ඌරු-පාල - දුම්රියේ ඉඩම් විකුණුවා

මේ කථාව, මේ රටේ, පොළොවේ පය ගහලා ඉන්න මිනිස්සුන්ගේ කථාව.දුම්රිය දෙපාර්තමේන්තුවට අයත් රත්මලානේ තිබෙන ඉඩම් ගැන කථාවක්.

දුම්රිය දෙපාර්තමේන්තුව, එකල නීතියට අනුව, පාලට බද්දට/කුලියට, රත්මලාන දුම්රියපොළ පාර ට මුහණ තිබු ඉඩමක් (ප‍්‍රමාණය දන්නේ නෑ) දුන්නේ ‘ඌරන්’ ඇති කරන්න.

පාල ඌරන් ඇති කරපු නිසා අදටත් ඔහුව, ජිවතුන් අතර නැතත්, හඳුන්වන්නේ "ඌරු-පාල" නමින්.

1981 දී, "ඌරු පාලට" දිව්‍යඥණය පහළ වුනා. ඔහු ඌරන් ඇති කිරීම නැවැත්තුවා. දුම්රිය දෙපාර්තමේන්තුවේ ඉඩම ඔහු, ඉඩම් කට්ටි කලා. එ් මිණින්දෝරුවෝ දාලා නෙවෙයි. කණු ටිකක්, ලණු ටිකක් එකතු කරගෙන. 

දුම්රියපොළ පාරට මුහුණලා තිබූ ඉඩම් කට්ටියක්, වෙඩික්කාරගේ ගුණවතී සිල්වා මිළදී ගත්තා. එ් රුපියල් පහළොස් දහසකට. ඌරු-පාල කිව්වා, එතැන පර්චස් හතක් තියෙනවා කියලා. ඔප්පු නෑ. ලියකියවිලි නෑ. ප්ලෑන් නෑ. කට වචනයට. ඌරු-පාලට අභියෝග කරන්න කවුරුවත් එන්නේ නෑ. විශ්වාසයි.

එ් කට්ටියේ, වෙඩික්කාරගේ ගුණවතී සිල්වා, තට්ටු දෙකට කඩ කාමරයක් (ගෙයක්) හැදුවා. ප්ලෑන් නෑ. අවසර නෑ. ටික කාලයකින් එ් ගෙට පහළින් තවත් ගෙයක් හැදුවා. එ්කටත් ප්ලෑන් නෑ. අවසර නෑ. කාගෙන්වත් බාධාත් නෑ. 

දෙහිවල ගල්කිස්ස නගර සභාව වරිපනම් අංක දුන්නා. තක්සේරු කළා. හැම අවුරුද්දෙම "ටැක්ස්" එක ගෙවනවා.

සියල්ලම, නීත්‍යානුකූලයි. ලයිට් ගත්තා. ජලය ගත්තා. දැන් අංග සම්පූර්ණයි.

2014 දී, පහළ ගෙය, පිල්ලමානගේ සුනීතා නැමැත්තියට, විකුණුවා. රුපියල් දහතුන් ලක්ෂ පනස් දහසකට. එය නීත්‍යානුකූල බවට ලියවිල්ලක් නීතිඥයකු හදලා දුන්නා. පිල්ලමානගේ සුනීතා නැමැත්තිය එහි පදිංචි වුනා.

මේ වන විට, ගුණවතී සිල්වා, අබල දුබල වෙලා. ඇවිදින්නේ කිහිලි කරුවෙන්. දියවැඩයාව, ප්‍රෙෂර්.

පිල්ලමානගේ සුනීතා නැමැත්තිය, නීතිඥයා දීපු ලියවිල්ල අතුරුදහන් කළා. එ්ක ලියාපදිංචි කරලා නෑ. නීතිඥයා මැරිලා. 

පිල්ලමානගේ සුනීතා නැමැත්තිය, මේ වන විට, තමා ගත්තු ගෙය හා ඉඩමට, මායිම් කණු දාලා තාප්පයක් ගහන්න හදනවා. 

මේ තාප්ප බැඳිම තුළ, වෙඩික්කාරගේ ගුණවතී සිල්වා දැන් අසරණ වෙලා. ඉස්සරහා ගෙදර පිටිපස්ස ඔක්කොම පිල්ලමානගේ සුනීතා විසින් අල්ලාගෙන. 

