පසුගිය දා ශ්රේෂ්ඨාධිකරණය විසින් ලබාදුන් තීන්දුවක් සමග, 2010 ජනාධිපතිවරණයේ දී, නාවික හමුදාව යොදවාගෙන, එවර ජනාධිපති අපේක්ෂක සරත් ෆොන්සේකාට එරෙහිව මුද්රණය කරන ලද මඩ පෝස්ටර් තොගයක් සමග අරක්කු තොගයක් අත්අඩංගුවට ගැනීමේ සිද්ධිය යළිත් කරලියට පැමිණියේ ය.
සරත් ෆොන්සේකාට විරුද්ධව මඩ පෝස්ටර් හා අරක්කු පුරවා ගත් නාවික හමුදා ලොරිය, නාවික සෙබලූන් තිදෙනෙකු සමග අත්අඩංගුවට ගත්තේ එවකට කුරුණෑගල පොලීසියේ මූලස්ථාන පොලිස් පරීක්ෂක වික්රමනායක හා පරිපාලන අංශයේ ස්ථානාධිපති පොලිස් පරීක්ෂක කුමාරසිංහ විසින්ය.
මෙම අත්අඩංගුවට ගැනීම එදින මහත් ආන්දෝලනයට ලක්වූ අතර, පක්ෂ විපක්ෂ දේශපාලඥයින් හා ආධාරකරුවන් පොලිසිය වට කරනු ලැබීය.
උසස් පොලිස් නිලධාරීන් ද පැමිණි අතර, එම නිලධාරීන් අතර, වර්තමානයේ අපරාධ රැුසකට හවුල්වූ, එවක කුරුණෑගල ජේ්යෂ්ට පොලිස් අධිකාරී ලෙසට කි්රියා කළ වාස් ගුණවර්ධන ද විය.
වාස් ගුණවර්ධන, නාවික භටයින් සමග, ලොරිය හා මඩ පෝස්ටර් මුදාහරින ලෙසට, මූලස්ථාන පොලිස් පරීක්ෂකට හා පරිපාලන ස්ථානාධිපතිට නියෝග කළේය.
ඔවුන් එම නියෝගයට අවනත නොවූ විට, මෙම වාස් ගුණවර්ධන ලොරියේ, යතුර නාවික භටයින් අතට පත් කර, ඔවුන්ට පෝස්ටර් ද රැුගෙන යෑමට ඉඩ සලස්වන ලදි.
මැතිවරණයන් මහින්ද රාජපක්ෂ බලයට පත්විය. නීතිය ක්රියාත්මක කළ කුරුණැගල පොලීසියේ මූලස්ථාන පොලිස් පරීක්ෂකවරයා හා පරිපාලන ස්ථානාධිපතිවරයා දංගෙඩියට යැවීමට එවක පොලිස්පති මහින්ද බාලසූරිය හා වාස් ගුණවර්ධන ක්රියා කළේය.
මෙම පොලිස් නිලධාරීන් දෙදෙනා තමන්ට ලබාදුන්න ස්ථාන මාරු, කප්පාදු කළ උසස්වීම් ආණ්ඩුක්රම ව්යවස්ථාවෙන් සහතික කරන ලද මූලික අයිතීන් උල්ලංඝණය කිරීමක් ලෙසට ප්රකාශයක් නිකුත් කර, සහන ලබාදෙන ලෙසට ඉල්ලමින් ශ්රේෂ්ඨාධිකරණයට හමුවට ගියේය.
2010 දී, පවරන ලද නඩුව, විභාගයට ගත් ශ්රේෂ්ඨාධිකරණය එහි තීන්දුව 2019 අගොස්තු මස ප්රකාශයට පත් කරනු ලැබීය.
එම නඩු විභාගයේදී, හිටපු පොලිස්පති මහිනද් බාලසූරිය, සිරගතව සිටින වාස් ගුණවර්ධන ඇතු`ඵ වගඋත්තරකරුවන් වෙනුවෙන් පෙනී සිටි, නීතිපති නියෝජිතගේ තර්කය වී තිබුණේ, උසස් නිලධාරීන්ගේ නියෝග වලට ‘‘අවනත නොවීමේ’’ වරද, කුරුණෑගල පොලීසියේ එවක මුලස්ථාන පොලිස් පරීක්ෂක හා පරිපාලන නිලධාරී විසින් සිදුකර ඇති බවයි.
මෙම තර්කය ප්රතික්ෂේප කළ ශ්රේෂ්ඨාධිකරණය වැරදි නියෝග පිළිපැදීමට, පහළ නිලධාරීන් බැඳී නැති බවට වන පිළිගත් නීතිය, යළිත් සනාථ කළේය.
මෙහිදී ශ්රේෂ්ඨාධිකරණය උදාහරණයට ගෙන දැක්වූයේ 71 කැරැුල්ල කතරගම ජ.වි.පෙ. නායිකා මනම්පේරි ඝාතනය කිරීමේ නඩුවේ තීන්දුව හා සමෘද්ධි නිලධාරී දේශප්රිය ගේ නඩු තීන්දුය.
මෙම පොලිස් නිලධාරීන්ව මාරු කර තිබුනේ ”සේවා අවශ්යතාවය” යන පදය උපයෝගී කරගෙන ය. පදනම් රහිතව රාජ්ය නිලධාරීන්ව මාර කිරීමට, දෙපාර්තමේන්තු ලොක්කන් උපයෝගී කරගන්නා කුප්රකට වචනයකි සේවා අවශ්යතාවය යන පදය. මෙම ”පදය ද” මෙම නඩු තීන්දුවේදී විවේචනයට ලක් කර ඇත.
ලොකු කුඩා සියලූම රාජ්ය නිලධාරීන් මෙම තීන්දුව පාඩමට ගත යුතුය.
හිටපු පොලිස්පති, මහින්ද බාලසූරිය හා සිර ගෙදර සිටින වාස් ගුණවර්ධන, රුපියල් ලක්ෂ 5 බැගින් මෙම පොලිස් නිලධාරීන් දෙදෙනාට වන්දි වශයෙන් ගොවිය යුතුය. එ් අනුව මොවුන් දෙදෙනාට ගෙවන්නට සිදුව ඇති මු`ඵ වන්දි මුදල රුපියල් ලක්ෂ 10 කි.
එයට අමතරව, මෙම නිලධාරීන් දෙදෙනාට සිය`ඵම උසස්වීම් හිඟ වැටුප් සමග ගෙවීමට පොලිස්පතිට හා ජාතික පොලිස් කොමිෂමට නියෝග කර ඇත.
මෙම තීන්දුවේ, නියෝග ක්රියාත්මක කිරීම සඳහා නිශ්චිත කාල වකවානුවක් අධකරණය නියම කර නොමැත. එම නිසා වන්දිය මෙන්ම, උසස්වීම් හා හිඟ වැටුප් ලබාදීමට කොපමණ කාලයක් ගතවේද යන්න ප්රශ්නයකි.
මෙම පොලිස් නිලධාරීන් දෙදෙනා වෙනුවෙන් පෙනී සිටියේ, පුලස්ථි හේවාමාන හා නිලානි විදානගමගේ යන නීතිඥවරුන්ගේ උපදෙස් මත ජනාධිපති නීතිඥ ජේ.සී. වැලිඅමුණ මහතාය.
