලා මාගේ අත් දෙකෙන් අල්ලා බිම දිගේ මීටර් 200 ක් විතර එහා තිබූ පාරට ඇදගෙන ආවා.
එතැන බටර් පාට පොලීසියේ ත‍්‍රී රෝද රථයට මාව දැම්මා. එ් හතර දෙනා මාව පාදුක්ක පොලීසියට ගෙන ආවා. 
මාව ගෙන ගියේ පොලීසියේ පිටුපස්සට. මාව බස්සා, මට පරණ මේස් බැනියමක් දුන්නා ලේ පිහදා ගන්න කියා. මගේ කටෙන් හා නාසයෙන් ලේ දමන්නට වුණා. කකුල්වලින් අත්වලින් ලේ ගලමින් තිබුණා. 
මේ වනතුරු ද මාගේ කටින් හා නාසයෙන් ලේ ගලනවා.
ඉන්පසු පොලීසිය ඇතුළට ගෙනිහිල්ලා රිසව් එකෙන් පෝරමයක් රැුගෙන, එම ත‍්‍රී රෝද රථයේම දාගෙන හෝමාගම රෝහලට ගෙන ආවා. ගෙන එන අතර මගදී නවත්වා, එස්.අයි. සම්පත් මට කිව්වා උඹ එළියේ ඉන්න කැමති නම් අපි කියන දේ කරන්න කියා. 
මම මොකක්ද කරන්න  ඕන කියා ඇහුවා. එස්.අයි. සම්පත් කිව්වා, න්‍ඵධ මහත්තයා ළඟට දැම්මාම, උඹ දුවන්න ගිහිල්ලා වැටුණා කියලා කියපන්, නැති නම් අවුරුදු 2ක 3ක් ඉන්න බෝම්බයක් දාලා යවනවා කිව්වා.
මාව හෝමාගම රෝහලේ අධිකරණ වෛද්‍ය නිලධාරී ළඟට ගෙන ගියා. එස්.අයි. සම්පත් ළඟ හිටියා. මම වෛද්‍යවරයාට කිව්වා දුවන්න ගිහිල්ලා වැටුණා කියලා. පරීක්ෂා කරන්නේ නැතිව නම, වයස, ලිපිනය අසා මට එළියට යන්න කිව්වා. 
නැවත මාව පාදුක්ක පොලීසියට ගෙනවිත් කූඩුවට දැම්මා. පහුවදා උදේ වෙනකම් ලේ පෙරමින් කූඩුව ඇතුලේ හිටියා. 
පසුවදා උදේ (2016.03.03* 10.30 ට විතර මාව එළියට අරන්, කෑන් එකකටයි, බෝතලේකටයි ඇඟිලි සලකුණු බලෙන් අරගත්තා. නැවත කාමරයකට අරන් පොතක මොනවද ලියා මගෙන් අත්සන් ගත්තා. ඊට පස්සෙ නැවත කූඩුවට දැම්මා. උදේ 10.00 විතර අවිස්සාවේල්ල මහේස්ත‍්‍රාත් අධිකරණයට ගෙන ගියා. 
අධිකරණයේදී මගෙන් අරක්කු බෝතල් පහකට වැරදිකරු ද, නිවැරදිකරු ද කියා ඇසුවා. නීතිඥ මහතා මගින් මා නිවැරදිකරු බව ප‍්‍රකාශ කළා. එ් අවස්ථාවේ මාගේ නීතිඥවරයා ප‍්‍රකාශ කළා මට ගහලා තිබෙන බව. එ් වෙලාවේදීත් මගේ ඇහැ ඉදිමිලා තිබුණා. නඩු කාරයා මගේ දිහා ටිකක් වෙලා බලන් ඉඳලා රු: 10,000/- ක මුදල් ඇපයක් හා රු: ලක්ෂයක ශරීර ඇපයක් මත මුදා හැරියා. 
සවස 2.30 ට පමණ උසාවියෙන් පිට වුණා. මා ත‍්‍රී රෝද රථයකින් ගෙදර ඇවිත් ඇඳුම් මාරු කරගෙන හෝමාගම රජයේ රෝහලට ගෙදර අය සමග පැමිණියා. රෝහලේදී පොලීසිය ගහපු බව ප‍්‍රකාශ කළා. 
දින 05 ක් රෝහලේ නේවාසිකව ප‍්‍රතිකාර ගත්තා. අධිකරණ වෛද්‍ය නිලධාරී බැලූවා. මගේ ඇස්වලට ලේ බැහැලා තිබුණා. දත් හතරක් බුරුල් වෙලා මුහුණේ පැත්තක් හිරිවැටිලා තිබුණා. මුහුණේ හිරි වැටීම සුව වෙනකම් දත්වලට ප‍්‍රතිකාර කරන්න බැරි බව ප‍්‍රකාශ කළා.
රෝහලේ සිටියදී මාගෙන් පොලීසිය ප‍්‍රකාශයක් ගත්තා. මා සියලූ විස්තර කියා සිටියා.
මා පසුගිය වසරේ නීති විරෝධී මත්පැන් අලෙවි කළා. මට විරුද්ධව නඩු 8 ක් පමණ දැම්මා. එ් නඩු සියල්ලටම මම වැරදිකරු බව පිළිගෙන දඩ ගෙව්වා. මා ඉන්පසු එම නීති විරෝධික‍්‍රියාව නවතා දැම්මා.
මේ අවස්ථාවේ මාව අත්අඩංගුවට ගත්තේ බොරුවට. එ් නිසා මා නිවැරදිකරු බව ප‍්‍රකාශ කළා.
මා ඉල්ලා සිටින්නේ, 
(1) අමානුෂික ලෙසට පහර දී වධහිංසා පමුණුවා 
(2) බොරු නඩු දැමූ 
පාදුක්ක පොලීසියේ උප පොලිස් පරීක්ෂක සම්පත්, කොස්තාපල්වරුන් වන පසිඳු, විශ්ව හා සිල්වා යන අයට එරෙහිව නීතිමය පියවර ගන්නා ලෙසටය.’’  

2. 2016.04.06 දින දෙවන පැමිණිල්ල:- 
‘‘ අත්අඩංගුවට ගෙන, වධ දී, බොරු නඩු දැමීම.  2016.04.03 වන දින රාත‍්‍රී 7.00 ට පමණ, මා, මොරගහහේන, කිදෙල්පිටිය, නාකන්දල ගමේ පිහිටි, හරක් පට්ටිය ළඟ වැඩ කරමින් සිටිය දී,
පාදුක්ක පොලීසියේ, උ.පො.ප. සම්පත් හා තවත් නිලධාරියෙක්, කලූපාට යතුරුපැදියකින් පැමිණියා. මගේ බෙල්ල මිරිකා, මාව යතුරුපැදියේ මැද තබාගෙන පාදුක්ක පොලීසියට ගෙන ආවා.
පොලීසියේදී, උ.පො.ප. සම්පත්, මට කිව්වා, උඹේ මානව හිමිකම් එකේ දාපු නඩු අයින් කර ගනින්, අරක්කු නඩුවට වැරදිකාරයා කියපන් කියා.
මම බෑ කිව්වා. එවිට කූඩුවට දැම්මා. ගෙදර අයට බලන්න දුන්නේ නෑ. වෙනත් අයව බලන්න එන අය මට කෑම දුන්නා.
මාව, ඊයේ 2016.04.05 දවල් 12.30 පමණ අවිස්සාවේල්ල මහේස්ත‍්‍රාත් උසාවියට ගෙන ගියා. මා වෙනුවෙන් නීතිඥ විජයානන්ද පත්මසිරි මහතා පෙනී සිටියා.
මට විරුද්ධව කසිප්පු බොතල් 08 ක් ළඟ තබාගත් බවට බොරු චෝදනාවක් දමා තිබුණා.
මාව උසාවියට ඉදිරිපත් කළ වෙලාවේ කසිප්පු බෝතල් ඉදිරිපත් කර තිබුණේ නැහැ.
නීතිඥ මහතා මාව, 2016.04.03 අත්අඩංගුවට ගත් බවත්, දින 03 ක් නීති විරෝධීව රඳවා තබාගෙන සිටි බවත්, මීට පෙරද බොරු නඩු දමා ඇති බවත් කියා සිටියා.
මාව රුපියල් 5000/- ක මුදල් ඇපයක් හා රුපියල් ලක්ෂයක ශරීර ඇපයක් මත මුදාහැරියා. 
නඩු අංකය : 98499 වේ. මීළඟ නඩු දිනය 2016.07.14
මා ඉල්ලා සිටින්නේ,
මේ ආකාරයට වධ දීමට හා බොරු නඩු දැමීමට එරෙහිව නොපමාව නීතිය ක‍්‍රියාත්මක කරන ලෙසටය.
මේ සමග මා 2016.03.10 දින කරන ලද පැමිණිල්ලේ පිටපත ද ඉදිරිපත් කරමි.’’