ගුණවතී, ගල්කිස්ස පොලීසියට ගියා, පොලීසියේ, මහජන මිත‍්‍රශීලි මහත්වරු, නීතිය කථා කළා. කෝ ඔප්පු, කෝ ප්ලෑන්, ප‍්‍රශ්න අහන්න පටන් ගත්තා. මේක ”සිවිල්” ප‍්‍රශ්නයක්. පොලීසියට අත දාන්න බෑ. දිස්ත‍්‍රික් උසාවියේ නඩුවක් දාගන්න.

ගුණවතී මේ ගැන උරණ වෙලා ටිකක් හයියෙන් කථා කළා. විවිධ පැමිණිලි අංශයේ ලොකු මහත්තයට. "ආ යකෝ උඹට පු`ඵවන්ද පොලීසියේ හයියෙන් කථා කරන්න ....". ඔහු කාන්තා පොලිස් කොස්තාපල් වරියකට අණ කළා, වෙඩික්කාරගේ ගුණවතී සිල්වා අල්ලා කූඩුව ළඟ වාඩි කරවන්න කියා. විවිධ පැමිණිලි අංශයේ ලොක්කා ඇයව, උදේ 10.00 ට පොලීසයට පැමිණි ඇයව, හවස 6.00 වන තුරු කූඩුව ළඟ වාඩි කරවා තිබ්බා. 

වැඩක් නොවුනත් ඇය. එ් ගැන වැඩ බලන පොලිස්පතිට පැමිණිලි කළා.

මෙ කථාව පොදු කථාවක්. ඇය කියන විදියට රත්මලාන දුම්රියපොළ පාර දෙපස දුම්රිය දෙපාර්තමේන්තුවට අයත් ඉඩම් වල, නිවාස 3000 කට වඩා හදලා තියෙනවා. 

දුම්රිය දෙපාර්තමේන්තුවට සතයක්වත් ආදායම් නෑ.

මේ ප‍්‍රශ්නය ගැන කථා කරන එක බුද්ධිමත් අයට වටින්නේ නෑ. මොකද මේවා ගැන ෆෝස්ට් දැම්මට ආධාර ලැබෙන්නේ නෑ.

දශක ගණනාවක් පුරා නීතිය වල් වද්දවා තියෙනවා. සිද්ධාන්ත ගැන නම් කියන්න පු`ඵවන්.  

ගුණවතීගේ හඬට කන් දෙන්න.

01. සාමාන්‍යාධිකාරී

    ශ‍්‍රී ලංකා දුම්රිය දෙපාර්තමේන්තුව

    කොළඹ 10

02. පොලිස්පති

     පොලිස් මූලස්ථානය

     කොළඹ 01

පැමිණිල්ල විභාග නොකර, නිවසට පිවිසුම් මාර්ගය අවහිර කිරීමට ඉඩ දීම 

හා පීඩාවට පත් කිරීම.

වෙඩික්කාරගේ ගුණවතී සිල්වා, අවු: 70 යි. වැන්දඹු, දරුවන් 03 යි, ලිපිනය: ****රත්මලාන. දු.අ. 077 *****

2020.08.27 වන දින දීය.

මා ඉහත ලිපිනයේ පදිංචිව සිටින්නේ, 1981 සිටය. මා පදිංචි ඉඩම අයත් වන්නේ, ශ‍්‍රී ලංකා දුම්රිය දෙපාර්තමේන්තුවටය.

මා, මෙන්ම, මෙම රජයට අයත් විශාල ඉඩමේ, විවිධ තරාතිරම් වලට අයත්, නිවාස, 3000 ක් පමණ තිබේ.

මා ඇතුලූ, මෙම නිවාස වල පදිංචිකරුවන් කිසිවෙකුට, නීත්‍යානුකූල ඔප්පු නැත. පිඹුරු නැත. මැන මායිම් වෙන්කර නැත.

මා, මෙම ඉඩමේ බැලූ බැල්මට පර්චස් 07 පමණ වන කොටසක්, පාල නොහොත් ඌරපාල නැමැත්තාගෙන්, රුපියල් පහලොස් දාහකට ලබා ගත්තෙමි.

මා, මිළයට ගත් මෙම ඉඩමේ ගෙවල් දෙකක් හැදුවා. 

ප‍්‍රධාන පාර අයිනේ ඉදි කළ, දෙමහල් නිවසේ, වරිපනම් අංකය:25/ඊරැු6ල වේ. වදුලිය හා ජලය ලබාදී ඇත.

