Thursday, July 9, 2020

නීතිපති පොලිසියට දෙහි කපන විට, පොලිසිය නීතිපතිට කොකා පෙන්වයි.




නාකොටික් එකේ නිලධාරීන් - කුඩු ජාවාරම් කොටස් කාරයින් බවට හෙළිවූ පසුව, තම පව්, පොලිසිය පිටින් යවන්නට උත්සාහ දැරූ නීතිපතිට පොලිසිය කොකා පෙන්වන හැටි මේ සරළ, එහෙමත් නැත්තම් ‘‘සු`ඵ’’ සිද්ධියකින් රටටම හෙළි කරන්නේ - මතුගම පේමවතීය. ඇය 60 හැවිරිදි දෙරු මවකි.

ඇය මතුගම පොලිසියට ගියේ, ඇයට සිදුකල පහර දීමක් ගැන පැමිණිල්ලක් දැමීමටය. ඇයට පහර දුන්න බව කියන තැනැත්තිය සමග පොලිසිය හාදකම් පවත්වන නිසා දෝ ඇයට සිදු වූයේ ,වදින්නට ගිය දේවාලය හිසට කඩා වැටීමට, නොදෙවෙනි වූ කටුක අත්දැකීමකටය.

පැමිණිලි කාරිය වූ ඇයට, කුඩුවට දමන්නට තරම් ,පොලිස් ලියෝ , සියුමැලි විය.

ඇය තමාට අත් විදින්නට සිදුවූ ගැහැට පිළිබදව, බොහෝ දෙනාමෙන්, කර්මයට හෝ දෙවියන්ගේ කැමැත්තට හෝ ඉඩදී බලා නිහ`ඩ නොවීමට දැඩිව අධිෂ්ඨාන කර ගත්තේය.ඇය මානව හිමිකම් කොමිෂමට ලිව්වේය. වින්දිතයින් ආරක්ෂා කිරිමට පිහිටුවා ඇති ජාතික අධිකාරියට ලිව්වේය. වැඩක් නම් වූයේ නැත.පොලිසිය ගුටිකාපු පේමවතීටද, ගහපු සුජීවාට ද ,ඌ මූට ගැහුව්වා, මූ ඌට ගැහුව්වා, ක‍්‍රමයට දෙදෙනාටම වෙන වෙනම නඩු දැම්මේය.

නඩු දාට, සුජීවා විත්ති කූඩුවට නැග බැස්ස විට, පේමවතී විත්ති කූඩුවට නගින්නේය.පොලිසිය අධීකරණය පාවිච්චි කරමින්, කරගෙන යන, විගඩම ගැන, පේමවතී නීතිපතිට ලිව්වේිය.නීතිපති වහාම ක‍්‍රියාත්මක විය. ඒ පිළිබදව පොලිසියෙන් කරුණු විමසා සිටියේය. පොලිසිය පළමුව, නීතිපතිට කරුණු විකෘති කර නීතිපති නොමග යැවීය. පොලිසියේ පිළිතුර නීතිපති පේමවතීට දැන්වීය. පේමවතී, බුද්ධිමතියක් නම් නොවේ. නමුත් ඇයට ලියන්නට කියවන්නට හැකියාව තිබේ. එම නීතිපතිගේ ලිපියට, පේමවතී පිළිතුරු ලිපියක් යවන ලදි. එය පහත දක්වමු.


අවධානය: දිලීප පීරිස් මයා
                නියෝජ්‍ය සොලිසිටර් ජනරාල්


පේ‍්‍රමවතී
මතුගම
2020.06.10

නීතිපති
නීතිපති දෙපාර්තමේන්තුව
උපරිමාධිකරණ සංකීර්ණය
අ`ඵත් කඬේ
කොළඹ 12

මතුගම මහේස්ත‍්‍රාත් අධිකරණය නඩු අංක: 60271 චූදිතව 
බේරා ගැනීම සඳහා වැරදි ආකාරයට චෝදනා පත‍්‍රය ඉදිරිපත් කිරීම.

ඔබගේ MP/487/2019  හා 2020.01.07 දාතමින් යුතු ලිපිය හා බැඳේ.

මා විසින්, මතුගම මහේස්ත‍්‍රාත් අධිකරණයේ පවතින 60271/19 නඩුව අදාළව ඉදිරිපත් කරන ලද කරුණුවලට පිළිතුරු වශයෙන්, එවා ඇති ඉහත ලිපියට අනුව යළිත් වරක් මතුගම පොලීසියේ ස්ථානාධිපතිවරයා, ඔබ මුලා කර ඇති බව ප‍්‍රකාශ කරමි.

මා සැකකාරිය කරමින් පවරා ඇති 60271/19 නඩුව මේ දක්වාම සමථ වී නැත. ඒ බව 2020/01/30 නඩු වාර්තාවෙන් සනාථ වේ.

මීළඟ නඩු දිනය : 2020.07.16 වේ. ඔබගේ දැන ගැනීම සඳහා 60271/19 නඩුවේ, කාර්ය සටහන්වල ඡායා පිටපත හා ඔබගේ MP/487/2019  හා 2020.01.07 දාතමින් යුතු ලිපියේ ඡායාස්ථ පිටපත මේ සමග අමුණා එවමි.

මේ සම්බන්ධයෙන් ඔබගේ අවධානය යොමු කරන ලෙසට හා නිසි පියවර ගන්නා ලෙසට ඉල්ලා සිටිමි.

මෙයට,
අ.ක/ පේ‍්‍රමවතී



Facebook වල ‘‘බුද්ධිමතුන්’’ ලෙසට පෙනී සිටිමින්, බහුතරය මෝඩයින් ලෙසට හදුන්වන අයගෙන් ඉල්ලා සිටින්නේ, මෙම ලිපිය ආදර්ශයට ගන්න. වෙනස් කල හැකි රටක අප සිටිමු. 

No comments:

Post a Comment