2013 අප්‍රේල් මස 08 වනදා, දවල් 2.00 ට පමණ නිවසේදී අත්අඩංගුවට ගත් 24 හැවිරිදි දුලාජ් තිලිණට, බණ්ඩාරගම පොලීසියේ, පොලිස් කාරයින් හතර දෙනෙක් අමානුෂික අන්දමට පහර දීලා අසාධ්‍ය තත්වයෙන්, පොලිස් කූඩුවේ පසුවන බව - ඔහුගේ පියා වන ප්‍රේමරත්න හෙට් (10දා) බණ්ඩාරගම පොලිස් කූඩුවේ, නැගිට ගන්නටවත් බැරිව වැතිර සිටින දුලාජ් තිලිණ ගේ වම් ඇස ඉදිමී ඇති බවත්, පිටේ, කකුල්වල, පහරවල් පැහැදිලිව දකින්නට ලැබෙන බවත් - ඔහු වැඩි දුරටත් කියා සිටී.
අද (10) උදේ 9.00 ට පානදුර ජේ්‍යෂ්ඨ පොලිස් අධිකාරී කාර්යාලයට පැමිණ, එහි සහකාර පොලිස් අධිකාරී 01 වෙත - මේ පිළිබඳව ප්‍රකාශයක් ලබා දී ඇත.
මානව හිමිකම් කොමිෂමට, පොලිස්පතිට හා ජේ්‍යෂ්ඨ පොලිස් අධිකාරී - පානදුර වෙත ලිඛිතව දැනුම් දී ඇත.දුලාජ් තිලිණව රෝහල් ගත කරන ලෙසද, අධිකරණය හමුවට ඉදිරිපත් කරන ලෙසද - ඔහු වගකිව යුත්තන්ගෙන් ඉල්ලා සිටී.
ජනාධිපති රාජපක්ෂ, එක්සත් ජාතික පක්ෂයේද සහය ඇතිව, අත්අඩංගුවේ තබා ගත හැකි කාලය පැය 24 සිට පැය 48 දක්වා දීර්ඝ කළේ - සාමාන්‍ය ජනතාව - පොලීසිය ලවා තලා පෙලා දැමීමට බව, වැඩි දෙනෙක් තේරුම් ගන්නේ තමන්ගේ අයෙකුට පොලීසිය පහර දුන් විටය.
No comments:
Post a Comment