ඉහළයින්ගේ ආශිර්වාදයෙන් දුම්රිය මැරයෝ මගින්ට පහර දෙති.

පහර දුන්නේ සී.සී.ටී.වී. කැමරා ක්‍රියා විරහිත කරලා. මැරයින්ට දුම්රිය ආරක්ෂකයින්ගේ, පොලිසියේ රැකවරණය.

පසුගිය මැයි මස 20 වන දින , උදේ 10ට පමණ මහව සිට කොටුව බලා ධාවනය වූ කාර්යාල සේවක දුම්රියේ මගීන්ට පොලු මුගුරුවලින් පහර දුන්නේ, මරදාන දුම්රිය ස්ථානයේ සී.සී.ටී.වී කැමරා පද්ධතිය ක්‍රියා විරහිත කරලාය.

මෙම සිද්ධියේදී බරපතල තුවාල සිදුවූ වන් දෙදෙනා දුම්රිය ආරක්ෂකයින් විසින් ඇදගෙන ගොස්, මරදාන පොලිසියේ පොලිස් කාරයින්ට බාර දුන්නේය.

බරපතල තුවාල ලැබූ දෙදෙනා සවස 3 පමණ වන තෙක්, කිසිදු ප්‍රතිකාරයක් ලබානොදී පොලිස් කූඩුවේ තබාගෙන සිටියා.

ඉන් අනතුරුව, මාලිගාකන්ද මහේස්ත්‍රාත් අධිකරණයට ඉදිරිපත් කර, දුම්රිය රියදුරන්ගේ සංගමය ඉල්ලා සිටින නිසා, ඔවුන් දෙන්නාට ඇප නොදෙන්නැයි මහේස්ත්‍රාත්තුමියගෙන් ඉල්ලා සිටියේය.

කෙසේ වෙතත් බරපතල ඇප කොන්දේසි පනවා ඔවුන් දෙන්නාව, මුදාහැරීමට නියම කලද, ඔවුන් අධිකරණ වෛද්‍යවරයෙකු වෙත ඉදිරිපත් කිරීමට නියම කළේ නැත.

මරදාන දුම්රිය ස්ථානයේ, 5-6 වේදිකාවේ පිටවීමේ තරප්පු පෙළ හරස් කර, මගින්ට පහර දුන්නේ, ආණ්ඩුවේ ඉහළයින්ගේ නියෝගය මත බව ඉතා පැහැදිළිය.

මෙම පහරදීම සැලසුම් සහගතව කරන ලද අතර, එයට ආණ්ඩුවේ මැරයින් යොදවා තිබින.

දුම්රිය ආරක්ෂක නිලධාරීන් රැකවරණය දුන්නේ මගීන්ට නොව, මැරයින්ටය.

අල්ලපු වත්තේ තිබෙන පොලිසිය  මැදිහත්වීමෙන් වැලකුනි.

දුම්රිය ස්ථානයේ සී.සී.ටී.වී.කැමරා පද්ධතිය ක්‍රියා විරහිත කර තිබින.

පහර කෑමෙන්, රේල් පාරට වැටුනු මේ දෙදෙනාට, මැරයින් අතින් පයින් පොලුවලින් ගල්වලින් පහර දුන්නේය.

මේ දෙන්නා පොලිස් කූඩුවේ තබාගෙන සිටින අතර, අලව්ව දුම්රිය ස්ථානයේදී මගීන්ගේ විරෝධයට ගොදුරුවූ දුම්රිය රියදුරාව, මරදාන පොලිසිය ගෙන්වා ප්‍රකාශ රැගෙන ඇත‍.

මේ දක්වාම, උසාවිය නියෝග කර තිබුනද, මෙම පහරදීමට හවුල් වූ මැරයින් කිසිවෙක් අත්අඩංගුවට ගැනීමට පියවර ගෙන නැත.

අපරාධ විසදිමට ඉතා දක්ෂ බව කියන පොලිසිය, මෙම මැරයින්ව අත්අඩංගුවට නොගන්නේ - ආණ්ඩුවේ නියෝග මතද, නැතිනම් මෙම අපරාධයට පොලිසියද සෘජුව සම්බන්ධ නිසාද ?

පහර කෑමට ලක්වූ නාලක දිසානායක මානව හිමිකම් කොමිෂන් සභාව වෙත කර තිබෙන ලිඛිත පැමිණිල්ලේ‍   මෙසේ සඳහන් වේ.

