නාරි බලයට රඟන පොලීසිය - උසාවිය නොමග යවයි. තරුණිය දින 11 ක් රිමාන්ඞ් - කසාදය කැඬේ.

පොලීසියටම ආවේනික වූ බොරු නඩු දැමීම “යුක්තිය” විගඩමක් කරගන්නේ උසාවිය පාවිච්චි කරමින්ය.

මෙම බොරු නඩු දැමීම ගැන කෙළ පිඩක් හෙලන්නට ඊනියා සිවිල් සමාජය සූදානම් නැත.

ස්වාධීන ලේබල් ගසා ගත් කොමිෂන් වලට ද වැඩක් නැත. 

මෙහි මහඟු ඵල ප්‍රයෝජන ලබන්නේ අතරමැදියා වූ නීතිඥ ප්‍රජාවයි. 

මේ බොරු නඩු දැමීම් අදාල තවත් එක් කථාවක් පමණි.

සභාපතිනිය,  මානව හිමිකම් කොමිෂන් සභාව ට හා පොලිස්පති ට කරන ලද පැමිණිල්ල ට  අවධානය යොමු කරන්න.            ,               
    
“මත්තේගොඩ හා ගල්කිස්ස පොලීසිය පුද්ගලික අවශ්‍යතාවයන් ඉටු කර ගැනීම සඳහා අධිකරණය උපයෝගී කරගෙන පීඩාවට පත් කිරීම.

අමිලා, අවු: 36 යි, අවිවාහක, පදංචිය මත්තේගොඩ. 

2019.03.21 වන දින දීය.

(1) 2019.02.26 දින උදේ 8.30 ට පමණ, මාගේ නිවසට, මත්තේගොඩ පොලීසියේ නිලධාරීන් දෙදෙනෙක් පැමිණ, මා හට පොලීසියට පැමිණෙන ලෙසට දැනුම් දී තිබින.

(2) එදින මා නිවසට පැමිණියේ දවල් 12.00 ට පමණය. එවිට දැනගත්තා මට, මත්තේගොඩ පොලීසියට එන ලෙසට දැනුම් දී ඇති බව.

(3) ඒ අතරම, මා දැනගත්තා ගල්කිස්ස පොලීසියෙන් පැමිණ, මා සොයන ලද බවත්, ඥාතිවරයෙක් වූ එච් රූපසේන යන අයට, ගල්කිස්ස fාලීසියට දවල් 2.00 ට පැමිණෙන ලෙසට දැනුම් දී ඇති බව.

(4) අපව, මෙසේ පොලීසි දෙකකින් සොයන්නේ මන්ද යන්න ගැන බියක් ඇතිවී, මම මාගේ මව වන ටී. මොනිකා සමග, මිරිහාන නියෝජ්‍ය පොලිස්පති හමුවුනා. 

(5) එහිදී, නියෝජ්‍ය පොලිස්පති මාගෙන් ප්‍රකාශයක් ලියවාගෙන මත්තේගොඩ පොලිසියට යන ලෙසට උපදේස දුන්නා.

(6) මා, එදිනම 2019.02.26 දින, සවස 6.30 ට පමණ මත්තේගාඩ පොලීසියට ගියා. 

(7) මත්තේගාඩ පොලීසියේදී ප්‍රකාශයක් ගෙන, 2019.03.11 දින කැස්බෑව උසාවියට ඉදිරිපත් වන ලෙසට නියම කර, පොලිස් ඇපයක් මත මුදාහරිනු ලැබුවා.

(8) එදින මා දැනගත්තා, මෙම පොලිස් ක්‍රියාමාර්ගයට හේතුව, 2019.02.26 දින උදේ, ඥානා වීරසිංහ යන අයට පහරදීමක් පිළිබඳව බව.

(9) 2019.02.28 වන දින, අප කිසිවෙන් නිවසේ නැති අවස්ථාවක, ගල්කිස්ස පොලීසියෙන් පැමිණ මාව සොයා ගොස් ඇති බව.

(10) මෙසේ අපව, පොලීසියෙන් සෙවීම පිලිබඳව, මා හා මව පොලිස් මූලස්ථානයේ සහන මැදිරියට ගොස් පැමිනිලි කළා.

(11) එම පැමිනිල්ලට ලබාදුන් උපදෙස් මත මිරිහාන නියෝජ්‍යය පොලිස්පති කාර්යාලයට ගොස් ප්‍රකාශයක් ලබාදුන්නා.

(12) එම ප්‍රකාශයට ලබාදුන් ලිපිය මා විසින්, මොරටුව සහකාර පොලිස් අධිකාරී වෙත බාරදුන්නා.

(13) 2019.03.06 වන දින මත්තේගොඩ පෙලීසියේ ස්ථානාධිපති ගේ උපදේස මත, 2019.03.07 දින මත්තේගාඩ පොලීසියට ගියා.

(14)2019.03.07 දින, ප්‍රකාශක් ගෙන කැස්බෑව මහේස්ත්‍රාත් අධිකරණයට ඉදිරිපත් කරන බව ප්‍රකාශ කළා.

(15) මත්තේගොඩ පොලිසියේ පො.කො. සිල්වා යන අය, මාව මත්තේගොඩ පොලීසියේ ජීප් රථයෙන් කැස්බෑව මහේස්ත්‍රාත් අධිකරණයට ඉදිරිපත් කිරීමට ගෙන යන බවට සටහන් යොදා, ගල්කිස්ස පොලීසියේ ජීප් රථයෙන් උසාවියට ගෙනයනු ලැබීය.

(16) අධිකරණයට කරුණු දැක්වූ මතතේගොඩ පොලීසියේ පො.කො. සිල්වා, අධිකරණයට ව්‍යාජ තොරතුරු වාර්තා කර, අධිකරණය නොමග යවා, දින 11 කට රිමාන්ඞ් බාරයට පත්කරනු ලැබීය.

මා ඉල්ලා සිටින්නේ,

මා විසින් සිදුකරන ලද සිද්ධියක් නිර්මාණය කර, මාව, අධිකරණය උපයෝගී කරගෙන දින 11 ක් රිමාන්ඞ් කරවීම මගින් මාගේ මූලික අයිතීන් උල්ලංඝනය කරන ලද මත්තේගොඩ පොලීසියට එරෙහිව නීතිමය පියවර ගන්නා ලෙසටය.

සැ.යු. මත්තේගොඩ පොලීසිය හා ගල්කිස්ස පොලීසිය මෙම නඩුවේ පැමිණිලිකාරිය හා ඇගේ දියණිය සමග පවත්වන්නා වූ අයුතු සම්බන්ධය මත මේ ආකාරයට ක්‍රියාකරන බව ප්‍රකාශ කරමි.
  
මෙයට
 අමිලා"