වධහිංසාවෙන් සපිරි ශ‍්‍රි ලංකාවක් උදෙසා පොලීසීය සුර්ය මංගල්‍යය සමරයි. පරණ අවුරුද්දෙන් පටන් අරන්, නැකතටත් පණදෙයි.

පරණ අවුරුද්දේ අත්අඩංගුවට ගෙන, මේ ලියන මොහෙත දක්වාම 19 හැවරිදි තරුණයෙකු රඳවා ගෙන වධ දෙන පානදුර දකුණ පෙලීසිය, ආණුඩුවේ යහපාලනය, සංහිඳියාව හා නීතිය, ලැබුවා වු නව වසරේ දිත් විගඩමක් බවට පත් කරන බවට සපත කරයි.
2016.04.15 දින, 43 හැවරිදි ශ‍්‍රියාලතා ප‍්‍රකාශ කරන පරිදි, නිවසේ සිටි තම 19 හැවරිදි කිතුම් පුතාව, 10 වන ඉරිදා දවල් 1.00ට පමණ අත්අඩංගුවට ගත්තේ සිවිල් පිට යතුරු පැදියකින් පැමිණි පානදුර දකුණ පොලිසියේ නිලධාරින් දෙදෙනෙකු විසිනි. ඔවුන් පැමිණි යතුරු පැදැයේ මැද තියාගෙන පුතාව රැුගෙන ගිය ද, කාරණය කියා නැ.
එදින සිට අද දින දක්වාම පොලිසියේ රඳවා ගෙන වධදෙනු ලබන බව පවසන ඇයථ විටින් විට කුඩුවෙන් එලියට අරන් උඩ තට්ටුවේ අපරාධ අංශයට ගෙන ගොස් පහර දෙන බවත්, මේ වන විට ා. වැඩියෙන් ම ගහලා තියෙන්නේ යටි පතුවලට බව කියා සිටි. මෙම වධදීම් කරන්නේ අපරාධ අංශයේ ටෙරන්ස් සිල්වා නැමැති නිලධාරියා බවද ඇය වැඩිදුරටත් කියා සිටි.
දින 10ක් ගතව ඇතත් පුතාව උසාවියට දාන්නේ නැත්තේ තුවාල නිසා බවද, බොරු චොදනා දාලා උසාවි දාන්න හදන බවද සඳහන් කරයි.
යහපාලනය යනු නීතිය මත පාලනයයි. රටක පොලීසිය ආණ්ඩුවේ ප‍්‍රපත්ති වලට පටහැනිව යමින් නිතිය රකින ආයතණයක් බවට පත් කරන්නට බැරි නම්, යහපාලනය විගඩමක් වනු ඇත. පොලිස් කොමිසම උදවිය නින්දෙන් ඇහරෙන්නේ නැතිවම සුරලොව යයිද?

විදෙස් බලපෑම් වලින් යුරෝපීය මුස්ලිම් වරුන් මිදිය යුතුයි. හලාල් සමග pork

තුර්කිය හා සව්දි අරාබිය ඇතුලූ විදෙස් රට වලින් මුස්ලිම් දේවස්ථාන වලට හා පෙර පාසල් වලට ලැබෙන ආධාර තහනම් කිරිම ඇතුලූ නව නීති රැසක් ගෙන එ්මට ජර්මනිය සැරසේ. 

යෝජිත නව නීති වලට අනුව මුස්ලිම් ප‍්‍රජාවට ආගමික සේවාවන් සපයන ඉමාන් වරුන් ජර්මනියේ පුහුණ කළ යුතු වන අතර, දේව මෙහෙයන් ජර්මන් බසින් පැවැත් විය යුතු වේ. සැම දෙනාම ජර්මන් වටිනාකම වලට අනුගත විය යතු වේ. ජර්මනිය තුල සංස්කෘතික විවිධත්වය අසාර්ථකව ඇතයි ද පැවසේ. 

මේ අතර එරට සත්ව අයිතීන් සඳහා පෙනී සිටින, අවිහිංසා වාදීන්, හලාල් මාංශ වලට විරෝධය පාමින්, එරට සුපිරි වෙළඳ සැල් වල හලාල් මස් සමග ඌරු මස් ද විකිණීමට තැබිය යුතු බවට කියායි.

මේ සියල්ල පෙන්නුම් කනරන්නේ යුරෝපය පුරා නැගෙන ඉස්සලාම් විරෝධය බව පෙන්වා දෙන විචාරකයින් මෙම ත්ත්වය උග‍්‍රවිමට එක් හේතුවක් වි ඇත්ෙත් ජර්මන් හමුදා භටයි 29කු දෙනෙකු සිරියාවේ අයි.එස්.අයි.එස් සමග එක්ව ඇති බවට එරට අභ්‍යන්තර අමාත්‍යාං සය කළ හෙළිදරුව්ව යයි. 

බුදුුන් වහන්සේගේ 2560 වන ජන්මන සංවත්සරයට රාජ්‍යය නායකයින්ට ඇරයුම්

නේපාල රජය බුදුන් වහන්සේ ගේ 2560 වන ජන්ම සංවත්සරය මුලික කරගෙන ලබන මස 19-20 කත්මන්ඩු නුවර පැවැත්වෙන ජාත්‍යන්තර බෞද්ධ සමු`ථවට ඉන්දීය අගමැති, චින ජනාධිපති හා එක්සත් ජාතීන්ගේ මහා ලේකම් ට ඇරයුම් කර තිබේ. එමෙන්ම ඉන්දීය බිහර් ප‍්‍රාන්ත මහා ඇමති ට ද මෙම සංවත්සර උළෙලට ඇරයුම්

හින්දු කුලවාදයෙන් නිදහස් වීමට බුදු දහම පිළිගනී

රෝහිත් වෙමුලා හයිද‍්‍රාභාද් සරසවියේ ආචාර්ය උපාධියට සුදානම් වෙමින් සිටි 27 හැවරි තරුණයෙකි. ඩලිත් කුලයට අයත් උපාධි අපේක්ෂකයින් හින්දු අන්තවාදි භාරතීය ජනතා පක්ෂ ක‍්‍රියාකාරින්ගේ තාඩන පිඩාවන්ට ලක්වන්ට විය. එ් පමණක් අගමැති මොඩි නායකත්වය දරන හින්දු අන්තවාදි භාරතීය ජනතා පක්ෂිකයින් ගේ බලපෑමට පංති තහනමට පවා ලක්වන්නට මොහුට සිදුවිය. මෙම පිඩාවන් හමුවේ සරසවි නේවාසිකා ගාරයේ කාමරය තුල සිය දිවි හානි හානි කර ගන්නාලදි.
ඉන්දීය ආණ්ඩුක‍්‍රම ව්‍යවස්ථාවේ නිර්මාතෘ බි.ආර්.අම්බෙක්කාර් ඩාලිත් කුලයට අයත් වුවෙකි. ඔහු හින්දු ආගම අතහැර බුදු දහම පිළිගත්තේ කුල වාදයෙන් නිදහස් වීමටය. එ් 1951 දීය. මා උපත ලැබුවා වුවද, හින්දු ආගමික යෙකු වශයෙන් මා මිය යන්නේ නැත යන ඔහු ගේ ප‍්‍රකට කියමන සිහිපත් කළ යුතුය.
 මිය යන විටද තම සොහොයුරා හින්දු ආගම අතහැර නොසිටියද, ඔහුගේ අවසන් කටයුතු බෞද්ධ චාරිත‍්‍ර අනුව සිදු කරව ලද බව, පැවසු රාජා, තමා ඇතුලූ මුලූ පවුලම හින්දු කුලවාදයෙන් නිදහස් වීමට බුදු දහම පිළිගත් බව ප‍්‍රකාශ කළේය. 
රෝහිත් වෙමුලාගේ මරණයට විරෝධය පළකරමින් සිසු විරෝධතා හට ගෙන ඇති අතර, මුම්බායි නුවර කොන්ග‍්‍රස් කරුණයින් ගේ රෝහිත් ගේ මව ඇතුලූ පවුලේ සාමජිකයින් එක්විය.
බි.ආර්.අම්බෙක්කාර් ගේ 125 ජන්ම සංවත්සරය එක්සත් ජාතීන්ගේ මුලිකත්වයෙන් පැවෙත්වෙන අවස්ථවේ මෙම ඛෙජවාදකය සිදුවීම මගින් හින්දු ආගම හා පලපැදියම්වු කුල ක‍්‍රමය වෙනසක් ඇති කරන්නට බැරිව ඇති බවයි.
මේ අතර පශ්චාත් උපාධිධාරයෙකු වන රාජාට රැුකියාවක් ලබාදිමට දිල් මහා ඇමති ඉදිරිපත්ව සිටි.   