“පරිගණක ලිපිකරු, වශයෙන් සේවය කරමි.  2014.05.20 වන දින, සුපුරුදු පරිදි කුරුණෑගල දුම්රිය ස්ථානයෙන්, පෙ.ව. 5.38ට මා මහව සිට කොළඹ කොටුව බලා ධාවනය වන දුම්රිය අපේක්ෂාවෙන් සිටියා. මෙදින මෙම දුම්රිය, කුරුණෑගල දුම්රිය ස්ථානයට පැමිණියේ නියමිත වේලාවට වඩා විනාඩි 20ක් පමණ ප‍්‍රමාද වී පෙරවරු 6.00ට ය.

3. එතැන් පටන්, මෙම දුම්රිය ඉතාමත් අඩු වේගයකින් ගමන් කරමින් පොල්ගහවෙල දුම්රිය ස්ථානයට ළඟා වුණේ නියමිත වේලාවට වඩා විනාඩි 45ක් පමණ ප‍්‍රමාදව ය.  මා ගමන් කළේ, දුම්රිය එන්ජිමේ සිට තුන්වන මැදිරියේ පළමු ෙදාරටුව අසල ය.

පොල්ගහවෙල දුම්රිය ස්ථානයේ බසින මගීන් සඳහා ඉඩදීමට, මා දුම්රියෙන් බැස වේදිකාවේ පසෙකට විය. එ් අතර, මා දුටුවා දුම්රිය එන්ජිම අසල පිරිසක් රොක්ව සිටිනවා.  හිටි හැටියේම, දුම්රිය නාද නොකරම වේගයෙන් ඉදිරියට අද්දවන ලදි. වේදිකාවේ සිටි සමහරක් දෙනා දුම්රියට ගොඩ වූ අතර මට නැගගැනීමට නොහැකි විය.

 මා, කළේ, ඊළඟට තිබූ පොල්ගහවෙලින් මොරටුව බලා පිටත් වන දුම්රියට ගොඩවීම ය. මා රැගත් දුම්රිය, අලව්ව දුම්රිය ස්ථානයට ඉදිරියෙන් වූ සංඥ කු`ඵණ අසල නැවැත්වී ය. එවිට මා දුටුවා, මහව-කොටුව දුම්රිය ඉදිරියේ නවත්වා තිබෙනවා.

මා මෙන්ම කොළඹ කොටුව බලා ගමන් කරන තවත් පිරිස් ද මොරටුව බලා ගමන් කරන දුම්රියෙන් බැස, මහව-කොටුව දුම්රියට ගොඩවීම සඳහා ගියා. එසේ යන විට, මා ඇතුලූ පිරිසට දැන ගන්නට ලැබුණා, මහව-කොටුව දුම්රිය අලව්ව දුම්රිය ස්ථානයෙන් නැවැත් වූ විට, අලව්ව දුම්රිය ස්ථානයේ සිටි මගීන් හා, මහව-කොටුව දුම්රියේ ගමන් ගත් මගීන්, දුම්රිය රියදුරා සමග බහින්බස්වීමක් සිදු වී, එම නිසා දුම්රිය ගමන ඇන හිටලා කියා. මොරටුව දුම්රියේ ගමන් ගත් පිරිස ද අලව්ව දුම්රිය ස්ථානයට පැමිණියා. එ් වන විට, දුම්රිය මාර්ගය හරස් කර, දුම්රිය ප‍්‍රමාදයට විරෝධය පල කරමින්, පිරිසක්, උද්ඝෝෂණයක නිරතව සිටියා.

පෙ.ව. 10.00 ට පමණ, දුම්රිය දෙපාර්තමේන්තුවේ නිලධාරියෙකු පැමිණ, මින් ඉදිරියට දුම්රිය ප‍්‍රමාදයක් සිදු නොවන බවට පොරොන්දු ලබා දී, උද්ඝෝෂණය නතර කළා. පෙ.ව. 10.30 ට පමණ, මහව-කොටුව දුම්රිය අලව්වෙන් පිටත් වුණා. මා ද එම දුම්රියට ගොඩ වී පැමිණියා. එම දුම්රිය, පෙ.ව. 11.35 පමණ, වන විට, මරදාන දුම්රිය ස්ථානයට පැමිණියා.

මරදාන දුම්රිය ස්ථානයේ 5වෙනි වේදිකාවේ දුම්රිය නතර කළ අතර, එයින් බැස පිටවීම සඳහා තරප්පු පේලිය අසලට යන විට, තරප්පු පේලිය හරස් කර සිටි විස්සක පමණ කණ්ඩායමක්, පොලූවලින්, අතින් පයින්, දුම්රියෙන් බැස එන මගීන්ට පහර දෙන්නට පටන් ගත්තා.

