බුලත්සිංහල පොලිසි‍ය නඩු හදයි. සාක්ෂිත් හදයි.

























සැරයන්චිත‍්‍රානන්ද රබර් හෝසයකින් බටයකින් විජේකුමාරට පහර දි කොළවලට අත්සන් අරන් පයින් ගසා පන්නා දමයි.
සිද්ධිය අදාලව විජේකුමාර, මානව හිමිකම් කොමිෂන් සභාව, ජාතික පොලිස් කොමිෂන් සභාව, පොලිස්පති හා කළුතර පොලිස් අධිකාරී වෙත කරන ලද ලිඛිත පැමිණිල්ල පහත දක්වමු.
"වෙට්ටුවෙල් විජේකුමාර වයස අවු: 28 යිවිවාහකදරුවන් 02යිරැුකියාව: කුළී වැඩලිපිනය බුලත්සිංහල.2010. 12. 13 වන දින දීය.
2010. 12. 11 වන දින උදේ 11.00 ට පමණ මා විජේරාජ් සමග කොණ්ඩය කැපීම සඳහා බුලත්සිංහල නගරයේ තිබෙන සැලූන් එකකට ගියා.
විජේරාජ්ගේ කොණ්ඩය කපනතුරු මා සැලූන් එක ඇතුළේ වාඩිවී සිටියා. එවිට සිවිල් ඇඳුමින් සැරසුණු පුද්ගලයන් දෙදෙනෙකු සැලූන් එක ඇතුළට පැමිණ. මාගේ අතින් අල්ලා මා නැගිට්ටවාමගේ බෙල්ලෙන් අල්ලා බෙල්ලට පහරක් ගසාඅපි පොලිිසියෙන්උඹ සින්නයිදඋඹට තව නමක් තියෙනවනේදඋඹේ ඇත්ත නම කියපන් කියා කිව්වා. මා මගේ නම විජේ කුමාර බව කිව්වා.
මාව අතින් ඇදගෙන සැලූන් එකෙන් එළියට අරගෙන ආවා. එතන නවතා තිබුණු යතුරුපැදියේ මාව වාඩිකරගෙන ඔවුන් දෙදෙනා මාව බුලත්සිංහල පොලිසියට එක්කගෙන ගියා. පසුව පොලිසියේ තිබුණු පුටුවක් පෙන්වා එහි වාඩිවී සිටින ලෙස කිව්වා. ඒ අසල තිබුණු මේසයක් ළඟ වාඩිවී මාව ගැනීමට ගිය නිලධාරියෙකු කොල දෙකකම මොනවද ලිව්වා. ඒ ලියන ගමන් ඔහු මාගේ නමලිපිනයදුරකථන අංකය විමසා සිටියා. විවාහවෙලා සිටින්නේ කොහේද කියලා ඇහුවා. මම ඒ තොරතුරු කිව්වා. මට දුරකථන අංකයක් නොමැති නිසාමාගේ මස්සිනා වන රවී යන අයගේ දුරකථන අංකය කිව්වා.
ඔහුගේ නම චිත‍්‍රානන්ද බවත් ඔහු පොලිස් සැරයන්වරයෙකු බවත්ඔහුට අනිත් පොලිස් නිලධාරින් කතා කිරීමේදී දැනගත්තා. ඔහු මට එම කොල දීලා අත්සන් කරන්න කිව්වා. මම හේතුව ඇහුවා මොකටද කියලා. එවිට තමුන්ට ඒකෙන් වැඩක් නෑතමුන්ට හානියක් වෙන්නේ නෑ මේකේ අත්සන් කරපන් කිව්වා. මම බෑ කිව්වා. ඔහු පුටුවෙන් නැගිටලා ඇවිත් මට පයින් ගැහුවා� එම පහර මගේ පපුවට වැදුණා.
ඒ් සමගම අනිත්් ගිය නිලධාරියා ඇවිත් මගේ බෙල්ල ප‍්‍රදේශයට අතින් ගැහුවා. ඊට පසු නැවතත් අත්සන් කරපන් කියා චිත‍්‍රානන්ද නිලධාරියා කිව්වා. මම බැහැම කිව්වා. එවිට චිත‍්‍රානන්ද නිලධාරියා අනෙක් නිලධාරියාට මූව නැගිට්ටවගෙන අල්ලා ගෙන හිටපන් කියාකාමරයකට ගියා� අනෙක් නිලධාරියා මාව නැගිට්ටවාගෙන අල්ලාගෙන හිටියා.