ගැස් ලිපයි,ගැස් සිලින්ඩරයයි, බැරල් බාග දෙකක් යිෟෟ පොලිසිය මංකොල්ල කයි!!!

මෙම පොලිස් මංකොල්ලය සිදු කර ඇත්තේ බණ්ඩාරගම පොලීසියේ උ.පො.ප. දයාරත්න ප‍්‍රමුඛ නිලධාරින් පිරිසක්.
ගිහාන් මධුසංක හිටපු රණවිරුවෙක්. පොලිස් නිලධාරියෙකුගේ පුතෙක්. සත්ව ගොවිපොලක් පවත්වා ගෙන යන අයෙක්.
ඔහු මානව හිමිකම් කොමිෂන් සභාව, ජාතික පොලිස් කොමිෂන් සභාව හා පොලිස්පති වරයා ට ලිඛිතව කර තිබෙන පැමිණිල්ලේ මෙසේ සඳහන් වේ.
2016.04.02 වන දින උදේ 7.00 ට පමණ බණ්ඩාරගම පොලීසියේ නිලධාරින් තිදෙනෙක් නිවසට පැමිණ මා ගැන බිරිඳගෙන් විමසා තිබේ. කාරණය කියා නැහැ. මා එ් අවස්ථාවේ අසල වැඩකට ගොස් සිටියා. මව, මට දුරකථනයෙන් කථා කර කිව්වා පොලීසියේ ඇවිත් ඉන්නවා එන්න කියා. මා එ් විගසම නිවසට පැමිණියා.

මා එනවිට එම නිලධාරින් ගේ හා අවට සොදිසි කර තිබුනා. මා පැමිණි විගසම, උ.පො.ප. දයාරත්න, නිවසේ තිබු ගැස් ලිප, ගැස් සිලින්ඩරය හා බැරල් බාග පෙන්නා විස්තර විමසුවා. මා එ් සම්බන්ධ සියලූ විස්තර ඔහුට කිව්වා.

එ් සියල්ල අසා සිටි ඔහු, බැරල් බාග 2ක්,  ගැස් ලිප සහ ගැස් සිලින්ඩරය සමග මාව අත්අඩංගුවට ගනු ලැබුවා. ඉන් අනතුරුව ත‍්‍රිවිල් එක ක බරල් බාගයක්, ගැස් ලිප සහ ගැස් සිලින්ඩරය පටවා ගෙන ගිය අතර, අනෙක් බැරල් බාගය සමග මාව යතුරු පැදියකින් පොලීසියට ගෙන ආවා.

පොලිසියේ දි මාව කුඩුවට දැම්ම. සවස 4.00ට පමණ කූඩුව ඇතුලේ දි කොළ කැබැල්ලකට අඟිලි සළකූණු ගත්තා. ඉන් පසු මා ගේ පුද්ගලික තොරතුරු විමසා ලියන ලද ප‍්‍රකාශයකට අත්සන් ගත්තා. ප‍්‍රකාශය කියවන්න හෝ කියවා තේරුම් කර දුන්නේ නෑ. බලෙන් අත්සන් ගත්තා.
සවස 6.30ට පමණ, 2016.04.08 උසාවි එන ලෙසට දැනුම් දි පොලිස් ඇප මත නිදහස් කළා.

එ් අනුව, මා 2016.04.08 හොරණ මහෙස්ත‍්‍රාත් අධිකරණයට ඉදිරිපත් වුනා. මට විරුද්ධව ගෝඩා ලඟ තබා ගැනීම ගැන චෝදනාවක් දමා තිබුනා. මම එම චෝදනාව ප‍්‍රතික්ෂේප කළා. උසාවියට මාගෙන් ලබා ගත් බැරල් බාග දෙක, ගැස් ලිප සහ ගැස් සිලින්ඩරය ඉදිරිපත් කර තිබුනේ නෑ. එ් වායේ වටිනාකම රුපියල් දසදාහක් (රු.10,000/-* පමණ වේ.

මෙයින් පැහැදිලි වන්නේ උ.පො.ප. දයාරත්න මාගෙන් ලබා ගත් බැරල් බාග දෙක, ගැස් ලිප සහ ගැස් සිලින්ඩරය සොරකම් කර ඇති බවයි.

මා ගේ බිරිඳ ඇප දෙන අවස්ථාවේ පොලිසිය බැරල් බාග දෙක, ගැස් ලිප සහ ගැස් සිලින්ඩරය ලබා ගත් බවට ලියවිල්ලක් හෝ රිසිට් පතක් දෙන ලෙසට කරන ලද ඉල්ලීම, රිසව් එකේ සිටි  පොලිස් නිලධාරියා ප‍්‍රතික්ෂේප කර තිබුනා.

ලොයර්ට උසාවි ගිහිල්ලා පු....... දීපන්! මට එක එකාට පු....... දෙන්න ඔනි නෑ!!, පොලීසියට ගිහිල්ලා බලා ගමු ..........!!! OIC අපරාධ, පනදුර දකූණ පොලීසිය.

පානදුර දකුණ පොලීසය සිදුකළ  ‘‘ නීති විරෝධීව අත්අඩංගුවට ගැනීම, ර`දවා ගැනීම හා නින්දා අපහස කිරීම’’ අදාලව, පානදුර දකුණ පොලීසියේ අපරාධ අංශයේ ස්ථානාධිපති ටෙරන්ස් ද සිල්වා ට එරෙහිව නීතිමය පියවර ගන්නා ලෙසට, පානදුර නගරයේ රුපලාවන්නි වේදියකු විසින් මානව හිමිකම් කොමිෂන් සභාව ට, ජාතික පොලිස් කොමිෂන් සභාව ට හා , පොලිස්පතිවරයා ට කරන ලද ලිඛිත පැමිණිල්ලක් කරමින් ඉල්ලා සිටි.

හිටපු පොලිස් ස්ථානාධිපති වරයෙකුගේ දියණියකට එරෙහිව කලූතර මහේස්ත‍්‍රාත් අධිකරණයේ පවතින නඩුවක සාක්ෂිකරයා වු මොහුට බලපෑම් කිරිම සඳහා මෙම නීති විරෝධි ක‍්‍රියාව සිදුකරන්නට ඇති බවට සැකයක් පවති.

ඔහු සිය පැමිණිල්ලෙ මෙසේ සඳහන් කරයි.
2016.04.08 වන දින සවස 05ට පමණ මම, මාගේ, සැලොන් එකේ රාජකාරි කරමින් සිටියදි, පානදුර දකුණ පොලීසායේ නිලධාරි දෙදෙනෙක් සිවිල් පිට පැමිණ,වරෙන්තුවක ට අත්අඩංගුවට ගන්න අවශ්‍ය බව කියා සිටියා. එවිට මා, කලූතර මහෙස්ත‍්‍රාත් අධිකරණයේ පවතින, මා පැමිණිලිකාරය වන, අංක 16936 නඩුවට අදාලය වරෙන්තුව ආපසු කැඳවා ඇති බව පවසා, එ් හා අදාලව අධිකරණය නිකුත් කළ ලිපිය පෙන්නා සිටියා. එවිට එම ලිපිය පරික්ෂා කළ එම නිලධාරින් එය පිළිගෙන යන්න ගියා.

