නිළධාරි හිගය

නො 33, චිනමිනි නිවාස, වැලිමතුගොඩ, බලපිටිය පදිංචි සුමිත්‍රා ද සිල්වා වයස අවුරුදු 40ක අවිවාහක කාන්තාවකි.

ඇයව වරෙන්තුවකට කියා අහුංගල්ල පොලිසියට ගෙනවිත් ඇත. එහිදි උප පොලිස් පරීක්ෂකවරයෙක් ඇගේ හිසට සහ කකුල් වලට පහර දෙන ලදි. ඇයව 2010.10.10 දින බලපිටිය රිමාන්ඩි සිර මැදිරියට ගෙනවිත් ඇත. ඇයට විරුද්ධව පොලිසිය විසින් ව්‍යාජ චෝදනා මත ගොනුකර ඇති නඩුවේ අංකය 72316 වේ.

රිමාණ්ඩි සිරමැදිරියේ 12 දෙනෙකු සිටියත් එහි ඉඩකඩ 12 දෙනෙකුට ප්‍රමාණවත් නැත. තදබදය අධිකය. වැසිකිලි ඇත්තේ එකකි. නාන්න භාවිතා කරන පයිප්පය තිබෙන්නේ වැසිකිලිය අසලය. මේ නිසා සුමිත්‍රා එහි සිටි දවස් කිහිපයේදිම ස්නානය කර නැත. ඇයට කැම බිම සපයා ඇත්තේ ඇගේ ඥාතින් විසිනි. අනිත් අය සිරගෙදරින් සපයන කෑම ආහාරයට ගත නොහැකි බවට නිළධාරින්ටද පැමිණිලි කරති.

ඇයව සිරගෙදරට රැගෙන ආ දින කුඩා දරුවකුද සමග රිමාන්ඩි සැකකාරියක් සිට ඇත. එම කාන්තාවගේ කන ඇතුලට කුඩා සතෙක් ගොස් ඇත. එම කාන්තාව මහ හඩින් කෑගසමින් නිළධාරින් ගෙන් ඉල්ලා සිටියේ තමාව රෝහලකට ගෙන යන ලෙයසි. කෙසේනමුත් මුලින් නිළධාරින් අඩු බව ප්‍රකාශ කළද පසුව ඇයව රෝහලට ගෙන යන ලදි. 



හර්ෂි සි. පෙරේරා විසින් ලංකා ගාඩියන් වෙබ් අඩවියට ලියු ලිපියකි.

Post a Comment

0 Comments