චිත‍්‍රානන්ද නමැති නිලධාරියා ගිහින් එහි තිබුණු රබර් හෝස් බටයක් ගෙන මට පහරදුන්නා. අනෙක් නිලධාරියා මාව අතහැර ටිකක් එහාට වෙලා බලාගෙන හිටියා. තවත් නිලධාරියෙකු ඇවිල්ලා ඇයි මේ ගහන්නේ කියලා ඇහුවා. එවිට චිත‍්‍රානන්ද නිලධාරියා කිව්වා වැලි සම්බන්ධව ගත්තා කියලා.
චිත‍්‍රානන්ද නිලධාරියාඇහුවා දැන් මොකද කියන්නේ කියලා. මම අත්සන් කරන්න බෑ කිව්වා. ඔහු නැවතත් මට පහරදුන්නා. මට වේදනාව දරාගන්න බැරුව මම කෑ ගැහුවාඅනේ සර් ගහන්න එපාමම කරපු වැරැුද්දක් නෑමට ගහන්න එපා කියලා මම වැන්දා. නමුත් ඔහු මට ගැහුවා.
එසේ ගහන විට මා වැඩ කරන තැන කොන්ත‍්‍රාත්කරු වන රේණුක නමැති අය එතැනට එනවා මම දැක්කා. එවිට චිත‍්‍රානන්ද නමැති නිලධාරියා රේණුක ඔයා යන්න යන්නමම ඉන්ක්වයර් එකක ඉන්නේ කියා කිව්වා. එවිට රේණුකමගේ ගාව වැඩ කරන සේවකයෙක් ඒකයි බලන්න ආවේ කියා කිව්වා. එවිට චිත‍්‍රානන්ද නිලධාරියාඋඹ ගියේ නැත්නම් උඹලා දෙන්නවම අල්ලලා කූඩුවට දානවා කියා කිව්වා. එවිට රේණුක ගියා.
ඒ වෙලාවේ මම ටී ෂර්ට් එකක් ඇඳලා හිටියේ. නමුත් වැදුණු පහරවල් වලට තදින් වේදනා දුන්නා. මම කෑ ගහනකොට ඔහු මගේ අතට පෑන දීලා දැන්වත් අත්සන් කරපන් කිව්වා. මම කිව්වා මම වැරැුද්දක් කරලා නෑ කියා. මම පෑන ගත්තේ නෑ. එවිට ඔහු පෑන ගනින් කියලා මගේ අතට ගැහුවා. මට ආයෙත් ගහයි කියන බයට මම පෑන අරගෙන අත්සන් කළා.
නමුත් එහි තිබුණු දේවල් සිංහලෙන් ලියලා තිබුණේ. මට සිංහල ලිවීමට හෝ කියවීමට බැහැ. එහි ලියා තිබුණු දේවල් මොනවද කියලා මම දන්නේ නෑ. ඔහු මට කියවා තේරුම්කර දුන්නෙත් නැහැ. ඔහු දැන් උඹව මම දොට්ට දානවාඋඹ සිරියාවතීලගේ ගෙදර යන්න බැහැසිරියාවතීලාගේ ගෙදර ගිහින් අහුවුණොත් උඹේ අතපය කඩනවාමම මේ අත්සන් ගත්තේ සිරියාවතීගේ වැලි නඩුව ඔප්පු කරන්න� කියා ඔහු මගේ පිටිපස පැත්තට පයින් පහරක් ගසා පලයං කිව්වා. මම පොලිසියෙන් පිටවී ආවා. ඒ වන විට මගේ ඇඟ හැම තැනම තුවාලවී තිබුණා. එම තුවාල වේදනා දුන්නා.
මම ගෙදර එන්න ටවුන් එකට එනවිටරේණුකගේ මාමා වන විජේරත්න හමුවුණා. ඒ වන විට වෙලාව දහවල් 12.00 පමණ විය. මම ඔහුට සිදුවූ සිද්ධිය කිව්වා. මට චිත‍්‍රානන්ද නමැති නිලධාරියා පහරදීමෙන් ඇතිවූ තුවාලද ඔහුට පෙන්නුවා. ඔහු මාව ත‍්‍රීවිල් එකක නංවාගෙන සිරියාවතීගේ ගෙදරට එක්කගෙන ගියා. මම සිරියාවතීගෙන් ඇහුවාමොකක්ද ඔයාට දාපු නඩුවමට මෙහෙට එන්න එපා කියලා පොලිසියෙන් කිව්වා. මට ගහලා කොලයකට අත්සන් අරගත්තා කියලා කිව්වා.