විනාඩි 10කින් පමණ, පානදුර දකුණ පොලීසියේ ජිප්රථය පැමිණයා. එහි ඉදිරිපිට සිවිල් ඇඳුමින් අසුන් ගෙන සිටි නිලධාරියා මට අතින් ජිප් රථය ලඟට කැඳෙව්වා. මා එවෙත ගියා. මා දැන ගත්තා නැවත මොවුන් පැමිණ ඇත්තේ පෙර සඳහා ‘‘වරෙන්තු’’ ප‍්‍රශ්ණයට බව. එ් නිසා මම, එම නිලධාරියාට දැනුම් දුන්නා ‘‘ කලූතර මහෙස්ත‍්‍රාත් අධිකරණයේ පවතින, මා පැමිණිලිකාරය වන, අංක 16936 නඩුවට අදාලය වරෙන්තුව ආපසු කැඳවා ඇති බව’’. එ විට එම නිලධාරියා ‘‘මට එවායින් වැඩක් නෑ, නැගපන් ජිප් එකට කිව්වා’’.

එ් අනුව මා ජිප් එකට නැග්ගා. ජිප් එක පොලිසියට නොගොස් අ`ථබොමුල්ල දෙසට ධාවනය කරන විට, මට බියක් දැනි, මා ගේ මහතාට දුරකථන ඇමතුමක් අරගෙන ‘‘මාව වරෙන්තු ප‍්‍රශණයට අත්අඩංගුවට ගෙන රැුගෙන යන බව කියන කොටම ඔක නවත්ව පන් කිවිවා’’. මම කිව් කථාකරන්නේ මාගේ නිතිඥ මහතාට බව. එවිට ඔහු ‘‘ලොයර්ට උසාවි ගිහිල්ලා පුක දීපන් කිව්වා’’. මම දුරකථනය විසංධිකලා. එ් සමග නිතිඥ මහතා මට දුරකථනයේන් කථා කළා. මට ඒ මහතා කිව්වා සහකාර පොලිස් අධිකාරි මහතා ‘‘වාහනයේ අංකය ඉල්ලන බව, කථා කරන්න ඔන බව’’ කියන්න කියලා. මම එ්ය නිලධාරිවරයාට කිව්වාම ‘‘ ඔහු මට එක එකාට පුක දෙන්න ඔනි නෑ, පොලීසියට ගිහිල්ලා බලා ගමු කියලා. උඹ කටවහ ගනින් කිව්වා. මා අසල සිටි සිවිල් සිට නිලධාරියා ‘‘ මු අපි ගැන දන්නවා, දන්නේ නැ වගේ ඉන්නවා කියා’’.

පැය තුකට පමණ පසුව පානදුර දකුණ පොලිසියට ගෙන ආවා. පැය බාගෙට පමණ පසුව ප‍්‍රකාශයක් ගන්න ඔනි කියා, උඩ තට්ටුවේ තියෙන, අපරාධ අංශයට ගෙන ගියා. එතන සිවිල් පිට හිටිය නිලධාරියෙක් මාගෙන් ප‍්‍රකාශයක් ගත්තා. මට අධිකරණය දුන්න වරෙන්තු ඉවත් කළ ලිපිය මට ආපසු දුන්නේ නෑ. ප‍්‍රකාශය කියවන්න හෝ කියවා තේරුම් කර දුන්නේ නෑ. බලෙන් අත්සන් ගත්තා.

මා එ් අවස්ථාවේ දැන ගත්තා මාව අත් අඩංතුවට ගත්තු නිලධාරියා අපරාධ අංශයේ ස්ථානාධිපති ටෙරන්ස් ද සිල්වා බව.

මෙහිදි මා විශේෂෙ ප‍්‍රකාශ කර සිටින්නේ මෙම සිද්ධියට අදාලව කලූතර මහේසත‍්‍රාත් අධකරණයේ පවතින අංක 16936 නඩුවේ විත්තිකාරිය නමෝජනි ජයසේකර, ෙදාඩන්ගොඩ පොලිසියේ හිටපු ස්ථානාධිපති ජයසේකර ගේ දිණියක් බව.

‘‘අල්ලා හු අක්බාර්’’ කියමින් මන්නා පිහි වලින් පෙති ගසා සරසවි සිසුවකු මරයි.

 බංගල දේශයේ අගනුවර වන ඩකා හිදි ඉස්ලාමීය අන්තවාදින් මෙසේ මරා දමන ලද්දේ නසිමුඞීන් සමාඞ් නම් 28 හැවරිදි නීති ශිෂයෙකු වය.

සමාඞ් එරට ඉස්ලාමීය අන්තවාදයට එරෙහිව ලෞකික රාජ්‍යයක් සඳහා ක‍්‍රියාකාරි මෙහෙවරක නියැලූනු ප‍්‍රකට බ්ලොග් කරුවෙකි. ඔහු දෙවියන් පිළිබඳව ප‍්‍රශණ කළ, සමාජ අසාධරණ නොඉවසු තරුණයෙකු විය.

ගතවු මාස 14 තුල ඩකා නගරයේ මේ ආකාරයට මරා දමන ලද පස්වැනියා මොහුය. ඔහු ඉගෙන ගන්නා ඩකා ජගන්නාත් සරසවිය ආසන්යේ දි මෙම ඝාතණය සිදු කර ඇත්තේ යතුරු පැදියකින් පැමිණි තිදෙනෙකු විසිනි.පසු ගිය බදාදා සිදුවු මෙම ඝාතනයට විරුදුධව සිසු උද්ඝෝෂන පැවැති අතර පොලීසිය කිසි වකුත් අත් අඩංගුවට ගෙන නොමැත

 ‘‘අල්ලා හු අක්බාර්’’ යන්නෙහි අරුථ ‘‘ දෙවියන් ශ්‍රෙෂ්ඨ ’’ යන්නයි. ලොව පුරා ඉස්ලාම් අන්ත වාදින් මිනිස් ඝාතන සිදු කරන්නේ ‘‘අල්ලා හු අක්බාර්’’ යයි හඬ නගමින් ය.

මානව හිමිකම් කොමිෂම් සභාව අලූත් නිවහනකට

දැනට කොළඹ 08, කිංසි පාරේ, අංක 165 - දරන ස්ථානයේ පවත්වාගෙන යන ශ‍්‍රී ලංකා මානව හිමිකම් කොමිෂන් සභාව මෙම මස සිට - වෙනත් ගොඩනැගිල්ලකට ගෙන යෑමට සැලසුම් කර තිබේ.

දැනට පවත්වාගෙන යන ගොඩනැගිල්ල හා සම්බන්ධ මුල්‍ය වංචාවන් පසුගිය කාල පරිච්ෙඡ්දයේදී හෙළි දරව් විය.

රජයේ තක්සේරු වටිනාකමට වඩා වැඩි මුදලකට කුලියට ගැනීම එල්ලවූ එක් චෝදනාවකි.

ඉංගිරිය OIc පාර අයිනේ ඉන්නත් ලයිසන් ඉල්ලයි. මංත‍්‍රී කථා කලාම ඛ්අ නැතිව බයිසකලය ගෙනියන්න දෙයි.

තමා පාර අයිනේ ඉන්නකොට, ඉංගිරිය පොලිසියේ OIC ලඟට ඇවිල්ලා ලයිසන් ඉල්ලූවා. මම ලයිසන් නැහැ කිව්වා. ගෙදර මිදුලේ නවත්වලා තිබූ යතුරු පැදිය අරගෙන පොලිසියට ගියා. 

දේශපාලන පළිගැනීම් වලට ඉංගිරිය පොලිසියේ OIC නිශ්ශංක ද සිල්වා මෙසේ තමාව පීඩාවට පත් කරන බවට වන පැමිණිල්ලක් බලධාරීන්ට කරන්නේ - චම්පිකා රණසිංහ මහත්මියයි.(අවු: 40යි, විවාහක, දරුවන් 02යි, ව්‍යාපාරිකි කාන්තාවකි. සැමියාට නීති විරෝධි මත් පැන් අලෙවියට අදාල පෙර වැරදි තිබෙන අයෙක් බව ඇය පිළිගනි.)

ඇය පොලිස්පතිට, මානව හිමිකම් කොමිෂමට හා පොලිස් කොමිෂමට කර තිබෙන ලිඛිත පැමිණිල්ලෙන් සියල්ල පැහැදිළි වේ.

‘‘ 2016.04.05 රාත‍්‍රී 10ට පමණ මා, මාගේ සොහොයුරෙක් වූ නිලූක  යන අයගේ නිවස ඉදිරිපිට, පාර අයිනේ සිටින විට, මා අසල ඉංගිරිය පොලිසියේ ජීප් රථය නවත්වන ලදි. එ් තුල සිටි, ඉංගිරිය පොලිසියේ ස්ථානාධිපතිවරයා, එයින් බැස මා සිටි තැනට ඇවිත්, ලයිසන් අරගත්තාද යයි මගෙන් ඇසුවා. මම තවම ගන්න බැරිවුනා යයි කිව්වා. 