පහර දුන් පිරිස අතර, දුම්රිය රියදුරන් ගේ නිල ඇඳුම් ඇඳගත් අය සහ සිවිල් ඇඳුමින් සැරසුන පිරිසක් සිටියා.  පහරදීමෙන් බේරීමට මගීන්, සී සී කඩ දිවූ අතර, එම පිරිසට මැදි වූ මා, 6 වෙනි වේදිකාවෙන් රේල් පාරට වැටුණා. මා සමග තවත් අයෙක් වැටුණා.

වැටුණු මට හා අනෙක් අයට පොලූවලින්, අතින් පයින්, ගල්වලින් තදබල ලෙස පහර දුන්නා. බරපතල ලෙස තුවාල ලැබූ මා හා අනෙක් පුද්ගලයාව, දුම්රිය ආරක්ෂක නිලධාරීන් දෙදෙනෙකු ඉදිරියට පැන අල්ලා ගත්තා.  ඔවුන් දෙන්නා, මා හා අනෙක් පුද්ගලයාව, දුම්රිය ආරක්ෂක මැදිරියට ගෙන ගියා.

ආරක්ෂක මැදිරියේ දී, මා හා අනෙක් පුද්ගලයාව මරදාන පොලීසිය මගින් අත්අඩංගුවට ගත්තා. මරදාන පොලීසියට ගෙන ගිය අප දෙන්නාව කූඩුවට දැමුවා. එ් වන විට, පහර දීමෙන් තුවාල ලැබූ අප බරපතල ලෙස රෝගාතුරව සිටි අතර තුවාල වලින් ලේ ගලමින් තිබුණා. එ් පිළිබඳව කිසිදු සැලකිල්ලක් නොදැක් වූ මරදාන පොලීසිය දවල් 12.00 පමණ සිට, රඳවාගෙන සිටියා.

රියදුරු හා සහයක මරදාන පොලීයට පැමිණ, ප‍්‍රකාශයක් ලබා දුන්නා.  එයින් අනතුරුව, ප.ව. 4.00ට පමණ, මාගෙන් හා අනෙක් පුද්ගලයාගෙන් ප‍්‍රකාශයක් ගෙන, මාලිගාකන්ද මහේස්ත‍්‍රාත් අධිකරණය වෙත ගෙන ගියා.

මාලිගාකන්ද අධිකරණයේ මහේස්ත‍්‍රාත්වරිය වෙත අප දෙන්නාව ඉදිරිපත් කර, දුම්රිය රියදුරාට, අලව්ව දුම්රිය ස්ථානයේ දී පහර දී ඇති බවට චෝදනා නගා තිබුණා.  එමෙන්ම, දුම්රිය රියදුරන්්ගේ, වැඩ වර්ජනය කිරීමට තර්ජනය කර තිබෙන නිසා, ඇප නොදෙන ලෙසට, මරදාන පොලීසිය ගරු මහේස්ත‍්‍රාත්තුමිය ගෙන් ඉල්ලා සිටියා. නමුත්, අප වෙනුවෙන් ඉදිරිපත් වූ නීතිඥවරු කරුණු දැක්වීමෙන් පසුව, අපව ඇප මත මුදා      හැරියා. ”

සිය පැමිණිල්ලේ  නාලක දිසානායක වැඩි දුරටත් කියා සිටින්නේ  මෙම පහරදීම, දුම්රිය දෙපාර්තමේන්තුවේ බලධාරීන් හා එක්ව සැලසුම් කරන ලද්දක් බවයි. මෙම අවස්ථාවේ මරදාන දුම්රිය ස්ථානයේ සියලූම CCTV කැමරා ක‍්‍රියා විරහිත කර තිබීම තුළින් එය පැහැදිලිව ඔප්පු වන බවයි.

තවද මරදාන පොලීසිය, නාලක දිසානායක බරපතල තුවාල සිදුව තිබිය දී ප‍්‍රතිකාර ලබාදීම සැලසුම් සහගතව මග හැර ඇත. මේ දක්වාම මරදාන පොලීසිය මාලිගාවත්ත මහේස්ත‍්‍රාත් අධිකරණයේ නියෝගය ද නොසලකා  පහර දුන් පුද්ගලයින් අත්අඩංගුවට ගැනීමෙන් මේ දක්වා වැලකී සිටී. විධිමත් පරීක්ෂණ කිරීම මග හරි.