පසුව සිරියාවතී පොලිසියට යනවා කියලා ගියා� විජේරත්න මාව රේණුකගේ ගෙදරට එක්කගෙන ගියා. යනවිට රේණුක ගෙදර සිටියා� ඔහුට මම මගේ තුවාල පෙන්නුවා. ඔහු කිව්වා මට ගහනවා ඔහු දැක්ක බව. පසුව එතැනට සිරියාවතීත් ආවා. සිරියාවතී කිව්වා 2010. 12. 01 වෙනිදා ඇයගේ ගෙදර තිබුණු වැලිපොලිසිය ඇය ගෙදර නැති වෙලාවේ රැුගෙන ගොස් ඇති බවත්ඇය ඒ පිළිබඳව පොලිස්පතිවරයාට පැමිණිලි කළ බවත්චිත‍්‍රානන්ද නිලධාරියාව දැන් හමුවී විමසූ බවත්එහිදී ඇගේ නඩුව ඔප්පු කිරීමට මාව අත්අඩංගුවට ගෙන අත්සන් ගෙන ඇති බව කිව්වා.
පසුව මමත් සිරියාවතීත් රේණුකගේ මාමාත් මතුගම සහකාර පොලිස් අධිකාරීවරයාට පැමිණිලි කිරීමට ගියා. ඒ වන විට වේලාව සවස 4.00 පමණ ඇති. සහකාර පොලිස් අධිකාරිවරයාට පැමිණිල්ල කියා සිටියා. තුවාලද පෙන්නුවා. එවිට ඔහු කිව්වාදැනට පැමිණිල්ල ලියාගන්න කව්රුත් නෑමිස්ලා ගෙදර ගිහිල්ලාහෙට උදේට එන්න සිරියාවතීගේ සිද්ධියට නඩු දාලා තියෙන්නේපොලිස්පතිවරයාට පැමිණිලි කරලා තියෙද්දීත් මෙයාව අත්අඩංගුවට අරගෙන ගහපු එක ගැන තමයි මට විභාග කරන්න තියෙන්නේමෙයාට වෛද්‍ය ප‍්‍රතිකාර ලබාදෙන්න කියලා කිව්වා.
පසුව මම පිඹුර රජයේ රෝහලට ගියා. වෛද්‍යවරියට කිව්වාපොලිසියෙන් පහරදී තුවාල සිදුවී ඇති බව. ඇය මාව පරික්ෂාකර බලා නාගොඩ රෝහලට යවන බව කියා මාව රෝහලේ නතරකර ගත්තා. එදිනම රාත‍්‍රියේ මාව නාගොඩ රෝහලට මාරුකර යැව්වා. නාගොඩ රෝහලේ 5 බී වාට්ටුවේ මා ප‍්‍රතිකාර ලැබුවා. රෝහල් පොලිසිය මගෙන් ප‍්‍රකාශ සටහන් කරගත්තා. අධිකරණ වෛද්‍යවරයාද මා පරික්ෂාකර බලා සටහන් කරගත්තා. 2010. 12. 12 වන දින සවස රෝහලෙන් මාව නිදහස් කළා.
�2010. 12. 13 වන දින මා මේ පිළිබඳව නැවත පැමිණිලි කිරීමට මතුගම සහකාර පොලිස් අධිකාරිවරයා හමුවීමට ගියා. ඔහු සිටියේ නැත. පසුව සිරියාවතී සමග ඇයට පොලිස් මූලස්ථානයෙන් නිකුත් කරන ලද ලිපියද රැුගෙන කළුතර පොලිස් අධිකාරීවරයා හමුවීමට ගියා� ඔහුට මේ පිළිබඳව කියා සිටියා. එහිදී ඔහු මතුගම සහකාර පොලිස් අධිකාරිවරයා හමුවන ලෙසසිරියාවතී විසින් දෙන ලද ලිපියේම සටහනක් යොදා දුන් බව ප‍්‍රකාශකර සිටිමි.
චිත‍්‍රානන්ද නමැති පොලිස් සැරයන්වරයා පහරදීමෙන් ඇතිවූ තුවාල කැළැල් මේ දක්වාම මගේ ශරීරය පුරාම පවතින බවද ප‍්‍රකාශකර සිටිමි."

Post a Comment

0 Comments