එවිට, ඔහු, ජීප් රථයේ සිටි පොලිස් කොස්තාපල්වරයාට කිව්වා - මාගේ සොහොයුරාගේ නිවස පිහිටි ඉඩමේ නවත්වා තිබූ - මාහට අයත් යතුර පැදිය අරගෙන පොලිසියට ගෙනියන්න කියා.
මම ඇයි ඇසූ විට මුකුත් කිව්වේ නැහැ.

2016 පෙබරවාරි 05 වන දින මා දහවල් 11.30 ට පමණ, ඉංගිරිය නගරයට යතුරු පැදියෙන් පැමිණ ජයරත්න උකස්කරු ඉදිරිපිට නවත්වා, එම කඩයට ගිය අතරතුර, පොලිස් නිලධාරීන් දෙදෙනා පැමිණ යතුරු පැදිය කාගේද යයි විමසුවා.

මා, ඉදිරියට පැමිණ මාගේ බව ප‍්‍රකාශ කලා. එවිට ඔවුන් මාගේ රියදුරු බලපත‍්‍රය හා අනෙකුත් ලියකියවිලි පිලිබඳ විමසුවා. මා රියදුරු බලපත‍්‍රය නැති බවත්, අනෙක් ලේඛණ ඇති බවත් ප‍්‍රකාශ කලා. එවිට ඔවුන්, රියදුරු බලපත‍්‍ර තිබෙන අයෙක් සමග පොලිසියට ඇවිත් යතුරු පැදිය ගෙනියන්න යයි කිව්වා.

එදිනම, දහවල් 1.30 පමණ, රියදුරු බලපත‍්‍ර තිබෙන දමිත් නැමැති අසල්වැසියෙක් සමග ඉංගිරිය පොලිසියට ගියා. එ් අවස්ථාවේ රථ වාහන අංශයේ ස්ථානාධිපති වැදිසිංහ නැමැති නිලධාරියා පසුවදා එන්න යයි මට කිව්වා.

එ් උපදෙස අනුව, මා 2016.01.06 වන දින, පොලිසියට ගියා. එවිට වේලාව උදේ 9.30 පමණ වේ. රථ වාහන අංශයේ වැදිසිංහ මට කිව්වා ස්ථානාධිපති නිශ්ශංක සිල්වා හමුවන ලෙසට. මා ඔහු ලඟට ගියා. එවිට ඔහු මට කිව්වා - බයිසිකල් එක උසාවියෙන් ගනින් කියා. මට පලයන් කිව්වා. මා පොලිසියෙන් පිට වුනා. තවද ඔහු කිව්වා උසාවි දාන්නේ 11 බදදා කියා.

මා දින 2කට පසුව නීතිඥ හේමන්ත වික‍්‍රමාරච්චි මයා හමුවී කාරණය කිව්වා. ඔහු රථවාහන අංශයේ ස්ථානාධිපති වැදිසිංහට කතා කලා. යතුරු පැදිය උසාවියෙන් ගන්න කියා ඔහුට කිව්වා. 
ඉන්පසු මා නීතිඥ තුෂාර ගුණරත්න මයා ලඟ ගොස් කාරණය කිව්වා. ඔහුද පොලිසියට කතා කලා. නමුත් යතුරු පැදිය දෙන්න බැහැ කිව්වා. 

ඉන්පසු මා - බස්නාහිර පළාත් සභා මංත‍්‍රී පී.ඞී.අබේරත්න මයා හමුවුනා. ඔහු හොරණ ස.පො.අධිකාරීට කතා කලා. ඉන්පසු මට 0777 370 360 දරණ අංකය දී, ඉංගිරිය පොලිසියට හෝ හොරණ ස.පො.අධිකාරීට කතා කරන්න කිව්වා. 

එ් අනුව මා ඉංගිරිය පොලිසියට ගොස් මාගේ ජංගම දුරකථනයෙන් ස.පො.අධිකාරීට කතාකර කාරණය කිව්වා. එ් වේලාවේම, ස.පො.අ. -හොරණ ඉංගිරිය පොලිස් ස්ථානාධිපතිට කතා කලා. එ් සමග ක‍්‍රියාත්මක වූ ඉංගිරිය පොලිසිය මට රු: 25000/= ක දඩ කොලයක් නිකුත් කලා. දඩ කොලය නිකුත් කලේ රිසව් එකේ සිටි ගංගා නැමැති නිලධාරිණියයි. 

එහි දිනය 2016.02.09 ලෙසට සඳහන් කර තිබුනා. මට බයිසිකලය ගෙනියන්න කිව්වා. මම පොලිසියේ ඉඳලා යතුරු පැදිය පදවාගෙන ගියා. මා 2014.02.10 දින දඩය ගෙවා, කොලය පොලිසියට ගෙනවිත් බාර දුන්නා.

මා ප‍්‍රකාශ කරන්නේ,
ඉංගිරිය පොලිසියේ ස්ථානාධිපති නිශ්ශංක ද සිල්වා - මා සමග අමනාපයෙන් පසුවන බවයි. එ් මා එක්සත් ජාතික පක්ෂය ජයග‍්‍රහනයට වැඩ කල නිසයි.

මා ඉ්ලලා සිටින්නේ,
1. අද දින දක්වාම, නීති විරෝධීව ඉංගිරිය පොලිසියේ රඳවා ගෙන සිටින - මාගේ යතුරු පැදිය (BAN 0152 හොන්ඩා), නොපමාව මා අතට පත්කරන ලෙසට,

2. නීති විරෝධී ක‍්‍රියාවල යෙදෙන ඉංගිරිය පොලිසියේ ස්ථානාධිපති නිශ්ශංක ද සිල්වා ට එරෙහිව නීතිමය පියවර ගන්නා ලෙසට ය’’. ----  

තෙබුවන පොලිසියේ වධයට පාත‍්‍ර වූ සිසුවා අදාලව විමර්ශණයක් මා.හි.කො.අරඹයි. පොලිස් අපරාධ නවත්වන්න පොලිසියට බැරිවෙලා.

තෙබුවන පොලිසියේ වධහිංසාවට පාත‍්‍ර වූ 16 හැවිරිදි දරුවා පිළිබඳව විමර්ශණයක් ආරම්භ කර තිබෙන, මානව හිමිකම් කොමිෂම් සභාව, එම දරුවා පිළිබඳ සොයා බැලීමට විමර්ශණ නිලධාරීන් කණ්ඩායමක් එම ළමයාගේ නිවසට පිටත් කර යවා තිබේ.

නාගොඩ මහා රෝහලේ හා පානදුර මූලික රෝහලේ නේවාසිකව ප‍්‍රථිකාර ලැබූ මෙම දරුවා, වධහිංසාවට භාජනය වීමේ ප‍්‍රථිඵලයෙන් PTSD නමින් හඳුන්වන මානසික රෝග ලක්ෂණ වලින් පෙලෙන බවද - වෛද්‍ය වාර්තාවල සඳහන් වේ.

මෙම පාසලේ සිසුවාට වධ දුන්න තෙබුවන පොලිසිය නිලධාරීන්ට එරෙහිව මේ දක්වා, නීතිමය පියවර ගැනීමට පොලිසිය හෝ ළමා ආරක්ෂක අධිකාරිය හෝ අසමත්ව තිබේ.

වධහිංසා පැමිණවීම, කිසිදු ආකාරයකට කේවල් කල නොහැකි අපරාධයකි. 

දණ්ඩ නීති සංග‍්‍රහය යටතේද, 1994 අංක 24 දරන පනත යටතේ පොලිස් වධ හිංසා පැමිණවීම අපරාධයකි.

මේ වන විට පොලිස් වධහිංසාව අදාල ශ්‍රේෂ්ඨාධිකරණ තීන්දු ගණනාවක් ලබාදී තිබේ. නීතිපති වරයාගේ නියෝගයෙන් පොලිස් විශේෂ විමර්ශන එ්කකය, පොලිස් නිලධාරීන් සියයකට අධික පිරිසකට විරුද්ධව නඩු පවරා තිබේ.