එම නිවසට පහළින් (පිටුපසින්* වරිපනම් 25/ඊරැු5ල අංකය දරන නිවස ඉදිකරන ලදි. එයට විදුලිය හා ජලය ලබාදී ඇත.

25/ඊරැු6 හා 25/ඊරැු5 යන නිවාස දෙකටම, එකම නමකට ඔප්පු ලබාදීමට නොහැකි බව දුම්රිය දෙපාර්තමේන්තුව ප‍්‍රකාශ කළ හෙයින්, ප‍්‍රධාන පාරට මුහුණලා තිබෙන, 25/ඊරැු6 නිවස, මාගේ දුව නමට ලියන ලදි.

25/ඊරැු6 දෙමහල් නිවස, දෙවන මහළ ප‍්‍රධාන පාරට සමාන්තරව පිහිටා ඇති අතර, බිම් මහලට ඇතුල්වීම කළ යුත්තේ, පිටුපස ෙදාරෙන්ය.

2014/05/16 දින, මා, 25/ඊරැු5 දරන නිවස, කොන්දේසි සහතිව රුපියල් දහතුන් ලක්ෂ පනස් දහසකට, පිල්ලමානගේ සුනීතා නැමැත්තියට, නීතිඥ මහතා ඉදිරිපිට ලියන ලද ලියවිල්ලකින් පවරනු ලැබීය.

වසර දෙකක පමණ කාලයක සිට, මෙම පිල්ලමානගේ සුනීතා නැමැත්තිය දැනට පදිංචි, දුවගේ නමට ලියන ලද 25/ඊරැු6 නිවස, බිම් මහලට ඇතුලූවීමට තිබෙන පාර අවහිර කරමින්, මාගේ විරෝධය නොතකා කොන්ක‍්‍රිට් කණු සිටවීමට පටන් ගන්නා ලදි.

මේ සෑම අවස්ථාවකම, මා, පොලීසියට ගොස් කරුණු කියා සිටියද, මෙම තැනැත්තියගේ බලපෑම් මත හා අයුතු සම්බන්ධතා මත, පොලීසිය කිසිදු ආකාරයක නීතිමය පියවරක් (එනම් මාර්ගය අවහිර කිරීම ගැන) ගන්නේ නැත.

මාගේ, නිවසට ඇතුලූවීම සඳහා වන පිවිසුම් මාර්ගය අවහිර කිරීම ගැන පැමිණිලි කළ විට, එම අයුතු සම්බන්ධකම් වලට යටත්ව, සිවිල් නඩුවක් දාන්න යැයි මට කියනවා.

මෙම රජයේ ඉඩම් වලට සිවිල් නඩු දාන්න බැරි බව පොලීසිය, හොඳාකාරවම දැනගෙන කටයුතු කිරිම ගැන 2020/07/29 දින, මා පොලීසියට ගොස් කරුණු කී විට, උරණ වූ ගල්කිස්ස පොලීසියේ, විවිධ පැමිණිලි අංශයේ නිලධාරියා, මට තර්ජනය කර, මාව අත්අඩංගුවට ගෙන, උදේ 10.00 සිට සවස 6.00 දක්වා, කූඩුව ඉදිරිපිට වාඩි කරවා තබන ලදි. 

මා, ආබාධිතයෙකි. ඇවිදීම දුෂ්කරය. දියවැඩියාවෙන් පෙළෙමි. හෘදයාබාදයකින් ද පෙළෙමි.

එසේ තිබියදී, නිවසට ඇතුලූවීම සඳහා පිවිසුම් මාර්ග අවහිර කිරීමේ වැරැුද්ද නිවැරදි කර, එ් පිළිබඳව ගත යුතු නීතිමය පියවර නොගෙන අසරණ මා පෙළන්නට ඉඩදී ඇත්තේ පොලීසියට මගෙන් ප‍්‍රයෝජනයක් නැති නිසා විය යුතුය.

මා ඉල්ලා සිටින්නේ,

දුම්රිය දෙපාර්තමේන්තුව මගින්, නිසියාකාරව, ඉඩම් වෙන් කර දෙන තෙක්, මා පදිංචි (දියණියගේ නමට ඇති) නිවසට ඇති පිවසුම් මාර්ගයට ඇතුල් වීම ස`දහා පැවරීමේදී එකඟ වූ කොන්දේසි වලට යටත්ව, ඉඩ ලබාදෙන ලෙසටය.

මෙයට,

වෙඩික්කාරගේ ගුණවතී සිල්වා