තාරකා විද්‍යාඥයකු, ගණිතඥයකු, දාර්ශනිකවාදි‍යෙකු වූ බෲ‍නෝ පුලුස්සා මරා දැම්‍මේ මීට වසර 413 කට පෙරය.
බයිබල‍යේ ඉගැන්වීම් වලට පටහැනිව - අන්ධ විශ්වාසයන් බිද හෙලමින් - විද්‍යාත්මකව තමා සොයා ගත් දේ ලොවට ප්‍රකාශ කිරීම බෲ‍නෝ කළ වරදයි.
එදා රෝම‍යේ රාජ්‍ය පාලනය සියතට ගෙන සිටි ක‍තෝලික සභාව - ඔවුන්‍ගේ ‘විශ්වාසයන්ට‘ ‘ඉගැන්වීම් වලින් ‘ බැහැර වූවන්ට වධ දුන්‍නේය. සිරගත ක‍ළේය. ශරීර අංග කපා දැම්‍මේය. පණ පිටින් පුලුස්සා දැම්‍මේය.
ක‍තෝලික සභාව දෙවියන්‍ගේ නාම‍යෙන් ලොවට ඉගැන්වූ අවිද්‍යාත්මක කරුණු, භක්ති‍යෙන් විශ්වාස කළ යුතු විය. එ‍සේ නොකරන්නාට ඉහත ආකාරයට වධ බන්ධන වලට, මරණයට මුහුණ දීමට සිදු විය.
බෲ‍නෝ තමා උගත් දේ - ක‍තෝලික සභා‍වේ විශ්වාසයන්ට පාවා දෙන්නට සූදානම් වූ‍යේ නැත.
1548 දී, ඉතාලි‍යේ උපත ලැබූ බෲ‍නෝ මූලික අධ්‍යාපනය ලැබූ‍යේ සෙම‍නේරියකය. සමකාලීන‍යෙකු වූ විද්‍යාඥ‍යෙකු, තාරකා විද්‍යඥ‍යෙකු වූ ගැලීලි‍යෝ මෙන්ම, මරණයට බිය වී, වධ බන්ධනයට ගොදුරු වී - තමා සොයා ගත් විද්‍යාත්මක කරුණු - වැරදි බව ප්‍රකාශ ක‍ළේ නැත.
නගර මධ්‍යයේ ‘ මරු ග‍සේ‘ බැද - ගිනි සිලු සමග පැමිණි ක‍තෝලික පූජකවරුන් කුරුසිය ඔහු වෙත දිගු කොට - තමා කළ ප්‍රකාශ වැරදි බව පිළිගන්‍නේ නම් ගිනි නොතබන බව ප්‍රකාශ කළ විට ඔහු ක‍ළේ කුරුසියට කෙළ ගැසීමය.
වර්තමාන‍යේදී දේව විශ්වාසයන්ට පටහැනිව ස්වාධීනව තම මත ප්‍රකාශ කරන්නන් ‘දේවාපහාස‘ ලෙසට නම් කොට මරා දැමීමට, වධහිංසාවන්ට පත් කිරීමට, සිරගත කිරීමට එ‍සේ නැත්නම් නෙරපා හැරීම් වලට ලක් කරනු ලබයි.
ලොව වෙනස් ක‍ළේ, භිය නිසා හෝ වරප්‍රසාද රැක ගැනීම සදහා හෝ විශ්වාසයන්හි එල්බ ගෙන නොසිට - සත්‍ය, යථාර්ථය, තම මතය වෙනු‍වෙන් පෙනී සිට් බෲ‍නෝ වැන්නන්ය.
ඔහුව ගිනි තබා මරා දැමීමේ දඩුවම නියම ක‍ළේ 1600 ජනවාරි 20 වන දින - අටවැනි ක්‍ලේමන්ට් පාප් වරයාය. බෲ‍නෝට විරුද්ධව නඩු ඇසු‍වේ කාදිනල්වරුය. එක් අ‍යෙක් පසුව පස් වැනි පාවුල් ලෙසට පාප් පදවියට පත් විය.
1600 පෙබරවාරි 16 වන දින රෝම‍යේ මධ්‍යම වෙළද චතුරශ්‍රයේදී පණ පිටින් පුලුස්සා මරා දැම්‍මේය. ඔහු‍ගේ භෂ්මාව‍ශේෂ ටිබර් ගගට දැම්‍මේය.
No comments:
Post a Comment