නමුත් පොලිසියට, පොලිස් අපරාධ නවත්වන්න බැරිව තිබේ. එ් අපරාධ හා ¥ෂණය පොලිසිය උරුම කරගෙන සිටින නිසාය.

පනදුර උතුර පොලිසියේ වධකයින් 8කට හා ආණ්ඩුවට වන්දි ගෙවන්න සිදුවෙයි මු`ඵ වන්දිය රු: 85,000/=යි.

DIG වරයෙකු විසින් ඉදිකරගෙන යනු ලැබූවායයි කියනු ලැබූ සුවිසල් මැදුරකට සවිකරන්න ගෙනා ටයිල් සොරකම් කල බවට පානදුර, කෙසෙල්වත්තේ, ත‍්‍රී රෝද රියදුරෙකු වූ දිනේෂ්ව, 2011 ජනවාරි 23 අත්අඩංගුවට ගෙන වධ හිංසවාට පත් කළේය. 
දිනේෂ්, 2011 ජූනි මස 27 වන දින, පානදුර උතුර (කෙසෙල්වත්ත) පොලිසියේ නිලධාරීන් 8කු හා තවත් 8කුට එරෙහිව මූලික අයිතිවාසිකම් නඩුවක් ගොනු කරන ලදි. 
මෙම නඩුව 2014.07.17 වන දින, විභාගයට ගත් අතර, තීන්දුව 2016.04.01 ප‍්‍රකාශයට පත් කරනු ලැබීය.
විනිසුරු චන්ද්‍ර එ්කනායක, විනිසුරු ප‍්‍රියසාත් ඩෙප් හා විනිසුරු බුවනෙක අ`ඵවිහාරේ යන ත‍්‍රී පුද්ගල ශ්‍රේෂ්ඨාධිකරණ විනිසුරු මණ්ඩලය ඉදිරියේ විභාග වූ මෙම නඩුවේ- 
පෙත්සම්කරු දිනේෂ් වෙනුවෙන් නීතිඥ සරීටා ද ෆොන්සේකා මෙනවිය පෙනී සිටි අතර, වගඋත්තරකාර පොලිස් නිලධාරීන් 8 දෙනා වෙුවෙන් පෙනී සිටියේ ජනාධිපති නීතිඥ දුලින් ද වීරසූරිය මයාය.
මෙම නඩුව ආරම්භයේදී, ජනාධිපති නීතිඥ දුලින්ද වීරසූරිය මයා, මෙම නඩු පවරා ඇත්තේ, දින 30 ඉක්ම ගිය පසුව බව පෙන්වා දෙමින්, එ් මත නඩුව විසි කරන ලෙසට අධිකරණයෙන් ඉල්ලා සිටියේය.
එම නීති තර්කය ශ්‍රේෂ්ඨාධිකරණය ප‍්‍රතික්ෂේප කළේය. එහිදී, ආණ්ඩුක‍්‍රම ව්‍යවස්ථාවේ ප‍්‍රතිපාදන හා මානව හිමිකම් කොමිෂම් සභා පනතේ ප‍්‍රතිපාදන සැලකිල්ලට ගනිමින්, මූලික අයිතිවාසිකම් නඩුවක් ගොනු කිරීමට නියමිත දින 30 කාලය පිළිබඳව අර්ථකතනයක්ද ලබාදෙන ලදි. 
එ් අනුව ගත්කල මෙම නඩු තීන්දුව මූලික අයිතිවාසිකම් නඩු පැවරිමේ කාල සීමාව හා මානව හිමිකම් කොමිෂමට පැමිණිලි කිරීම පිලිබඳව ලබාදුන් වටිනා තීන්දුවකි.
මෙම නඩුවේ ඉදිරිපත්වූ කරුණු සලකා බලා, ජානාධිපති නීතිඥ විනිසුරු බුවනෙක අ`ඵවිහාරේ මහතා, සෙසු විනිසුරුවරුන්ගේ එකඟතාවය මත ප‍්‍රකාශයට පත්කල තීන්දුවෙන්, -
1. රජයට - වන්දි වශයෙන් රු: 20,000/=ක් හා නඩු ගාස්තු වශයෙන් රු: 10,000/= ක් වශයෙන් රු: 30,000/=ක් -
2. පානදුර උතුර පොලිසියේ (කෙසෙල්වත්ත),   පො.කො.61118, පො.කො.සමරවීර 66940, පො.කො.77994, පො.කො.රෝහණ කුමාර තනි තනිව රු: 10,000/= බැගින්ද,
3. වැඩ බැලූ ස්ථානාධිපති රම්‍යා ද සිල්වා රු: 15,000/= ක් ද,
දිනේෂ් ට ගෙවන ලෙසට නියම කරනු ලැබීය.
මේ අනුව ඔහුට නියමිත වූ මු`ඵ වන්දිය රු: 85,000/= කි.
මෙම නඩු තීන්දුවේ දී ද, වධහිංසා ව අවතක්සේරු කළ නොහැකි අයිතිවාසිකමක් බවත්, දරුණු අපරාධකාරයෙකුට වුවද වධහිංසාවෙන් මිදී සිටීමට අයිතිය තිබෙන බවත් අවධාරණය කර තිබේ. 
සටහන:- මේ පිළිබඳව රජයේ හා ජාතික පොලිස් කොමිෂමේ දැඩි අවධානයට ලක්කර පොලිස් වධදීම් බොරු නඩු දැමීම් වලක්වාලීමට දැඩි පියවර ගතයුතුයි. වධකයින් ආරක්ෂා කිරීම අපරාධයක් බව සියලූ දෙනා දැනගත යුතුයි.

විඩිෙයා්ව නරඹන්න

ගෙදර හිටිය මිනිහාව ඇදගෙන ගොස් ගංජා නඩු දැම්මාට, IP ට ලක්ෂ 2ක්!.ජොබ් එක බේරා ගන්න, බොරු නඩුව දැම්ම SI ට දහ දාහ ක්!!, රජයට විසි දාහක්!!! ගෙවන්න වෙයි.

පොලිසිය කිසිදු හේතුවක් නැතිව පුද්ගලයින් අත්අඩංගුවට ගෙන, පසුව එම අත්අඩංගුවට ගැනීම සාධාරණය කිරිමට, තහනම් ද්‍රව්‍ය හෝ සමාන නීති විරෝධී ද්‍රව්‍ය දමන බව විනිසුරුවරු මතක තබාගත යුතු කරුණක්.

මෙම ප‍්‍රකාශය කරන්නේ, 2012 මැයි 25 වන දින, හෝමාගම පොලිසියේ එවක සිටි පොලිස් නිලධාරින් අට ෙදෙනකුට ඒෙරහිව, පන්නිපිටියේ පදිංචිකරුවකු වූ ජස්ටින් රාජපක්ෂ විසින් ශ්‍රේෂ්ඨාධිකරණයේ පවරන ලද මූලික අයිතිවාසිකම් නඩුවක තීන්දුව ප‍්‍රකාශයට පත්කරමින්, ශ්‍රේෂ්ඨාධිකරණ විනිසුරු සිසිර ආබෲ මහතාය.

ජස්ටින් රාජපක්ෂ මහතා, හෝමාගම පොලිසියේ එවක සේවය කල පොලිස් පරීක්ෂක ප‍්‍රසන්න රත්නායක ඇතුලූ දසදෙනෙකු වගඋත්තරකරුවන් කරමින්, තමාගේ මූලික අයිතිවාසිකම් උල්ලංඝණය කරන ලද බවට චෝදනා කරමින් පවරන ලද මෙම නඩුවේදී, පළමු වගඋත්තරකරු පොලිස් පරීක්ෂක ප‍්‍රසන්න රණතුංග පුද්ගලිකව, රුපියල් ලක්ෂ දෙකක්ද, එම  හයවන වගඋත්තරකරු වූ උප පොලිස් පරීක්ෂක එ්.එල්.එම්.අමීන් - පුද්ගලිකව, රුපියල් දසදහසක්ද, රජය රුපියල් විසි දහසක්ද, වන්දි වශයෙන් ජස්ටින් රාජපක්ෂ මහතාට ගෙවන්නට නියම කරනු ලැබීය.

මේ අනුව - ජස්ටින් මහතාට පිරිනැමූ මු`ඵ වන්දිය රුපියල් දෙලක්ෂ තිස්දහසකි.

