සුදු පාට වෑන් එකකින් ඇවිත් ඇස් බැඳලා අරන් ගිහිල්ලා වධ දුන්නා.

මිරිහාන් පොලීසියෙන් කියලා අත් අඩංගුවට ගත්තේ. ගෙනිච්චේ රත්නපුර පොලීසියට. වධ දිලා ලක්ෂ 27 ක රබර් හොරකම් කලා කියලා බොරු නඩුවක් දැම්මා. පොලීසිය වුනත් මිනිසුන්ව පැහර ගෙන යෑම ත‍්‍රස්ත ක‍්‍රියාවක්.

34හැවරිදි තරංග වල්පිට, හොරණ ප‍්‍රදේශයේ ව්‍යාපාරික යෙක්. රත්නපුර ප‍්‍රදේශයේ රබර් තොගයක් සොරකම් කල බවට චොදනා කරමින් 2014.02.26 දින, ඉංගිරිය පොලිසියේ, අපරාධ අංශයේ විජේරත්න ප‍්‍රමුඛ නිලධාරින් පිරිසක් අත්අඩංගුව ගෙන පොසීසියට ගෙන ගොස් සොරකම බාර ගන්නා ලෙසට ඉල්ලා තිබේ.

නොකල දෙයක් බාර ගන්නට බැරි බව පැවසිමෙන් අනතුරුව හොරණ මහෙස්ත‍්‍රාත් අධිකරණයට ඉදිරිපත් කරන සු`ථ සොරකම් දෙකකට සැක කරන බව පවසමින්ය. එම චොදනා වලට ඔහුව ඇප මත් මුදා හැරිමට අධිකරණය නියම කළේය.

ඇප මත නිදහස්ව අධිකරණයෙන් එලියට එව විට ඔහුව පැහැර ගැනීමට සුදු පාට වෑන් එක්ක අධිකරණයෙන් පිට නවතා තිබෙන බවට දැන ගැනීමට ලැබි තිබේ. නිතිඥ උපදෙස් මත ඔහු ඇප කොන්දේසි සපුරන්නේ නැතිව රිමාන්ඞ් බාරයට පත්විය.

දවස් හයක් ඔහු සිය කැමැත්තෙන් රක්ෂිත බන්ධනාගාර ගතවී සිට ඇප තබා නිවසට පැමිණ, තම ව්‍යාපාරික කටයුතු වල නිරතව සිටින අතර, මාස පහකට පසුව, එනම්, 2014 ජූලි 12 වන දින, දහවල් 12.00ට පමණ, නිල ඇඳුමින් සැරසුණු එක් පොලිස් නිලධාරියෙක් හා සිවිල් ඇඳුමින් තුන්දෙනෙක් පැමිණ, තමන් මිරිහාන පොලිසියෙන් කියා, ඔහුව අත්අඩංගුවට ගෙන, අත්පිටුපසට කොට මාංචු දමා, සුදුපාට වෑන් රථයකට නංවා ගෙන රැුගෙන යන ලදි.

ඔහු පවසන පරිදි වෑන් රථය, ඉඩංගොඩ දෙසට ගොස්, නැදුම් විහාර පාරට හරවා, එම පාරේ පවත්වාගෙන යන ගල් මෝල අසලදී, වාහනය නතරකර, නිල්පාට රෙද්දකින් මාගේ ඇස් බැඳ වාහනයේ සීට් අතර බිම වාඩි කරවා ඇත.

 පැය බාගයකට පමණ පසුව වාහනය නතර කර, ගොඩ නැගිල්ලක් තුලට ගෙන ගොස් දණ ගස්සා  අතින් පයින් පහර දෙමින් වධ දී දෙන ලදි. එසේ වධ දෙමින්, රබර් ලොරියක් සොරකම් කිරීම පිළිගන්න ලෙසට බල කර තිබේ.

එසේ වධ දීමෙන් පසුව ඔහුව තවත් තැනකට ගෙන ගොස් ඇස් බැඳ තිබු රෙදි කඩ ලිහි ඇත. එම ස්ථානය රත්නපුර පොලිසියේ රිසව් එකය. එතැනින් අපරාධ අංශයට ගෙන ගොස් තිබේ. එතනදී, රත්නපුර පොලිසියේ අපරාධ අංශයේ, ස්ථානාධිපති අමරසිංහ ඔහුට පහර දී තිබේ.

පසුදින (13 ඉරිදා*, ඔහුව පැහැර ගෙන ගිය, සුදුපාට වෑන් එකෙන් හොරණට ප‍්‍රදේශයට ගෙනවිත් එම ප‍්‍රදේශයේ රබර් මිළ දී ගන්නා කඩ වලට ගෙන ගොස් ප‍්‍රකාශ ලබා ගෙන ඇත. එම සුදු පාට වෑන් එක රබර් නැතිවූ බව කියන කඩයේ මුදලාලි ගේ බවත්, වෑන් එක එලෙව්වේ, එම මුදලාලි පුතා බවත් පසුව දැනගන්ට ලැබී තිබේ.

පසුදින රත්නපුර මහේස්ත‍්‍රාත් අධිකරණයට රබර් සොරකම් කිරීම යන චෝදනාව යටතේ ඉදිරිපත් කර තිබේ. අධිකරණය රුපියල් ලක්ෂ විසි හතක සහතික ඇපයක් මත මුදහැරියද, ඇප තැබීමට නොහැකිව දවස් 18ක් කුරුවිට බන්ධණාගාරයේ ඉන්නට  සිදුවී තිබේ.

නිදහස්ව පැමිණී ඔහුට, රබර් නැතිවූ බව කියන රත්නපුර පලාවෙල රබර් ස්ටෝර්ස් අයිතිකරුගේ අවශ්‍යතාවය මත, එම අයිතිකරුව පිනවන්න එම අයිතිකරුගෙන් ලබාගන්නා අල්ලස්වලට සොරකමට තමාව ආදේශකයකු කරන්න උත්සාහයක් දරන බව ඔහුට දැනගන්නට ලැබුන බව ප‍්‍රකාශ කරයි.

ඔහු නොකල අපරාධයකට සම්බන්ධ කිරීමට රත්නපුර පොලිසියේ අපරාධ විමර්ශණ අංශයේ ස්තානාධිපති අමරසිංහ, එම පොලිස් ස්ථානයේ උ.පො.ප.තුෂාර හා ඉංගිරිය පොලිසියේ අපරාධ විමර්ශණ අංශයේ ස්ථානාධීපති විජේරත්න යන අය, නීති විරෝධීව අත්අඩංගුවට ගෙන, වධ දී, බොරු චෝදනා නැගීම ගැන, එකී නිලධාරීන්ට එරෙහිව නීතිමය පියවර ගන්නා ලෙසට පොලිස්පති ගෙන් සහ මානව හිමිකම් කොමිෂන් සභාවෙන් ඔහු ඉල්ලා සිටි.
Share on Google Plus

About janasansadaya

This is a short description in the author block about the author. You edit it by entering text in the "Biographical Info" field in the user admin panel.
    Blogger Comment
    Facebook Comment

0 ලිපිය පිලිබඳ අදහස් :

Post a Comment