දේශිය සංස්කෘතියට හානිවන —ඇදුම—












ලංකාවේ පුරවැසියන්ට විශේෂයෙන්ම කාන්තාවන්ට දේශීය සංස්කෘතියට හානිවන ඇඳුම් ඇඳීම ලබන වසරේ සිට තහනම් කෙරෙන නීති පනවන බව සංස්කෘතික හා කලා කටයුතු පිළිබඳ ඇමති ටී බී ඒකනායක මහතා මාධ්‍ය වෙත අදහස් දක්වමින් ප්‍රකාශ කළේය.

ගොසිප් ලංකා වෙබි අඩවිය මේ පලකර ඇත්තේ රාජපක්ෂ ආණ්ඩුව කරන්නට යන තවත් ගොසිප් වැඩකි. ඔවුන්ට ( බලධාරීන්ට ) අනුව ලංකාවේ අද පවතින බරපතලද සංස්කෘතික ගැටලුව ඇග පෙන්න ඇදුමි ඇදිමය. ලංකාවේ උතුරේ සිට දකුණටත් ඉහළ සිට පහළට ව්‍යාප්තව ඇති නීතිය නොමැතිකම, මානව හිමිකමි උල්ලංඝනය සහ අල්ලෂ හා දුෂණය නැමති සංස්කෘතිය මේ ගොසිප් බළධාරින්ට පෙනෙන නමුත් කරබාගෙන සිටිති. නැතිනමි ඇදුම නැමති සංස්තෘතික අංගය පෙරට දමා සාමන්‍යය ජනතාවගේ අවධානය වෙනතකට හරවයි.

ඇදුම සිමාකිරිම යනු නිදහස සිමා කිරිමයි. නිදහස සිමාකිරිම යනු වහල්බාවයට අවශ්‍යය පසුබිම නිර්මාණය කිරිමකි. එවිට මිනිසා තවදුරටත් සජිවි සත්වයෙක් නොව මළ සත්වයෙකි. මිනිසා තුළ නිදහස්ව සිතන්නට ඇත්ත ඇති සැටියෙන් දකින්නට නිර්මාණශිලිත්වය යන සියල්ල මෙමගින් මොට කිරිමක් නොව මරා දැමිමක් සිදුවේ.

ඇත්තටම අපේ සංස්කෘතිය කුමක්ද?

අපට ළමයෙකු පාසලට ඇතුලත් කිරිමට අධ්‍යාපන බළධාරින්ට අල්ලසක් දිමට සිදුවේ. එසේ නොවන්නේ ඉතාමත් කළාතුරකිනි. පාසල් වලදි හංසනය භාවිතයට ගැනේ. ප්‍රධාන විභාග වළදි බළධාරින්ගේ නොසැලකිල්ල ඉහවහා ගොසිනි. පොලිසියට පැමිණිල්ලක් දැමිමට ගියවිට පොලිස්කාරයාගේ ජංගම දුරකථනයට රිලෝඩි දැමිමට බෝහො අවස්ථා වලදි සිදුවේ. පොලිසිය අපරාධ විමර්ශනයට භාවිතා කරන්නේ වධහිංසාව නැමති සංස්කෘතියයි. අමිමලා කෝපයට පත්වුවිට දරුවන් පොලේ ගසති. මහදවල් නාරාහේන්පිට සර්පන්ටයින් හංදියේ වැන්රථයක ගමන් කරමින් සිටි මිනිසුන් දෙදෙනෙකු මරා දැමිමේ හරියටම ත්‍රාසජනක චිත්‍රපටි ජවනිකාවක් ලෙසිනි.

මෙන්න අපේ රටේ වෘත්තිකයින්ගේ සංස්කෘතිය ගැන ඇසිමට හා දැකිමට ලැබෙන දේ.

ප්‍රතිකාර ගැනීමට ආ පාසල් දැරියන් නිරුවත් කැර වීඩියෝ ගත කළැයි කියන වෛද්‍යවරයෙක් ජනවාරි පස්වැනිදා තෙක් රිමාන්ඩ් කරන ලෙස මාවනැල්ල මහේස්ත්‍රාත් එස්.යු.බී. කරල්ලියද්ද මහතා අද (2010. 12. 22) නියෝග කෙළේය.

කොළඹ ප්‍රධාන මහේස්ත්‍රාත් නිල මුද්‍රාව ව්‍යාජ ලෙස සකසා මහේස්ත්‍රාත් අත්සන ද හොරට ගැසී යැයි කියන නීතිඥවරියක රුපියල් ලක්ෂය බැගින් වූ ශරීර ඇප දෙකක් සහ රුපියල් 25000ක මුදල් ඇපයක් මත මුදාහරින ලෙස නියම කළ කොළඹ ප්‍රධාන මහේස්ත්‍රාත් රශ්මි සිංගප්පුලි මහතාල අනෙක් සැකකරු රු. ලක්ෂය බැගින් වූ ශරීර ඇප දෙකක් මත මුදාහැරීමට නියම කෙළේය (ලංකාදීප)

ඇදුම නැමති සංස්කෘතික අංගයට මුවාවි ඉහත අමානුෂික එමෙන්ම බරපතල තත්වයන් අමතක කිරිම හා නොසලකා හැරිම බරපතල ෙඛදවාචකයකි. මෝඩකමකි. විහිලුවකි.





හර්ෂි සි. පෙරේරා විසින් ලංකා ගාඩියන් වෙබ් අඩවියට ලියු ලිපියකි.

Post a Comment

1 Comments