2012 මැයි 25, හෝමාගම පොලිසියේ වැඩකළ පො.ප.ප‍්‍රසන්න රත්නායක ජස්ටින් රාජපක්ෂ මයාගේ නිවසට ගොස් ඔහුට පහරදී, ඇදගෙන ඇවිත්, ජීප් රථයට දමාගෙන, මත්තේගොඩ විද්‍යාදීප මහා විද්‍යාලයට ගෙනගොස්, එහිදී මහා හඬින් කසිප්පු කාරයෙක් ජීප් එකේ ඉන්නවා යයි කෑගසා, කියා – එදින එම විද්‍යාලයේ පැවති ඩෙංගු මර්ධන රැස්වීම ඇමතීමට එක්ව, ඩෙංගු මර්ධනය ගැන දේශණයක් පවත්වා තිබේ.

ජස්ටින් රාජපක්ෂ ගේ දරුවන්ද එම පාසැලේ ඉගෙනුම ලබන බව දැන මෙම නීච ක‍්‍රියාව පො.ප. ප‍්‍රසන්න රත්නායක සිදුකර තිබේ.

රැස්වීමෙන් පසුව හෝමාගම පොලිසියට ගෙන ගොස්, දින දෙකකට පසුව, 2012.05.27 ගංජා ලඟ තබාගත් බවට චෝදන නගා - බොරු නඩුවක් පවරනු ලැබීය.

එම නඩුවේදී, බොරු නඩුව පැවරූ උප පොලිස් පරීක්ෂක එ්.එල්.එම්.අසීම්, සාක්ෂි දෙමින් කියා සිටියේ, පො.ප.ප‍්‍රසන්න රත්නායක රැකියාවෙන් නෙරපන බව තමාට තර්ජණය කල නිසා, පො.ප.ප‍්‍රසන්න රත්නායක ලබාදුන්න ගංජා පැකට් සමග ජස්ටින් රාජපක්ෂව උසාවියට ඉදිරිපත් කරන ලද බවයි. 

මෙම සාක්ෂිය සමග, හෝමාගම මහේස්ත‍්‍රාත්වරයා - ජස්ටින් රාජපක්ෂ මයාව නඩුවෙන් නිදහස් කරනු ලැබීය.

මෙම ශ්‍රේෂ්ඨාධිකරණ නඩු තීන්දුව, ශ‍්‍රී ලංකා පොලිසියේ අමනකම්, නීති විරෝධී ක‍්‍රියා හෙළි කරන්නක්.

මේ නඩු තීන්දුව ජාතික පොලිස් කොමිෂමේ, මානව හිමිකම් කොමිෂමේ පමණක් නොව, අධිකරණ සේවා කොමිෂමේද අවධානයට ලක්විය යුත්තකි.

මන්ද බොරු නඩු දැමීම, ශ‍්‍රී ලංකා පොලිසියේ හේතු පාඨය වී තිබීම නිසාය.

බොරු නඩු දැමීම වහාම වැලැක්වීමට පියවර ගත යුතුයි. එය ආණ්ඩුවේ වගකීමකි.

”සංක‍්‍රාන්තික යුක්තිය” පිළිබඳ කතා කරන ,අවධානය යොමුව තිබෙන සියල්ලගේ අවධානය යොමුවිය යුතු කරුණකි.

පොලිස් නීති විරෝධී ක‍්‍රියාවන්ට, රු: 1,50,000/= ක වන්දිය ගෙවන්න රජයට සිදුවෙයි.

කටුගස්තොට පොලිසියේ හය දෙනෙකු පුද්ගලයෙකුගේ මූලික අයිතීන් උල්ලංගණය කලාට, වන්දි වශයෙන් එම පුද්ගලයාට රුපියල් ලක්ෂ එකහාමාරක් ගෙවන්න රජයට නියම කරන ලදි.

පසුගියදා ශ්‍රේෂ්ඨාධිකරණය රජයට නියෝග කළේ, 2007 වසරේ කටුගස්තොට විජොට්මන් මහතාව අත්අඩංගුවට ගෙන, රඳවාගෙන වධදීම සම්බන්ධයෙන් ඔහු විසින් පවරන ලද මූලික අයිතිවාසිකම් නඩුවේ තීන්දුව ප‍්‍රකාශයට පත් කරමින්ය.

විජොට්මන්න මහතා 2007.02.04 වන දින, කටුගස්තොට නගරයේදී බස් රථයකට ගොඩ වූ විට පාපුවරුවේ ඉඩ හරස් කරමින් සිටි පුද්ගලයෙකුට ඉඩදෙන්න යයි කිව්විට - එම පුද්ගලයා මොහුට පයින් ගසා තිබේ. එ් අවස්ථාවේ වචන හුවමාරුවක් සිදුව තිබේ.

පසුදින උදේ - කටුගස්තොට පොලිසිය ඔහුව අත්අඩංගුවට ගෙන, වධදී, සුපුරුදු පරිදි ගංජා සමග නුවර මහේස්ත‍්‍රාත් අධිකරණයට ඉදිරිපත් කරනු ලැබීය.

මෙම ශ්‍රේෂ්ඨාධිකරණ නඩු තීන්දුවේදීත්, පොලිසිය බොරු නඩු දැමීම ගැන, නීති විරෝධී අත්අඩංගුවට ගැනීම හා වධදීම් ගැන අවධානය කැඳවන අතර අත් අඩංගුවට ගන්නා පුද්ගලයින් මහේස්ත‍්‍රාත් අධීකරණයට ඉදිරිපත් කිරිමේ දි, පොලිසියේ ක‍්‍රියා කලාපය ගැන - විනිසුරුවරු විනිසුරු මනසකින් යුතුව කරුණු සලකා බැලිය යුතු බව අවධාරණය කර තිබේ.

එවක කටුගස්තොට පොලිසියේ සේවය කල, පොලිස් පරීක්ෂක සමරකෝන්, උප පොලිස් පරීක්ෂක බණ්ඩාර, පොලිස් සැරයන් දිසානායක, පො.කො. 47093,  29277 හා පො.සැ.ජයවර්ධන වගඋත්තරකරුවන් ලෙසට මෙම නඩුවේ නම් කර තිබිණ.

විජොට්මන්න මයා වෙනුවෙන් නීතිඥ ජේ.සී.වැලිඅමුණ මයා පනී සිටි අතර, ශ්‍රේෂ්ඨාධිකරණයේ විනිසුරු - චන්ද්‍ර එ්කනායක, ජනාධිපති නීතිඥ විනිසුරු වනසුන්දර, ජනාධිපති නීතිඥ විනිසුරු ජයවර්ධන යන ත‍්‍රී පුද්ගල විනිසුරු මණ්ඩලය හමුවේ විභාග විය. මෙම නඩුවේ තීන්දුව ප‍්‍රකාශයට පත්කළේ ශ්‍රේෂ්ඨාධිකරණ විනිසුරු චන්ද්‍ර එ්කනායක මහතාය.

සටහන

මෙම තීන්දුව පොලිස් කොමිෂම හා සංක‍්‍රාන්තික යුක්තිය පිලිබඳව කතා කරන විද්වතුන්ගේ අවධානයට යොමුවිය යුතුයි.

Lakmal  and Prdeep 

ඇඳුම් ගලවලා, - රතු ලූණු ගෙඩියක් දීලා ”කුරුල්ලා” ගේ අතුල්ලපන් ------- පර දෙමල්ලූ....2

බලන් හිටිය අය ඇහුව්වා දැවිල්ල ද කියලා.

ඊට පස්සේ අත් දෙකට මාංචු දාලා, බිම වාඩි කරවලා පපුවට, බෙල්ල පාත් කරලා පිටට ගැහුව්වා. අත කැඩෙන්න කැරකුවා. පයින් ගැහුව්වා මේසේ යටට විසිවෙන්න. පොල්ලකින් ඇස්වටයට ගැහැව්වා. මෙහෙම කළේ කූඩුවෙන් එළියට අරන් කාමරයකට ගෙනගිහිල්ලා.

මෙසේ ප‍්‍රකාශ කරන්නේ 2016.03.19 දින අත් අඩංගුවට ගෙන වධ හිංසාවට පත් වු 16 හැවරිදි දරුවාය. පොලීසියේ ඉල්ලීම මත අධිකරණයෙන් පරිවාස බාරයට පත් කලායින් පසුව, 2016.03.29 ඇප මත මුදාහැරීමෙන් පසුව මෙම දරුවා ගොත ගහන්නට පටන් ගැනීම හා වරින් වර සෙම සමග ලේ යෑම හා දැඩි වේදනාවෙන් පෙළෙන නිසා නැවත රෝහල් ගත කිරීමට දෙමාපියන්ට සිදුවිය.

පරිවාස භාරයේ සිටින අවස්ථාවේ දෙවරක් අමාරුවී රෝහල් ගතකර ප‍්‍රථිකාර ලබාදෙන ලදි.

පොලිසිය පැමිණ බලපෑම් කරන බව දෙමාපියන් පවසයි.

තොපි පර දෙමල්ලූ, එනවා මෙතන පුතාව සුද්ද කරන්න ......යන හිසින් මීට පෙර පළවූ පුවතේ පසුබිම විස්තර වේ.

තොපි පර දෙමල්ලූ, එනවා මෙතන පුතාව සුද්ද කරන්න! අම්මාට.......පිය, තොප හු..... ඕන තැනකට පලයල්ලා!!

පොලිසිස්  නිලධාරීන් මෙසේ කුණුහරප කියමින් නින්දා අපහසයට පත්කර පළවා දමා ඇත්තේ අත්අඩංගුවට ගෙන සිටි අවු: 16 හැවරිදි පාසල් සිසුවකු වු තම පුතාව බැලීමට මව, තෙබුවන පොලිස් ස්ථානයට ගිය අවස්ථා වේදීය.

මව ජයචිත‍්‍රා මහත්මිය, මානව හිමිකම් කොමිෂන් සභාවට, ජාතික පොලිස් කොමිෂන් සභාවට, ජාතික ළමා ආරක්ෂක අධිකාරියට සහ පොලිස් ළමා හා කාන්තා කාර්යංශයට, කර තිබෙන ලිඛිත පැමිණිල්ලේ් මෙසේ සඳහන් වේ. 

සෙනසුරාදා(19දා) උදේ 8.00 ට තෙබුවන පොලිසියට එන්න කිව්වා. ඒහි දි 16 හැවරිදි පුතාව අත්අඩංගුවට ගෙන කූඩුවට දැම්මා. ඒ අවස්ථාවේ, මටත් සැමියාටත් තොපි පර දෙමල්ලූ, එනවා මෙතන පුතාව සුද්ද කරන්න, කියමින් අම්මාට.......පිය, තොප හු.....   ඕන තැනකට පලයල්ලා කියමින් බැණ තර්ජණය කරමින් නින්දා කලා. 

අපි ඉන්දීය සම්භවයක් ඇති දෙමළ. 

සැමියාත් මාත් රෑ වෙනකං පොලිසියේ ඉස්සරහට වෙලා හිටියා. රෑ ගෙදර යන්නේ නැතිව, කිට්ටුව තියෙන පල්ලියට ගොස් නැවතුනා. 

පසුදින උදේ (20 ඉරිදා) 8.00 ට නැවත තෙබුවන පොලිසියට ගියා. 

අපි පොලිසියට ගියාට පස්සේ, පුතාව කාමරයක ඉඳලා ගෙනවිත් කූඩුවට දැම්මා. පුතා ආවේ නොන්ඩි ගසමින්. පුතා කිව්වා හොඳටම ගැහුව්වා කියලා.

මගේ මල්ලී සිද්ධිය අරාංචි වෙලා පොලිසියට ආවා. ඔහු තෙබුවන පොලිසියේ ස්ථානාධිපති හමුවුනා. ස්ථානාධිපති ඔහුට කියා තිබුනා,පාරවල් දෙක තුනක් ගහලා තියෙනවා, අද උසාවි දානවා කියා. 

සවස 2.00ට පමණ පුතාව උසාවි ගෙන ගියා. මමත් සැමියාත්, මල්ලිලා සමග උසාවියට ගියා. එහිදී අපි නීතිඥ මහත්මියට මුදලින් රු: 5000/= ක් දීලා ඉදිරිපත් කළා. ඇයට උපදෙස් දුන්නා පුතාට තෙබුවන පොලිසියෙන් පහරදීලා තියෙන බව කියන්න කියා. නමුත් ඇය උසාවියේදී වචනයක්වත් කතා කලේ නැහැ.

පුතාව රිමාන්ඞ් බාරයට පත් කලා. බන්ධනාගාර නිලධාරීන් පුතාව රැුගෙන ගියා.

පසුදින, 21 සඳුදා, කලුතර බන්ධනාගාරයට ගියා. බන්ධනාගාරයෙන් දැනුම් දුන්නා පුතාව පරිවාසයට බාරදීලා තියෙන්නේ කියා. ළමා නිවාසයට බාර දුන්නා කියලාත් කිව්වා. 

අපි පුතාව බලන්න ළමා නිවාසයට ගියා. ළමා නිවාසයෙන් කිව්වා, රෑ පුතාට හුඟක් අමාරු වුණා. නාගොඩ රෝහලට ගෙන ගියා කියලා. එහි සිටිය මහත්මයෙක් අපිව නාගොඩ මහා රෝහලට රැගෙන ආවා. පුතා 3 වාට්ටුවේ 7 ඇඳේ හිටියා. පුතා සමග කතා කලා. තෙබුවන පොලිසියේ කාන්තා අංශයේ නිලධාරිනී පුතාගේ කම්මුලට ගසා තර්ජනය කර, එහි සිටි පොලිස් නිලධාරියෙකුට ගහපන් ගහපන් කියා කියමින් තමාට ගැස්සවු බව කිව්ව බව කියා සිටියා. 

21 දින (සඳුදා) පුතාව බලන්න රෝහලට ගියා. පුතා කිව්වා උදේ තමාට ගහපු පොලිස් නිලධාරිනිය හා නිලධාරියෙක් පැමිණ තමාට තර්ජනය කර ගිය බව.

22 දින (පෝය), දහවල් මමත්, සැමියාත් රෝහලේ පුතා ළඟ ඉන්නකොට, තෙබුවන පොලිසියේ කාන්තා අංශයේ නිලධාරණිය හා තවත් පොලිස් නිලධාරියෙක් පුතාව බලන්න ආවා. පිරිමි නිලධාරියා උපපොලිස් පරීක්ෂක වරයෙක්. අපි දරුවා ලඟින් ඉවත් වුනා.

ඔවුන් ගිය පසුව, පුතා කිව්වා කාන්තා නිලධාරිණිය ගහපු බව කියන්න එපා, උදව් කරන්නම් යයි කියපු බව. උප පොලිස් පරීක්ෂකවරයා කණ මිරිකා ගහපු බව එහෙම කියන්න එපා යයි තර්ජණය කල බව. 

දවස් දෙකකට පස්සේ, 22 දින සවස 4.30 ට පමණ පුතාගේ ටිකට් කැපුවා. නැවත පුතාව, ළමා නිවසට ගෙන ගියා. තවමත් පුතා ඉන්නේ  ළමා නිවාසයේ.’ 

ඇය සිය පැමිණිල්ලෙන් ඉල්ලා සිටින්නේ –

තම  පුතාට පහරදී වධ දුන්න තෙබුවන පොලිසියේ ස්ථානාධිපති, කාන්තා හා ළමා කාර්යංශයේ නිලධාරීනියට, පහරදුන් කොස්තාපල්වරයාට, රෝහලට පැමිණ තර්ජණය කල උප පොලිස් පරීක්ෂකවරයාට එරෙහිව - නීතිමය පියවර ගන්නා ලෙසට,

ළමා නිවාසයේ, රඳවා තිබෙන මගේ දරුවාට ආරක්ෂාව සලසන ලෙසට, පොලිසියෙන් හෝ වෙනත් බලපෑම් කිරීම්වලට භාජනය වීම වලක්වන ලෙසට,

ළමා නිවාසයේ රඳවා සිටින මාගේ පුතාව, ප‍්‍රමාද නොකොට හමුවී, සියලූම තොරතුරු ලබා ගන්නා ලෙසට,

එමෙන්ම, මටත් සැමියාටත් කුණුහරපා කිමයින් බැණ තර්ජය කරමින්ද, පරදෙමල්ලූ කියා හඳුන්වමින්ද අපට නින්දා කල, පහර දුන්න නිලධාරීවරයාට එරෙහිවද - නීතිමය පියවර ගන්නා ලෙසට ය.

පැමිණිල්ලේ පිටපත පොලිස්පති එන්.කේ. ඉලංගකෝන් මහතාට ද යවා තිබේ.